🔥تزوجت كارهتي🔥
🔥بقلمي:مونيا لوباروس🔥
###بعد اسبوع###
فاقت على كتفو لعاري وريح ديال لبحر كضرب فوجهها...و إبتسامة على وجهها مزينة وجهها....
سهيل:صباح لخير
جهاد(بتاسمات):صباح النور... (هزات تيلي لي كيصوني) ماما..كنت سادا تيلي هاد الأيام....كيفاش شكون مات...ااه.. الله يرحمو... فين غادي نجي ا ماما...پفف واخا واخا...
سهيل:شنو واقع...
جهاد: صلاح ولد عمي مات...
سهيل(ضحك جنب):عاد ساقو خبارو...جهاد(شافت فيه ب صدمة):كيفاش... كنتي عارف؟
سهيل(ناض للدوش):اه..
جهاد(جراتو):عندك علاقة بهادشي.... وياااك ا سهيل وتمشي مع زياد فالطريق... كنقسم ليك...
سهيل(جرها قبل متكمل هدرتها):شششش.... نتي عارفاني معندي حتا دخل....ومعمري مدخلت مع زياد فهادشي... انا شريك زياد فقط... لأعمال لأخرى معندي بيها حتى علاقة...
جهاد(تنهدات):سمحليا.. انا غير خايفة لا يأثر علينا هدشي من هنا لقدام....ولكن... شنو دخل صلاح فهادشي
سهيل(رجع خصلة من مور وذنيها):متخافيش كلشي غادي يكون مزيان....صلاح خدا عقابو حيت تعدا حدودو...
جهاد:ها علاش شنو دار...
سهيل(جمع غوباشتو):حيت تعدا لحدود و أذى عايدة...
جهاد(حلات عينيها بصدمة):كيفاش... واش هو لي دار هادشي لعايدة...ولكن... مفهمتش علاش زياد مدارش ليها لوشم ديال لمنظمة
سهيل:حيت بغا يبعد على هاد العالم كامل... مكانش باغي يدخلها فهادشي🌹 🌹 🌹
###فلاش باك###
دخل عليهم سي زياد كيدور فعينيه كيقلب عليها ....
سهيل(كيقاد الطباسل وهدر بلاما يشوف فيه):رجعات لمغرب
زياد(شاف فيه بإستفهام)
سهيل:هاديك لي كتقلب عليها بعينيك
زياد(زير على يدو حتا نيفو ولا كيخرج منو السخونية ):تحرك قدامي نهضروتمشاو جيهة الجردة ....سهيل واقف مور زياد
زياد(واقف بطريقة رجولية وداير يديه فجيابو ):غادي نلغي خطوبتي مع نيڤين
سهيل(هز عينيه فيه ):كيفاش....
زياد:نتا عارف درت لخاطر للواليدة....
سهيل(تمشا حتا وقف قدامو):وشنو لي خلاك تغير رأيك دابا
زياد(دار فيه شوفة ديال لقتيلة):دابا حل ودنك و سمعني مزيان شنو غادي نگول ....
سهيل(ربع يديه):واخا هاني كنسمع
زياد:غادي نتزوج بعايدة...
سهيل(خشا يديه فجيبو و ضحك):مغاديش تبغي.. ختي و كنعرفها...
زياد:مكيهمنيش....لمهم هو غادي نتزوجها و فأقرب وقت...
سهيل:اها...و الأعداء..
زياد:غادي نصفي حساباتي كاملين... ونخرج من هاد المرض كامل...
سهيل:واخا....ولكن نتا عارف مزيان شنو غادي يجي من مور هادشي... يعني غادي دير ليها وشم لمنظمة حتى هي.
زياد(زير على فكو):لا... مغادي نخلي حتى أثر ديال الماضي... عايدة هي كتابي الجديد لي معندو حتى علاقة بالمافيا...###نهاية لفلاش باك###
🌹 🌹 🌹
خديجة(مشات عند هدى لي گالسة فالجردة):ختك فاقت...
هدى(كتقرى كتابها):دزت طليت عليها... كنظن نعسات حتى للصباح..
خديجة(گلسات حداها):هدى بنتي... سيري جريها و خرجو شوية... من نهار جات مخرجات...
هدى(سدات كتابها و حطاتو فوق طبيلة صغيرة):راني حاولت ا ماما معاها...مكتبغي تهدر مع حتا حد... حتا زياد مكتجاوبش عليه...
خديجة(حطات يديها على خدها):حرت... حرت معرفت شنو ندير معاها...
هدى:دابا تولي بيخير ا ماما... صعيب ترجع مزيان ولكن غادي تولي بيخير...
خديجة(گلسات حداها ساهية)
هدى:راه صونا سهيل... غادي يرجع من إسپانيا غدا...على قبل عايدة...
خديجة:اه...الله يجيبهم على خير....
هدى(بتردد):حتى زياد غادي يجي غدا ...سهيل بغا يجي باش يكون معاها....
خديجة(شافت فيها بحسرة):الله يكون معاهم...جرات رجليها لناحية بيتها...حلاتو لقاتها متكية فبلاصتها شادا تيلي كيصوني فيديها...
خديجة(حطات يديها على راسها):جاوبيه ابنتي الله يرضي عليك...
عايدة(علات فيها عينيها):منقدرش ا ماما.....
خديجة(تكات و حطات ليها راسها على رجليها كتلعب بخصلات شعرها): ايلا كان ابنتي كيبغيك ديال بصح... مغاديش يفرط فيك على قبل لولاد...عايدة(ضمات رجليها على وضعية جنين و صوتها لباكي مسموع بطريقة تبكي لحجر):ماما... اناا ناااقصة...كنحس براسي ناقصة.. مبقييتش ناافعة... شحااال ما كان كيبغيني غادي يجي نهار و يمل...منقدرش نتحمل نشوفو بعيد عليا... غير ايلا منعسش حدايا ليلة وحدة كنتخنق... منقدرش... منقدرش ا ماما... غادي نموت ألف مرة إيلا كان فحضن وحدة غيري......
خديجة(بداو دموعها يسيلو):لا ا بنتي متگوليش هكاا... راك كتحرقيلي قلبي...
عايدة(عضات على شفايفها كاتمة شهقاتها بيهم):منقدرش ا ماما....
خديجة(مسحات وجهها من دموع):غدا غادي يجي... شنو غادي تگولي ليه...
عايدة(ناضت من فوق ركبتها...):غادي نطلق ا ماما.... منقدرش ندمر حياتو معايا... غادي نحس بالذنب....منقدرش
خديجة(عنقتها):واخا ابنتي.. ديري لي مرتاحة فيه... ايلا كان هادشي غادي يريحك...⭐⭐⭐⭐
لبنات سمحو ليا هاد الأيام كنت عيانة.... غادي نعوضكم ونتهلا فيكم ....
تسناوني العشية.... مع بزاف ديال لي پارت...
وشكرا على المتابعة....
أنت تقرأ
تزوجت كارهتي (رواية مغربية)
Romance♥#بقلمي .... لوباروس ♥ لي بغات تهز شي قصة تكتب سميتي ...... قصتنا ليوم ...قصة بنت عاشت حياتها كاملة وهي كتشوف خيانات باها المتكررة لمها ...بنت لي من نهار خلاقت وهي كتشوف مها ساكتة ...شي لي خلاها تكون شخصية عدوانية،عنيدة وكارهة للجنس الذكري...