تزوجت كارهتي (رواية مغربية)

الجزء 56

🔥تزوجت كارهتي🔥

🔥بقلمي:مونيا لوباروس 🔥

حلات عينيها بتقالة... دورات وجهها جيهتو ...كان گالس و مربع يدو فوق الفوتاي...سهات فيه لفترة من الزمن...كيبان انه ما زارش النوم عيونو...حاسة بيه مقهور كتر منها...
فهاد المدة ولات كتعرفو مزيان...

رغم قصوحيتو و رغم شدادتو.. إلى انها لمسات فيه الطابع الحنين من شخصيتو لي كانت قبل عارفاه.. ولكن الظروف كتبدل لإنسان،فعلا قدر يسرق قلبها و يخليه ينبض بإسمو فهاد المدة لقصيرة لمرة أخرى بعدما كان مجرد حب طفولة ... وحبو ليها كان كافيهم بزوج...ورغم محاولاتها قدر حبو ليها يستحوذ على قلبها...

###فلاش بااك###

                           قبل 10 سنوات

كانت گالسة قدام لپيانو ديالها...  بنت فعز مراهقتها.. بكسيوة صيفية فلأبيض و شعيراتها مطلوقين و مرجعاهم مور وذنيها...
كتحرك أناملها بطريقة إحترافية على لپيانو....كأن أصابعها خلقت باش تعزف على هاد الألة لا غير... كتلعب بصبيعاتها فوقو ونغمات كيتسمعو صداهم فأرجاء لڤيلا...
كتخلي كل شخص يوقف شغالو و يسمع لديك المعزوفة... هادي هي عايدة ...فتاة رغم مراهقتها.. ايلا ان هدوئها كيبينها كبر من عمرها......

خديجة(جات هازة فيديها پلاطو) :عايدة... اجي ابنتي كولي شوية...
عايدة(دورات وجهها وهي كضحك):انا جايا.. خليه تما ...
خديجة(مشات عندها كتجر ليها فحنيكاتها وكضحك معاها... و مشات طلعات فحالها)

رجعات عينيها لپيانو و بدات كتعزف و فنفس الوقت مستمتعة بالجو الصيفي.... دخلات لصدرها رائحة خلات قلبها الصغير يخفق بسرعة... على إثر هاد الخفقان توقفو صبيعاتها و حبسات ....حتا سمعات صوت من لور

:كملي خليني نسمع مزال....
عايدة(ضارت و تطبعات إبتسامة دافئة على وجهها):زياد... من إيمتا ونتا هنا...
زياد(قرب ليها و گلس حداها):فاش بديتي...
عايدة(تطبع على وجهها إبتسامة خجولة)
زياد(لعب ليها فشعرها):كملي علاش حبستي...
سهيل(وقف من وراهم) :معرفتش واش كتجي لعندي ولا كتجي تسمع للپيانو.....
زياد(ضار عندو ):بزوج... (تحنى لعندها بجسمو لي كان كبير بزاف مقارنة مع جسمها الصغير ) ممم  مزال مكملتيش لعزف... فاش نرجع كملي ليا....واخا
عايدة(حركات راسها بأه)

خلاتو حتا تم طالع لفوق مع سهيل و بقات حاضياه و تابعاه بعويناتها لي كيلمعو وقتما كيشوفوه...

### نهاية لفلاش باك###

عايدة(ضحكات وسط دموعها فور ما تفكرات)
زياد(تمشى و گلس حداها و مبادلها لإبتسامة... هز يديها و باسهم و كيلعب فخصلات شعرها):صباح لخير...لأحلى ضحكة....
عايدة(ضحكات):عرفتي شنو تفكرت..
زياد(كيلعب فشعرها) :شنو تفكر حبيبي ممم...
عايدة:عقلتي فاش كان كيعجبك تسمع للپيانو.. فاش كنتي كتجي عند سهيل...

زياد(عض على شفايفو وضحك):علاه انا نسيت باش نعقل.....معمري نسيت...(طبع قبلة على شفايفها)
عايدة(بتاسمات و هبطو دموعها)
زياد(كيمسح دموعها) :ششش....باراك راك قهرتيهم..باراك راك كتحرقيني...
عايدة(طلقات شهقاتها لي كانت حابساهم) :..ر.. ربي كيعاقبني حيت بغيت نقتلو النهار لول... انا كنستااهل ا زياد.. كنستاهل هادشي لي واقع ليا...
زياد(شد وجهها بين يديه):تيقي بيا ما ليك حتا ذنب...هذا قدر خاصك ترضاي بيه... باراك ا حبيبي ..قهرتي هاد العوينات....

جرها بقوة لعندو دافنها فحضنو.... مخليها كتبكي حتى عيات ورجعات نعسات....قادها مزيان فبلاصتها و غطاها...

سهيل(دخل لعندها):مزال ما فاقت...
زياد(مسح على وجهو):لا فاقت و رجعات نعسات...
سهيل(شاف فيها.. و فحالتها باينة كانت كتبكي ):رجعات كتبكي مرة أخرى....
زياد(حرك راسو بأه وتم خارج و باينة فيه معصب)
سهيل(حبسو):فين غادي....
زياد(شاف فيه و عينيه حمرين):متحبسنيش....
سهيل(هز جاكيط ديالو) :غادي نمشي معاك....

⭐⭐⭐