أسيره الظلام

البارت الثانى

نبدأ بوصف اخت شهد اسمها حنين شعرها بنى وسط وعنيها بنى غامق جسمها مليان شويه واخده عصبيه باباها وشدته
نبدأ البارت التانى
شهد فى المطار ودعت والدها بهدوء وهيا من جواها قلبها موجوع جدا على فراقه وعلى حياته الى بيدمرها
شهد : هتوحشنى اوى يابابا وحضنته
فهد : وانتى كمان ياحبيبتى خلى بالك من نفسك
شهد: حاضر وانت كمان
سمعوا صوت بيعلن عن الرحله رقم ٣٤٧ الى هيا رحله شهد
شهد مشت وختمت الجواز وكانت أول مره تسافر لوحدها خايفه جدا بس مش مبينه طلعت الطياره وقعدت فى مقعدها وكان على الطرف وجمبها شب حاطط السماعات وراكن راسه على الشباك ومغمض عنيه فى الجهه التانيه واحد صعيدى وبيضارب
الراجل : مش هحطها فوق
المضيفه : مينفعش يافندم كدا خطر الطياره بتتحرك ممكن تخبط حد وتعطل الطاقم وهما ماشيين
الراجل :لا انا هحط الشنطه بتاعى على رجلى
المضيفه : طيب ياريت حضرتك متنزلهاش

شهد كانت بتتفرج على الموقف وبتبتسم وقالت فى سرها ياريت كانوا بيخافوا عليا زى ماالراجل دا خايف على شنطته
بدأت الطياره تقلع وشهد بتخاف اوى منها كانت مامتها بتمسك اديها وباباها بيخدها فى حضنه فى كل مره بتسافر مش عارفه ليه بيعملوا كدا ازاى حد يتخلى عن قطعه منو
شهد ماسكه ايد الكرسي جامد والايد التانيه على قلبها  وبتدعى : الله أكبر الله أكبر الله أكبر، 〈سُبْحَانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ وَإِنَّا إِلَى رَبِّنَا لَمُنقَلِبُونَ " اللّهمّ إنّا نسألُكَ في سَفَرِنَا هذَا البِرّ والتّقْوَى، ومِن العَمَلِ مَاتَرْضَى، اللّهمّ هَوِّنْ عَلَيْنَا سَفَرِنَا هذَا وَاطْوِ عَنَّا بُعْدَه، اللَّهُمَّ أَنْتَ الصَّاحِبُ فِي السَّفَرِ، وَالْخَلِيفَةُ فِي الأَهْلِ، اللَّهُمَّ إِنِّي أَعُوذُ بِكَ مِنْ وَعَثَاءِ السَّفَرِ وَكَآبَةِ الْمَنْظَر وَسُوءِ الْمُنْقَلَبِ فِي الْمَالِ وَالأَهْلِ ".
الشاب الى جنبها كان قاعد يبص لها وفى سره: شكلها صغير ازاى يسبوها تسافر لوحدها
واستقرت الطياره فى الجو الحمدلله وجه وقت الاكل
المضيفه جايه بتزق الترابيزه الى عليها الاكل وبتوزع الواجبات والراجل الصعيدى نام وحط الشنطه فى الارض المضيفه مخدتش بالها والتربيزه طلعت فوق الشنطه ومالت والاكل وقع على شهد
الى كانت نايمه ومستغطيه بابطانيه خفيفه اديها اتحرقت وجسمها الحمدلله كان مستغطى
شهد قامت مفزوعه : ايه دا ايدى ااااااااااااه
المضيفه بتعدل الترابيزه : بعتذر ليكى مخدتش بالى اجبلك ايه طيب
شهد : مش عارفه ايدى نفخت كدا ليه بتوجع قوى
الشاب الى جنبها : متقلقيش حرق من الدرجه الاولى ادينى ايدك اشوفها انا فى كليه صيدله
شهد مدت له اديها وهو طلع شنطه اسعافات صغيره من فوق ورجع حطلها كريم ولفها بشاش
الشاب: بقيتى احسن
شهد : اه شكرا ياعمو
الشاب بضحك : عمو مين دا انا عندى ١٩سنه لسا اولى كليه
شهد بإحراج : انا اسفه يا.........
الشاب: انا يوسف وانتى
شهد : اسمى شهد متكشره جدا يايوسف
............................................................
فهد مسك تليفونه وكتب ارقام حافظها كويس واستنى الرد
فهد: الو يا مصطفى
مصطفى : ازيك ياخويا اخيرا افتكرت ان ليك اخ
فهد : معلشي مشاغل الدنيا شهد هتنزل تقعد فى شقتى يعنى تحتك يامصطفى خلى بالك منها
مصطفى : فى عنيا ولو انك متستاهلش علشان لما طلبت منك تاخد ابنى الامارات يدرس عندك رفضت وسبته فى الغربه لوحده
فهد : هو جه انا معرفش انا كنت معترض على انك توديه يتغرب والبنات هنا جنسيات اشكال والوان وهيلعبوا عليه دا قصدى واللهى ابعتلى رقمه يجى يقعد معايا 
مصطفى : خلاص يافهد هو مستحملش العيشه هناك لوحده وقرر ينزل مصر
فهد : تمام سلملي على الى عندك وخلى بالك من شهد انا هبعت الفلوس على حسابك وتديها لها
مصطفى : يوصل وشهد زى بنتى متقلقش
خلص المكالمه وحس بالوحده وفكر انه مجرد واحد بيأذى الى حواليه مراته سابته وزمنها بتدعى عليه بنته الكبيره مش هتسامحه حتى لو كلمته هيفضل قلبها شايل منو اخوه هيفضل شايل منو بسبب موضوع ابنه حس اد ايه هو ظلم الناس معاه واكتر حد نفسه الى بيعذبها قرر يتغير بس مش عارف يبدأ منين
...........,.,.......................................
عند شهد الرحله وصلت وخدت شنطتها وقبل ماتطلع قررت تغير هدومها المكبوب عليها شربه سي فود علشان ريحتها مقرفه
فتحت الشنطه وانصدمت
شهد: هدوم رجالى بصت على التكيت بتاع الشنطه اه مش بتاعى
راحت للامن
الامن : استنى هنتكلم فى المكرفون ننبه علشان كل واحد يتاكد من شنطته
وبعد نص ساعه
الامن : خلاص يابنتى روحى وسيبى رقمك كل المسافرين مشيوا من المطار محدش هيفتح شنطته هنا لما يروحوا ويلاقوها مش بتاعتهم هيجو
شهد : طب اسيب الشنطه ولا اخدها
الامن : لاخديها وانا اى حد هيتصل هبعتلك رقمه تاخديها منو بدل ماترجعى المطار تانى
شهد بتعب: تمام شكرا
طلعت وكانت قلقانه وبتحضر اعتذار لاختها الى مستنياها لفت كتير وبصت فى كل مكان ملقتش حد
شهد : معقول روحت علشان اتأخرت عليها رنت عليها
لقته مغلق اتنهدت بحزن كنت عارفه انها مش هتيجى
وركبت تاكسى وراحت على البيت بتاع ابوها
العماره عباره عن خمس  ادوار كل دور شقه والارضى جراش سيارات
الاول شقه فهد والتانى شقه مصطفى والثالث لابن مصطفى الكبير والرابع والخامس لعيال مصطفى بس مش متوضبين
دخلت البيت كان واحشها اوى دورت على هدوم فى دولاب مامتها لان هدومها صغيره عليها وخدت الهدوم ودخلت تاخد دوش
...........................
عند يوسف
طلع من المطار على البحر بيحب بحر الاسكندريه اوى فضل يبص عليه كتير وكانه بيتكلم معاه وفضل على الحال ده لمده
وركب تاكسي وروح على البيت
دخل كان معاه مفتاح سمع صوت فى الشقه ودخل اوضه النوم لاقه بنت قاعده بتتسرح
يوسف بصدمه : شهد ايه الى جابك هنا
شهد بصتله وخافت : انت ايه الى جابك دى شقه بابا اطلع بره
يوسف فكر شويه ايه دا انتى بنت عمو فهد
شهد :اه
يوسف : معلشي انا آسف من ساعه ماسافرتوا وانا بنزل اقعد هنا كتير ولما جيت حبيت اريح دماغى شويه قبل مااطلع لهم ويبدأوا بوس واحضان وقر
شهد فى سرها : حد يبقى عندوا عليه بيحبوه ويهرب منهم كدا
يوسف سمعها وقرر انو يطلع وقالها : انا اسف وطلع
نوصف يوسف
ابن عم مصطفى ابنوا الوسطانى شعره اسود ليل وعينه بنى غامق طويل وجسمه رياضى بتاع مقالب وبنات بس مفيش اطيب من قلبه
شهد : كملت تسريح ونامت على السرير ومسكت التلفون تكلم أريام
يوسف طلع على بيت والده ودخل بهدوء
والدته (ليلى ):- يوسف حبيب قلبي حمدلله على السلامه مش تقول كان ابوك ولاحد من اخواتك راح جابك من المطار
يوسف باس ايد مامته : حبيت افاجئكوا ياحبيبتى
مصطفى : حمدلله على السلامه يابنى
يوسف: سلم على والده وباس ايديه
وسلم على اخواته
نوصف عيله يوسف
مامته ليلى طيبه جدا شعرها صبغاه احمر وقصير عندها ٥٢سنه بس الى يشوفها يديها ٣٠ سنه بتحب جوزها وعيالها جدا
مصطفى والده نسخه من فهد بس طيب فيه عيب واحد بيحب الفلوس جدا عنده ٥٨سنه مدرس رياضه بس طالع معاش مبكر
اخوه الكبير مازن شعره بنى وعينو عسلي شبه   والده وعمو فهد على نياته كدا وبيشتغل دكتور اسنان
متجوز مراته اسمها لينا مغروره جدا شعرها اصفر وعنيها ازرق على رمادى قموره جدا بس طبعها وحش واخوات مازن مش بيطقوها بس بتحب جوزها وهو بيحبها
يزن اخوه الصغير فى ٢ ث  هادى وفى نفسه متفوق جدا دراسيا بس نفسوا يدخل تجاره
رنا اخته ٢كليه فى كليه السن تركى طيبه شبه والدتها شعرها بنى وطويل وعنيها بنى غامق جسمها حلو ووحيده جدا بين الولاد الكتير دول حتى بعد مافرحت ان اخوها اتجوز معرفتش تتفق هيا ومراته ابدا
نرجع تانى
حضروا الغدا وليلى عملت وليمه لان ابنها الغالى رجع من السفر
..............................................................
شهد قاعده سرحانه والدها رن عليها  ردت ومقلتش على اى حاجه حصلت لها علشان تطمنه
لقت لبس لاختها وهيا صغيره لبسته جه تمام عليها ونزلت علشان تجيب اكل
على السلم
مصطفى : شهد يابنتى
شهد : لفت عمو مصطفى وجريت عليه حضنته كانت بتحبه وهو كمان بيحبها
مصطفى : راحه فين
شهد : هنزل اجيب اكل
مصطفى : عيب عليكى وانا موجود وينفع كدا تيجى من غير ماتسلمى
شهد : اسفه ياعمو
وطلعت معاه
دخلها وعرفها عليهم
كلهم كانوا مش عارفينها ماعدا مازن وليلى
ليلى سلمت عليها وحضنتها ومازن سلم عليها
يوسف : ايدك عامله ايه دلوقت
كلهم بصوا لاديها
شهد : الحمدلله فى وجع بسيط
يوسف : طيب حطى الكريم الى اديتوا ليكى
شهد : حاضر
مصطفى : انتوا اتقابلتوا قبل كدا
يوسف : اه فى الطياره
مصطفى اها وايدك مالها ياشهد
شهد : اتحرقت ياعمو فى الطياره
مصطفى وليلى : الف سلامه عليكى
لينا بطراطيف صوابعها : ازيك
شهد  بضيق : تمام
يزن اكتفى بحمدلله على السلامه
اما رنا ماصدقت وخدتها قعدتها وقعدت تتعرف عليها
رنا: من دلوقتى احنا صحاب اصحاب ايه احنا اخوات
شهد : انا حبيتك جدا وموافقه
ليلى يلا ياجماعه الاكل اتحط
قعدوا كلهم كلو
مصطفى كان بيأكل ليلى بإيده
ومازن منتبه جدا ل لينا كل ماحاجه تخلص من عندها يجيب لها فى طبقها
شهد نزلت عنيها وبصت للاكل وفى نفسها كان نفسي اعيش فى أسره شبه دى حب وحنان ودفا الدفا الى موجود هنا عمرى مالقيته فى الفيلا الى فى الإمارات محستش فيها غير بالبرد ووجع القلب ريحتها حزن
يوسف كان متابعها ونفسوا يعرف حكايتها
خلصت ونزلت شقتها
.............................
يوسف دخل اوضته وفتح الشنطه لقى هدوم بناتى نزل راح المطار والامن اداه رقم شهد
يوسف : الو
شهد : ايوه من معايا
يوسف : انا شنطتى اتبدلت معه شنطتك ومحتاج هدوم دلوقت قوليلى العنوان واجى تنزليلهالى وتاخدى بتاعك
شهد : قالت العنوان
يوسف بضحك : هو انتى ايه دا
شهد بعدم فهم : انا ايه
يوسف : انا يوسف ياشهد هاجبلك الشنطه اهو
رن وهيا فتحت بإسدال الصلاه
وادت له الشنطه
يوسف حب يدايقها : منا شوفتك بشعرك والبجامه الى كتفها واقع
شهد بإحراج : انت الى دخلت من غير استأذان ولو سمحت عايزه المفتاح
يوسف اضايق واداها المفتاح
ونام ابطالنا
وصحيوا تانى يوم
فى الاسكندريه
راح يوسف يظبط ورق جامعته
ومازن راح العياده بتاعته
يزن راح دروسه
رنا راحت كليتها
ليلى ولينا بينظفوا
ومصطفى نزل لشهد
شهد : صباح الخير اتفضل ياعمو
مصطفى : صباح النور يابنتى  البسي عندنا مشواير كتير لازم نروحها
شهد: حاضر
لبست ونزلت مع عمها
راحوا جابوا لبس المدرسه وقدم لها فى مدرسه ووراها لها وخدها عند الدكتور علشان اديها وبعدين روحوا
شهد : معلشي ياعمو عايزاك تعرفنى على المنطقه الى جمب البيت
مصطفى لف بيها ووراها المنطقه : بصى ياشهد انتى هتاكلى معانا وكل حاجه ووقت النوم تنزلى
شهد : مش هعرف اخد راحتى معلشي ياعمو خلينى تحت وابقى اطلع يوم جمعه ولاحاجه
مصطفى : براحتك واداها الفلوس دول ابوكى بعتهم ليكى
شهد : شكرا ياعمو
وطلعت البيت
عدتهم لقتهم ٤ الاف وباباها كان قايل لها خمسه شهد فهمت بس مش مشكله اصلا هتاكل عندهم كل يوم جمعه وهو جاب ليها حاجات واهم حاجه طيب معاها لو ياخدوا فلوس الدنيا كلها ويدهوا امان وحنان وحب هيا موافقه
حنين : رنت على شهد
شهد ردت: الو
حنين : انا آسفه ياشهد انا تعبت جامد وكنت برجع ومش قادره
شهد : الف سلامه انا مش زعلانه
حنين : خلاص هبعت أدهم يجيبك
شهد : تمام
أدهم جوز اختها : ازيك ياشهد
شهد : ازيك ياابيه
وخدها وراحوا لبيت حنين
حنين خدت اختها بالحضن وحشتينى اوى وعيطوا
أدهم : اهدى علشان الى فى بطنك
شهد : انتى حامل   
حنين : اهااا عرفت يوم ماجيتى من السفر عندوه شهرين
شهد : الف مبروك
أدهم : ادخلوا اقعدوا هتفضلوا واقفين على الباب
دخلوا وقعدوا واتغدوا وقعدت هيا واختها يتكلموا لحد الساعه ٩
شهد فى نفسها الحمدلله ان ربنا عوضنى بيكى عن الدنيا ياأحن اخت انتى
شهد صممت انها تروح وأدهم روحها
دخلت وضبت لبسها علشان تروح المدرسه واستحمت ونامت
.......................................................
عند مصطفى
قاعد بيتعشا هو وعياله
مصطفى : بقولك يا يزن ابقى خد شهد احجزلها دروس علشان انا معرفتش اوديها دروس ايه
يوسف بسرعه : لاخليه هو فى دراسته متعطلوش دا بيرجع متأخر انا هاخدها
كلهم مفهموش حاجه
ماعدا رنا الى ضحكت بخبث وفى سرها : وقعت يا يويو
فى اوضه رنا
رنا : الو ياشهد
شهد : ازيك
رنا: هتروحى المدرسه بكرا
شهد : اه ادعيلى
رنا : حاضر ياقلبي بصى انا هرن عليكى واخدك اوصلك اول يوم
شهد: شكرا ياحبيبتى
...............
ياترى أول يوم مدرسه هيحصل ايه
يوسف عمل كدا ليه علشان اخوه ولا علشان حبها ولا ايه بالضبط
ياترى حياتها هتفضل حلوه ولا القدر مخبي لها حاجات
................................
اتفاعلوا علشان انزل البارت الثالث بكرا