تزوجت كارهتي (رواية مغربية)

الجزء 25

فاقت على الصباح راسها ضراها....وتيلي كيصونيي....بزز باش قدرات توصل لتيلي....جبداتو لعندها ورجعات لبلاصتها حيت زياد كان حاكمها مزيان بين أيديه...لقاتو سهيل ...ضهرات معاه دغيا....هزات عينيها فزياد لقاتو فايق...
زياد(بصوت فيه بحة):صباح النور...
عايدة(تفكرات فاش شافتهم قراب لبعضياتهم هو ونيڤين قلبات عينيها  لجيهة أخرى )
زياد(طلقها من يديه و ناض دخل للدوش و زدح موراه لباب)
عايدة:موت نتا گاع....
اما زياد داخل صاعر وحاس بروحه غادي تزهق بهاد البرود ديالها....كأنها مسمعاتش إعترافو ليها....دخل دوش و خرج لاوي على نصو فوطة....كانت گالسة مربعة رجليها فوق ناموسية و كتهضر فتيلي غير شافتو قطعات و حطات تيلي...سهات فيه كيف جسمو متناسق....وكيقطر منو لما ..وشعرو هابط على عينيه....شافها كيف حاضياه وضحك
زياد(قرب لعندها ):عارف راسي زوين ولكن ماشي لدرجة تسهاي فيا هكاااا
عايدة(وجهها بدات كتبان فيه لحمورية و زياد كيشوف لونها كيف كيتبدل ):هاآ..لا مكنتش ساهية فيك....
زياد(رجع ليها شعرها من مور وذنها):طال الزمان ولا قصار غادي تكوني ليا ....
عايدة(قلبات وجهها )
زياد(جرها من خصرها):قريب هاد قصوحية الراس غادي نهرسها....(مص ليها شفايفها ) وغادي نفدي فيك هادشي كامل لي كديري...(رجع كيفرق مصيصات خفاف على عنقها)
عايدة(شداتها التبوريشة):ممم زياد
زياد:روح زياد
عايدة(بدات كترعد من تحتو وهو باقي كيبوس عنقها وصوت تنهيداتها كيزيد يجعرو )..
زياد(يديه كيلعب بيهم من مور ضهرها كيخليها تزيد تجعر):ممم روح زياد ...شنو بغيتي...
عايدة(بدات كاملة كتعرق):عافاك مممم زياد
زياد(دفعها حتا تكات فوق الناموسية ورجع كيلعب فعنقها):شنو عافاك....(عضها بجهد فعنقها )
عايدة(غوتات وفيها لبكية):نننن ...قصحتينيي
زياد(جر ليها لحيمة لي من تحت وذنيها ):مغاديش نقيصك غير بإرادتك.....لمرة لولة درتها باش تكوني ليا......ولمرة جاية غادي تكوني فعلا ليا ...بجسمك و بروحك وبكيانك ..(ناض مبتاسم و عينو فعينيها وغمزها) هاد الضعف ديالك إتجاهي كنت نقدر نستغلو ...
عايدة(خشات راسها فمخدة و محاملاش تشوف فيه ومعصبة من راسها)
زياد مشا لدريسينغ وهو كيضحك عليها....لبس عليه و خرج لقاها دخلات للحمام....
خرجات لبسات عليها دغيا حتا خلعها بصوتو
زياد(متكي على لباب ): فأخر السيمانة غادي نخرجو من روسيا
عايدة( بلهفة):هااا..واش غادي نمشيو للمغرب
زياد:لاااا....ماشي وقتو باش نهبطو ليه
عايدة(فقدات اعصابها):وحتاااا لإيمتا غادي نبقا معاك هاكاااا.....خدمتي وحياتي كلها خليتها...دير فبالك راني ماشي سجينة ديالك
زياد(جمع حجبانو وكيهضر وهو كارز على سنانو ):انا دابا غير علمتك....رأيك خليه عندك و رجلي على رجلك...فين ما مشيت غادي تكوني معايا
عايدة(مقربة منو حتا تقابلات معاه): مغاديش نخليك تحكم ليا فحياتي مزاااال ....عيييت .....عيييت
زياد(زير عليها من يديها):لحد لأن مزال مكنتحكم فيك.....حيت كون درت معاك الحكام ديال بصح..مغاديش تجرأي حتا ترفعي صوتك قدامي
عايدة(بصوت أعلى من قبل ):هاني كنرفعو شنو غادي  دير هااا شنو...غادي ضربنيي ...غادي ضربني كيف كدير....متلعبش عليا دور الرجولة ...حيت راك غير شماتة كتفهم (بالغوات ) شمااااااتة
زياد(شعل ولا كيف شي بركان وعينيه رجعاات فيهم نظرة قاسية وكلهم حومر بقوة ما هو معصب...هز يدو حتا هزها ونزل عليها بتصرفيقة...وحدة مورا وحدة حتا طاحت للأرض ..نزل لعندها وزير على فكها  ): برب لي خلقني حتا التربية غادي نعاودها لمك من اول وجديد.....داك الحكام لي كتهدري عليه...عاد غادي نبدا نفذو باش تشوفي لحكام مزيان شنو هو .....(جرها من شعرها حتا كتحس بيه غادي يتقلع من بلاصتو) رخيت لديلمك لحبل شوية ضسرتي...
عايدة(شاداها السخفة وكتشهق و كتحاول تحيد شعرها لي قرب يتقطع بين إيديه)
زياد(جبدها من فكها ):شنو گلت على طريقة هضرتك....ها دوييي لمك راه غادي نقتلك
عايدة:ز...زيااد...ع..عافا....ك
زياد:عتاذري
عايدة(كترجاه بعينيها)
زياد(زاد زير وغوت بجهد):شنو گلت غير دابا.....
عايدة(كطلع النفس بزز):سمحل....سمحليااا
زياد(كيشير ليها بعينيه باش تكمل لهدرة...وهي لخوف طالع معاها من صبعها الصغير)
عايدة(غمضات عينيها ونطقات):سمحليا مغاديش نعاود نهضر بهاد الطريقة
زياد(طلق منها وخرج زدح لباب بجهد حتا قفزات)

وهي غير حسات بيه خرج  ناضت من لأرض وحاسة بحناكها مبقاتش قادا تحركهم بقوة التصرفيق لي عطاها....دخلات للحمام كتبكي وكتمسح دموعها لي مبغاوش يتقاداو.....بزز باش حبسو دموعها...غسلات وجهها بلما بارد ...عاد بان ليها وجهها كيف ولا زرق بالضرابي....شافت فلمرايا بكره
عايدة(كتقاد فوجهها بلمكياج و كتهضر مع راسها ):غادي نكتب مرسوم موتك ليوم قبل من غداااا ....اسي زياد بن صالح.....غادي نوريك شنو هي تحط عليا إيديك...غادي نوريك شنو هيي ترد منييي عبدة عندك ....(غوتات بالجهد) غاديي نوريييييييك (هزات قرعة صغيرة ديال الزاج و خبطات بيها لمرايا بكل جهدها حتا تخشخات وولا زاج فكل بلاصة فلأرض )
قادات راسها...و خرجات دارت مكالمة ....وكلها كترعد وعينيها كلهم كره و ناوية على خزيييت ....و ناوية على خطوة غادي تهنيها من صفحة زياد فخطرة وحدة

⭐⭐⭐⭐⭐