أسيره الظلام

البارت السادس والعشرون

شهد : ياترى هعمل الخطه ازاى ياترى ممكن اكون عبء عليه ويفرح ولا هيزعل انا خايفه ومعدتش بثق فى حد بحس ان الى حواليا بيظهرولى حاجه وجواهم حاجه تانيه
بس عمر طيب فى حاجه جوايا بتقولى انو بيبن الى جواه وانو كويس
بصت لعمر النايم جنبها
شهد : صح انتا كويس وبتحبنى وهتعاملنى بطيبه كدا حتى بعد ماتعرف صح
عمر كان فى سابع نومه
شهد حضنته جامد وبعدها نامت
************************
تانى يوم
صحت شهد الاول وعمر نايم
جابت اطرف شعرها وقعدت تمشيها على منخيره
وعمر بيتحرك بس خفيف
شهد : لو كنت بعرف اقوم كنت رحت جبت تلج وحطيته فى قفاك
بصتله بخباثه
ووطت على ودانه وراحت مصرخه
عمر اتفزع ووقع من على السرير وقام بسرعه
عمر بلهفه: فيكى ايه حاجه بتوجعك اوديك الدكتور بتصرخى ليه
شهد : ههههههههههههههههههههههههههههه مش قادره الجرح بيوجعنى اما اضحك
عمر : منك لله فزعتينى حد يصحى حد كدا
شهد : ههههه اه انا
عمر متنرفز منها وعايز يوقعها من السرير بس تعبانه : حسابي معاكى اما تخفى بس
راح الحمام ورجع لاقاها لسه بتضحك
عمر : ما خلاص بقا
شهد : خلاص مش هضحك اهو هههههههههههههه
عمر قعد جنبها : يارب صبرنى
شهد بطلت ضحك : خلاص سكت نتكلم جد بقا انا عايزه تليفون وخط
عمر : لا
شهد : يعنى ايه لا
عمر : انتى ملكيش الحاجات دى شوفتى اما اديتك اللاب توب بقيتى عامله ازاى ٢٤ ساعه قاعده للمسلسل لابتاكلى ولابتردى على الناس كانك فى دنيا تانيه حتى النوم مش بتنامى
شهد : لا الوضع مختلف المره دى انا عايزه فى وسكتت
عمر : عايزاه فى ايه
شهد : ااااااااا
عمر : الوضع مختلف المره دى ليه
شهد : عايزه اكلم صحبيتى همس واقولها على كل حاجه واقابلها
عمر : معنديش مشكله بس انتى قولتى هتقول ليزن واهلك هيعرفوا وفى سره لو عرفوا عمرهم ماهيبقوا مطمنين عليكى وانتى معايا ومش هيسكتوا غير لما يطلقونا
شهد : هو انا هخاطر بس هقولها متقولش لحد وهأكد عليها بس انا محتاجها معايا الفتره دى
عمر : ليه هو انا قصرت معاكى فى حاجه
شهد: مش كدا بس فى حاجات ببقا عايزاها معايا
عمر : تقدرى تطلبي منى كل الى انتى عايزاه
شهد : عارفه واللهى بس دى صحبتى وانا بجد محتاجه حد يساعدنى من اول ماطلعت من العمليه مستحمتش ولا عارفه استحما ازاى دى زى اختى وكمان فى حاجات كتيير
عمر :ولو قالت لهم ليه نحط نفسنا فى موقف شبه دا ولو على الحما ممكن اجبلك ماما تساعدك
شهد : انت بتستهبل انا بتكسف من طنط اكتر منك
عمر بخبث: خلاص احميكى انا مدام مش بتتكسفى منى
شهد حدفته بالمخده : قليل الادب
عمر : خلاص اجبلك ممرضه او وحده تساعدك
شهد : اف بقا انا عايزه صحبيتى ومش على الحما انا عايزاها هيا بتفهمنى عايزه افضفض معاها وكدا هرتاح وبعدين دانا هفضل اسبوعين قاعده فى السرير هطق
عمر : ماشي هروح اجبلك تليفون وانتى المسؤوله عن الى هيحصل
شهد فى سرها مهو اصلا مفيش حاجه انتا غلطت فيها علشان نخبي على الناس وابتسمت
راح عمر جاب لها تليفون وخط
عمر : خدى يابنتى اهم
شهد  ادته بوسه على الهوا : مرسي
وخدتهم منو
يلا اطلع بره بقا
عمر رفع حاجبه
شهد : اطلع بره
طلع وسابها
عمر :مجنونه دى شويه ابيض وشويه اسود
راح المطبخ يشوف هيعمل اكل ايه
عمر شغل فيديوا من اليوتيوب وقعد يمشي وراه
شهد رنت على همس
شهد:الو
همس: الو مين معايا
شهد : انا شهد ياهمس لو جنبك حد ابعدى ومتبينيش انى رنيت
همس : انا لوحدى انتى فين انتى كويسه
شهد : انا كويسه ياحبيبتى الموضوع طويل ركزى معايا بس لو حرف طلع ياهمس هتبقى كدا كتبتى عليا انى مرجعش نهائى
همس : ايه هو ايه الى حصل انتى مخطوفه صح متخافيش عمو فهد جه ويوسف وكلنا جنبك
شهد : بصى ياهمس محدش هيعرف حاجه اوعدينى واحلفى انك مش هتقولى لحد علشان اقولك
همس: حاضر واللهى العظيم مش هقول لحد بس انتى هترجعى لنا صح
شهد : اه انا كويسه وهرجع لكم بس اسمعينى هحكيلك من الاول
انا ياستى لما الزفت كان بيرقص مع الزفته فى فرح رنا اتضايقت وقولت اطلع اشم هو وخدت العربيه ومشيت توهت ومعرفتش ارجعلكم كان فيه فيلا وشاب واقف نزلت اساله بس كان سكران ودخلنى الفيلا وانا وقعت اتخبطت اغمى عليا وصحيت بقا لبسي كان مبهدل ف
همس شهقت : يانهار اسود عمل فيكى ايه ياحبيبتى
شهد : اهدى بس محدش عمل فيا حاجه انا كويسه بس انا فكرت زيك وقعدت اعيط هو لما صحا مكنش فاكر حاجه ولما شافنى وفهم ندم جدا على الى عمله وقرر يساعدنى عرض عليا يتجوزنى ونقعد فتره ونبقا نرجع ليكم واقول انى عملت حادثه وفقدت الذاكره وهو ساعدنى واهلى ميعرفوش حاجه
همس : متقوليش انك وافقتى
شهد : ايوا وافقت كنت هعمل ايه يعنى رفضت فى الاول معرفتش اروح البيت خفت منهم ومن كلامهم اتجوزتوا جواز على ورق
همس : يعنى انتى متجوزه من واحد اغتصبك
شهد : اسمعى للاخر كان طيب معايا جدا لدرجه انى مش قادره استوعب انو عمل فيا حاجه زي كدا
همس: لا مش قادره استوعب بتقولى على واحد بيشرب واغتصبك طيب انتى متخلفه
شهد : اسمعى للاخر ومتخلنيش اندم انى قولتلك
همس: ماشي سكت اهو
شهد : انا فعلا حبيته بس عقلى كان رافض انى اكمل حياتى مع واحد عمل فيا كدا وبعدين تعبت من فتره بطنى وجعتى وترجيع وكدا رحت اكشف عرفت انى عذراء يعنى معملش فيا حاجه
همس : طيب ايه الى مقعدك عنده اطلقى وتعالى او اقولك تعالى ونرفع عليه قضيه خلع وبلا حب بلازفت
شهد : انا عامله عمليه الزايده  وبتحرك بالقوه علشان عاملاها جراحه مش منظار
همس : هاجى اخدك
شهد : بصي عمر دا اطيب واحد شفته فى حياتى ومستحيل اسيبه تمام وكمان يعنى هو كان متجوز ومراته ماتت يوم الفرح طبعا هو وصلها بعد عذاب وكان مبسوط جدا وفجاه ماتت بسكته قلبيه علشان كانت تعبانه بس هو اجل العمليه لانه ماصدق ووصلها وبعد ماماتت دخل فى اكتئاب وقفل على نفسه من البيت للشغل ومن الشغل للبيت واليوم دا كان ذكرى وافتها وكان عنده صداع وتعب صاحبه اداه حبوب وقاله للصداع بس طلعت مخدرات والحمدلله معملش حاجه
همس: طب انتى فين وانا اجيلك
شهد : هبعتلك العنوان وتعالى بس متقوليش لحد
همس: حاضر
بعتت لها الموقع
وكانت شهد فرحانه اوى انها هتقابل صحبتها وانها قالت لحد وشالت العبء من على قلبها
شهد : انا لازم اغير هدومى دانا لابساها من ساعت ماكنت فى المستشفى
حاولت تسند على السرير وتمشي وكان الجرح بيوجعها
وصلت للدولاب وفضلت واقفه
شهد : خالص عادى البس اي بجامه من هنا مش انا بحبوا برضوا وبعد شويه هعترفله ولو طلع كويس هنبقا متجوزين بجد يبقا ادور فى هدومه والبس بجامات واسعه ليه وقدامى دولاب فى لبس عروسه وتحفه كمان
اختارت بجامه ورجعت قعدت على السرير وغيرت البلوزه والبنطلون مكنتش قادره مش عارفه توطى تلبسه والجرح وجعها جامد
فجاه دخل عمر وفى اديه مغرفه عايز يدوقها الاكل استوى ولا ايه
عمر : دوقى ....
لف اداها ظهره
عمر : انا اسف مكنتش اعرف انك هتقومى واللهى مش قصدى
شهد : انا كنت هناديك اصلا مش عارفه البس والجرح وجعنى اوى عايزه اخد المسكن
عمر حط المغرفه وراح لبساها وجاب لها مسكن
شهد : ناولنى الفرشه
عمر جابها لها اسرحت وبعدين جرس الباب رن
عمر : مين الى هيجلنا
شهد: همس
عمر : هنزل اشوف
نزل عمر وفتحالها الباب
عمر : انتى صحبه شهد
همس :  اه
عمر : اتفضلى
دخلها الصالون
عمر : استنى هطلع اجابها
طلع عمر ولما دخل لقى شهد واقفه متسنده على التسريحه ولابسه بجامه حاملات وبنطلون البجامه لحد الركبه وفاكه شعرها وزى القمر
دايما كان بيحط عينه فى الارض او هيا بتلبس لبس واسع لاول مره يشوفها كدا
شهد : جت ياعمر
عمر : ها
شهد : همس جات ولا لسا
عمر : اه جات
فاق لنفسه وراح يسندها
كانت قريبه منو جدا وحاطه برفان رحته تحفه
عمر جواه كان لازم صحبتها تيجى انهارده يعنى وبعدها سكت على اساس لو صحبتها مش هنا هتعمل لها ايه دا لو قولتلها كلمه حلوه هترمينى بالمخده فوق لنفسك ياعمر شهد مش ليك ولاهتكون ليك
همس اول لما شفتها جرت عليها وخدتها فى حضنها وقعدت تعيط
همس : وحشتينى اوى اوى مكنتش اعرف ان الدنيا وحشه اوى من غيرك
شهد : ههه علشان تعرفوا قيمتى خلينا نقعد مش قادره اقف
قعدوا وعمر راح
همس : دا بقا عمر
شهد : اه ياستى شفتى قمور ازاى
همس: ويوسف ياشهد
شهد اتنرفزت : يوسف مين الى خطب وهيتجوز قريب المفروض اعمله ايه استناه يبصلى ويتكرم عليا ويخلينى الزوجه التانيه ولا اروح اخرب عليهم وواقعهم فى بعض وابقا وحده قذره وخطافه رجاله
همس: يوسف فسخ الخطوبه علشانك انتى كدا بتظلميه
شهد : مش هقبل بيه بردوا حتى لو مش هكمل مع عمر مقبلش واحد كنت قدامه وبعافر واتخبط علشان افهمه حبي وبردوا سابنى وراح لغيرى مشفش اد ايه انى بتوجع محسش بيا للحظه لاء والى خطبها كانت جايه بس لفرستى وحرقت دمى الى بيحب حد مش بيهون عليه زعله وبيفهمه من نظره انا لو حد غريب شافنى كان هيعرف من نظراتى انى بحب الراجل دا كان هيعرف من نظراتى قهرى وغرتى اما الزفته دى بتبقا معاه يوسف دا صفحه قلبتها واقولك كمان انا نسيته خالص كانى محبتوش في يوم من الايام
همس: هيتقهر جدا ياشهد دا كان بيحبك اوى
شهد بعصبيه : يتقهر وانا ايه الى حصلى ها متقهرتش انا كنت بنام كل يوم معيطه اسبوعين بحالهم قعدت بس استوعب الموقف وبعدها الى حصل فى الفرح انا كنت بموت كل لحظه هو معاها انا الى كنت فيه دا كان بسببه بس ربنا بيحبنى مراضش ليا اكمل حياتى قهر وزعل انا مش عايزاه فى حياتى نهائى لو يزن بعد مايعشمك فيه ويحببك فيه ويهتم بيكى وفجاه يروح لحد تانى هيحصلك ايه انا مكنتش هحبه ولاكنت هبصله هو الى حسسنى انو بيحبنى هو الى فرض عليا حبه باهتمامه ليا وعلى رايك كان بيحبنى وانا برضوا كنت بحبه بس خلاص انتهى
همس: انا عارفه انتى بتعملى كدا علشان تدوقيه من نفس الكاس بس هتظلمى نفسك يعنى ايه تكملى جواز مع واحد انتى متعرفهوش اتجبرتى انك تتجوزيه لا ياشهد فوقى
شهد : انا طلعت غلطانه مفكراكى صحبيتى وهتفهمينى الكلام الى عرفتيه ميطلعش بره
قامت شهد واتسندت على الكنب همس جات تساعدها
شهد : ابعدى عنى عمررررر ياعمررررر
جه عمر سندها للاوضه
ونزل لهمس
همس : هيا اتعصبت من كلامى شويه هسيبها تهدى واجيلها وقت تانى
عمر : تشرفى فى اى وقت
طلع لشهد لقاها نايمه بتعيط
عمر : قولتلك ياشهد بلاش
شهد بتمسح دموعها : فعلا كلامك صح انا مش فارقه معاهم كل الى هامهم مشاعر سي يوسف الى فسخ خطوبته علشانى
عمر مدايق من فكره ان يوسف ممكن ياخد شهد منو: طب بس اهدى اكيد انتى مهمه بالنسبه لها علشان كدا بتفكر معاكى فى يوسف هيا عارفه انك بتحبيه وكدا
شهد بعياط : انا بكرههه افهموا بقا بكرهه الى بيحب حد مش بيهون عليه يزعله صح دا راح خطب وسابنى مقهوره وكان شايف تعبى وزعلى وراح سافر علشان ميحنش ليا واصعب عليه احنا اتنين مننفعش لبعض لانه مش بيفهمنى اصلا
عمر كان متردد يحضنها ولا هتزعقله زى كل مره
فجاه لقاها سندت راسها على صدره ومسكت فيه وقعدت تعيط
فضلت تعيط كتير
عمر بيرفع شعرها عن وشها : خلاص ياشهد ياحبيبتى بلاش عياط اهدى  بقا
شهد : تعبت تعبت انا بحاول اتناسى الزفت الى اسمو يوسف دا كل مابفتكره وافتكر طريقه تعاملى معاه بكره اليوم الى شفتوا فيه وبيصعب عليا نفسى لما ارجع هيبان انى الغبيه الى سابته واتجوزت وهو الملاك البرئ
عمر : طب ممكن تبطلى عياط علشان خاطرى دا اذا كان ليا خاطر عندك
شهد خدت نفس ومسحت دموعها
عمر : كلهم هياخدوا وقت على مايستوعبوا وفى الاخر هيبان انك مظلمتيش حد وانك مش انتى الغبيه واهم حاجه تبقى عارفه دا من جواكى وانا فى ظهرك تمام لو الكل مفهموكيش انا هفهمك
شهد جواها انا مش هقدر اسكت اكتر من كدا لا ياشهد اجمدى : ربنا يخليك ليا ياعمر مش عارفه اشكرك ازاى
عمر اضايق : مفيش شكر احنا اخوات هروح اجيب الاكل واجى
ومشا
شهد بنرفزه : اخوات فى عينك
وسندت راسها على السرير
شهد : اه بس هعمل ايه رجعت تانى مليش حد يساعدنى وعمر لسا انا حاطه جدار بينى وبينه ومش عايزه اكسره دلوقت خايفه اكسره يقع على دماغى لازم الاول اعمل خطتى بعدها اقوله على كل حاجه
بس مفيش حد هيبقا معايا هعملها لوحدى
عمر دخل : احلى مكرونه لاحلى شهد
شهد ابتسمت لكلامه وقلبت شفتها :مكرونه مسلوقه وشربه
عمر : تعالى على نفسك وكلى مينفعش احطلك صلصه غلط عليكى
وانا هاكل معاكى من غير صلصه اهو
شهد بصتله : مش لازم تاكلها كدا قوم حط عليها صلصه انا عادى
عمر : لاء انا هاكل زيك ومش عايز نقاش
شهد : بجد انتا اطيب واحد شفته فى حياتى
عمر عايز يغلس عليها  : ناس كتير بتقولى كدا
شهد : طيب ربنا يخليهم لك
عمر : بهزر انتى أول لاء تانى حد يقولى كدا بس فرحت اوى لما قولتهالى لان الى قبلك كنت متاكد انها شيفانى كدا اما انتى شفتى منى حاجات وحشه كتير بس شفتى صفاتى الحلوه ومحكمتيش عليا بغلطتى
شهد لو اقولك واريحك بدل الندم الى باين من عيونك دا بس ياشهد منتى هتقوليله بس كل حاجه فى وقتها أحلى وأجمل
***************
خلص البارت
اتمنى يعجبكم ❤️❤️🌚