♥#بقلمي .... لوباروس ♥
لي بغات تهز شي قصة تكتب سميتي ......
قصتنا ليوم ...قصة بنت عاشت حياتها كاملة وهي كتشوف خيانات باها المتكررة لمها ...بنت لي من نهار خلاقت وهي كتشوف مها ساكتة ...شي لي خلاها تكون شخصية عدوانية،عنيدة وكارهة للجنس الذكري...
طلع لعندها بعدما مشا سهيل...داز على سمية و عمر لي غير كيشوفو ميقدروش يعارضوه... دخل عندها للجناح لقااها مزال على نفس الوضعية،حاطا يديها على فخاضها و وجهها باقي فنفس لحالة... دغيا داها النعاس.... قرب ليها تخشا حداها و عنقها و يديه كيتسارا بيهم فلكريشة....دغيا داوه عينيه ...كيف لا وهو بين يدين محبوبتو...لبلاصة لوحيدة لي كيرتاح فيها وكينسى گاع همومو...
وصلات لعشية و لبطلة ديالنا مزال ناعسة مواعياش بكمية الصداع لي كاين فلقصر وشحال ديال الناس كيدخلو وكيخرجو...فاقت وعضامها كاملين كيضروها... لقاتو ناعس حداها..بعدات عليه و ناضت للحمام لي بابو كامل مهرس.. دخلات غسلات عليها بالزربة و خرجات للدريسينغ كتمشى غير بزز.... حسات بيه عنقها من لور وخاشي راسو فعنقها....
عايدة(بملامح باردة):حيد عليا يديك... بغيت نبدل زياد(طبع قبلة على عنقها):عارف راسي كنكون قاصح معاك....ولكن نتي كديريها لراسك... وكتستحقي هاد العقوبة.. عايدة(زفرات بقوة ودموعها فعينيها):بعد عليا.... زياد(دورها لعندو يد شاد بيها خصرها و يد فعنقها): بلاش من هاد الدموع ا حبيبي.... كيطيحو على قلبي فحال الجمر...(قربها ليه وعنقها كيحاول يهدنها)
حيدات ليه يديه و مشات كتلبس حوايجها خلاتو معصب كتر من قبل... ايلا هادي ا عايدة... أكتر حاجة كيكرهها هي بعادها عليه بهاد الطريقة لي كتقتلو و كأنه موس مخشي فقلبو كل مرة كيزيد يتعمق فلجرح.... خرج لجيهة لبالكون كيحاول يبرد على راسو ويتهدن.... على لأقل يلقى حل كيف يدير يصالحها.....
اما فجهة أخرى ف جهاد جاب ليها زياد طاقم أخر و حسن من هادوك لي قبل... كلهم كانو بنات... اهتمو بيها على اكمل وجه...من الصغيرة حتا للكبيرة و لإبتسامة مخفاتش على وجهها كيف لا وهي غادي تزوج بالشخص لي كتبغي من مدة طويلة و قلبها كان معاه ديما فغيابو و فحضورو ... بقا بالها مع عايدة.. عارفة خوها مغاديش يدوزها ليها... بقا بالها مشطون.... لوات عليها پينوار وخرجات طالعة عندها للجناح....
دخلات لبيت بان ليها باقي واقف بلاصتو بدون إهتمام دخلات لدريسينغ لقات بواط كبيرة فلبيض ملاحظتهاش قبل لكن عرفات زياد لي غادي يكون جابها ليها....سمعاتو كيهضر فتيلي دغيا لبس عليه و خرج... اما هي بقات حاضياه حتا بان ليها خرج من لقصر....
بعد وقت طويل سالات تجهيزاتها كانت بحدها فلجنااح لبست لكسوة لي جاب ليها زياد... لي كانت فاللون الأحمر طويلة من لور ..و من جيهة الصدر كاملة مشبكة... من الشوفة عرفات شكون مصممها...كيف لا وهو مصمم عالمي حاجة ساهلة عليها تميز اللمسة الخاصة ديالو لي كيطبعها ف أي حاجة كيصممها.....سمعات صوت الدقان فلباب لقاتهم بنات مسيفطاهم جهاد من عندها باش يعاونوها توجد...
دارو ليها مكياج سموكي صارخ...مع عكر أحمر ماط... واكتر حاجة برزوها هي عينيها أقل ما يقال عنها " ملاك "....زينات عنقها ووذنيها بأغلى الألماسات ...لبسات صنيديلة عالية شوية فلأسود.....شافت راسها فلمرايا بكل إعجاب ...فأحسن شعور عند اي بنت او إمرأة انها تشوف راسها كأنها أنثى مناقصها والو .... عايدة(دورات عينيها للبنات لي كانو مكلفين بيها ) : شكراا بزااف... البنت1: مشاء الله... البنت2:معرفتش واش نشكر خدمتنا ولا الخلق ديال الله... مشاء الله... عايدة(هزات تيلي ديالها لقاتو زياد حطات تيلي على وذنها سمعاتو شنو گال و قطعات بلا متهضر)
خرجو وخرجات معاهم حتا هي بعدما وصاها زياد تمشي مع جهاد فلوطو..هزات صاك صغير فيديها.. حسات براسها قادة تمشي فراحتها رغم انه كان مزال ألم خفيف كيسري فأنحاء جسدها.....هبطات لقات جهاد كيوجدوها باش تركب فليموزين لي تديها للقاعة....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
توجهات بيهم لوطو لجيهة فين كاينة لقاعة لي غادي يتقام فيها العرس... ماهي غير مدة قصيرة حتا وصلو لفندق من أفخم فنادق لمدينة ....هبطو عبر سجادة حمراء طويلة ..ولي گارد مطوقينهم من كل جهة.. عاد الصحافة لي واخدين بلاصة على ليمن كيصورو....
