♊تزوجت كارهتي ♊
♊بقلمي: مونيا لوباروس♊
💠 انت كاللعنة ..تشتقين ضلوعي... تعتصرين انفاسي ...تمزقين قلبي... احاول الإبتعاد...احاول النهوض ... لكن... محاولاتي فاشلة....فلا مفر منك إلا إليك.... 💠
🔼🔼🔼🔼 🔼🔼🔼🔼
عايدة(خرجات عينيها):اويليي..... غادي نسكر...
هدى:نوضي.نوضي رديها....
عايدة(مشات كتجري للمرحاض كتحاول تردها):وما بغاااتش... وكيف غادي ندييير ...
هدى(كتدوي مور لباب ومعاها أنور):شوفي خشي صبعك ففمك
عايدة:ومابغاشش....
هدى(تنهدات):صافي غير خرجي ضاعو ليك لحسناات...(شافت فأنور لي حابس الضحكة وحتا هي بدات كتضحك ) غير طلقها راه لوضع كيضحك.... ليوم عايدة تسكر... وحنا نتفرجو...
عايدة(حلات لباب مدوخة):يالله نمشيو عييت....
خرجوها من ديسكو غادين بيها للوطو وهي غادة دايخة وكتمايل و هدى حابسة الضحكة.....
عايدة(وقفات كتغوت):وا.. وا فين هو.... گوليي لسه يجي...
هدى(جاراها):شكون هذا تاني....
عايدة(جرات يديها حتى جات طايحة ناعسة على ضهرها):وا زياااااد..... فيه غيي.. ر... لهضرة..... گاليا مغاديييشش يخليني...... ومشااااا... بااااااح
هدى(شافت فأنور):مشكييلة هادي... (مشات كتهزها من لأرض) عاييدة... نوضي خلينا نمشيو...
عايدة(حيدات صندالتها لعالية وناضت):صااافي.... صا..في... انا... ن.. تمشاا بحدي...
هدى(طلقتها وخلاتها غادة بحدها)
عايدة(غوتات):كذااااااب...... (مسحات عينيها بمرفقها) كنكرههههك.... (ضحكات) لالا.... مكنكرهوش.... حتى انا.. كذابة....
أنور:هدى ...خلينا نديوها... انا نوصلكم...
هدى:اوك واخا....
🌹 🌹 🌹 🌹
فاق على اصوات غزلان كتبكيي حداه... و جهاد كتفيق فيه ممخلياهش ينعس على راحتو ...
جهاد:وا سهيل فييق....
سهيل(مدرق وجهو بمخدة):جهاد خليني نعس هذا لويكاند...
جهاد:اييه وخويا زياد خصني نمشي نشوووفو... يالله...
سهيل(ناض مخربق حتا بتاسم منين بدات غزلان كتضحك ليه):حبيبة باباها..... يخليلي الضحيكة... اجي لعند پاپي(هزها من عند جهاد حاطها فوق حجرو)
جهاد(تعجبات):اييياه هو ضحكي ليه وانا لا....
سهيل(شاد فيديداتها كيلعب بيهم):راه ضربت عليها تمارة...
جهاد(تأفآفات):نوض نوض دوش راك نيت ضارب تمارة....
سهيل(حطها عندها ودخل كيضحك عليها)
بعد مدة....
وصلو لمستشفى فين كاين هو....خلاو غزلان مع لمربية لي كتقابلها... طلعو فلأسانسور عاد تمشاو جيهة لكولوار...
جهاد(دخلات لبيت لقاتو متكي):زياااد..... (مشان كتعنق فيه) خلعتينييي عليك.... فين كنتي غابر... شنو وقع ليك..
سهيل(شاف فيه وهز يديه):ملقيت كيف ندير....بقات ختى عرفات...
جهاد(خنزرات فيهم بزوج) علاش مبغيتوني نعرف والو...
زياد(ضغط على زر باش طلع ناموسية)
جهاد:علاش هاد المدة كاملة مسمعت عليك والو.. فين كنتي...
زياد(نطق بصوت رجولي لي زاد قصاح فهاد المدة كاملة):كانت عندي شي خدمة...
جهاد(شافت فالجرحة لي لي جات جيهة صدرو لفولاذي):معييتيش من هادشي....باراك ا خويا غير كتعذب فراسك.....
زياد(رمقها بنظرة قاسية):خرجي سوقي.... (شاف فسهيل) ديها فحالها....
جهاد(دمعو عينيها):تيق بيا راك كتعذبو بزوج.....
زياد(تنفخو عروق راسو وعنقو..غوت بجهد):گتتتلك خرجييي......
جهاد(قفزات مخلوعة... وخرجات كتبكي)
سهيل(تنهد تنهيدة طويلة):شنو ناوي دير...
زياد(غزز سنانو):غادي نتبعو للمغرب... تما غادي نشدو...
سهيل(دار يدو فجيبو):تيق بيا هاد لحرب مستحيل تخرجو منها بزوج حيين....
زياد(تبسم بقسوة ..كارز على فكو): إذا مصيرو لموت على يدي....
سهيل(خرج وخلاه بحدو)
ناض بعدما خرجو كيطل من لبالكون دياا لمستشفى...لابس غير سروال كيطمة ولفوق معري... صدرو زاد كبر كتر من قبل.. وعضلاتو لي مرسومين على جسمو بطريقة كتخطف لأنفاس.... لحيتو لي زادت كبرات خلال تواجدو فلمستشفى.....
حاط يدو على لحديدة والريح بارد كيضري فجسمو....لكن محاسش بيه... كيف لا وهو كيانو كيتحرق من لداخل...
زياد(شاف بعيد وتغيرو شوفاتو... من نظرات قاسية لنظرات متألمة ومنكاسرة... ونطق بصوت هادئ): گتلك ايلا بعدتي غادي تحكمي عليا بالجحيم وانا فلحياة.... وها أنا عايش فيه......
⭐⭐⭐⭐⭐
لبنااات.... شوية د التفاعل.... باش نشوف شكون حاضر معايا هنا.....
لقصة بقاو ليها غير أجزاء قليلة وتسالي.... يالله بانو بانو ❤❤❤
أنت تقرأ
تزوجت كارهتي (رواية مغربية)
Romance♥#بقلمي .... لوباروس ♥ لي بغات تهز شي قصة تكتب سميتي ...... قصتنا ليوم ...قصة بنت عاشت حياتها كاملة وهي كتشوف خيانات باها المتكررة لمها ...بنت لي من نهار خلاقت وهي كتشوف مها ساكتة ...شي لي خلاها تكون شخصية عدوانية،عنيدة وكارهة للجنس الذكري...
