🔥تزوجت كارهتي🔥
🔥بقلمي:مونيا لوباروس🔥
قولو لحبيبي مالو....
واش غير حالو..
قولولو طالت الغيبة...
ماني ماني هاني ...
بغيتو يرجعلي تاني..
باغي نشوفو لعيون ملهفة...
عييت انا ما نصبر....
صبري طال القلب تقهر...
نعيش بلا بك انا مانقدر....
و اليوم فيك انفكر.....
ماجاني جواب ما جاني خبر....
هو الروح و هو العمر.....
كان معايا كنت معاه.....
كان حدايا كنت حدااه....
كانت يدي تحضن يداه.....
اليوم مشى و خلاني.....
قولوليا واش نساني....
كانبغيه ودا القلب معاااه....
قولو احبيبي مالو....
واش غير حالو.....
قولولو طالت الغيبة....
ماني ماني هاني....
بغيتو يرجعلي تاني....
باغي نشوفو لعيون ملهفة...
(تحية للي قراوها بلحن 😘😘)
🌹 🌹 🌹 🌹 🌹
هزات تيلي جيهة وذنها ويديها كيرجفو.....هو بدورو لي كيسمع صوت أنفاسها غير منتظمة... حاس برجفتها غير من صوت حلقة وذنيها لي كتضرب مع تيلي....
زياد(نطق بصوت رجولي هادئ):عمري....
عايدة(تنفض قلبها بالجهد على إثر سماع صوتو)
زياد:مديريش هاكا...متبعدينيش هكا ا عايدة...
عايدة(كتمات صوت شهقاتها بيديها)
زياد(مسح على وجهو):تيقي بيا....مكتهمني حتا حاجة فالدنيا من غيرك...باراك عليا غير تكوني حدايا و فجنبي....
عايدة:ز..يااد...
زياد(غمض عينو بألم من صوتها لباكي):انا لتحت... هبطي..
عايدة(مشات لجهة الحائط الزجاجي عاد شافت لوطو):ولكن..
زياد(هضر بصرامة):هبطي..
حطات تيلي.. عارفة معندها كيف دير تعارضو... جرات رجليها لعاريين كتمشى ببطئ...
هبطات من الدروج تحت أنظارهم.. كانو گالسين فالصالون كيهضرو و سهيل واقف برا مع زياد.... غير شافها هبطات دخل للداخل باش يخليهم بحدهم ....
وقفات قدامو محاساش برجليها ...حانية راسها مقاداش تعلي راسها تشوف فعينيه... فقط ريحتو خلات ضلوعها يرتاعشو....
شبك يدو مع يديها وحاط راسو على راسها.. كيشوف فرجيلاتها لي هابطة بيهم معريين....خشاها وسط حضنو وبين ضلوعو....
هو بنفسو لي نوم مزارش عينيه وهي ماشي حداه....
عايدة:علاش جيتي..
زياد(تنهد تنهيدة طويلة) :علاش مكتجوابيش فاش كنصوني...
عايدة(عضات شفايفها)
زياد(حط يدو على خدودها):مقدرتش نسافر بلاما نشوفك...علاش كتعدبي راسك وكتعدبيني معاك اعايدة.. (هز تيلي ديالو كيهضر) واخا هاني جاي... (هبط طبع قبلة على شفايفها) متاخديش شي قرار يضرنا بزوج...خودي وقتك لكافي
عايدة(حطات يدو على يديه لي حاطها على عنقها):واخا...
زياد(جرها لعندو معنقها ومزير عليها)
بقات متبعاه بعينيها حتى خرج من لڤيلا وكتمنى فخاطرها كون يكون غير حلم و عمرها متبعد عليه هكا.. رجعات دخلات للداخل كتجر فرجيلاتها...وگلسات حداهم فالصالون... كلشي سكت كيشوف فيها جامدة و ساهية...
خديجة(بغات تكسر لحظة الصمت):نحطو لغدا...
سهيل(بتاسم ):اه گولي ليهم يحطو لينا لغدا...
خديجة(حنات راسها بحزن و خرجات تبعها خالد)
جهاد(قربات لعند سهيل):شنو جا يدير خويا هنا...
سهيل:جا يشوفها قبل ما يسافر...
جهاد(حركات راسها بأه و دماغها كيفكر فشنو دير على قبل عايدة)
عايدة(مسحات على وجهها): هدى...وقتاش غادي تمشي لنيويورك..
هدى:شهر جاي....
عايدة(تنهدات):و نتوما إيمتا غادي تمشيو لشهر لعسل..
جهاد:ماشي دابا..
عايدة(عقدات حجبانها):ما كاين لاش تحسسوني انني مريضة... تقدرو تسافرو....وليت بيخير
سهيل(شاف فجهاد كيطمنها بعينيه)
بقاو گالسين كيشوفو فبعضياتهم... حتى عيطات عليهم خديجة يجيو يتغداو... رغم لجو لمكهرب لي كان وسط الطبلة...
⭐⭐⭐⭐
أنت تقرأ
تزوجت كارهتي (رواية مغربية)
Romance♥#بقلمي .... لوباروس ♥ لي بغات تهز شي قصة تكتب سميتي ...... قصتنا ليوم ...قصة بنت عاشت حياتها كاملة وهي كتشوف خيانات باها المتكررة لمها ...بنت لي من نهار خلاقت وهي كتشوف مها ساكتة ...شي لي خلاها تكون شخصية عدوانية،عنيدة وكارهة للجنس الذكري...
