♊تزوجن كارهتي ♊
♊بقلمي:مونيا لوباروس♊
🔼🔼🔼🔼 🔼🔼🔼🔼
ناض من حداها كيحيد تيشرت باش يدخل للدوش...
عايدة(ناضت لعندو مخلوعة كتشوف فالفاصمة لي فضهرو):مالك.... شنو وقع ليك...
زياد(جرها من خصرها... ملصق صدرو مع صدرها):غير جرحة بسيطة...
عايدة(عقدات حجبانها):متكدبش عليا....
زياد(باسها على راسها):بلا متبرزطي راسك.....(قرب ليها مقابل مع وجهها) ممم شنو ياكما باغا دخلي معايا للدوش...
عايدة(وحلات ليها بقوة مقطعات النفس):ها... لالا.. انا نمشي نوجد لفطور...
زياد(ضحك من قلبو عليها):واخا سيري....
هربات من حداه مخلياه واقف كيضحك عليها وعاجبو يحطها فبحال هاد المواقف...تعمدا باش يشوف حناكها لي كيتوردو....
شكون كان كيگول غادي يجي للمغرب ويرجع معاها بهاد السرعة.... فاش خرجات من حداه بديك بحالة ف ريسطو مقدرش يتحمل دموعها لي سايلين على خدها.... وحتى غيرتو فاش حط أنس يديه على يديها....
عارف ما بيناتهم والو...ولو كانت شي حاجة مكانش يقد يصبر...حيت بكل بساطة تابعها فكل خطوة من نهار بعد عليها....جاتو ساهلة يعرفها فين مشات...وزاد غضبو فاش عرف ديك لبلاصة شمن نوع ديال الناس لي كيكون فيها... هزوه رجليه لعندها بلاما يفكر....وتما مقدرش يتحمل شوفتها وهي كتبكي قدامو....
هبط بعدما سالا الدوش لقاها كتقاد لفطور وطالقة موسيقى كتمايل معاها ولابسة غير تيشرت ديالو لي جاها على شكل كسوة ورجيلاتها معريين....
حاوط خصرها من لور بيديه ،خاشي راسو فعنقها و كيتمايل معاها على لأغنية... جبد تيلي بلخف وخدا ليهم صورة... تقدر تعرف من خلالها شحال د لفرحة فعينيهم....قدامها نشرها فلحسابات ديالو على مواقع التواصل لإجتماعي...بتاسمات ليه حيت عارفة علاش دار هاد الحركة....
عاونها حطات لفطور فطبلة قدام لبحر وگلسو كيفطرو وهي فوق رجليه وهي كتبان كيف شي مشيشة مخشية فيه فصدرو لعريض....ممتيقاش هاد اللحظة لي را هي تعيشها دابا... ولو كانت حلم.. كتمنى عمرها تفيق منو....
⚫⚫⚫⚫⚫⚫⚫⚫
گالسة فبيتها كتلعب ب تيلي بعدما هضرات مع أنور لي باقي ف نيويورك.... كتسمع لموسيقى... حلات عينيها بصدمة فتيلي.....
هدى(هبطات كتجري وكتغوت):و مامااااااااا.......مامااااااااا
خديجة(خرجات كتجري من بيتها مخلوعة):ا ويلي مال هاد البنات.... (شافتها جايا كتغوت طلعات معاهت لخلعة حتى جاتها الدوخة)
هدى(شافتها هكاك دغيا شداتها):ماما... مالكي...واش مريضة..
خديجة(شافتها كتهضر عادي و هي قلبها غادي يسكت):الله يمسخك.... هبطتي مني النص ونتي كتغوتي يصحابلي غير شي شفار دخل عليك....
هدى(ضحكات):ا والو حتا نتي.... ولكن راه مزال غادي تشدك السخفة ديال بصح فاش تشوفي هادشي لي غادي نوريك....
خديجة(هزات صندالتها ناوية ضربها بيها) :ادوي يا هاد عود الند... قريب تسكتي ليا قلبي...
هدى(ضورات ليها تيلي):تراااااااااااا .......خضري ليا عويناتك....
خديجة(خدات تيلي كتضحك):هادشي جديد...
هدى:ياااس ...يالله حطها زياد...
خديجة:وهانتي ليك على بنت لهم... گاتلك باتت فدارها و غادي تسافر على حساب لخدمة..... گولي هي ذوبات الثلج...
هدى(جمعات شفايفها على شكل بوسة):الله يجيب ليا حتى انا شي ولد الناس.... ههههه
خديجة:گوليها لهاداك لي كيضل مصدعك فتيلي....
هدى(جمعات الضحكة):ومتندميناش ا خديجة...
خديجة(هزات حاجبها.. و رجعات هزاات صندالتها و شادا بلاصة الطالون باش تفلقها): وليت خديجة دابا.... (طلعات كتجري هربانة... لكن خديجة دغيا زربات عليها و شيرات)
هدى(شادة فط***):ااااح.... حشومة علييك.... شي يترومانسا وشي ياخد الدق من عند خديجة....
خديجة(رجعات حيدات صندالتها لأخرى)
هدى(جمعات فمها على شكل بوسة):أحسن ماااامي فلعالم....
خديجة(ضحكات على هبالها):حمقة... معرفت لمن خرجتي....
⭐⭐⭐⭐
وا گولو ليا كيف جاتكم.... لحب و ما أدراك ما الحب... 😂😂😂
أنت تقرأ
تزوجت كارهتي (رواية مغربية)
Romance♥#بقلمي .... لوباروس ♥ لي بغات تهز شي قصة تكتب سميتي ...... قصتنا ليوم ...قصة بنت عاشت حياتها كاملة وهي كتشوف خيانات باها المتكررة لمها ...بنت لي من نهار خلاقت وهي كتشوف مها ساكتة ...شي لي خلاها تكون شخصية عدوانية،عنيدة وكارهة للجنس الذكري...
