تزوجت كارهتي (رواية مغربية)

الجزء 14

عايدة(مصدومة):زياد....(شافت فسهيل بمعنى شنو واقع)
خديجة(مشات عنقتها) :بنتي توحشتك ....غبرتي عليا
عايدة(مفاهمة والو):حتا انا ا ماما ...شنو واقع هنا
خديجة(غمزات ليها):اجي دخلي بعدا.....گلسي ا بنتي
عايدة(گلسات مفاهمة والو غير كتبحلق فيهم )
خالد(باباها):بنتي عايدة ....
عايدة(دورات وجهها مباغاش تشوف جيهتو)
خالد(كمل فهدرتو):ليوم سي زياد بن صالح....جا طلب يديك مننا على سنة الله ورسوله
عايدة(ناضت بالجهد):كيفااااااااااش
خالد:اه ابنتي بطبيعة لحال بلموافقة ديالك
عايدة(شافت فسهيل ):واش هادشي بصح...
سهيل(حرك راسو ب أه و كيحذرها بعينيه)
عايدة(شافت فباها):وهاد السيد مگالش ليكم بيلا ديجا خاطب نيڤين السميري....
خالد:ولدي زياد....كيفاش هادشي
زياد(ناض وقف قدامها وهو مزير على يديه وعروقو خارجين ):عايدة....نقدرو نهضرو ...
عايدة(حبساتو  وطلقات ضحكة ):هههههههه شفتك ختاريتي ....كيبان ليا نتوما كاملين فحال فحال ....وحدة كتزوجو بيها ووحدة كديروها عشيقة.....(وشافت فباها) شنو دابا انا هي  الزوجة ونيڤين هي لعشيقة ...
سهيل(حبسها):عايدة ...
خالد:بنتييي
عايدة:نتا غير سكت....(شافت فزياد وقربات ) سمعني نگولك نتا ..واخا تبقا اخر رجل فالكون ...مغادي نتزوج بيك ...سمعتي؟؟؟...
زياد(كأنه بركان شاعل ...حبسو غير سهيل)
عايدة(شافت فعينين زياد و دمعة خفيفة هابطة من عينيها):ايلا قربتي مني مرة اخرى غادي يدخل بيناتنا لقانون ....حسن ليك بعد من طريقي(شافت فسهيل) انا غادي نقبل الطلب ديال انور
زياد(جرها حتا لصقات مع صدرو ومزير على يديها وصوتو عالي ):برب حتا نتي ليا....وداك انور لي فرحانة بيه من غدا نقتلو قدام عينيك
عايدة(بعدات عليه):بعد مني حسن ليك...ومن لأحسن منبقاش نشوفك قدامي
زياد(جرها من يديها مزير عليها ومقرب جيهة وذنيها):برب العلي لجليل حتا ناخدك.....وهاد الغرور غادي نمحيه بيدي....وهاد القلب غادي يولي يضرب بسميتي بحدها...غادي نتملكك عما قريب....
عايدة:طلق راك قصحتيني
سهيل(جا عند زياد جرو ):زياد ...بشوية ماشي هكا كتحل لأمور
زياد خرج من لڤيلا كأنه بركان شاعل ،كان حاط فبالو هاد لإحتمال...ولكن عمرو تخيلها غادي ترفضو بهاد الطريقة ،كأنها كتكرهو بكل جوارحها ...

سهيل(جر عايدة من يديها بالجهد):من هاد النهار ...مغاديش نحميك منو ....نتي لي جبدتيها على راسك...
عايدة:شكتگول نتا ...مال هاد صعصع خالعكم
سهيل(معصب):دابا انا غير گتليك...شهدي على حياتك ،حيت راه حطك فبالو ....(هز يدو)وانا معندي كيف ندير نحميك منو
خديجة:ابنتي ..واش راجل فحال هذا كيرفضوه الناس...مكتشوفيش راسك راك كبرتي
عايدة(خنزرات فيها):علاه مالي فحالك ...حتا نرضى بواحد يدير عليا عشيقة
سهيل(غوت بالجهد):اينا عشيقة ....راه السيد لغى خطبتو ..وجا حتا لعندك 
عايدة:انا مسوقيش فهادشي ....(شافت فيهم كاملين)غادي نوافق على طلب انور ...ياك بغيتو غير نتزوج...اوكي هانا غادي نتزوج...

خرجات وخلاتهم كل واحد كيشوف فلأخر ....تلاقات مع هدى فلباب ...بلاما تسلم عليها ركبات فلوطو وزادت ....معصبة ...كلها كترعد ....وتالفة بيها الدنيا ،مفاهمة والو علاش هاد السيد كيتصرف هكا وشنو باغي منها ..واش حب تملك ولا حاجة أخرى واش فعلا كيبغيها كيفما گالت ليها جهاد ....ولكن علاش هو مع نيڤين...علاش هي اصلا كتحس هكا دابا...علاش هي كارهاه و فنفس لوقت باغاه...واش غير حيت كان اول واحد يبوسها ..ولا كتحس بشي حاجة....علاش هاج السيد دخل لحياتها بهاد الطريقة و رونها كاملة ....راسها كامل فيه كلمة علااش بحدها.....

هو كتر منها حاس بروحو غادي تزهق منه ...رفضها ليه بديك الطريقة زاد بلة على بلة ...عينيه حمرين بقوة ممعصب ...شنو لي كاين فأنور ومكاينش فيه...كرهها ليه كيزيد يخليه يبغي يتملكها...شحال مبعدات كيزيد يتجذب ليها ...

وصلات للدار وهي كلها عيانة بعدما عاونها لعساس طلعات التقدية للدار ....بعدما شكراتو و ستفات دكشي غير بزز ...دخلات لبيتها وهي كتحيد حوايجها فالطريق  ..دوشات عليها وخرجات لابسة عليها پينوار ....هزات عينيها حتا ضربها الضو ... وشكون من غيرو هو...
عايدة(مصدومة وفمها معقود مقدرات تنطق حتا بكلمة)
زياد(قرب منها):مسا النور
عايدة(كترعد):ش....شنو...كددييير هنا
زياد(قرب لعنقها و كيشم فشعرها لفازگ):ششش.....مزال ليل طويل ....عاد غادي تعرفي علاش جيت
عايدة(بعدات عليه):خرج عليا....شكون عطاك لحق تدخل لداري
زياد(لصقها مع الحيك بالجهد حتا غوتات بالألم):لحق...كناخدو راسي
عايدة(كتحاول تهرب ):طلق منييي،شنو كدير نتا شنو مزال باغي مني
زياد(جرها حتا لصقات مع صدر وشعرها فيديه ...نطق بصوت خلاها تبورش وتعرف انها نهايتها ليوم): عايدة يا عايدة ....هاد الراس لقاصح غادي نهرسو قدام عينيك ونتي كتشوفي ....غادي نحطم  غرورك....غادي نتملكك بكل ما عندي من قوة حتا لأخر يوم فحياتك...
عايدة(هزات عينيها فيه):فأحلامك
زياد(زير عليها من خصرها):احلامي غادي تولي حقيقة ..قبل ميطلع النهار غادي تكوني ملكي،ومطبوعة بسميتي..بزز ولا بلخاطر(غرس راسو فعنقها)نتي ليا ....نتي ديال زياد...
عايدة(حاولات تهرب منو كتحل لباب ..ساعا لقاتو مسدود):خليني نخرج
زياد(كيتقدم جيهتها و شوفاتو مكيبشروش بلخير ):فات لوقت بزاف...
عايدة(كتشوفو قرب وهي كتغطي راسها حيت داك لپينوار كامل طلع ):زياد.....لا عافاك..مديرش هكا

⭐⭐ غادي نرمي 2 اجزاء فليل مورا لفطور ..💝