أسيره الظلام

حب جديد

شهد حست بألم تانى وبتكلم نفسها اقوله لا خليها بعد الشغل كل يوم اعطله عن شغله
وصلوا ونزلوا
شهد جنبها واجعها وبطنها ومش قادره تمشي راحت مسكت ايد عمر وحاولت تمشي
عمر مستغرب من تصرفاتها
دخلوا المكتب قعدت فى هدوء وحاولت تبين انها كويسه
عمر قعد يشتغل على المشروع الى معاه
عمر : شهد تعالى عايز اخد رأيك فى حاجه
شهد قامت وهيا مش قادره
عمر بصلها لقى حركتها بطيئه اوى
بعد ماجت جنبه لقاها وشها عرقان ولونه اصفر
عمر : شهد انتى كويسه
هنا شهد عيطت وكانت بتتتوجع اوى
عمر : مالك بس فى ايه
شهد بعياط : عندى الزايده ولازم أروح اكشف احتمال اعمل عمليه
عمر : طيب مقولتيش ليه هاخدك وهتبقى كويسه متعيطيش
خدها عمر وطول الطريق ماسك اديها
وجه دورها فى الكشف
عمر قعد زى امبارح
شهد:قوم ادخل معايا
قام معاها
الدكتور : اعملى الاشعه دى وبعدها نحدد معاد العمليه بس احتمال كبير تتعمل دلوقت بعد الاشعه
طلعوا مع بعض للاشعه
شهد بعياط:انا خايفه من العمليه انا بخاف من العمليات ياعمر
عمر حضنها : ششش انا معاكى متخافيش ودى الزايده كل الناس بتعملها عادى يلا بس نعمل الاشعه بسرعه
عملت الاشعه وطلعت لازم تدخل العمليات فورا
لبسوها لبس العمليات
وكانت خايفه جدا
شهد : لومت ابقا اطمن على سيف
عمر : بعيد الشر عنك ياهبله انتى موت ايه
شهد : انا مسمحاك ياعمر انت اطيب واحد شفته فى حياتى
عمر فرح جدا وخدها فى حضنه
شهد عيطت
عمر : بس بقا انتى قويه مش هتوجعك واللهى
جت الممرضه خدتها ودخلت العمليات
عمر كان قاعد بره على نار
*************************
فى بيت عمو مصطفى كلهم قاعدين زعلانين مش عارفين هيعملوا ايه
رن جرس الباب
يزن راح يفتح
يزن : بابا فى واحد بره عايزك
فهد : انا عمك ابو شهد
يزن : بجد اسف ياعمى اخر مره شفتك كنت انا صغير ومش فاكر
فهد : على ايه لا تتاسف ولاحاجه
يزن : طيب اتفضل دخله
فهد سلم عليهم
وبعدها
فهد : شهد فى الكليه صح اصلى جيت ودخلت الشنط ملقتهاش
كلهم سكتوا ووشهم اتقلب
فهد : خير هو فى حاجه بنتى كويسه صح وشكم عمل كدا ليه
مازن : بنتك خرجت ومرجعتش تلاقيها لقت واحد فمقضيها معاه
فهد : ايه الهبل الى انت بتقوله دا اولا تقعد عدل وانتا بتتكلم مع عمك ثانيا الى بتتكلم عليها دى بنتى وزى اختك المفروض شرفها من شرفك بس اعمل ايه فى الناس قليله الاصل بقا
يلا مدام ابوك راضي بكدا
مصطفى : انا مش راضي بحاجه بس بنتك مش سايبه حاجه تخلينى ادافع عنها مش عارف اسكت حد لو سكت عيالى هسكت الناس ازاى
فهد : انا هروح القى بنتى يوسف فين
كلهم سكتوا
فهد : يعنى الاتنين ضايعين يبقوا مع بعض
مصطفى : لاء ابنى اتسجن عليه ديون بسبب عربيه بنتك الى اجرتها ومش عارف اجيب ١٤٠الف علشان اطلعه
فهد : والى بيحصل دا من امتى
مصطفى : شهد ضايعه من ٣ شهور ونص ويوسف مسجون من امبارح
فهد : انا ماشي اشوف العيال فين وارجعهم وحسابك معايا عسير يامصطفى علشان تخبي عليا انتا وابنك الى بيتكلم فى شرف بنتى
نزل فهد متعصب وراح يدورعلى شهد فى الشوارع وميعرفش اي حاجه كلم كذا واحد صاحبه يدوروا عليها وينشروا صورها وكدا
وكلم الشركه الى فى الامارت تبعتله فلوس علشان يوسف
وروح تعبان
قعد فى اوضتها انا الى ضيعتك ياشهد اهمالى ضيعك يابنتى
***************************
عمر : ها يادكتور اخبارها ايه
الدكتور : الحمدلله العمليه عدت على خير بس عندها ضعف شديد لان الزايده من اعراضها فقدان الشهيه فتلاقيها مكنتش بتاكل كويس هنركبلها محاليل وتقعد عندنا يومين كدا لحد ماتبقا كويسه
عمر : ماشي يادكتور شكرا لحضرتك ينفع ادخل اشوفها
الدكتور : طبعا
عمر دخلها وكانت نايمه وقعد على الكرسي مسك اديها :
متقلقيش انا جنبك عمرى ماهسيبك باس اديها وفضل يبصلها
فاقت شهد من البنج
شهد : العمليه خلصت
عمر : اه ياحبيبتى خلصت
شهد ضحكتله لما قال حبيبتى
عمر فى سره شكله البنج ماثر يارب تفضل كدا على طول
شهد : بتقول ايه ولا انا علشان تعبانه تقعد تتكلم مع نفسك كدا عليا
عمر : مقولتش حاجه بحمد ربنا انك خفيتى
شهد : امم لو كدا خلاص اتكلم براحتك ممكن تاخد اسبوع اجازه من الشغل
عمر : متقلقيش عملت كدا اصلا
شهد : شكرا
عمر : على ايه دا واجبي
*************
رنا واحمد فى العربيه راجعين من عند الدكتور
احمد : خلاص يارنا اهدى ياحبيبتى
رنا رجَعت رأسها لورا وفتحت الشباك ودموعها فضلت تنزل زى الشلال
احمد وقف العربيه : انزلى نتمشي
رنا : مش قادره
احمد : واللهى مش عايز عيال انا مش عايز عيال حتى لو بتخلفى ياستى
رنا بعياط : بس انا نفسي ابقا ام انا مش هقدر استحمل كلام الناس لما يعرفوا انا اضعف بكتييير من انى اواجه حد وخاصه اما تبقا حاجه انا ذات نفسي مش حباها فيا
احمد : دا قضاء ربنا الحمدلله وانا معاكى يارنا مش جايز الدكتور دا وحش هنشوف اكتر من دكتور ومش هنقول لحد على حاجه تمام
رنا بصتله وحضنته جامد : اوعدنى انك عمرك ماتسيبنى
احمد حضنها هو كمان : واللهى ماهسيبك
طبطب عليها شويه لحد ماهدت وروحوا البيت
أول مادخلوا
حسناء: خير عرفتوا الحمل اتاخر ليه
احمد : تاخير ايه بس ياماما احنا متجوزين من ٣ شهور بس
حسناء: الناس بتحمل من اول شهر
احمد مسك ايد رنا واتك عليها علشان عارف الى جواها : ماما دا قضاء ربنا احنا الاتنين كويسين بس ربنا مش كاتب لنا خلفه دلوقت وانا عايز اتبسط فى حياتى شويه قبل مااشيل المسؤليه صح يارنون
رنا ابتسمتله وخدها وطلع على اوضتهم
*************************
شهد : قولهم يطلعونى بقا انا اتخنقت من ريحه المستشفى
عمر : عندك ضعف ولازم يخلوكى هنا شويه علشان مبتاكليش
شهد : خلاص نادى الدكتور وانا اقوله انك هتاكلنى وبس مش محتاجه دكاتره تاكلنى
عمر : انتى هبله ولا بتستهبلى
شهد بضحك : الاتنين بس بجد من غير هزار هروح اكل فى البيت وهبقى كويسه مش لازم بقا محاليل وقرف واصلا مستحيل اكل اكل المستشفيات دا
عمر : ياربى واخد طفله مش هتسكت بقا
شهد : مش عجبك اعترض كدا ورينى
عمر : يخرابى هو انا اتكلمت ولا اعترضت بقول طفله وعسوله وكيوت حاجه حلوه يعنى
شهد : اها يلابقا روحنى
عمر حاول مع الدكتور بس الدكتور قلل المده ليوم واحد بدل يومين
دخل عمر الاوضه
شهد : الم حاجتى
عمر : مش هينفع ياشهد هنقعد انهارده بس
شهد : يادى القرف بقا
عمر :قرف ايه بس ماحنا قاعدين اهو شويه وهنروح
شهد : عايزه ادخل الحمام
عمر احم احم
شهد : بعرف ادخل لوحدى عايزه حد يوصلنى لباب بس
عمر : ماشي تعالى
اول ماوقفت داخت وقعدت على السرير تانى
قعدت شويه وبعدها قدرت تقوم
وهيا ماشيه متسنده على عمر فجاه خبت وشها فيه ووقفت
عمر : انتى كويسه دختى تانى
شهد : احنا لازم نمشي من هنا
عمر : ليه
شهد : علشان الراجل الى هناك دا بابا
عمر: يانهار طب استخبى بسرعه
رجعوا الاوضه وقفلوا الباب غيرت لبس المستشفى وخدت حاجتها وطلعوا الاتنين مستخبين لحد العربيه
عمر : انتى كويسه
شهد : اه متقلقش
عمر: نروح على فليتى
شهد بضحك: بيت العيانين
عمر ضحك
شهد : يلا ياعم روح
راحوا وشهد نازله متسنده
بصت لعربيتها ووقفت
عمر : لو ادايقتى او افتكرتى تعالى نروح عند بابا
شهد : لا مدايقتش بس العربيه ايجار زمان الشركه مبهدلاهم انا نسيتها خالص
عمر : طيب هرجعها
شهد : تسلملى
طلعوا قعدها فى السرير وماشي
شهد : على فين
عمر : هرجع العربيه
شهد : وهتسيبنى لوحدى
عمر : خلاص مش رايح هخلى واحد من اصاحبي يجى ياخدها
شهد جواها انا لسا فاكره العشر نقط وانتا كسبت اتنين بس اما نكمل بقا
شهد مسكت دماغها بتمثيل :راسي مش قادره
عمربقلق: ايه تعبانه انا قولتلك غلط نمشي قبل المحلول
شهد : دماغى وجعانى بس مش دوخه
عمر : طب اعملك ايه جعانه ولا اطلب دكتور
شهد شاورتله يقعد جنبها
هو تنح شويه بعدها راح يقعد
بعد ماقعد حطت راسها على رجله
شهد :اعملى مساج فى راسي
وجواها اما نختبر صبرك وهتستحملنى قد ايه
عمر قعد يعملها مساج وكان فرحان انها نايمه على رجله شويه وشهد راحت فى النوم وهو كمان نام من التعب
*********************
عند بيت عمو مصطفى
فهد شايط : انا رحت المستشفى لقيت اسمها وبعدها رحت الاوضه مفيش حد قلبي وجعنى عليها
ليلى :هنلاقيها ادعوا بس واهدوا شويه قدام سيف
فهد بصله وراح شاله وطبطب عليه
رنا كانت قاعده معاهم بس ساكته جواها هم اكبر منها ومش هتقدر تقوله لحد علشان ميعيروهاش بيه
رنا : ماما انا هاخد سيف عندى بدل ماانا باجى اوديه واجى اجيبه
فهد : ملوش لزوم هوديه انا بدل مانتعبك
رنا : لايا عمى انا بفرح لما بوديه وبعتبره ابنى سيبوه يجى معايا كمان بعيد عن الكلام دا لحد مانلاقى شهد
ليلى : ماشي ياحبيبتى
رنا : ماشي هدخل الم حاجته واروح بقا علشان الحق اعمل الغدا
فهد : الفلوس هتيجى متاخر على ما الحواله توصل هتتاخر
ليلى : يعنى ابنى هيقعد فى السجن كتيير
فهد : اه اسبوع او اتنين
مازن : كله بسبب بنتك
فهد : لابسبب غبائكم لو كان حد فيكم اتكلم كنت جبت الفلوس معايا وبعدين مين قاله يعمل سوبر مان ويشيل الليله مقاليش من الاول ليه وكنت انا الى مضيت الوصولات ودفعتها
مصطفى : خلاص يامازن اسكت شويه
يزن راح لفهد :وادله ٦٠ الف دول من الى عليا ليك ياعمو شوف لو نعرف تراضي الراجل بيهم وتطلع يوسف
فهد طبطب على كتفه : ماشي يايزن هروح له اهو
فهد عمل كام تليفون ولسا هيروح للراجل
لقى الباب رن
وفتحوا لقوه يوسف
كلهم فرحوا وحضنوه وسلموا عليه
ليلى : طلعت ازاى مين الى دفع الفلوس
يوسف : محدش دفع العربيه رجعت للشركه والشركه رجعتلى الفلوس الى دفعتها لان العربيه بحاله كويسه واعتذرولى كمان
فهد : طب مين الى رجعها
يوسف : مش عارف كنت مسجون وقتها
فهد : انا رايح اتكلم معاهم يمكن اوصل لبنتى
يوسف وانا جاى معاك
فهد : لا انتا ارتاح وهبقى ابلغك بالاخبار
***************
عند شهد صحت من النوم
وقامت من على رجله وعدلتله رقبته وحطت مخده وراه
وفضلت تبصله كتيييييير
شهد جواها : نفسي اصحيك واقولك على كل حاجه بس مش هقدر اخاطر لازم اصبر علشان اما اتكلم ابقا متاكده من حبك ليا انا مش حمل كسره قلب تانى
حطت اديها على وشه ودقنه وفضلت قاعده تبصله كتييير وفى الاخر باسته من راسه ونامت فى حضنه وماسكه فيه جامد
زى طفل لقى لعبته وخايف العيال التانيه ياخدوها منو
قعدت كدا شويه بس مش جايلها نوم
وجعانه بس مش هاين عليها تصحيه حرام منمش وواقف على رجله وهيا فى العمليات
خدته على رجلها وقعدت تلعب فى شعره
شهد : برغم فرق السن الى بينا احيانا بحسك ضعيف وصغير وببقا عايزه احميك كانى مامتك
قعدت تضحك وتبصله وبعدها شغلت التلفزيون ووطت الصوت
وكانت بتتفرج وهو على رجلها واديها على راسه
عمر شويه وفاق
عمر بيفتح عينه ويقفلها : انا بحلم صح
شهد عامله نفسها غبيه ومش فاهمه : ليه
عمر : انتى ... انا .. انا جيت على رجلك ازاى
شهد : زي الناس بقولك اناهموت من الجوع ومش هعرف اقف اعمل حاجه تعبانه من العمليه
عمر متنح لسه : حاضر هجبلك اكل
وطلع وهو مستغرب وكل شويه يلف يبصلها
شهد أول ماطلع قعدت تضحك : اه ياربي خلاص انا اديته ١٠ نقط بعد الحركه دى
عمر جاب صنيه اكل وجه
قعد قدامها على السرير
وشهد بدات تاكل وهو لسا متنح وبيبصلها
شهد : مش هتاكل ياعمر
عمر :......
شهد : ياهو انتا رحت فين
ملقتش رد عملت لقمه وحطتها فى بوقه فاق
عمر: شهد هو انتى حصلك حاجه بقيتى غريبه يعنى انا حاسس انهم بدلوكى فى العمليات
شهد : اممم تصدق ممكن بص انا هوديك عند بابا تاخد منو شعره وانا شعره ونعمل DNA ونشوف
عمر : اه فكره كويسه بس اخر مره رحت بيتكم اتكسرت
شهد : انتا صدقت لا انا شهد بتاعت زمان بس اساوبي اتغير شويه وهتعرف سببه قريب لكن بقا لو مش عاجبك انا معنديش مانع اغلى السبب والغى الاسلوب ولاكان حاجه حصلت
عمر : لا تلغى ايه الواحد ماصدق تعفى عنه
شهد : هههههههههههه طب واللهى انت عسل
عمر : ايه
شهد : احم ولاحاجه
عمر مبسوط من كل حاجه بتحصل بس جواه بيقول لنفسه ممكن تكون بتشكرك انك وقفت جنبها ممكن تكون حست انها هتموت بس مستحيل تنسي الى انت عملته ياعمر متبنيش احلام كتير وتنزل على مفيش ياعمر
عمر :خلصتى اكل
شهد : اه
عمر خده وجه : قومى امشيكى فى البيت شويه الدكتور قال لازم تمشي شويه كل يوم علشان متحسيش بدوخه ودوار
شهد : اوكى
قامت معاه يمشيها فى الشقه شويه
وبعدها تعبت جامد والجرح وجعها
عمر شالها ووداها للسرير
شهد : رايح فين انا كنت بسيبك وانتا تعبان
عمر : بس انتى بتخافى منى
شهد : كنت
عمر : يعنى ايه
شهد : يعنى الى فهمته
عمر : عايزانى انام جنبك لا اكيد عايزه اجيب مرتبه وانام فى الارض صح
شهد : الى يريحك ياعمر بس عادى لو نمت على السرير هو كبير وانا تعبانه مش هتحرك
عمر : انتى بتقلدينى بقا
شهد : ايوا
عمر واقف بيفكر خايف ينام جنبها ترجع تخاف منو وفى نفس الرقت افتكر انهارنيمته على رجلها وهو بيحب يستغل الفرصه لانو بيحس براحه غريبه وهو معاها
شهد : هتفضل متنح كتير دا علشان انا تعبانه دماغك متروحش لبعيد روح طفى النور ونام
راح طفى النور وفضل واقف
شهد :نام ياعمر مش هخاف ومش هشتمك لما تصحى
نام جنبها وكل واحد مدى التانى ظهره
شهد قاعده تفكر هتقوله ازاى وجه على بالها خطه جهنميه
شهد لفت : عمر هو الدكتور قال هفضل تعبانه لحد امتى
عمر بصلها : اسبوعين وتبقي كويسه
شهد سرحت وبتتكلم بتوهان : اسبوعين كتير
عمر : معلشي هيعدوا بسرعه
شهد جواها مش قصدى كدا كتير اوى انى افضل كاتمه الى عرفتوا جوايا لمده اسبوعين بحالهم
**************
خلص البارت ياترى ايه خطه شهد
اتمنى يعجبكم واتفاعلوا كتيير