فاقت كتكسل بلاصتها مشات للدوش ورجعات لقات رسالة من انور "غادي نستناك دوزي معايا هاد النهار ...مغادي نقبل حتا إعتذار...وجدي راسك شوية ونجي"
عايدة(دارت إبتسامة خفيفة ومشات دخلات للدريسينغ تلبس عليها)
جهاد(هجمات عليها):عااايدة
عايدة:اهيااااا مالكي داخلة مدرمة ...
جهاد:يالله عاودي ليا كيف دوزتو عشية لبارح
عايدة:عادي....(وبدات كتعاود ليها من لأول)ولكن غير نلقا لفرصة غادي نهضر معاه...هو فعلا ضريف بزاف....ولكن ..بففف والله معرفت راسي دايخ عليا
جهاد(تفهماتها):مم..اوكي لبسي عليك واجي فطري معانا
عايدة(حركات ليها راسها بآه)
لبسات عليها كسيوة فلأبيض واصلة حد فخاضها و كتافها هابطين ....دارت coup cheval لشعرها و كتافات بمكياج بسيط من غير فمها لي دارت عكار حمر ماط ....هزات ساكها و هبطات لقاتهم مجموعين على الطبلة معاهم حتا انور...ضحكو هو وسهيل مسموع...عاد وصل عليهم زياد لي جا هو وعايدة فنفس اللحظة ...
انور(جر ليها كرسي حداه )
عايدة(گلسات):صباح الخير...
انور (قرب باسها فحنكها):صباح النور
سهيل(حابس الضحكة اول مرة يشوف عايدة حشمانة):عايدة فطري ...انور من قبيلة وهو كيستناك
انور(قرب ليها دكشي حداها ):فطري على خاطرك...مزال لوقت قدامنا
زياد مزير على يدو لي تفتحو جروحها حتا الدم بدا يقطر منها ....ناض بالجهد و خرج كسيرا بلوطو كيضرب فلڤولون بكل جهدو ...وخلا سهيل لي حاس مزيان بشنو واقع...هاد لمرة مأكد انها حركات قلب زياد...ديك الشوفة لي دار فأنور فاش قرب باسها عامرة غيرة ... وهاد لغيرة عمرو شافها فعينيه مع نيڤين ...
انور(حل ليها لوطو ):تفضلي
عايدة(تبسمات ليه ):شكرا
انور(طلع و كيقاد سمطة باش يديماري):دابا سالاو لفعاليات...وقتاش غادي ترجعي للمغرب ...
عايدة:يمكن غدا....حيت عييت هنا بغيت نرجع فحالي
انور:حتا انا ....هاد السيمانة خصني نرجع ...اوكي گوليلي غير النهار باش نمشي انا وياك
عايدة:احم...ونتل علاش جيتي لهنا
انور(دار بتاسم ليها):غير علا قبل شي خدمة ...وباش نشوف ختي ونشوفك حتا نتي
عايدة(حركات راسها باه)
انور:فكرتيني....فلعشية غادي نتلاقاو بختي حيت متشوقة باش تشوفك
جهاد(گالسة كتاكل وكتهضر غير مع راسها):اش هادشي تاني ...مبقيت فاهمة والو
سهيل:هههه مالكي...شنو لي مبقيتيش فاهمة
جهاد(دارت لعندو):شي حاجة واقعة بين عايدة و زياد...ونتا عارف هادشي مزيان
سهيل(مسح فمو):زياد لي مقادرش يتحكم فراسو ...اما عايدة معارفاش شنو كيدور حداها
جهاد:انا عارفة خويا مزيان....ايلا دار شي حاجة فراسو كيبقا حتا كينفذها
سهيل(جرها من خصرها وغمزها):دابا خلي لأمور عادية وخلينا نتفرجو فهاد لمسلسل حيت كيبان ليا عنصر التشويق غالب عليه
جهاد(ولاو حنيكاتها حمرين وبعدات عليه):انا غادي نخرج...باي
سهيل:فين غادا بالسلامة
جهاد:غادي نخرج مع صحابي
سهيل(جرها حتا لصقات على صدرو):مكاينش شي حاجة سميتها صحابك ...گلسي ريحي (طلقها ومشا)
جهاد(كتنهج):اويلي مال هادو تسطاو....
العشية 9:30 ديال الليل
عايدة(كضحك مع انور):فين جبتينا تاني....مافيا لي ياكل شي حاجة
انور(شادها من خصرها):ههه غير زيدي وغادي تشوفي ...مفاجأة
صوت انثوي من لور :انورر
أنور(دار عندها):نيڤييين (ومشت عنقها)
عايدة(كتشوف مفافهمة والو وكتفكر فين شافتها ولكن والو عيات متحاول معقلاتش)
أنور:عايدة ...كنقدم ليك ختي نيڤين ...
عايدة(مدات ليها إيديها):متشرفين
نيڤين(جراتها عنقاتها):فرصة زوينة هادي نشوف خطيبة خويا (شدات ليها وجهها)اووووه زوينة بزاف عرفتي تختار ا خويا
عايدة(شافت ف أنور مفاهمة والو)
نيڤين:اجيو گلسو ...حتا خطيبي شوية وغادي يجي....(دورات وجهها لجيهت لباب وشيرات )هاهو نيت جااا
انور:عيطتي حتا لزياد
عايدة حسات بقلبها تنفض من بلاصتو....لا باراك لهنا وصافي....عيات من هادشي ...اش كيدير هذا هنا ....حسات بدنيا دارت بيها
عايدة(كتهضر فنفسها:بعدا عمر ظني فرجال كان خاطئ ...مكنظلمهمش،بطبعهم خائنين و غدارين يخخ على جنس عمرهم يتبدلو )
طلعات عينيها فزياد لي واقف على اعصابو ...دابا عاد عقلت فين شافت نيڤين .....شافت فعينيه ودارت ضحكة إستهزاء ...حيت ظنها فالرجال ديما كيتأكد ليها ...
نيڤين(تعلات بغات تبوسو ففمو ....وبسرعة منو مد حنكو ليها ):احم ....حبيبة كنقدم ليك عايدة خطيبتو ديال خويا
زياد(دور عينو ليها وكارز على سنانو ...لمح ديك لإبتسامة لي فهم معناها مزيان ورجع گلس وهي حداه من جيهة لأخرى وهو مقابل مع زياد )
أنور:مرحبا بزياد....
عايدة(ستأذنات منهم باش تمشي للحمام . تمشات مع لكلوار):ههههه حمد لله عمرني ظلمت شي ذكر ...(مسحات دمعة قبل متهبط)غادي نسالي هادشي ليوم ونرجع لحياتي عادي(هزات تيلي ديالها -حوار بلإنجليزي)أليكس...شنو بان ليك نسهرو ليوم....اوكي انا غادي نستناك ..انا نسيفط لعنوان فمساج ...
دخلات للحمام قادات راسها وعلى وجهها إبتسامة ...ورجعات عندهم گلسات معاهم وهي كتهضر مع نيڤين و أنور ...أنور لي واخا ضريف فوق لقياس إلى انها معمرها غادي تقدر تكون معاه ...بزااف ديال لحوايج لي تحطمو فلداخل ديالها صعيب ترمي كلشي موراها....خرجو مجموعين برا حتا وقفات عليهم لوطو.....
خليو ليا أرائكم فلقصة وشنو توقعاتكم 💙💙
لأحدات لي جاية مشوقة بزاااف
أنت تقرأ
تزوجت كارهتي (رواية مغربية)
Romantizm♥#بقلمي .... لوباروس ♥ لي بغات تهز شي قصة تكتب سميتي ...... قصتنا ليوم ...قصة بنت عاشت حياتها كاملة وهي كتشوف خيانات باها المتكررة لمها ...بنت لي من نهار خلاقت وهي كتشوف مها ساكتة ...شي لي خلاها تكون شخصية عدوانية،عنيدة وكارهة للجنس الذكري...
