♥#بقلمي .... لوباروس ♥
لي بغات تهز شي قصة تكتب سميتي ......
قصتنا ليوم ...قصة بنت عاشت حياتها كاملة وهي كتشوف خيانات باها المتكررة لمها ...بنت لي من نهار خلاقت وهي كتشوف مها ساكتة ...شي لي خلاها تكون شخصية عدوانية،عنيدة وكارهة للجنس الذكري...
كتقلب ففراشها وهي مزال مغمضة عينيها كتحسس نعومة لفراش...كتحس براسها كأنها كتحلم ...سمعات صوت طلق ناري...ناضت مخلوعة ..هبطات كتجري لتحت مفهمات والو ...كدخل من بلاصة لبلاصة حتا خرجات ف جردة مختالفة على لي شافت لبارح ....بانو ليها لي گارد مفرقين و معاهم زياد ...
عايدة(مشات كتجري جيهتو وسخفانة) زياد(تخلع):مالكي....وقعت لك شي حاجة .... عايدة:سمعت ....سمعت صوت الرصاص (شافت داك السلاح لي فيديه قدو قداش....رجعات خوفانة حتا طاحت على مؤخرتها) اييي..... زياد( شير لي گارد باش يحيدو من تما ...هبط عندها):مالكي تخلعتي عايدة(شيرات ليه فيدو ):شنو هذا زياد(جابت ليه الضحكة):هذا ....سلاح سميتو HK 416 تبغي تجربيه عايدة(بعدات عليه):لالا....مبغيتوش زياد(عرفها خافت ):واخا.....(مد ليها يديه باش تنوض) عايدة(بغات تنوض حتا ضرتها لورانية ديالها ورجعات طاحت):اححح كضرني زياد(نوضها على رجلها):قادا تمشي.. عايدة(بعناد):اه قادا زياد(خوا ليها الطريق باش تحرك...وهي مزال مقصحة) عايدة(شادا موراها و مخسرة سيفتها وتمات غادا بشوية):اش داني گاع نجي هاني جبتها فعضامي....اوف..اي كتحرقني...ناري تهرس ليا لعضم وقيلة.... زياد(كيسمع وكيضحك عليها....غفلها و هزها):بلا عناد راني عارفك مقصحة.... عايدة:هبطني....علاش هازنيي(بقا غادي بيها حتا دخلها للداخل فين حاطين لفطور ...وهي كتغوت) زياد:فطري... عايدة(بنبرة عالية):مبغيتش زياد(بصرامة ):فطريييي.....نهبط نلقاك كملتي هادشي عايدة(ضربت فلأرض برجليها بالجهد حتا تقصحات ):اييي.....اوفف كضرني
هبطات عينييها على الطبلة ....حاسا بالشهية مقفولة ليها معندها منين يدوز ليها.....مبقات حاملة حتا حاجة فهاد الساعة ....كلشي تهدم ليها فوق راسها....معارفة شنو غادي دير لا فخدمتها لا فحياتها...حاسة كأن حياتها حبسات...وفقدات التحكم فيها....فعلا...فقدات التحكم فيها...اصلا شنو كدير هي فبلاد بعيدة عليها مكتعرف عليها والو....لا حباب لا صحاب معاها....معارفة والو ...حنات راسها بإنكسار و هبطات دمعة من عينيها ..... هزات راسها بان ليها باب محلول كيبان وسطو پيانو 🎹 جا وسط ارضية رخامية ... مخصصة ليه مساحة كبيرة....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وصلات ليه وهي كدوز عليه يديها....گلسات فلكرسي وهي كتفكر....
####فلاش باك####
بعد مدة كانو وصلو لريسطو جا فوسط لمدينة...هبط حل ليها لباب وگلسو بعدما جر ليها لكرسي .. انور:شنو تبغي تاكلي عايدة(كتشوف و تالفة غير مع راسها) انور:اوكي هاد ليلة غادي نختار ليك على ذوقي (عيط لسيرڤور خدا الطلب ديالهم ) عايدة(ستأدنات منو باش تمشي للحمام)
مشات قادات مكياجها وحتا وجهها خلاتو يبرد شوية بقوة السخونية .....رجعات بان ليها انور مكاينش فين خلاتو...بقات كدور فعينيها حتا سمعات موسيقى كأنها سحرتها ...من صغرها كتعرف تعزف على لپيانو ....دارت جيهة لپيانو باش تشوف شكون كيعزف هاد المعزوفة لي معمرها مسمعتها....نسات انور ولي يجي منو ....قربات ليه حتا كتشوف انور ....كيفاش منغامس وهو كيلعب بلپيانو...والناس كلها كتشوف بإعجاب عايدة(بتاسمات ليه):انور... انور(بتاسم ليها):قربي.... عايدة(گلسات حداه و بدات كتشوف وكتحفض حتا سالا وناض كلشي كيصفق ):لا ميمكنش ...زوينة بزاف أنور(قري ليها وجرها من حناكها):متكونش قدك
####نهاية لفلاش باك ###
قربات عايدة للپيانو و گلسات فلكرسي كتفكر أنور...وكتفكرر داك النهار لي عزف قدامها لپيانو....تفكرات ديك لمعزوفة لي عزفها انور داك النهار....قدر يلمس احاسيسها....حطات يديها على لپيانو وبدات بدون تفكير كتعزف نفس لمعزوفة لي متمحاتش من بالها ....كتعزف و دموعها كيطيحو .....سمعات صوت قوي من موراها...
زياد(غوت بالجهد):عاييييييدة عايدة(دارت مخلوعة ) زياد(جاي جيهتها صاعر ...هو عارف مزيان هاد لمعزوفة حيت انور عزفها قدامو فحفل ...غير قرب ليها حسات بصقلة على وجهها ...حتا طاحت ):كتفكرييييه....مزال مابغيتي تنساااي عايدة(تمات راجعة بلور وهي كتزحف فلأرض وعارفة هاد لمرة غادي تجيبها فراسها....مكانتش عارفة انه يقدر يكون عارف):زياد....عافاك زياد(جرها من شعرها وغادي طالع بيها) عايدة(كتبكي..ومقصحة):لا عافاك....زياد..... زياد(رماها على ناموسية و رجع قرصها بجهد بين فخاضها حتا غوتات ):انا..ز*** لي تگلسي تفكريه ليا هنا.......دوييي....مزال ما بغيتي تنسايه ...واش باغاني نقتلو قدامك... عايدة(مقصحة وكتبكي):عافاك..ا زياد..منويت والو. زياد(جرها من شعرها):انا لي غادي نوريك شنو هي تفكري فيه و انا كاين....(جبد سمطة كيضرب بكل جهدو وعينيه حمرين بقوة ممعصب ...مقادراش تسرط ليه انها مزال كتفكر فيه....وهي صوت صرخاتها مسموع فلقصر كامل...حتا بدا كيمشي ليها الصوت بشوية بشوية بقوة ما غوتات زياد(رما السمطة و رجع ليها جرها من شعرها):هادشي والو قدام لي غادي نديرو ليك...ايلا عاودت شفت تصرف فحال هادا هبط و النار مزال كتحرقو فقلبو گاع هادشي لي دار و مبردش ديك النار لي شاعلا فيه ...خلاها كتبكي فصمت من موراه....لا قلبها لا جسمها...كيألموها....محساتش براسها حتا غيبات بقوة لعيا و لألم لي فيها ...
