Sweet Siren From You

XXVI

SSFY 26

"May appointment pa ba ako?" I asked Haley nang makatapos ako ng trabaho. Hindi pa rin ako makapagdecide kung pupunta ako sa site nila Uno o ano.

Kakakita ko lang naman sa kaniya kaya medyo hindi ko naman siya namimiss.

Teka? Bakit ko siya mamimiss? Napakagulo na talaga ng utak ko kapag si Uno ang usapan, parang hindi siya healthy para sa akin.

"Ahh wala na po, hindi naman po nagsabi si Engineer De Franco." Dahan dahan na banggit ni Haley sa akin na parang nag-iingat na baka magalit ako sa lowkey pang-aasar niya sa akin kay Uno.

"Should I go to him instead?" Mukhang nabigla si Haley sa tanong ko sa kaniya. Madaldal siya I can say pero I treat her as a friend na rin naman. She genuinely cares for me and she knows what I want.

"Sino po? Si Engineer De Franco po ba?" Dahan dahan niya ulit na pagsasalita, natawa tuloy ako ng bahagya ang cute niya lang talaga.

"Yes," tipid na sagot ko, mukhang nag-sip naman siya bago siya tumango.

"Opo, lagi pong siya ang nagpupunta dito e, baka kaya po hindi na siya nagpapa-appointment kasi gusto niya ikaw naman. Opinyon ko lang 'yan architect ah walang personalan." Lalo akong natawa sa pagdepensa niya pero tumayo na ako at inayos ang mga gamit sa desk ko.

"Pupuntahan niyo nga Architect?" I smiled at her before nodding.

Bahala nang magkasawaan kami sa mukha ng isa't isa kaysa nakatingin lang siya kay Architect Hernandez na ang ganda ganda.

Nagpaalam na ako kay Haley at sinabihan siya na umuwi na rin. Maaga pa pero tapos na rin naman ang trabaho ko for today kaya okay lang din na umuwi na si Haley.

Nagdrive na ako papunta sa Antipolo, halfway parang nagdadalawang isip pa ako, pero ang ending pumunta pa rin ako.

Bumili na lang ako ng merienda tsaka softdrinks para sa workers nila, nakakahiya naman kung eepal ako doon tapos wala naman akong kahit anong dala.

Nasa tapat na ako ng site nila, hindi ko nakikita si Uno, puro construction worker ang nandoon kaya parang nahiya ako bumaba sa sasakyan.

Hindi ko rin nakikita kahit saan si Architect Hernandez, baka magkasama sila somewhere. Sabi na dapat hindi na ako pumunta. Kumuha ako ng isa sa donut na dala ko at kumain.

"Ako na lang kakain," bulong ko sa sarili ko sabay kagat sa donut.

Biglang tumunog ang phone ko at nakita ang pangalan ni Uno roon. Sinagot ko iyon agad.

"Why?" Hindi ko mawari kung nasa site siya o ano base sa tunog ng background niya sa call.

"Punta ka sa site?" Napasimangot ako sa sagot niya, mukhang wala nga siya rito. Kasi 'di ba dapat ang tanong niya 'Punta ka ba dito?'

"Hindi, busy ako," seryosong sabi ko pero halakhak lang niya ang narinig ko pabalik.

"Ahh umasa pa naman ako." Hindi ko siya nakikita pero pakiramdam ko may pilyong ngiti sa labi niya ngayon dahil sa tono ng pananalita niya.

"Bakit? Wala naman akong sinabi na pupunta ako ah?" I said in monotone, while quietly munching on the donut I'm holding.

"Because I'm seeing a white lexus sa tapat ng site." Sure akong alam niyang sasakyan ko talaga ang nakikita niya dahil sa pang-asar na tawa niya.

Binuksan ko ang bintana at idinungaw ang ulo ko mula roon, nakita ko siya sa second floor ng structure, hawak ang phone niya habang nakasuot ng hard hat at nakatingin sa sasakyan ko.