🔥تزوجت كارهتي🔥
🔥بقلمي:مونيا لوباروس🔥
جهاد(متكية على سهيل) :كيفاش غادي نقدرو نگولوها ليها....
سهيل(كيمسح على راسها):كلشي غادي يتقاد.... وعايدة هادي محنة وغادي دوز منها وتتخطاها.... بزوجنا كنعرفو عايدة شحال قوية...
جهاد(كتحرك راسها بلا):عايدة تبدلات بزاف من بعد محملات.... تعلقات بزااف بلبيبي ...معمري شفتها فرحانة لديك الدرجة.....مستحيل تخطى هاد المحنى بسهولة... (تكات على سهيل كتبكي و هو معنقها و قلبو على ختو) كيف نگولو ليها راه مغاديش تولي أم مرة أخرى... صعيب بزااف عليها... صعييب....
سهيل(خشاها فحضنو):شش باراك هكا غير غادي نأزموها...الوقت كفيل باش يداويها.....
خديجة(جات كتجري لعندهم):اش. .اش وقع لبنتيي...
سهيل(ناض لعندها) :متخافيش ا لواليدة... راه مزياان دابا....
هدى(كتمسح دموعها) :واش هي بيخير... واش لبيبي مزيان..
سهيل(شاف فجهاد لي نهارت بلبكا و رجع شاف فخديجة وهدى و حنى راسو)
خديجة:گول ليا ا ولدي ياك هوما بيخير.....(شدها سهيل وگلسها )
سهيل:دابا خاصنا نوقفو معاها....ماشي نأزموها... (شاف فهدى(منبغيش نشوف شي واحد كيبكي قدامها)
هدى(حركات راسها بأه)
خالد(حط يدو على ضهر سهيل):سهيل اجي ا ولدي معايا...
سهيل(حرك راسو بأه و تبعو)
خالد(شاف فيهم و جر سهيل بعيد عليهم):شنو گاليكم الطبيب على حالتها...
سهيل(مسح على راسو):هي مزيان لحمد لله... غير الضربات لي خدات ماشي غير قتلو لجنين... و إنما ضررو الرحم ديالها.... (شاف فيه و عينيه حمرين) يعني... صعيب تحمل مرة أخرى...
خالد(مسح على وجهو): الله اكبر.....أكيد كاين شي حل.. الطب تطور بزاف...
سهيل:غادي يخص وقت طويل....ونفس طويل..
خالد(ربع يديه):عايدة بنتي... ومغاديش نخليها تعاني...غادي نعاونها باشما قديت....
ممرضة(خرجات من لغرفة):لمريضة بدات كتفيق...
خديجة(مسحات دموعها و دخلات ممسوقة لحد وتبعتها هدى و جهاد)
سهيل(شاف فباه):غير دخلو عندها....انا نعيط على زياد
دخلو عندها خديجة ،هدى وجهاد...
خديجة(مشات لعند راسها):بنتي....
عايدة(كتحاول تنوض):ما.... ما..
خديجة(هزات يديها باستها):بشوية عليك ابنتي.. راك مزال عيانة...
عايدة(رجعات تكات بقوة لحريق وكتمتم بكلمات ممفهونينش)
خديجة(كتمسح على راسها):رتاحي ا بنتي.... متفورصيش على راسك...
عايدة(هزات يدها...) : ما.. ماا
خديجة(دموعها خانوها و كتحاول تخبيهم من تحت إبتسامة مزيفة):هانا ابنتي حداك..
عايدة(كتفكر لهجوم لي وقع ليهم) :ز....زي... يااد....شنو وقع لزياد
خديجة:هاهو ا بنتي جاي....
زياد(هز تيلي لقا سهيل كيصوني) :ها.... فاقت.. واخا هاني جاي....
ناض من لأرض ورجع دخل لمشتشفى كيجري مهامو والو... باغي غير يشوف محبوبتو قدام عينو....
غابت غير شوية على عينو وحس براسو بدا يفقد داك الحبل لي رابطو بالحياة......
دخل عندها لقاها فايقة و كتهضر مع خديجة ......قلبو تعصر بشوفتها هكاك....حس برجلو تشللو عليه مقدرش يدخل لعندها... حتا دورات وجهها لجيهتو... كيف لا و ريحتو كتخلي قلبها يضرب بقوة وكتحيي فيها الروح....
تبسمات بشوفتو واقف قدامها...
خوفها كان كبر وگاع الإحتمالات دازو على راسها خوفا عليه من لهجوم لي كان قبل.... تبدلو ملامحها و دمعو عينيها فور ما هبطات بعينيها لدراعو لي كانت كتنزف...
زياد(مشا عندها وخشا راسو فحضنها)
عايدة(هزات يديداتها و حاوطات ضهرو) :زياد.... يديك كتنزف...
زياد(حرك راسو بلا و هو خاشي وجهو فعنقها)
سهيل(دار ليهم إشارة باش يخرجو كاملين ويخليوهم بحدهم)
⭐⭐⭐⭐⭐
أنت تقرأ
تزوجت كارهتي (رواية مغربية)
Romance♥#بقلمي .... لوباروس ♥ لي بغات تهز شي قصة تكتب سميتي ...... قصتنا ليوم ...قصة بنت عاشت حياتها كاملة وهي كتشوف خيانات باها المتكررة لمها ...بنت لي من نهار خلاقت وهي كتشوف مها ساكتة ...شي لي خلاها تكون شخصية عدوانية،عنيدة وكارهة للجنس الذكري...
