:
" الفصل الـ ٤٣ "
:
اعد الليالي ربيعاً ربيعاً..
ويمضي الزمان ولا ترجعين .
وتبقين وحدك نبضاً بقلبي
ويرحل عمري ولا ترحلين
م.ن
:
:
امتلأ البيت بالداخل والخارج وماجد يقف على رأسهم .. والهاتف على اذنه : اذا ماتقدر تجهزها الا الصباح انا ادور احد غيرك ..
المنسق : لا لا نقدر ولايهمك احنا نتعامل مع اكثر من ماركة ومن بوتيك مميز حتى من مصممين داخل وخارج السعودية .. والعمل للي مثلك ياطويل العمر هو المكسب الحقيقي لنا .. فقط ٨ ساعات وتجد دولاب متكامل من فساتين سهره لـ ملابس كاجول ليومي .. كل ماتحتاجه زوجتك طال عمرك
ماجد : شنط وجزم
المنسق : كل شيء .. ماراح نغفل اي شيء طال عمرك ..
اغلق ماجد الهاتف وهو يراقب العمال
دخل سلطان منزل عائلته يرى الحركة من الخارج والداخل : وش فيك بتنقل ..
ماجد : لا غادة بترجع ..وباغير بعض الاثاث ..
ضحك سلطان بفرح : جميل ...!!! الحين تقولي الخبر الشين وماتقولي الزين ..
ابتسم ماجد : كنت نايم انت ..
سلطان : الحين هذولي منين لقيتهم الساعة ١
ماجد : الي يدور رزقه يشتغل ليل نهار ..
ضحك سلطان بقهقهه : احبك اذا تكلمت بمنطق الكادحين امثالي ..
ابتسم ماجد وأشر على الملابس العسكرية على سلطان : عندك استلام ..
سلطان : ايه فيه مهمه استدعوني لها .. باروح وارجع لك ابيك تروح معي تخطب لي ..
ماجد : من هالمره لاتقول نوره لانه ...
رفع سلطان يده : الله يستر علينا وعليهم مهما كان هذولي وانا اخوك بنات خالتنا ومن لحمنا .. لكن خطيبة سلطان العتيده مهندسة
قطب ماجد : خالة تركي ولد فهد ..
سلطان : بالضبط ..
ماجد : اختيار موفق فهد وبنات عمه من افضل الجماعة خلق ودين ..
ابتعد سلطان وهو سعيد جداً منذ .. لايعرف منذ متى لم يشعر بهذه السعاده .. رفع رأسه لله سبحانه : يارب تمم لماجد وحنن قلب غادة عليه ..
:
:
دخلت ام فيصل لتجد ابنتها التي تركتها لترتيب اغراضها واقفة امام النافذة : تذكرين جيراننا الي ولدهم يناظرك من شباكه ..
ابتسمت غادة : كنت اذا قلت لصديقاتي في المدرسة يقولون واو يحبك عندك معجب سري .. وانا على عكسهم كنت اطفش واحقد عليه لانه حرمني افتح شباكي ..
ام فيصل : طول عمرك كنتي غير عن البنات ياغادة ..
التفتت غادة لوالدتها : في عيونك بس .. انتي الي كنتي ومازلتي غير عن الامهات .
ام فيصل : هنا اصدقك لان مافيه ام ترضى ترجع بنتها للمكان الي سبب لها اذية ..
غادة : انا شرحت لكم السبب ، انا احتاج اواجه ذكرياتي هناك واتخلص منها ..
ام فيصل : يعني لو وجدتي ماجد تغير بتستمرين معه
غادة بدون الافصاح لوالدتها : مهما كان قراري انا متأكده اني باختار صح لأنك امي اولاً ولانك تدعين لي ثانياً ..
:
:
الحين تروحين له وتطلبين منه فلوس
سمر : عطني طيب اكلمه اتأكد معه ..
قاطعها نواف : سلطان العالي تتأكدين معه او لا هذا عنده اسهم حتى في المريخ ومع هذا موظف ماترك مكانه للي يدورون وظايف .. امشي بس لبيته .. واطلبي منه يكفي انه الي دبسنا ببعض ..
سمر وهي تبكي : انت الي دبستني فيك .. انت الي خربت حياتي
نواف : على اساس حياتي انا ماشيه صح .. من شفت وجهك والنحس متربع بحياتي .. بس تجهزي باوديك لبيته وانتظرك برا ..
:
