تزوجت كارهتي (رواية مغربية)

الجزء 66

🔥تزوجت كارهتي 🔥

🔥بقلمي:مونيا لوباروس🔥

خرجات من الدوش معاقلاش شحال عدد السوايع لي گلسات تما...... نشفات شعرها ولبسات عليها كسيوة سخونة شوية نظرا للبرد ....
شافت راسها فلمرايا....قادات وجهها بلمكياج كتخفي أثار الضعف لي كتاسحات وجهها....

هبطات عندهم  وهدى عاد خارجة قدامها باقي فيها النعاس.. وحوايجها كلهم ملونين كل قطعة فلون اما تقاشر لابسة وحدة ولأخرى ناسياها و شعرها هابط على وجهها....ضحكات عليها... حيت معمرها كتاشفات هاد الطابع الهبيل لي فيها....
هبطات لطبلة ديال لفطور كتسمع قوة الصداع ....لقاتهم جهاد وسهيل لي جاو...

عايدة(ضحكات):على سلامتكم
جهاد(مشات كتجري كتعنق فيها):ااااييي توحشتك
عايدة(عنقتها):ههه حتا أنا..... (شافت فيها بنص عين) عليها طفيتي تيلي....
جهاد(خرجات عينيها وكتحيلف عليها)
سهيل(كيشوف من وراهم):عود الند.... هادي نتيي....
هدى(گلسات كتفوه وكتهضر فنفس الوقت): اااهه...
سهيل(تفرشخ عليها بالضحك):اش هادشي....كنتي لاعبة كلون....

عايدة(شافت فيه وضحكات):لا فاقت هكا....
هدى(شافت فراسها):مالكم تاني.... هادشي نتوما مكتفهموش فيه... شنو عرفكم فلألوان.... گولي ليهم اجهاد نتي لي كتنسقي فلورشة.... (شافت فسهيل) وا سمع شنو غادي تگول ونقي وذنك ....يالله گولي ليه ا جهاد...

جهاد(دورات عينيها عليهم وهوما حابسين الضحكة ورجعات شافت فيها)
سهيل:وا گولي لينا ا جهاد شنو بان ليك فهادشي لي لابسة هدى....
جهاد:الصراااااحة صراحة..... خصك ديري إعادة النظر فلألوان...
سهيل(تفرشخ بالضحك عليها...و كلشي طلق ضحكاتو حتا هدى لي كضحك على راسها )

گلسو فطرو مجموعين فالصالون كيضحكو... اما عايدة بالها غير مع زياد لي جاي... قلبها تارة كيضرب بقوة.....

كلشي ملاحظ داك طيف لحزن لي كيعتالي وجهها....معارفاش فاش كيهضرو... لفوضى لي فداخلها ممخلياهاش تسمع فشنو كاين فلعالم لخارجي....

كلشي حول نظرو للباب كيشوفوه واقف بلباسو الرسمي فلأسود....وجهو لي باين عليه التعب من قلة النعاس... ولحيتو لي زادت كبرات لكن زادتو غير جمالية فوق وسامتو....

سهيل(ناض وقف):على سلامتك ازيااد....
عايدة(تنفسها تخربق وفنفس الوقت مبعدة نظرها عليه)
زياد(قرب لجيهتهم وعينو ممحيدهاش عليها....غير هاد الشوفة من بعيد و توحشها):الله يسلمك.... 
خالد(بتاسم ليه):تفضل ا ولدي ....
زياد(گلس حداها وباقا عينيه عليها....قرب منها كيتفحص ملامحها بهدوء عكس الغضب لي كاتمو فداخلو):عمري... توحشتك....

عايدة(بعدات عينيها عليه ....)
زياد(بديك الحركة خس بالدنيا ضارت بيه)
عايدة(وقفات وحانية راسها كتحاول تجمع شجاعتها):انا...انا خديت قراري... (شافت فواليديها وعاضة على شفايفها)

طلقني ا زياد.....(على إثر هاد الكلمة كلشي دار شاف فيها مت غير لي عارفين) أحسن ليا وليك...
زياد(بغا ينوض وحس برجليه فشلو عليه ورجع گلس... وديك الكلمة كأنها حفرات ثقب فقلبو مستحيل يتسد)
جهاد(مشات لعند زياد خايفة عليه....مقدراتش تشوف فيه وهو هكاك):زياااد.... عايييدة مديرييش هكاااا
زياد(شدها من يديها مزير عليها):كضحكي ياك.... نتي مستحيل تخليني.....

عايدة(غمضات عينيها بألم وهي كتبعد يديها من يدها ...لي بمجرد مقاصها بيهم زاد قلبها فوتيرة دقاتو):طلقني... مستحيل نبقا معاك....(زيرات على راسها) راحة ليا وليك....
(طلعات كتجري لبيتها و دموعها سايلين على وجهها كتسمع غير غواتو)

زياد(كيغوت بحر جهدو):عااااااااييدة....... عاااااايييدة..... مكيهمونيش لولااااد ا عايييدة.....(تبعها كيجري ..طالع لبيتها وعروق وجهو و عنقو باينين)

جهاد(تمات غادة تابعاه)
سهيل:غير خليهم بحدهم....
خالد(ناض غادي لبيتو و جار معاه خديجة): خليهم يفكو مشاكلهم براسهم.....(عنق خديجة لي كتبكي و داها لبيت)
هدى(شافت حتى عيات فيهم و هزات لوطو ديالها وخرجات مقدراتش على داك الجو لي خنقها)

جهاد(شافت فسهيل وكتبكي):د... دير شي حاجة...سهيييل...
سهيل(عنقها عندو):شش..... مديريش فراسك هاد الحالة....

زياد(كيضرب فلباب بجهد):حلييييي....اعايدة حللييييي.. (ضرب لباب برجلو حتى هرسو ودخل عندها)
عايدة(كتبكي و حاطة يديها على فمها بقوة الصدمة من شوفتو هكاك كأنه قريب يفقد عقلو):متزيييدش عليااا ا زياااد.... كتعذبنيي هكااااا

زياد(شد فوجهها بين يديه ودمعة هابطة من عينو):كتطلبي مني لمستحييل..... منقدرش نخليييك.....(شد ليها يديها حطها فوق قلبو) حسيي بيااا.... حسييي بياا ا اعايدة..... غادي نموت ألف موتة لخليتيني....كنتعذب كتر منك....مديريش فيا هكااا... نتيي النور لي نور ظلامي.... نتي روحيي..... كيف نقدر نعيش بلا رووووح....

عايدة(كتبكيي وتحرك راسها بلا بطريقة هستيرية):طلقنيي ا زياد....طلقنيي مبقيتش قادا.....عيييت عيييت (هبطات على رجلو گالسة فلأرض وصوت بكاها مخلط مع غواتها مسموع فأرجاء لڤيلا) كنترجاك..... طلقنيي ا زيااااد...نساااني.... راك كتحكم عليا بالعذاب حياتي كاملة... رحمنيي عافاك.....راحة ليا وليييك....

حس بعروقو جمدو بلاصتهم بشوفتها هكاك قدامو...حلقو نشف بقوة ما غوت...مقادرش يشوفها كتعذب بديك الطريقة قدامو...رجع بلور وگلس فوق ناموسية....هبطات راسها لتحت ودموعها فزگو لأرض... بعد دقائق من الصمت نطق بصوت باكي..

زياد(ضغظ على راسو):إيلا طلقتك.. غادي تكون راحة ليك.... ماشي ليا... حكمتي عليا بلعيش فلجحيم اعايدة.....(تنهد) ايلا كان طلاقك مني غادي يريحك....(زير على فكو وناض) غدا غادي يجي لمحامي عندك....

طلعاات فيه عينيها لباكيين كتشوف فعينو بي ولاو كيف لجمرة..مقدرش يشوف فيها هكاك....يدير أي حاجة باش ميشوفهاش هكاك معذبة قدامو....
تبعاتو بعينيها عاطيها بالضهر خارج وهي محطمة أكثر وهي كتشوفو غادي.....تنفسها حاسة بيه حبس....وهو أكثر منها مقادش يبعد....

رجع جرها بعنف لصدرو معنقها بكل ما عندو من قوة....خشات راسها فعنقو كتحاول تاخد ما يكفي من ريحتو......طلق منها وخرج بسرعة.....وصوت شهقاتها من موراه مالي الدنيا......

⭐⭐⭐⭐