أسيره الظلام

البارت التاسع والعشرون

كلهم كانوا قاعدين تحت عند بيت عمو فهد
شهد فى الاوضه :هما اتأخروا ليه لتكون مامته مش موافقه
همس : انتى هبله لامؤاخذه مش موافقه على ايه ماانتى مراته اصلا
شهد : سكتوها علشان بتعصبنى مانا لو مجوش هبقا طلقيته قريب
رنا : اهدى كدا وهيجوا بإذن الله
الجرس رن
شهد : اهم جم
بصت فى المرايا تظبط شكلها كانت لابسه فستان احمر واكمامه شيفون ومسيبه شعرها
رنا : تعالى هنا استنى اما يدخلوا وابقى اطلعى مش دلوقت
دخلوا وقعدوا كان عمر وخالد ومريم وليلى ومصطفى وفهد والبنات فى الاوضه
خالد : حمدلله على السلامه يابو شهد نورت مصر
فهد : دا نورك
مريم : اومال شهد فين
فهد هقوم انادى لها اهو
راح نادى لشهد وجه وشهد جات وراه وشايله الشربات وزعت عليهم وعمر كان اخر واحد
عمر بصلها وابتسم : زى القمر
شهد ابتسمت وادته الشربات وحطت الصينيه والمفروض تقعد فى الكرسي الى جنب عمر
جايه تقعد ابوها نادلها وقعدها جنبه
عمر وشهد بيبصوا لبعض ومدايقين جدا
خالد : طبعا احنا عارفين ظروف عيالنا ايه بس انت اب وانا اب زيك وفاهم انك عايز تفرح ببنتك الوحيده فاحنا جايين انهارده نطلب ايد بنتك شهد لابنى عمر على سنه الله ورسوله
فهد : وانا موافق بس ليا شروطى طبعا
خالد : شروطك على عينا وراسنا بس نقرا الفاتحه والى تأمر بيه
قرأوا الفاتحه
فهد : اول حاجه الخطوبه تبقا فى الاجازه الكبيره والفرح بعد ماتخلص جامعتها
عمر : هنقعد ٤ سنين ياعمى
فهد : لسا مخلصتش كلامى البيت الى انتا فيه طبعا مجهزه مع مراتك الله يرحمها مش موافق بنتى تقعد فيه تجيب شقه جديده وتفروشوها من الاول
واربع سنين اجهز فيهم شهد يعنى وتكون خلصت دراستها
شهد : يابابا جهاز ايه هو احنا لسا هنحوش فلوسه ماانتا حاطط الفلوس فى البنك لو نزلت انا وطنط ليلى كلها اسبوعين ونشترى كل حاجه
فهد : لما الكبار يتكلموا انتى تسكتى فاهمه
شهد سكتت
مصطفى : كدا انتا بتصعب المواضيع يافهد الكلام دا لو بجد لسا هيتخطبوا اما دول متجوزين وعاشوا مع بعض ٣ شهور يعنى اتعودوا اما تحرمهم من بعض ٤ سنين فكرك كدا الصح
فهد : دي بنتى وبعدين مانا سبتها ليك انتا ومراتك امانه عملتوا ايه جيت لقيتها مش موجوده وفى الاخر تطلع متجوزه ومحدش عارف عنها حاجه
ليلى : كتر خيرك احنا حافظنا عليها زى عنينا يوم فرح فى لحظه حصل كدا كنت بموت كل يوم هيا مش موجوده فيه وفى الاخر يتقالى الكلام دا
قامت ليلى ومصطفى وراها وطلعوا شقتهم
مريم : حرام زعلتها جامد باين انها بتحب شهد وبعدين ابنى اتجوز علشان حبها وعلشان ميبقوش مع بعض فى الحرام بنتك مكنتش فاكراكم علشان تيجى وتاخد اذنكم افهم الى حصل واحمد ربنا انها افتكرت ورجعتلك
شهد اتكت على ايد ابوها انو يهدى الاوضاع
فهد : دا الى عندى خطوبه بعد سنه وجواز بعد ٤ سنين وشقه جديده وعفش جديد وطول الاربع سنين كلام ومقابلات بعلمى هتقابلها من ورايا او تكلمها من ورايا يبقى ورق طلاقها يجيلى مجبتوش هخليها ترفع قضيه خلع وانتا حر
خالد : كنت بحسبك اب وزعلان ان بنتك الوحيده مش هتحضر فرحها بس الواضح ان هدفك هو تزهقهم من بعض علشان يطلقوا
انا اسف مش موافق على كلامك وفكر كويس لما تعقل وتكون عايز مصلحتهم رن علينا
وقاموا
فهد : مش هعقل ودا كلامى الاخير بما انكم مش موافقين ورق طلاق بنتى يجى بكرا
مشوا
مريم : دا طمعان فى فلوسك يابنى عايز شقه جديده وهبل ٤ سنين هيسرقوك وتتطلق طلقها وربنا يبعتلك الاحسن منها
خالد : اسكتى شويه الولد فيه الى مكفيه
عمر ركب وساق بسرعه وداهم البيت وطلع بيسوق بسرعه جامد لحد ماوقف عند البحر ونزل وهو مخنوق
****************
عند شهد
شهد بعياط:انتا ليه عملت كدا يابابا شقه ايه الى انتا عايزها عمر قاعد فى فيلا ونظامها وعفشها عجبنى زوق عمر زوق مراته مش فارقه معايا
فهد : انتى ليكى تسمعى كلام ابوكى وبس
شهد : حرام عليك الى بتعمله انا زهقت دا جوزى وانا هلم هدومى واتصل بيه يجى ياخدنى
فهد خد التليفون كسره
شهد : هروحله انا مش مستعده اطلق من الراجل الى بحبه علشان شروط ملهاش اسباب قولى سبب واحد يخليك تاجل فرحى لحد اربع سنين الدراسه عمر اولا دا مجال دراسته وبيساعدنى فى المذاكره وبيجيب داده تنظف البيت وكمان هتقعد مع سيف قولى بقا سبب واحد لتاجيل اربع سنين ولا شقه جديده
فهد مردش عليها
دخلت شهد لمت هدومها ورنا بتهديها وهمس مع سيف الى خايف من الزعيق
غيرت هدومها وجهزت
شهد : يلا ياسيف
ومشت وسيف وراها
فهد : مفيش طلوع من البيت فاهمه ولا لاء
شهد : لا مش فاهمه
سيف واقف خايف
شهد : يلا ياسيف تعالا
فتحت الباب وجايه تمشي ابوها شدها وضربها بالقلم
فهد : لما اقول كلمه تتسمع وبكرا هنروح نرفع قضيه خلع وانتهى الهبل دا
شهد قعدت تعيط جامد وهمس ورنا جروا عليها وسيف قعد يعيط جنبها
دخلوها الاوضه فضلت تعيط وبعدها قالت لهم يسبوها لوحدها وخدت تليفون رنا
اتصلت على عمر
شهد بعياط : الو
عمر : مالك ياشهد بتعيطى ليه متخفيش مش هطلقك دا مستحيل ولو على عمى هنعمل الى هو عايزه لحد مايقتنع ويقلل ال٤ سنين دول
شهد : الساعه اتنين تيجى البيت تاخدنى
عمر : كدا باباكى هيدايق اكتر
شهد : لو مجتش انسانى بابا بكرا هيخلينى ارفع قضيه خلع عليك وضربنى مش هقدر اعمل حاجه غير انى انفذ كلامه
عمر : طب انتى كويسه ضربك جامد
شهد : لا مش جامد انا كويسه بس ارجوك تعالا
عمر : حاضر هجيلك
طلعت شهد
شهد : خدى سيف وجبهولى بكرا علشان بابا اكيد هيقفل الباب ومش هعرف اخده معايا وهيذلنى بيه
رنا : حاضر ياقلبي سيف معايا لحد ماالاوضاع تستقر
رنا وهمس وسيف مشوا
وفضلت شهد هيا وابوها
طلع فهد قفل باب الشقه وقفل عليها الاوضه
ودخل اوضته
شهد فضلت قاعده فى السرير زعلانه وكل شويه تبص فى الساعه
**********
جت الساعه اتنين وعمر جه ورن على شهد
شهد : الو
عمر : انا تحت البيت
طلعتله من البلكونه
شهد : بابا قفل الباب والاوضه انزل ازاى
عمر : طيب استنينى هروح اجبلك سلم واجى
شهد : ماشي ياعمر مستنيه
راح عمر نص ساعه وجه ومعاه سلم حطه على البلكونه ومسكه من تحت وشهد نزلت عليه
وأول ما وصلت حضنته وعيطت
عمر : معلشي نروح بس ونتكلم قبل ماحد يمسكنا
ربط السلم ومشوا
وطول الطريق شهد كانت بتعيط
عمر : خلاص ياحبيبتى اهدى بقيتى معايا اهو
شهد بعياط : مكنتش عايزه اطلع من بيتى كدا كان نفسي بابا يبقا مبسوط واجى ازوره كل شويه انا ماصدقت شوفته بعد سنين
عمر : هيصالحك وانا هخليه يصالحك متقلقيش ياحبيبتى هترجعوا زى الاول يهدى شويه وتتصالحوا
وصلوا البيت غيرت وكان عمر قاعد على السرير راحت قعدت فى حضنه وقعد يلعب فى شعرها بدأت تعيط تانى وتفتكر الى حصل وان ممكن ابوها يجيبها ويحرمها من عمر وكل ماتفتكر تمسك فى عمر اكتر
عمر : اهدى ياحبيبتى اهدى كل حاجه هتبقا كويسه انا معاكى
شهد : متسيبنيش مهما حصل
عمر : مش هسيبك
فضلت قاعده فى حضنه وهو يطبطب عليها ويبوسها علشان تهدى لحد مانامت
**************
تانى يوم صحى فهد ملقهاش قعد يرزع ويخبط ومتنرفز
نزل عمو مصطفى وعياله يشوفوا فيه ايه
يوسف ويزن وعمو مصطفى
فتحلهم فهد
مصطفى : فيه ايه الخبط والزعيق دا
فهد : سابت البيت وراحت له شفت البنت قعدت ثلث سنين عندك عملت فيها ايه
مصطفى : واللهى جدعه راحت لجوزها هتقعد تعمل عندك ايه يامجنون انتا
يزن بص ليوسف وخده وطلعوا
يزن : انساها بقا وابعد عنها
يوسف : وسع كدا
نزل يوسف راح جامعته وكان مدايق جدا وسايق بسرعه دخل وحضر اول محاضره وكان مش قادر يتنفس خلاص هينفجر عايز يعيط يصرخ يطلع الى جواه
راح فى مكان كدا فى اخر الممر زاويه كدا مفيهاش حد راح هناك وهو داخل سمع صوت شهقات
دخل لقى بنت قاعده بتعيط جامد وماسكه تليفون فيه صوره شاب وبتبصله
يوسف دخل وقعد قدامها : بتوجع أوى صح اما الى بتحبيه يروح لحد تانى بتوجع صح
البنت بصتله وهو افتكرها دى نور الى كانت بتلف اما تشوفه هوواصحابه
أول ماشفته لمت حاجتها وجايه تقوم
يوسف : اقعدى مش ناوى اعاكس ولا ادايقك انا جاى اعيط وافضى الى جوايا وانتى اكيد جواكى حاجه تفضيها اقعدى اتكلمى واتكلم ونمشي وكدا كدا مش هنتكلم تانى
نور قعدت وبصت لصوره ودمعت تانى
يوسف: انتى مش بتكلمى شباب ومن بتوع الحب حرام حبيتيه ازاى
نور مش مركزه وبتعيط : كان معايا من يوم مااتولدت
يوسف: حب طفوله يعنى تعرفى انى كمان كنت اعرفها من وانا صغير وبعدها سافرت نسيتها ورجعنا اتقابلنا صدفه تانى بقت قريبه منى اوى حبيتها اوى "وعيط "بس رحت خطبت غيرها لمجرد انها قالت حبيبى فى التليفون كنت مفكرها بتحب حد تانى انسحبت بهدوء خفت اخيرها بينى وبين غيرى لتختار غيرى
طلع باباها مش حد غريب رحت خطبت وحده بكرهها ومش طايقها علشان اسيبها تروح لحبيبها براحتها حسيت نفسي صخره فى طريقها فانسحبت اما عرفت انو ابوها سبت الى خطبتها بس كان الوقت فات حصلها حاجات كتير أوى اتجوزت واحد متعرفوش وحبته وامبارح راحتله خلاص معدتش ملكى انا غلطت في ايه انا رحت قولتلها انو كان سوء تفاهم ليه مفهمتنيش ليه راحتله وداست عليا ليه
نور كانت قاعده تسمعله وعيطها قل لما بدأ هو يعيط واول اما خلص اتكلمت : انتا الى غلط كان المفروض تستنى وتشوفها هتروح لغيرك ولا لاء روحت خطبت وحده بتكرها وظلمتها معاك وظلمت دى كمان كان فيها ايه لو اتقدمتلها وقولتها انك بتحبها ووقتها هيا تقرر وتختار كانت بين ايديك وضيعتها ومحستش بقيمتها الا لما ضاعت زيى بالضبط كان عندى أجمل أخ فى الدنيا كان مسافر ورجع من السفر قبل مايطلع البيت
بعتلى فويس
وراحت شغلته من التليفون
"نونتي انا تحت ياقلبي مصر وحشتنى أوى وبحر الاسكندريه وحشنى البسى وانزلى نتفسح متقوليش لماما انى جيت هتحبسنى جنبها اسبوع اشوف الاسكندريه بس واطلع اقضى الحبس بتاعى ههههههه"
فرحت اوى لبست ونزلت كنت فرحانه انو جه كنت عايزه اوريله صورى وهو كان سايق فرجته الصور كنا فوق فى الكبرى
كان بيتفرج وفجأه لقينا عربيه فى وشنا معرفش جات بالعكس ازاى
عيطت
فضل متنح وساب الدريكسيون وانا جيت انقذ الموقف بدل مااحود لجوا حودت لبرا طيرنا من الكوبرى العربيه اتكسرت هو حضنى وخد الازاز كله عليه حمانى وطلعت من العربيه من غير خروبيشه وحده وكان هو جسمه متفرتك عيطت جامد وجسمها كان بيرتعش
يوسف قاعد بعيد عارف لو قرب وحضنها هتضربه فضل قاعد بعيد يتفرج عليها
كملت كلامها : انتا حبيبتك سابتك علشان غلطه ومش قادر تستحمل مابالك بقا بالى عايشه بعذاب ضميير انها قتلت اكتر انسان بتحبه فى حياتها احن قلب عليها الى مش هتلاقى زيه ابدا متخيل يعنى ايه لما ماما بتقعد تعيط بحس انى السبب فى دموعها كلهم بحس انى السبب فى حزنهم عياطهم دا بحسه اتهام ليا على الجريمه البشعه الى ارتكبتها يارتنى موت معاه يارتنى موت
يوسف سابها تعيط لحد ماهدت خالص
يوسف : انتى مكنتيش السبب لو كنتى عامله كدا قصد اه تلومى نفسك دا حادث حصل يعنى لو مكنتيش ورتيه الصور كانت السياره مش هتطلع بالعكس لو مكنتيش حودتى وطيرتوا من الكبرى مكنتش السياره هتخبطكم دا قدر ومكتوب كان هيحصل
نور : بس مكنتش ابقا السبب فيه كان حتى اقدر ازعل على اخويا انا لما باجى اعيط واقول وحشنى عقلى بيقولى انتى السبب مش عارفه حتى ازعل عليه
يوسف : انتى الى بتتحكمى فى عقلك انتى الى بتوهميه بكدا وانتى مش السبب اقنعى نفسك بكدا
نور : نفسي يرجع يوم واحد بس اعتذرله اتاسفله افهمه انو كان واحشنى وكنت عايزه اقوله على حاجات كتير افهمه انوا مكنش قصدى انى الهيه وهو سايق ياترى هو زعلان منى ولا لسا بيحبنى زى الاول
يوسف : لسا بيحبك اكيد دى حادثه مش اكتر انا عندى اخت وبتغلط عادى بزعل اه بس عمرى مابكرهها وهو اكيد مسامحك ممكن تروحي المقابر تعتذرى وتعملليه صدقه جاريه اكيد هيفرح
نور : بجد
يوسف : اه اعملى كدا وهو دلوقتى طالب منك الرحمه اقرئى الفاتحه وادعيله قرأت الفاتحه ودعت له ويوسف قرأ الفاتحه على روح اخوها كمان
يوسف بصلها وقال تلقائى كدا : بكرا هستناكى عند الكافيه القريب من الجامعه ونروح المقابر واعرف واحد كدا نجيب منو كولدير ميه ونجيب شويه مصاحف نحطها فى الجامع تمام
نور : ماشى الساعه كام هنروح
يوسف : الساعه ٨ الصبح
نور عايزه تقوله انى مش هعرف اكلمك بس خايفه تطلب رقمه يفهم غلط
يوسف : لو مش عايزانى اجى عادى
نور : لاء انا بخاف اروح المقابر لوحدى ومش هينفع اقول لماما او بابا لانى مش هعرف اعتذر له قدامهم محدش يعرف حاجه بس انا هعرف انك جيت بجد ازاى
يوسف كتب رقمه واداه لها : انا هاجى وعد واكيد عمرى ماخلفت وعدى حتى الى خطبتها وسبتها من الاول ماوعدتهاش بحاجه وكانت عارفه انى بحب غيرها ووافقت
نور : تمام الساعه ٨ هاجى
مشت نور واستنى هو شويه وطلع بعدها
******************
عند عمر وشهد صحت متأخر أوى 
شهد بصت لعمر وراحت تشوف الساعه : اوف احنا الساعه ٥ العصر
قوم ياعمر كل دا نوم قوم صحته
عمر قام خدها فى حضنه وكمل نوم
شهد : عمر احنا الساعه ٥العصر فى شغل وجامعه وسيف وحاجات كتير ايه النوم دا كله
عمر : هو فيه حد ينام فى حضن القمر دا ويبقا عايز يصحا
شهد بطلت زعيق وضحكت له : كدا اتثبت خلاص بلاها جامعه وشغل وقرف
عمر : ايوا هو دا نامى بقا
شهد : انا هأجل السنه دى
عمر : ههههه لدرجادى انا كنت بقول ناخد اجازه اسبوع من حياتنا بس انتى شكلك ناويه على افلاسي هههههههه
شهد : مش علشان كدا بس انا خايفه اما اروح الكليه بابا ياخدنى
خلينى اجل السنه دى كدا كدا انا مروحتش كتير ولا فهمت حاجه
عمر : براحتك بس اعرفى لو ابوكى خدك على اخر الدنيا هجيلك بردوا وهفضل معاكى
شهد باسته : ربنا يخليك ليا
عمر شاور على شفته: عايز وحده هنا كمان
شهد طلعت من حضنه وبعدت : ياقليل الادب
عمربخباثه : انتى لسا شفتى قله ادب
شهد وشها احمر وجرت وعمر جرى وراها
"نسيب القط والفار يلعبوا مع بعض بقا😂"
************************
تانى يوم
الساعه ٧ صحى يوسف على رن تليفونه
يوسف بنوم : الو
نور قلبها كان بيدق بسرعه ومتوتره : انا كنت بس انا
يوسف : انتى نور
نور : اه
يوسف : كويس انك رنيتى هقوم البس وانزل اهو
نور :....
يوسف : سلام
قفل وضحك دى مش بتتكسف دى بتقطع النفس
لبس ونزل راح المكان لقاها واقفه بتفرك فى اديها وقف ادامها بالعربيه ونزل الشباك
يوسف : اركبى
نور بتبصله ومتوتره وخايفه
يوسف : ياستى اعتبرينى سواق تاكسي مش بعض واللهى
نور فتحت الباب الى ورا وركبت
يوسف سالها مقابر ايه وراحوا
ونزلت ونزل معاها وقعدت تكلم وتعيط لحد ما ارتاحت ومشوا حطوا كولدير ميه واشتروا مصاحف حطوها فى الجامع وبعد ماخلصوا
يوسف : انا جعان جدا وفيه محل كدا بيعمل سندوتشات كبده تحفه
نوربتلقائيه : انا بموت فى الكبده
وبعدها استوعبت الى قالته
يوسف : طيب يلا بينا
نور : لا انا لازم اروح دلوقت
يوسف : ليه
نور : كدا وخلاص
يوسف : طب ممكن اوصلك ونشترى هو فى الطريق وكوليه فى البيت
نور :......
يوسف : يلا
ركبوا ونزل
يوسف : كام واحد
نور : اربعه
يوسف ضحك ومشا
لما رجع
نور : خد الفلوس لاما مش هاخدهم
اصرت لحد ماخدهم
نور : على فكره مش ليا لوحدى انا وماما مش بجيب اكل من برا الا لما اجبلها معايا زيه وهيا بتحب الكبده زيى
يوسف : ماشي ياستى هو انا قولت حاجه بالهنا والشفا
وصلها البيت ورجع طول الطريق بيفكر فيها
مر يومين على يوسف وكل مايقابلها فى الجامعه صدفه يبقا مبسوط
بليل قعد يفكر مع نفسه
يوسف : انا مش هعمل زي المره الى فاتت واستنى لحد ماتضيع انا مرتاح لها ولو سبت نفسي وبطلت تفكير فى شهد هحبها
مسك تليفونه الساعه كانت ١١
بعت مسج لها
يوسف : ادينى رقم باباكى لو مفيش مشكله
نور كانت بتحاول تنام فتحت الرساله واتخضت
نور: عايز بابا ليه
يوسف : هاتيه بس
نور رنت عليه
يوسف : الو
نور بعياط :انت هتقول لبابا على الى حصل لاخويا صح اقتنعت انى وحشه وانى انا السبب فى موته انا كنت عارفه انى مش لازم اثق فى حد
يوسف : متعيطيش اهدى بس كدا الموضوع مش كدا خالص انا عايز رقمه علشان جاى اتقدملك
نور اتصدمت ولسانها اتربط
يوسف : ها هتديه ليا ولا مش عايزانى وبتقولى بلاش تتعب نفسك لحد هنا وتترفض فى الاخر
نور : دا على حسب انتا عايزنى بجد ولا عشان تغيظ حبيبتك وتوريها انك عادى اتجوزت وعايش حياتك شبهها
يوسف : لا علشان عايزك اصلا الى كنت بحبها بعيد ومتعرفش عنى حاجه خالص ولاهيا معانا اصلا
نور : ٠١٢٠٥.......
*******************
شهد وعمر قاعدين يتعشوا
عمر :سيف هيجى يقعد معانا امتى
شهد : يوم الجمعه رنا هتجيبه ويفضل معانا
عمر : تمام
شهد فضلت قاعده تقلب فى الاكل
عمر : مالك ياحبيبتى
شهد : مفيش كالعاده بابا واحشنى وزعلانه انى مش هشوفه
عمر : مين قال كدا هتجتمعوا قريب جدا
شهد : ياريت
***********************
تانى يوم راح عمر لعمو فهد
ورن الجرس
فهد : ايه الى جابك
عمر : ينفع اتكلم معاك شويه
فهد :ادخل
عمر :لاانا ولا شهد راضيين بالى عملناه بس حضرتك اتفهمنا شويه
انا هرجعها البيت ونعمل فرح بعد اسبوعين وتيجى معايا وتبقا بنتك معاك تزورها وتزروك هتستفيد ايه اما تكمل باقى عمرك لوحدك وبنتك الوحيده زعلانه انتا بتحطها فى موقف صعب بين الراجل الى بتحبه وتبقا سعيده معاه وابوها
فهد : المفروض كانت اختارتنى
عمر : اكيد هيا اختارتك وكانت بتعمل كدا بس علشان تحس بيها وتوافق ليه تخيريها اصلا وبايدك تديها الاتنين شهد الى زعلها ضربك وانك هتفرض عليها انها ترفع قضيه حتى لو هنطلق مش بمحاكم وقواضي
فهد : يعنى انتا عايز ايه
عمر : اجيبها تتصالحوا ونعمل فرح بعد اسبوعين تشوف بنتك بالفستان الابيض وتفرح بيها
فهد : ماشي
عمر قام باس راسه ومشا وهو طاير من الفرحه
***************
عمر دخل الفيلا
عمر : شهد ياا شششهدددد
شهد : انا هنا في ايه
عمر : الى يقولك باباكى صالحك خلاص وهنعمل فرح بعد اسبوعين ونبقا كويسين وعيله تعمليله ايه
شهد : احلف
عمر : واللهى
شهد نطت عليه وحضنته جامد وهو شالها
******************
خلص البارت