تزوجت كارهتي (رواية مغربية)

الجزء 41

🔥تزوجت كارهتي🔥

🔥بقلمي :مونيا لوباروس🔥

###صبح صباح جديد...

فاقت كتقلب فلفراش....ناضت كتجر فرجيلاتها دخلات للحمام غسلات وجهها وعينيها باقين مغمضين...حلات لباب خارجة ...
عايدة(مخلوعة):بسم اللله الرحمان الرحيم .....مالكيي جايا على هاد الصباح
جهاد(مشات كتعنق فيها): ممم كيف داز لموعد ديال لبارح..شفتكم تعطلتو...
عايدة(دارت ضحكة إستهزاء...)
جهاد(كتقيص كرشها):كيف صبح حبيب عميييتوووو
عايدة:مم مزيان
جهاد(حيدات ليها شعرها عاى وجهها):ا ويلي شنو هدشييي
عايدة(طلقات منها ومشات حلات لبالكون)
جهاد:زياااد ياك.....
عايدة(عينيها غرغرو)
جهاد(مشات دورتها عندها):شنو وقع؟؟؟ علاش ..ياك كنتو مزيانين؟
عايدة( خرجات گلسات فلبالكون):تلاقينا ب أنور فريسطو لي مولفين نمشيو ليها....
جهاد(ضحكات بفقصة):باينة.....باينة بلا متكمليي باين شنو وقع ،خلاها عليك و عليه...
عايدة(حدرات راسها ودموعها سايلين)
جهاد(قربات ليها عنقتها كتحاول تواسيها):و صافي .....ليوم خطبتي مبغيت حتا حد يبكي....
عايدة(هزات راسها و كتمسح دموعها ):فطرتي
جهاد:لا مزال ....انا غادي نعيط ليهم يجيبوه هنا
عايدة:لالا.....من لأحسن نمشيو للبيت عندك...
جهاد(هزات كتافها ):واخا....

لبسات فوقها پينوار و خرجات هي وياها....هابطين للطابق لي فيه بيت جهاد...حيت الطابق لفوقاني فيه بيت زياد بحدو ....وقفات عليهم سمية لي كانت يالله خارجة من بيتها...

سمية:صباح لخير...
جهاد:صباح لخير اماما
عايدة(قالبة و جهها محاملاش شي حد يشوفها هكاك):صباح لخير...
سمية(دازت من حداهم و هبطات )

دخلو لبيت بجوج....ووصات جهاد على لفطور باش يطلع ليها.....اما عايدة فوقفات قدام لمرايا كتحسس وجهها كيف ولا كامل حمر وفيه طبايع زرقين من كل جيهة....جبدات لمكياج ديال جهاد ..هو علاش جايا و قتارحات عليها يمشيو عندها ...حيت زياد مانع عليها دير شي حاجة فوجهها....بدات كتقاد باش تخفي دوك الضربات  وفعلا دغيا تخفاو ...قادات وجهها بطريقة خفيفة مباينش انه دايرة مكياج.....دارت عند جهاد لقاتها حاضياها من لبالكون....دخلات لخدامة جارة طبلة صغيرة ....خداتها من عندها عايدة...و داتها لبالكون...
بداو كيفطرو و كيهضرو على لخطبة لي غادي تكون ليوم بليل....
جهاد(كتقلب ف تيلي ديالها):شنو بان ليك نخرجو ....
عايدة:دابا....
جهاد:اه....ولا ياكما خاصك الإذن(غمزاتها)
عايدة(عضات على شفايفها):من إيمتا كانت عايدة كتستأذن...اه نخرجو...باقي عندك سوارت داري؟؟
جهاد:اه باقين...كنمشي نبات مرة مرة تم...
عايدة:ههه واخا....انا غادي نمشي نلبس عليا ...

مشات عايدة مزروبة لبسات عليها دغيا كسيوة فلأسود طالعة على الركبة سامپل و معاها سبرديلة و طلقات شعرها حيت كتعييها ديك كوپ شوڤال و أصلا راسها كيضرها ....خرجات هابطة عند جهاد لقاتها نيت جاية فالطريق....هبطو بزوج وركبو فلوطو ديال جهاد...وعايدة لي سايگة ...

عايدة(كسيرات):ناريي....توحشت نسوگ
جهاد(دارت عندها كتشوف فيها و كضحك):مسخوطة...نتي باينة مدوزها عليك زياد....
عايدة(ضحكات):مدوزها عليا و سكتي.....عقدنيي فحيااتي...حتا من شعري هو لأخر كيتحكم فيه..
جهاد(حلات عينيها):اجي ...ياكما غادي يتجبد ليك الصداع لا خرجتي...
عايدة(هزات كتافها):لمهم عندي دابا هو نخرج...(خرجو من لڤيلا بعدما تحل ليهم لباب )غادي ندوزو لداري هي لولة...اللله توحشتهاااااا

طلقو لموسيقى وغادين ناشطين فالطريق كيف موالفين كيديرو....دازو لوسط لمدينة فين كاينة الدار ديال عايدة...
دخلو للدار..جهاد گلسات فالصالون كتسناها و عايدة دخلات لبيتها ..مع دخلة تكبو عليها گاع لأحدات لي دازو فهاد البيت ...هبطات دمعة من عينيها،مسحاتها بسرعة و مشات لپلاكار ديالها جبدات لي گارط ديالها باش تشري لي خاصها و متطلب من حد....هبطو للوطو و مشاو جيهة المول ..مخلاو ما شراو عاد  هبطو...

گالس فلبيرو ديالو فالشركة  خدام على شي ملفات و بالو معاها....كمل دكشي لي بين يديه دغيا و هز تيلي و سوارتو و خرج...دخل للقصر طالع بزربة باغي غير يشوفها...دخل لبيت دور عينو فكل جيهة مبانتش ليه...رجع هبط لبيت جهاد...ووالو مكاينش اثار.....
سمية:خرجو ا ولدي...
زياد(دار عندها صاعر):كيفاش...خرجو...
سمية:كيفما سمعتي....خرجو قبيلة مرتك و جهاد...
زياد(زير على يدو حتا بانو عروقها ):فين؟
سمية(هزت كتافها):معرف ....ولكن ديك الحالة لي خرجت بيها مرتك...نگول غادا لديسكو ...
زياد(حيد من حداها و طلع لبيتو  وهاد لمرة فعلا ناوي على خزيت)

دخلو ناشطين كيضحكو....لقاو الدنيا مقربلة كلشي كيوجد للخطبة ديال ليوم ...طلعاات كل وحدة لبيتها باش توجد راسها.....اما عايدة غادا طالعة دايرة لكيت فوذنيها و تيلي لي عاد شرات  فساكها الصغير  و كتشطح فالطريق و كتلعب بدوك السيكان لي فيديها و مبتاسمة و عينيها كيلمعو بلفرحة...شحال مخرجت فحال هكا.....دخلات لبيت و هي كدندن مع لأغنية ....دخلات حطات دوك السيكان فوق الناموسية و كتجبد فدكشي لي شرات للبيبي و كتلعب بيه بدوك الصبيبطات بصبيعاتها......تسمع صوت لباب تزدح بالجهد..دارت مخلوعة..

زياد(غوت ):فين كنتيييييي

⭐⭐⭐