تزوجت كارهتي (رواية مغربية)

الجزء 31

من السهل أن تكره ومن الصعب أن تحب، هكذا تسير الأمور، كافة الأمور الجيدة يصعب تحقيقها، والأمور السيئة يسهل الحصول عليها

🌹🌹🌹🌹🌹

بقات مدة گالسة كتستوعب هادشي لي طرت ممتيقاش راسها راها حاملة بولد ولا بنت زياد....وقفات جاتها دوخة..وحسات بالردة...مشات للحمام كتجري ..حاسة بروحها غادي تزهق بقوة مكترد .....
غسلات وجهها و دخلات لدريسينغ لبسات عليها غير لي سروال جينز فلأسود و تيشرت قصير فلأسود مع سبرديلة و هبطات عندو.....لقاتو گالس مع سهيل لي كيحذرها بعينيه باش تبدل رأيها.....ساعا لي فراسها فراسها...ناض هو خرج و تبعاتو هي ...عارفاه صاعر فهاد اللحظة....ركبو فلوطو ، وبجوجهم ساكتين ...زياد معالم بيه غير الله ....كره داك الكره لي هازة فقلبها جيهتو ....حاس بلعافية شاعلة ليه فقلبو ....وهي فراسها فكرة وحدة هي مستحيل تخلي قطعة ديال زياد فلداخل ديالها....
حسات بلوطو وقفات....هزات راسها لقاتو واقف قدام مشفى..
زياد(نطق بكلمة وحدة ):هبطييي
حط لوطو و هي هبطات وتابعاه من لور....لقاو طبيبة كتسناهم حيت قبل ميجي وصاهم يوجدو غرفة لعمليات....
طبيبة(مدات يديها لزياد):موسيو زياد
زياد(مد ليها يديه بادلها السلام):تقدري تبداي دابا..
طبيبة (حولات نضرها لجيهة عايدة وابتاسمات ليها):مدام...تفضلي معايا ....
عايدة(مشات معاها وهي حادرة راسها للأرض و زياد مشا من موراها)
طبيبة(سرحات ليها سرير صغير باش طلع فيه):تفضلي..
عايدة (طلعات و تكات بلاما تهضر )
طبيبة (دهنات ليها مادة لزجة على كرشها):اولا خصنا نطمأنو على صحة الجنين ...ونعرفو شحال بالضبط عندو ديال لوقت باش لعملية دوز بلا مخاطر....
زياد(خاشي يدو فجيابو و واقف حداهم و قلبو عالم بيه الله حاس بالدنيا ضايرة بيه وهو غادي يضيع ولدو لأول ..حتا گال فرح .... و فرحتو تبخرات)
طبيبة(كتشوف فالشاشة و كدوز ألة صغيورة على كرشها موصولة بخيط مع الشاشة ....):هاهو لجنين....كيبان صغيير بزااف ...
عايدة(دورات وجهها كتشوف فالشاشة )
طبيبة:لجنين باقي فلأسابيع الأولى ديالو...غادي يسهال علينا نحيدوه بلا أعراض جانبية....
عايدة(باقا كتشوف فالشاشة فداك الجنين لي صغيير بزاف كيبان فحال شي نقطة...وقلبها كيضرب بالجهد )
طبيبة(مسحات ليها جيل من كرشها و حطات ديك الألة):موسيو زياد...غادي نعلمهم باش نبداو العملية ....
زياد(مزير على يدو و مكيشوفش جيهة عايدة):واخاآ...(خرج وخلاها بحدها...حيت مقادرش يبقا معاها فهاد الوضع...كيااانو مهزوز فهاد اللحظة غادي يضيع اول ولد ليه ومن لإنسانة لي كيبغيي ...هبط للوطو ديالو كيحاول يهدن راسو ....ميمكنش يبزز عليها طفل هي مباغاهش......
زياد(خبط بكل جهدو فشرجم ديال لوطو حتا تهرس):مغاديش نسمح ليك ا عايدة....مغاديش نسمح ليك تجهضيه...على جثتي...
طلع كيجري و يدو كلها دم طلع عند الدكتورة گالت ليه لمساعدة راهوم دخلو لغرفة لعمليات .....مشا كيجري بسرعة...فبالو حاجة وحدة هو مستحيل يخليها تجهضو وبزز منها غادي تخليه....طلع كيجري حتا من لأسانسور مقدرش يتسناه...طلع فالدروج دغيا لقا راسو عندهم......فرع عليهم غرفة لعمليات.....لقا لأطباء واقفين...

زياد(مفاهم والو):فين عايدة....
طبيبة(بتاسمات ليه):راه رفضات فأخر لحظة انها تجهض لجنين....
زياد(مسح على وجهو ):وفين هي ...
طبيبة:قبل منديرو ليها لمخدر خرجات...
زياد خرج بلاما يگوليهم شي حاجة رجع كيجري كيقلب عليها بعينيه.....والو عيا لمستشفى كامل قلبو سفاه على علاه.....جاو لي گارد موراه...كيقلبو ....عاد جابو ليه تسجيل ديال لكاميرات...عاد عرفها خرجت....هبط كيجري لعندها...لبلاصة فين حط لوطو...كانت گالسة و جامعا رجيلاتها عندها فوق كرسي ديال الجردة لي فلمستشفى و دموعها كيسيلو....قرب لعندها بخطوات بطيئين و گلس حداها بهدوء....
عايدة(طلعات فيه عينيها لي حمرين بلبكا):مقدرتش ....مقدرتش نجهضو....(بدات كتنخصص)انا مستحيل نقتل روح بريئة...مستحيل....منقدرش نقتل ولدي لي من لحمي ودمي....
زياد(جرها عندو معنقهااا):ششش.....عارف احبيبي عارف(بقات مدة وهي فحضنو حتا تهدنااات )
(تخشات عندو معنقاه من كرشو و خاشية راسها فعنقو كتشمو)
عايدة(كتشم فعنقو وعاجباها الريحة)
زياد(كيحاول يفهم شنو كدير ):عايدة.....
عايدة:ممم
زياد:نمشيو؟؟
عايدة(حركات راسها بأه )
زياد(هزها حيت باقا كتعرج و غادي بيها للوطو )

لمح حركة غير إعتيادية كدور حداه ..بانو ليه لي گارد ديالو يالله جايين خارجين من لمستشفى دار ليهم حركة كدل انهم خصهم يجبدو اسلحتهم .....دور عينيه بزربة عرف كل واحد فين مفرق....بسرعة قدر يقلعهم...حط عايدة لي كان هازها فلأرض و تكاها على لوطو و حاوطها بجسموو الضخم....جبد لفردي بسرعة وبدا كيتيري فلي جاو قدامو ....مهامينوش هادوك لي وراه ....كيتيري بلا خطأ كيجيبها فيهم كاملين واحد بواحد ....لمهم عندو فهاد اللحظة هو عايدة و ولدو ما خصهمش يتقاصو ....وموراه لي گارد لي بداو كيتبادلو لإطلاق الناري مع هادوك لي متهجميين....كلشي هارب و خايف ..لمرضى ولأطباء كلشي كيجري وهربان.....وصوت رصاص فكل بلاصة ....
عايدة معنقة زياد بكل قوتها...خايفة وهو مزير عليها و مكاليها مع اللوطو ومخبيها بجسمو....
دازت سيارة فلأسود من قدامهم خرج شخص ملتم ....و جبد فردي ديالو و تيرا.....كأنه الزمان حبس...وحتا صوت الرصاص حبس.....كلشي كيشوف ف زياد لي جاتو الرصاصة فضهرو و بدا كيفقد التوازن ديالو .... بدا كيرخف على عايدة ....دار بسرعة ووجه لفردي ديالو إتجاه داك الشخص تيرا فيه جابها فكتفو ....دغيا رجع للوطو وهربو بيه...
عايدة(طاحت للأرض عند زياد وهي كتبكي): زياد....لالا....فيقق....زيااااااااد.....

⭐⭐⭐⭐⭐