" الفصل العاشر "
:
:
"إن حكينا ندمنا وان سكتنا قهر
بين قلبٍ عطيب وبين راسٍ عنيد
طاولتني همومي مع طويل السهر
ماتحمل ضلوعي لو ضلوعي حديد "
: يالله مشتاقه لكم ومتحمسه انصدمت ان غادة ماداومت
ريم : والله امها تقول تعبانة مره من جت امس من الجامعة
مها : اي كلمت نجد انا بعد معقولة تعبانة لدرجة ماتقرا رسايلنا
مشاعل : ياقلبي عليها .. ريم مريها انتي اقرب وحده لبيتها وطمنينا ..
ريم : ان شاء الله ، يالله عطينا علوم سفرتك واخبار الكويت واهل الكويت ،
مشاعل ؛ خيال خيال ودي اعيش فيها
مها : لا يالجاحدة
مشاعل : جد اتمنى اتزوج كويتي ..!
ريم ؛ انا عارفه ليه كله من حبك للأكل وهناك ماشاء الله كل يومين فاتحين مطعم !!
:
:
لا وجهك زين اليوم واذا ماعندك شي بكره الخميس غيبي بعد ارتاحي
غادة : بكره عندي اختبار بس الحمدلله ارتحت اليوم نمت نومه جميلة
ام فيصل : يالله انزلي تقهوي معي واخوانك بيجون الحين انشغلوا عليك من امس وافتحي شبابيك غرفتك خلي الشمس تدخلها
غادة : ابشري ../
طلعت ام فيصل وفتحت غادة جوالها رسايل من صديقاتها ومن ماجد واتصالات قرأت آخر رسالة لماجد " اتصلي ضروري "
وسكرت الجوال وقامت تاخذ ملابس عشان تتسبح وتنزل .. لكن الاتصال الي عرفت صاحبه قبل لاتشوف الرقم رجعها للجوال
: آلو
ماجد : كيفك الحين !؟
: الحمدلله
: ليه مارحتي للمستشفى ؟
غادة : للأسف علاجي مش في المستشفى
ماجد بضحكة : علاجك عندي عارف !
غادة تروح تسكر باب الغرفة : ماجد متى تنتهي لعبتك .. يعني إلا متى ناوي تعاقبني ..
ماجد : انتي شايفه اني اعاقبك !! ركزي ياغادة انا قاعد املكك شي فوق العقاب من اللحظة الي دخلتي فيها حياتي صرتي ملكي !! رفعت الاقلام وجفت الصحف كل ماتقبلتي الحقيقة اسرع كل ماعطيتيني فرصة ادلعك مثل مابي ..!!
غادة : انت مريض !! محد يملك احد .. ايه انا غلطت بس خلاص تبت ماراح تلحقني عمرك كله وتفرض نفسك علي ..!
ماجد : افتحي الواتس اب وانا معك
وارسل لها مقطع الشقة
انتظرت غادة المقطع يحمل بعدين فتحته
الشهقة الي وصلت لماجد ادت المطلوب واكثر : الحين قولي ياغادة اي شي بس الحين كلامي واضح والي خلاني البارح اشرب قهوتكم يخليني اوصل لك زي مابي ووقت مابي ..!
غادة : انا عندي اختبارات وانت اكيد عندك اعمال واذا عشان اعتذر انا اسفة مليون اسفة .. خلاص خلنا ننتهي هنا واذكرك بالخير
ماجد الي تجاهل كلامها : اليوم ارسلت لك سواق لكن ماداومتي بكره راح يجيك بس تبينه الساعة كم
غادة : لو اترك الجامعة ماطلعت مع سواقك فاهم !!
ماجد يضحك : خايفة يوصلك لي !! تصدقين بعد الي شفته اشتهي اشوفك كل يوم ...
غادة بألم : معقولة ماعرفتك زين والا تغيرت فجأة !!
ماجد : صدقيني ماعرفتيني زين .. ومازلتي تجهليني !! نهاية الكلام هذا المقطع بتلقينه في جوال اخوك اذا ماتواضعتي شوي !! مفهوم حبيبتي !!
غادة باستسلام ؛ مفهوم !
