Sweet Siren From You

XXIV

SSFY 24

“Shot?” Inabutan ako ni Tres ng shot glass at ininom iyon, andito na sa tabi ko si Winona nang mapagod siya magsayaw sa gitna.

Hindi ko alam kung dahil lang ba sa alak kaya hindi ko gusto ang nakikita ko, pilit ko na lang tuloy inaalis ang tingin ko roon, pero pansin na pansin ko na tinitignan ni Dos ang reaksyon ko.

“Si Architect Hernandez ‘yan, architect no’ng isa niyang project,” bulong ni Dos sa akin kahit na hindi ko naman tinatanong.

“I’m not asking, wala akong sinasabi ah.” Mahinahon pero alam kong tunog defensive ang pagkakasabi ko noon kaya sumilay ang pilyong ngiti mula kay Dos.

“Kailan pa kayo nagkita ulit ni Uno?” pag-iiba niya ng topic habang busy mag-usap si Tres at Winona habang nilalagyan ako ng shot.

“Medyo matagal na rin, magkatrabaho kami sa isang project.” Napa "ohh" na lang siya at bahagyang natawa.

“So he wasn’t joking with what he said before.” Hindi ko alam kung kausap niya pa rin ba ako o ano, paano nakatingin siya sa baso niya at tumatango-tango habang nagsasalita.

“What did he said before?” tanong ko sa kaniya pero nginitian niya lang ako sabay inom sa baso niya at umiling.

Pakiramdam ko tuloy may nangyaring hindi ko alam pero kung ayaw nilang sabihin ay hindi ko naman sila pipilitin as long as hindi iyon nakakaapekto sa akin.

Ini-straight ko ang shot na kalalapag pa lang ni Tres, hindi ko gusto ang lasa noon pero why did it felt so good and akma sa sitwasyon.

“Ada?” Narinig ko na ang boses niya kahit na may tugtog, mukhang tapos na siyang makipag-usap doon sa architect niya.

Napatingin ako sa gawi niya, naririnig ko ang mahinang tawa ni Dos sa tabi ko bago siya lumipat sa tabi no’ng Averie.

“Hey,” he said with a soft voice pagakaupo niya sa tabi ko.

Kumuha lang ako sa pulutan na nasa harapan ko dahil hindi nga maganda ang lasa ng pinapainom sa akin ni Tres.

“Why are you here?” tanong niya, muling naglapag si Tres sa harap ko. Ang bilis naman nilang magshot dalawa! Parang kakainom ko pa lang ako nanaman ulit.

Kinuha ko ang shot glass at ini-straight iyon bago ako tumingin sa kaniya. “Can’t I?” mahinahon kong sagot pero mukhang natunugan niya na may mali sa akin. Hindi ko lang talaga mapigilan mainis at hindi ko alam bakit ako naiinis nang makita ko sila no’ng architect niya, naiinis na rin tuloy ako sa mukha niya.

Baka may side effect ‘tong alak?

“Wait, are you mad? Why?” nagtatakang tanong niya sa akin kaya tumawa naman ako ngayon pero feeling ko halatang peke at sarcastic iyon dahil hindi nga ako magaling magpanggap.

“Huh? Hindi ah!” sagot ko at pinagpatuloy lang ang pag kain ng pulutan na nakahain sa harap.

Nahihilo na ako, pero tuloy tuloy pa rin ang paglapag ni Tres ng shot glass sa harap ko. Hindi ko sure kung nilalasing niya ba ako o ano, ganiyan kasi si Ryzelle noon sa akin para malasing niya ako. Natutuwa kasi sila sa akin kapag ganoon. Minsan lang naman din 'yon mangyari.

“Bakit ako nanaman?! Dinadaya niyo ba ako?” reklamo ko na at tinignan silang dalawa roon. Tawa naman nang tawa si Winona sa akin.

“Ayan lasing na ‘yan, hindi na mabait e,” natatawang sabi niya pa kaya sinimangutan ko agad siya, pinagtitripan nanaman niya ako pero hayaan na kask problemado siya e kung ang lasingin ako ang sagot para gumaan pakiramdam niya edi sige.