♊تزوجت كارهتي ♊
♊بقلمي: مونيا لوباروس♊
💠بدونك اشعر و كأنني اصبحت خريطة بدون إتجاه💠
عايدة(هزات لڤاليز):واش كملتي....
هدى(خرجات جارا لڤاليز):اه كملت...
عايدة:ماما من قبيلة وهي كتصوني....
هدى(سدات لباب): ههه ماما مسكينة ديما كتصوني... مكتفلتش لفرص...
هبطو فلأسانسور لقاو طاكسي لي غادي يوصلهم للمطار كيتسناهم حدا باب لموبل... حطوهم فلكوفر و إنطالقو فإتجاه لمطار...
بعد رحلة طويلة وصلو للمغرب مع غروب الشمس....
لقاو شيفور لي مسيفط ليهم خالد واقف قدام لمطار...دازو من جيهة لبحر كيتمنضرو فغروب الشمس لي كيفتح النفس...
خديجة(كتشوف واش كلشي واجد)
خالد(جرها غادي بيها لجيهة لباب):زيدي راه وصلو...
خديجة(زربات فلمشية غادة جيهة لباب حتى شافتهم داخليين):الله يا بنياتي توحشتكم.... (ترمات عليهم كتعنق وتبوس)
هدى(معنقاها وكتبوس فكل قنت وعايدة كتسلم على خالد)
خديجة:واخا فيك ا عود الند... غير مشيتي ونتي تنسايني..
هدى:انااااا ...
خديجة:ايه نتي..
خالد(جا عنق هدى):على سلامتكم ابنتي.... دخلو غادي تكونو عييتو....
🔼🔼🔼🔼 🔼🔼🔼🔼
جهاد:الو....سهيل جيت لمستشفى ملقيتوش....
سهيل(طالع للشركة) :بلا متعذبي راسك راه خرج....
جهاد(حطات يديها على خصرها):بغييت غير نفهم فاش كيفكر هذا.... فين غبر عوتاني... ماما من الصباح وهي فارعة ليا راسي عليه....
سهيل:راه خدا طيارتو ورجع للمغرب لبارح... غير نسيت مگلتهاش ليك...
جهاد:واخا....
سهيل:انا عندي إجتماع دابا...نخليك
جهاد(هزات تيلي بعدما قطع معاها وصونات على ماماها):وي ماما... راه فلمغرب... معرفتش حتى أنا يالله عرفت...
🔼🔼🔼🔼 🔼🔼🔼🔼
دخلو وكل وحدة مشات لبيتها تغسل حالتها وترتاح... عاد هبطو للعشا بعدما عيطات عليهم خديجة... لقاوها موجدة ليهم كلشي بيديها وكل وحدة وشنو كيعجبها فلماكلة...
كيضحكو ويتعاودو وخديجة بدات كتعاود ليهم على زبايل هدى منين كانت صغيرة حتى كبرات....ختموها بگلسة فالصالون قدام الجردة كيشربو قهوة...هدى طلعات لبيتها وخلاتهم كيهضرو...
خالد(موجه كلامو لعايدة بعدما غمزاتو خديجة باش يهضر): شنو گالك الدكتور فنتائج الفحوصات الأخيرة...
عايدة(حطات كاسها د لقهوة):گاليا لأمور كلها طبيعية... لكن ميقدر يضمن والو....وأنا اصلا مبقاش عندي أمل... بلا متبززو عليا نبقا نضور من دكتور لدكتور...
خديجة:متگوليش هكا ابنتي... ميمكنش تعيشي حياتك كاملة بحدك هكا...
عايدة(ضحكات نصف ضحكة كأنها كتستهزء براسها) :فحال ايلا زعما نقدر نبدل شي حاجة...ياك انا بيدي جريت عليه....(غمضات عينيها) وها أنا مزال كنتعذب فكل دقيقة من داك النهار....
شافت حتى عيات و طلعات لبيتها بحجة التعب....
سدات عليها لبيت وخرجات لبالكون وسط الظلمة....
فقط تيلي ديالها لي كتبان لإضاءة ديالو وسط ديك.. الظلمة....ودموعها لي كيلمعو على خدها وهي كتشوف تصاورو فلمؤتمرات ولمقابلات الصحفية.....وتصاورو مع بنات لي مكيفلتوش لفرصة باش ياخدو معاه صورة....
عايدة:ألو جهاد...
جهاد:عايدة...وصلتو...
عايدة:اه فلعشية...
جهاد(حسات بيها كتبكي غير من لبحة ديال صوتها):نتي مزيان؟؟
عايدة(تنفسات بعمق):اه مزيان حمدلله...
جهاد(كتحاول تلفها):غدا غادي تمشي تسني لعقد مع لممول...
عايدة:اه...غدا غادي نمشي لشركتو...
جهاد:ااه اوكي...
عايدة:يالله تصبحي على خير... انا عييت شوية...
جهاد:يلله بونوي....
حطات تيلي وتكات على لكرسي لي فلبالكون دغيا نعسات بقوة ما عينيها كيحرقوها وراسها كيضرها....
⭐⭐⭐⭐⭐
أنت تقرأ
تزوجت كارهتي (رواية مغربية)
Romance♥#بقلمي .... لوباروس ♥ لي بغات تهز شي قصة تكتب سميتي ...... قصتنا ليوم ...قصة بنت عاشت حياتها كاملة وهي كتشوف خيانات باها المتكررة لمها ...بنت لي من نهار خلاقت وهي كتشوف مها ساكتة ...شي لي خلاها تكون شخصية عدوانية،عنيدة وكارهة للجنس الذكري...
