تزوجت كارهتي (رواية مغربية)

الجزء 27

زياد(وقف وهو داير يدو فجيابو ):شنو كنتي ناوية ديري
نيڤين(كترعد):والله ا زياد(عطاها ب تصرفيقة )
زياد(شدها من شعرها):واش عارفة لمك شكنتي غادي ديري.....كنتي غادي تقتلييييييها........شنو ندير ف ز*** دابا.....(شير لي گارد) ديوها ل ديپو
نيڤين(هبطات لعند رجليه):عافاك ا زياد الا ديپو ....عاافااك
زياد (هزها من شعرها):ديوهاااا....منبغيهاش تخرج حتا نجي
نيڤين(كتبكي):لاا عافاك ا زياد.....(شافت سمية هابطة) خالتييي....هضري معاه عافاك...
سمية(بدات كتعرق غير بحدها):ولدي.....زياد
زياد(قرب ليها  قاجها من عنقها ) مرتييي خط حمر....تقيصيه نحي نمك من هاد الدنيا....(شاف فلي گارد)هزوها
سمية:ولديي...
زياد:لواليدة.....خرجي سوقي...ديري فبالك مغادي تفرقني مع عايدة غير لمووووت...وهاد المحاولات ديالك مغاديش يدوزو عليا....
هزوها لي گارد بزوج وهي كتغوت وكطلب فزياد....هو بدورو لي طلع فحالو لعند عايدة....وسمية لي بقات غير كتبرقق فعينيها

جهاد(خارجة من لورشة وكتهضر فتيلي....):فينك
سهيل(وقف قدامها بلوطو):هانييي
جهاد (إبتاسمات):فين غادي تديني ليوم
سهيل(غمزها):ركبي وغادي تعرفي....
جهاد(كتشوف فالطريق):هاد الطريق خارجة على لمدينة
سهيل(شد ليها فيديها ):غير صبري
بعد مدة كانو وصلو لبلاصة كطل على البحر من لفوق....حبس لوطو مقابل مع داك غروب الشمس...
جهاد(تكات ):الله على منضر شحال زوين
سهيل(شبك يديه مع يديها):ميكونش قدك
جهاد(هبطات راسها ووجهها حمر... وهو غير كيشوف فيها ومبتاسم)
سهيل(نطق بجدية):خصني نسافر السيمانة الجاية
جهاد(طلعات فيه راسها بجهد):هااا.....واش غادي تمشي عوتاني
سهيل(دوز يديه على حنيكاتها لحمرين):اه ..خصني نمشي ضاروري
جهاد(دلات شفايفها بحزن ):اه واخا
سهيل(ضحك بالجهد):يا هاد الحمقة راه غادي نمشي و نرجع فأقل من سيمانة....
جهاد(بفرح):بصصصح
سهيل(حرك ليها راسو بأه):فاش نرجع غادي نجي نطلب يديك ....ولكن عند من خصني نجيي...عند واليديك ولا زياد
جهاد(بسرعة):زياد ....
سهيل(كيضحك عليها):واخا.....(قرب ليها لعنقها ) ونتي موافقة ولالا
جهاد(ولات كاملة حمرة)
سهيل:ايلا كنتي ما موافقاش هاديك هضرة أخرى
جهاد(تخلعت):لالا ...مواففففقة
سهيل(هز ليها يديها وباسهم ):واخاااا.....فأقرب وقت غادي نهضر مع زياد....
(للناس لي باغين يعرفو كيفاش بدات علاقة جهاد ب سهيل....بدات تماما من مور ليلة زواج عايدة ب زياد.....بعدما عتارف سهيل ل جهاد....)

##بعد ايام

عايدة فايقة وحاسا براسها عيانة  ....دورات وجهها بان ليها زياد مكاينش....اصلا هاد ليام كيبقا خدام فلمكتب حتا كيصبح الصباح.....ناضت كتعرج...حيت رجليها باقة مجروحة بزاف من أخر مرة.....بزز باش وصلات للحمام..قدات حاجتها وخرجات.....حاسا براسها هاد الأيام مخنوقة و نفسها دايقة عليها.....وكلها مخربقة...
هبطات لتحت...و فيها الجوع.....لقات لفطور محطوط و زياد گالس ....كانت باغا ترجع فحالها حتا حبسها بصوتو...

زياد(بنبرة صارمة):گلسييي
عايدة(مشات بلاما تعاند...حيت عارفة عنادها غادي يجيبها فيها)
زياد(كيخدم فتيلي ديالو  وحاضيها كيف كتمشى ):فاش تبغي تمشاي گولي لشي واحد يعاونك ....
عايدة:لا انا مزيان هكا....
زياد(ناض ووقف حداها ):ليوم فليل خصنا نمشيو....
عايدة(حذرات راسها )
زياد(حط يدو على راسها حتا قفزات ):ششش.....(هبط لعندها)فطري على خاطرك....ومطلعيش بلاما يعاونك شي حد
عايدة(حركات راسها بأه)
زياد(تعصب منها كيف هو كيهضر و هي غير كتحرك راسها):سمعيناا صوتتتك
عايدة:ها.....اه واخا
زياد(هز تيلي فيدو  وخرج )

مشا وخلاها كتفطر....هي لي الشهية محلولة ليها هاد الأيام...كتاكل وتگول مكليييت.....بدات كتهضر مع جهاد و كتعاود ليها على سهيل و لجديد ديالهم.....حتا وصلات لعشية ....دارت فيلم تلهي بيه لوقت ...ساعا لقات راسها بحدها وطلعات معاها القنطة...وحاسا براسها بحدهااا كأنه حتا واحد ما معاها.....عيات متحاول متخليش دموعها ينزلو ووالو ،دغيا بداو كيطيحو ...تكات فوق لفوتاي. وخاشية راسها فلمخدة...ودموعها سايلين......حتا دخل زياد...
زياد(دورها عندو):علاش كتبكييي.....شكون قلقك
عايدة(دارت لجيهة لأخرى):بعد منيي....
زياد(جرها ختا جات گالسة فوق منو):شنو لي مقلقك عاودي ليا...
عايدة(بداو دموعها كيسيلو بلاما تحس بدات كتعاود):قنطت.....هئ هئ....بقيت غير بحدييي  هئ...وحتا حد مكيديها فياااا.....وبغيت نخررررج
زياد(حبس الضحكة): طلبي وانا نفذ ....شنو خاصك.....(قرب ليها لوذنيها) عرفتي شنو ..فاش نكمل هاد الخدمة غادي نديك لبلاصة زوينة.....
عايدة(دلات شفايفها):بلاما تبقى تكذب عليا
زياد(ضحك بالجهد):...هانتي غادي تشوفي....غير نكمل لخدمة و نديك....
عايدة(بدات كتمسح فوجهها فحال شي طفلة صغيرة )
زياد(كيشوف فيها كأنه مسحور.....حاضي كل تفصيل ..كيف كتمسح دميعاتها....اي حركة منها واي تصرف كيخليه هايم بيها....):لبسي حوايجك باش نتحركو...
عايدة(يالله ناضت باش تمشي تلبس وهو يهزها )

دخلات لدريسينغ بدلات عليها لبسات غير سروال جينز مع قميجة بيضة شفافة مخشية فالسروال ..عاد گاط فلكحل ....طلقات شعرها و وجهها مدارت فيه والو ....اما زياد لبس عليه تيشرت فلأسود لاصق عليه....و جينز كحل..عاد سبرديلة حكلة وفيها خطوط ذهبيين....خرج لقاها وجدات....قرب لعندها جمع ليها شعرها وهزها ....وهي محاملاش كيف كيعاملها....ركبو فلوطو ماهي غير مدة صغيرة حتا وصلو لفين كتسناهم الطيارة....

⭐⭐⭐⭐