" الفصل الـ ٢٨ "
:
:
الله يرد خطاك لدروب خلانك ..
لعيون ما تنساك لو طال هجرانك ..
دام الأمل موجود فالنفس خضاعه ..
حق العيون السود السمع والطاعه
م.ن
:
:
اخذت غادة تراقب النخيل على طرف الشارع فقدت معنى الاشياء البسيطة التأمل في الشوارع الهدوء الحرية فقدت حريتها مع ماجد .. شخص متملك وشگاك وناجح لدرجة ان لايرضى باأقل من كل شيء .. كانت تشعر بهذه الصفات من بداية معرفتهم .. غبية ياغادة كيف لم تطلقي ساقيك للريح هرباً منه .. تعرف الجواب لانه اثارها وفتنها وحرك مشاعرها ثم لم يجعل لها خيار ..
لماذا لم يطلقها وهو يشك بها ؟ لانه لم يصدق قلبه لم يصدق ان سلطان خائن لقد رأت كيف تغيرت ملامح وجهه عندما تحدث عنه بعد عملية والدتها ..
: شاهين وقف هنا
نزلت ودخلت محل الحلويات واخذت تختار بعض الصواني .. سيغضب ماجد ان علم انها توقفت بدون اذنه لكن ليغضب من نفسه لان لاجوال لديها للأستئذان
غادة !!
رفعت نظرها لتجد سلطان داخل المحل
غادة : مجنون وش تبي مني لاحقني ؟
سلطان : انا مابي منك شيء لكن ماجد هو الي يبيك عشان يعيش حياة طبيعية
غادة : انتم عائلة غريبة انت عندك متلازمة ماجد وهو عنده متلازمة الخيانة !!
سلطان : خذي وتفهمين ..!
غادة لم تمد يدها لأخذ المغلف: قال لي ماجد عن خيانة تعرضت لها امه وان ابوك ماانصفها
سلطان : الحمدلله هذا يثبت صحة اعطائك الدفتر .. غادة تكفين وانا اخوك انتبهي لماجد تحمليه .. وافهميه .. ماجد يستحق الحب انتي الوحيده الي تقدرين تساعدينه وانتي فرصته بالعيش حياة طبيعيه لاتتركينه تكفين واعطاها الدفتر وخرج ..!!
وضعت غادة المغلف داخل احد الاكياس مع الحلويات وحاسبت وخرجت لاتفهم ابداً سلطان ..!!
تزداد هذه العائلة غرابة يوماً بعد يوم ..!!
:
:
خرج سلطان وركب سيارته ومشى .. الان شعر بالراحه ستقرأ غادة الدفتر وستساعد ماجد لفت نظره في احد الشوارع القريبة من منزل اهل غادة سيارة السائق الخاص ببنات ابراهيم !! تمهل.. كانت السيارة تقف عند عمارة شقق مفروشة !! وانتظر بعيداً .. حتى خرجت سمر تضع لثمه وهو يعلم انها محجبة لاتغطي وجهها ابداً استغرب من خروجها من هذا المكان وقرأ اسم العمارة ثم انتظرها حتى ركبت سيارتها وذهبت وذهب هو الآخر في طريقة ..!
:
:
قفز ماجد في سيارته
وهو يفتح الرسالة مره اخرى كان يشعر بزغلله بعينه وضباب في تفكيره كان يشعر بذلك كان يشعر ان غادة ليست كما تدعي ثم قرأ الرسالة مره اخرى من الرقم الغريب ..!!
" مالومك لو انخدعت بزوجتك الي وجهها بريء لاني انخدعت قبلك والحين تركتني عشان صديقي واذا مو متإكد شوفها متواعده معه في شقة " وارسل له اللوكيشن "واسمع المقاطع الي ارسلها لي صديقي عشان يأكد انه مشبك غادة عشان تعرف انها مثل ماستغفلتني مستغفلتك ..!!"
