🔥تزوجت كارهتي 🔥
🔥بقلمي:مونيا لوباروس🔥
عايدة(محاوطاه بيديداتها رغم لعيا) :زياد.... واش كتبكي... (دارت ضحكة وسط دموعها) يااااه حتا زياد بن صالح كيبكي...
زياد(زير عليها و باقي حاط راسو على عنقها)
عايدة(هزات ليه راسو):زياد.... شوف فيا...
زياد(هز راسو فيها و عينيه حمرين)
عايدة(مسحات دموعها): انا مزيان دابا....انا وولدنا... متخاف من والو (حطات يديها على كرشها)
زياد(هبطات دمعة حارة من عينو... و ضغط على فكو حتا حس بيه غادي يتهرس.... حرك ليها راسو بلا)
عايدة(حركات راسها بلا ودموعها سايلين على خدها): مغادي يطرا لولدنا والو.... هو قوي فحالك...
زياد(شد ليها يدها و باسهم):مديري فراسك والو رتاحي...
عايدة(زيرات على يدو وتبدلو نظراتها ) :شنو وقع....شنو وقع فاش كنت غايبة على لوعي....
زياد(جمع شتات نفسو....وحط حجرة على قلبو عارف ردة فعلها غادي تدمرو قبل متدمرها.... وألمو غادي يضاعف أضعاف... لكن ميمكنش يبقا مخبي عليها...):عايدة.... (هز يديها باسهم و ناوي يكمل هدرتو)
الدكتور(دخل عليهم):صباح لخير...
عايدة(حولات نظرها ليه و رجعات شافت ف زياد وقلبها مامهنيهاش) :شنو وقع....(حطات يديها على كرشها) واش.... واش ولدي بيخير ياك
زياد(غمض عينو و هبطات دمعة على خدو و حاس كأنه موش كيعتاصر قلبو)
الدكتور(قرب ليها... شاف فالسيروم... دگ فيه إبرة عبارة على مهدئ)
عايدة:شنو وقع.... شنو مخبيين عليا...
الدكتور(شاف ف زياد كأنه عطاه لأوكي... ورجع شاف فيها) :لحالة لي جيتي فيها للمستشفى...كنتي نزفتي بزااف...و... ولجنين كان ميت..
الصدمة،الألم والغرابة كلهم كانو كيترجمو نظراتها ...لي خلاوه يحس اول مرة فحياتو بالضعف ...إنهارت قواه فهاد اللحظة....الأوكسجين مبقاش كيقدر يطلعو....
حركات راسها بهيستيرية و كتنفي لهدرة لي گال ليها الطبيب....
عايدة(دموعها سايلين على خدها و كتحرك راسها بلا):لالالا.....ميمكنش.... ميمكنش يكون ولدي مشاا..... (شدات فزياد كتحركو بكل قوتها) گوليه راه معارف والو..... گوليه ولدنااا بيخييير...... انا كنت كنتسناااه ميمكنش يمشي و يخلينيييييي
زياد(جرها بقوة كبيرة لعندو معنقها بعنف وعينيه كلهم حمرين):وغلاوتك عندي حتا غادي نقتلو....وحياتك غادي نخليه يدوق لمرار على كل دمعة هبطتيها...
عايدة فقط صوت بكاها و صرخاتها لقويين لي كيتسمعو فلأرجاء ....صوت بكاها خنقو و قتلو قبل منها.... مألم على ولدو لي فقدو و عليها....وكون صاب ينسيها فأي حاجة وقعات... لكن معندوش القوة.....حرقو قلبو عليها... وكيزيد يتحرق كلما طال بكاها.....
اما برا فصوتها مسموع فالطابق كامل....كلشي گالس برا و كيسمعو بكاها وغواتها.....
خديجة غير متكية على خالد و كتبكي على بنتها لي معمرها ونهار لمسات لفرحة لحقيقية فعينيها... تبخر كلشي....
⭐⭐⭐⭐⭐
أنت تقرأ
تزوجت كارهتي (رواية مغربية)
Romance♥#بقلمي .... لوباروس ♥ لي بغات تهز شي قصة تكتب سميتي ...... قصتنا ليوم ...قصة بنت عاشت حياتها كاملة وهي كتشوف خيانات باها المتكررة لمها ...بنت لي من نهار خلاقت وهي كتشوف مها ساكتة ...شي لي خلاها تكون شخصية عدوانية،عنيدة وكارهة للجنس الذكري...
