أسيره الظلام

البارت الحادى عشر

شهد نايمه وبتحلم انها بتغرق وكل الى تعرفهم واقفين يتفرجوا كان ابوها ابعد واحد وبعدين عمو مصطفى وليلى وبعدها يوسف ورنا واقفه بظهرها مش شايفاها ولينا حاضنه سيف ومازن مخبيله عينه يوسف قريب منها جدا ولو مد ايده لها هينقظها بس واقف يتفرج
همس ويزن كانوا بعيد أوى وبيجروا وهمس بتنادى باسمها
شهد فضلت تنادى على يوسف وتنزل تحت الميه وتطلع لحد ماقدرتش تتنفس ونزلت تحت الميه وصلت للقاع
قامت مفزوعه
شهد بتنهج : ايه الكابوس دا
وطلعت تقف فى البلكونه بصت للساعه لقتها ٢ معرفتش تنام مع انه
قدامها يوم طويل ولازم تنام كويس
الساعه ٦. بدأت تجهز وجهزت سيف
وعلى سبعه كدا طلعته لطنط ليلى
ونزلت
همس : صباح الخير انتى تعبتى من قبل مانبدأ ولا ايه
شهد: لا معرفتش انام من الحماس هههههه
مرضتش تقولها علشان متقلقهاش وفى الاخر دا مجرد حلم
راحوا أول حاجه على درس عربي وبعد ساعه ونص خلصوا
همس : ياخرااابي من أول حصه وقر القر دا كله وصدعنا هنستحمل ازاى لاخر السنه دانا دماغى هتفرقع
شهد: ههههه الصراحه اتكلم كتير اوى ومخدناش غير صفحه واحده
تعالى نجيب نسكافيه
راحوا جابوا نسكافيه
وراحوا على درس فيزيا وخلصوا
همس : لاء البدايه مبشره بالخير بصى انا عايزه ارجع الحضانه
شهد : ومين سمعك بطلى اعتراض بقا علشان نكمل كلها درسين وهنروح
راحوا حصه فرنساوى وحصه جيلوجيا وروحوا البيت
طلعت جرى على فوق
وخبطت ودخلت سلمت على الكل واخدت سيف ونزلت حضرت اكل وقهوه واكلت سيف وبدات تذاكر
سيف عمال يكح جامد وهو نايم شهد دخلت تشوفه
شهد بخوف : ياحبيبى دا سخن اوى
جرت تعمل كمادات وكانت خايفه عليه جدا وفى نفس الوقت مرهقه جدا
شهد : مش هينفع كدا لازم اوديه للدكتور
نزلت جرى ومفكرتش تاخد حد معاها وراحت الدكتور
شهد : ايه يادكتور عنده ايه
الدكتور : متقلقيش دور انفلونزا بكتيريا
وكتب له الدوا راحت جبته وروحت فضلت قاعده جمبه تمسح على شعره وتطبطب عليه فضلت سهرانه جمبه طول الليل لحد ما السخونيه راحت
شهد: الحمدلله انهاردا ورايا درسين بس خايفه اسيبه بردوا
سيف صحا وقام حضنها
حضنته جامد ودمعت اد ايه تعبه بيوجعها اد ايه نفسها يبقا بخير ومبسوط دايما مش عايزه حاجه فى الكون تأذيه
معرفتش تنام علشان هو صحا واليوم دا كانت دروسها هتبدا بعد الظهر فضلت تلعب معاه لحد مانام وقامت تحضر الاكل علشان لما ترجع
************************
عند رنا دى اخر سنه ليها فى الجامعه وللاسف دكتور أحمد مش بيدرس لها ودا كان أول يوم ليها
كان فى فرق ساعه بين المحاضرات
رنا رنت عليه : الو
أحمد : ازيك ياحبيبتى
رنا : الحمدلله كويسه
أحمد : مش وراكى محاضرات ولا ايه
رنا : عندى بعد ساعه
أحمد : طيب كويس تعالى عندى المكتب مستنيكى باي وقفل
علشان متفكرش ترفض
راحت له مكتبه خبطت ودخلت
أحمد : وحشتينى أوى
رنا  بكسوف : وانت كمان
أحمد عجبه شكلها : وانا كمان ايه
خدودها أحمرت
أحمد  بضحك : بموت فيكى وانتى مكسوفه
رنا : بس بقا لاما همشي واللهى
أحمد : لاء تمشي ايه ده انا ماصدقت اخواتك مش موجودين
رنا ضحكت وقعدوا يتكلموا
" نسيبهم براحتهم بقا مش هنبقا احنا واخواتها 😂😂"
***********************
عند يوسف
زي ماقلت فى الاول ان يوسف بتاع بنات شويه
يوسف كان قاعد فى ممر فى الجامعه هو واصحابه وبيعاكسوا الرايح والجاى ومستمع جدا
وكان فيه بنات بتضحك وفيه الى بيشتمهم ويمشى
ماعدا وحده اسمها نور أول ماشفتهم لفت من ممر تانى
أصحابه كان اسماؤهم عادل ومحمد
عادل : شكلك بوعبع يايوسف البت هربت أول ماشفتك
محمد : هههههههه
يوسف بثقه : لاء تلاقيها بتحبنى ومكسوفه منى
عادل : ياسلام انت اصلا حد يبصلك دانتا قفل بتعاكس من بعيد ووقت ماحد فيهم يعبرك بتكش وتصدهم
يوسف : وبعدين بقا فى كلامكم الى مش هينتهى دا مكنتش حتت بنت لفت لما شفتنا مش يمكن طريقها كدا
محمد : خلاص انتا وهو يلا نروح نحضر اى حاجه بدل وقفتنا دى
وراحوا لمحاضراتهم
*********************
عند شهد 
شهد : الحمدلله من ساعه مااخد الدوا مسخنش
وراحت تطبطب عليه براحه سيفو ياسيف اصحى بقا لحد ماصحى
لبسته وادت له الدوا وطلعت عند طنط ليلى
شهد : ازيك ياطنط عامله ايه
ليلى : بخير يابنتى
شهد : هو سيف تعبان اديله الدوا دا فى المواعيد الى انا كتبها وهبقا ارن عليكى تمام
ليلى : متقلقيش فى عنيا
شهد : تسلمي
شهد بتحضن سيف : شويه وهرجع مش هتأخر تمام
سيف :  هاتى ثكولاته وانتى جايه ( هاتى شكولاته وانتى جايه )
شهد : حاضر هجبلك حاجات حلوه وانا راجعه متزعلش طنط ليلى تمام
سيف : ماثى ياماما ( ماشي ياماما )
ونزلت راحت دروسها وكانت تعبانه جدا يومين بحالهم منامتش
همس: انتى كويسه
شهد : اه الحمدلله
همس : لو تعبانه استاذنى وروحى وانا هسجلك الحصص
شهد : لا انا كويسه ركزى بقا فى الحصه ومتشغليش بالك
خلصت وروحت
على السلم كانت طالعه وشها باين عليه التعب
ويوسف طالع وراها
دخلت وكانت هتقفل الباب بس يوسف مسكه ففتحت له ودخل وراها
شهد : ازيك ياعمو
مصطفى : ازيك يابنتى
وراحت لسيف تطمن عليه
شهد حضنته جامد : عملت ايه بقا
سيف بعد : انا زعلان
شهد : ليه بس مين زعلك
سيف : اتى ( انتى )
شهد : انا ليه
سيف : مس جبتى حاجه حوه ليا ( مش جبتى حاجه حلوه ليا )
شهد : بس انتا تعبان ناخد الدوا ونخف واجبلك حاجات حلوه كتييييير قد الاوضه كلها
سيف : بجد
شهد : اه بجد
يوسف : هو تعبان
شهد: اه عندوا نفلونزا
يوسف باسه فى خده : الف سلامه عليك يابطل
سيف: ثكرا (شكرا )
ضحكوا
وشالته فى حضنها ونزلت تحت  قعدت تلعب معاه لحد ما الساعه جت
٩ بليل ونام سيف وحطته فى سريره وراحت تشوف المذاكره الى وراها
شهد : ياخرابي كل دي مذاكره هنام ازاى انا بقا
قامت تعمل لها قهوهوكانت جايبه حبوب من الصيدليه من زمان من وقت موت حنين علشان تسهر لسيف وكدا بتاخدها مبتعرفش تنام ( منبهات يعنى) خدت منها
وقعدت تذاكر
طلع الصبح جهزت نفسها وطلعت سيف
وهيا نازله يوسف كان نازل وراها للكليه بتاعته
شهد على اخر سلمتين حست بصداع شديد والدنيا اسودت فجأه واستسلمت للظلام الى بيسحبها واغمى عليها
يوسف بخضه : شهد شهد قومى
قعد يهز فيها كتير وبعدين شالها وطلع يخبط جامد
ليلى: ياساتر يارب مين الى بيرزع كدا
فتحت واتخضت من يوسف الى شايل شهد على كتفه
دخل اوضته وحطها فى سريره ومامته وراه ولينا جابت ميه وبرفان علشان يفوقوها وكلهم كانوا متجمعين عندها ماعدا رنا ويزن الى كانوا فى جامعتهم
ليلى : هيا مش بتفوق ليه
مازن : لاتكون ماتت
مصطفى : بعيد الشر
يوسف بعصبيه : بطل هبل  فى نبض وبتتنفس دكتور ازاى انت
وسعوا كدا انا هوديها المستشفى وانتى  يالينا تعالى معايا
مازن : استنى انا جاى معاك
يوسف بصله وكان متنرفز والشرار بيطلع من عينيه : اقعد انت مستغنين عن خدماتك
راح ولينا كانت لابسه ادت ريناد ليلى وراحت معاه
مازن : هو ماله ده
مصطفى : ماانت الى بتقول كلام ينرفز
وطلع وسابهم
ليلى : انت الى مالك مش شايف سيف واقف تقول قدام العيل الصغير ماتت ومش عارف اخوك باين بيحبها تصارفاته كلها توحى بكدا
مازن : مكنتش اقصد حاجه كنت مخضوض زيكم وطلع تلقائى
وراح لسيف الى بيعيط وريناد فى حضن ليلى بتعيط هيا كمان على عياط سيف وقعد يطبطب عليه ويهدى فيه
***********************
فى العربيه كان يوسف بيسوق بسرعه جنونيه
ولينا قاعده ورا وشهد نايمه على رجليها
لينا : براحه يايوسف شهد هتبقا كويسه يعنى لو معملناش حادثه بسببك
يوسف هدى السرعه شويه
ووصلوا اخيرا المستشفى
دخلوا والدكتور دخل لينا بس وخلاه هو برا علشان زحمه وكدا
يوسف هيفرقع من كتر العصبيه والقلق ورايح جاى رايح جاى
لحد مالينا طلعت هيا والدكتور
يوسف : مالها
الدكتور : ارهاق شديد وكمان بتاخد نوع من المنبهات اسمو بيمولين  بيتعب الاعصاب وكمان بتاخده مش بانتظام كويس انها موصلتش لمرحله خطره
يوسف اول ماسمع اسم الدوا فهم لانوا صيدلى : تمام يادكتور ينفع ادخل اشوفها
الدكتور : اتفضلوا خليكوا معاها لحد ما المحلول يخلص وتخرج عادى
دخل يوسف ولينا لشهد الى نايمه على السرير ووشها تعبان جدا
يوسف: بتاخدى أدويه من غير ماتسألى حد ليه
شهد: انا خدت حبايه وحده بس ومن زمان كنت باخده لكن وقفت
يوسف بزعيق: انتى عارفه الدوا دا الناس الى عندها امراض نفسيه بتاخده بجرعه من دكتور نفسي  مش اي هبل وخلاص
شهد والدموع اتجمعت فى عنيها ومش عارفه ترد
يوسف : عارفه الاعراض الجانبيه بتاع القرف الى انتى اخدتيه دا ايه بيجيب صرع ورعشه ومش هتعرفى تتحكمى بايديك من الصيدلى الى ادهولك اصلا
شهد عيطت من زعيقه وتعبها وهيا مش قادره اصلا
لينا : خلاص يايوسف خلصت مش وقت الكلام دا اصلا
وراحت حضنت شهد
شهد بدموع : انا عايزه اروح
لينا : هنروح اهو اهدى بس
خلصت المحلول ونزلوا
يوسف نيم لها الكرسي الى قدام علشان تنام فيه ولينا كانت ورا
وركبوا ومشوا
يوسف: لما نروح هتقعدى معانا فوق وتدينى الادويه الى عندك كلها وانا اشوف هسيبلك ايه والغلط عليكى هاخده
شهد : حاضر هديك الادويه بس مش هقعد فوق اولا مليش مكان ثانيا مينفعش
يوسف : هتنامى مع رنا وثانيا ينفع زى كأننا فى المصيف وانا ويزن طول النهار بره وابقى اقفلى علينا الاوض بليل وخدى المفتاح
شهد : مش قصدى بس انا برتاح تحت
يوسف: هتفضلى عندما لحد ماتبقى كويسه وبعدها انزلى براحتك
شهد فهمت ان مفيش أمل وسكتت
روحوا ولينا سندت شهد
وهما طالعين
لينا : كان هيموت عليكى باين اوى انو بيحبك ملاحظه كدا ولا ايه
شهد: بجد انا بحبه بس مش عارفه اقوله ازاى
لينا بضحك: متقلقيش هتخلصى دراسه وتلاقيه اتجوزك من غير تفاهم
شهد ابتسمت على كلامها
ودخلوا
ليلى : مالك ياشهد ياحبيبتى
شهد : مش بنام كويس وخدت دوا علشان منامش كان ورايا حاجات وتعبت منه
ليلى : ليه  تعملى كدا داحنا كنا هنموت عليكى
وحضنتها جامد
شهد دمعت فى حضنها وجواها اد ايه نفسي الحضن واللهفه دى تبقى من امى اد ايه وحشتنى
شهد بعدت : فين سيف
ليلى : مع ريناد جوا
راحت اخدت سيف وكان سيف زعلان أوى
شهد : ياحبيبى ايه بس الى مزعلك
سيف : اتى تعبانه
شهد : لا انا كويسه
سيف : لا اتى تعبتى علثان بتثيلنى كتير انا همثى لوحدى ( لا انتى تعبتى علشان بتشلينى كتير انا همشي لوحدى )
شهد: ياحبيب قلبى الى خايف عليا
سيف : ومث هزعل منك تانى لو مث جبتى ليا حاجه حوه ( ومش هزعل منك تانى لو مش جبتى ليا حاجه حلوه)
شهد : انا هجبلك حاجات حلوه كتيييير اوى وبعدين انا عملت كدا علشان مروحش الدرس واقعد معاك ونلعب
وقعدت تلعب معاه
يوسف دخل لمامته المطبخ : اعملى لها اكل وهخليها تقعد معانا هنا لحد ماتخف
ليلى : من غير ماتقول ياحبيبى
يوسف : تسلميلى ياغاليه
وراح لشهد
يوسف : ايه دا ياسيف كدا تسيب ريناد لوحدها
سيف بص لريناد : اتى زعلانه
ريناد قالبه شفتها : اه
سيف : خلاث هلعب معاكى
وراح خد المكعبات ولعب معاها
يوسف : ادخلى نامى بقا
شهد : مش عايزه انام
يوسف: لا هتنامى وتسيبه سيف شويه احنا نهتم بيه قبل ماتضيعى خالص ومتقدريش تهتمى بيه للابد
( هو عارف نقطه ضعفها وداخل لها من الطريق الى بيخوفها )
شهد: طيب هنزل اجيب بجامه واجى
يوسف : هاتى المفتاح اجبلك
شهد : واللهى رجلى مش مكسوره يعنى
يوسف بصلها بصه
وهيا قلبها وقع فى رجلها من الخوف وادت له المفتاح ونزل جاب لها البجامه والشاحن وفكر ان دى الحاجات الى ممكن تحتاجها بس
طلع
لقاها بتاكل
يوسف : يارتنخلصى و تدخلى ترتاحى بقا ولا بتنامى بمنوم
شهد قامت ودخلت اوضت رنا
غيرت وحطت راسها على السرير وراحت فى سابع نومه
وتليفونها مبطلش رن كانت همس وحد كمان
رنا جت  ودخلت تغير هدومها لقت شهد طلعت تانى
رنا : مالها شهد نايمه هنا ليه
مصطفى : تعبت واغمى عليها ويوسف وداها الدكتور ولازم ترتاح
يوسف : لو مدايقاكى خدى اوضتى وانزل انا تحت
رنا : انت اتهبلت لا طبعا السرير كبير وانا اصلا نفسي تقعد معايا بس هيا مش بتوافق
يوسف : طيب متصحهاش واعملى تليفونها الى بيرن من الصبح دا صامت
رنا : حاضر
ويزن بردوا رجع واخوه عرفه ان شهد موجوده وانو ميطلعش بليل كتير من الاوضه وكدا
شهد صحت وتليفونها كان بيرن
شافت الرقم وفرحت جدا وطلعت البلكونه تتكلم
شهد : الو ياحبيبى
:.................
شهد : وانت كمان وحشتينى اوى عامل ايه دلوقت
وقعدت تتكلم
ويوسف واقف فى الشباك الى جنبها  لان اوضته جنب اوضت رنا وعمال يسمع والنار طالعه من عنيه بتقول لمين ياحبيبى دى
*******************
خلص البارت
تتوقعوا شهد بتكلم مين ؟؟
هل كدا يوسف استوى خلاص وهيعترف بحبه ولا هيكابر لسا ؟؟
اكتبوا تواقعاتكم فى التعليقات
واضغطوا على النجمه علشان انزل بارت جديد بكرا