أسيره الظلام

الصدمه

شهد بتحاول تشغل العربيه مش راضيه تدور
شهد : يلا اشتغلى بقا يارب
وعيطت
الراجل جه وفتح العربيه شهد بتعيط جامد ومش قادره تتنفس وعماله تألف سينريوهات فى راسها وتدعى انها ترجع بيتها فكرت تجرى بس لقت الدنيا ظلمه جدا لاهيا عارفه تروح فين والراجل كان ماسكها جامد ومش هتعرف تتخلص منه
دخلوا الفيلا
الراجل : انتى عارفه انا اتعذبت بعدك اد ايه انا مهنتش عليكى ورجعتيلى صح
شهد بدموع : انت بتخرف بتقول ايه انا واللهى مااعرفك روح اغسل وشك وفوق ومتأذنيش ارجوك
وكان الراجل ولا كأنه سامعها
الراجل : انتى وحشتينى اوى وانا وحشتك صح
وبيقرب منها
شهد جرت ووقعت فى الارض من الفستان حاولت تقوم راسها خبطت فى التربيزه ووقعت مغمى عليها
الراجل كان بيقرب منها بدون وعي و
......................................
فى الفرح
ليلى : قوم يا يزن دور على شهد قالت انها رايحه الحمام ومرجعتش
يزن : رني عليها
ليلى : تليفونها معايا فى الشنطه
يوسف كان جاى عليهم
قعد مع مامتوا ويزن راح يدور على شهد وهمس راحت معاه
يوسف: مالك ياأمي وشك مقلوب ليه علشان خطبت يعنى
ليلى : لا ياحبيبى حتى لو مش حباها اهم حاجه سعادتك بس انا قلبي وجعنى على شهد راحت الحمام ومرجعتش وقلبي بيقولى حصلها حاجه
يوسف بقلق: طب هروح ادور عليها
**************
فى نهايه الفرح
ليلى : لقيتوها
يزن : قلبت القاعه كلها مفيش حد
همس : دخلت الحمامات النسائيه كلها وملقتهاش
يوسف : عربيتها مش بره ممكن تعبت وروحت
مصطفى : ازاى يعنى تروح من غير ماتقول وفى وقت زى دا لوحدها
ليلى بدأت تعيط: انا حاسه ان فى حاجه حصلت لها يارب يارب رجعهالى يارب
لينا : ياجماعه اهدوا هندور عليها بس متزعلوش قدام رنا وتخربوا فرحتها
كلهم سكتوا ووصلوا رنا وراحوا البيت
يوسف الى ساق عربيه مازن وكان طاير بالعربيه
يزن :هنعمل حادث اهدى
يوسف : لو لقيتها فى البيت هكسر البيت على دماغها
همس : اقعد ساكت كل حاجه بسببك اصلا يارب نلاقيها وتبقى كويسه يارب متكنش عملت حاجه فى نفسها
يوسف : هتعمل ايه فى نفسها
همس: معرفش اسكت لحد مانوصل وعيطت
وصلوا
يوسف: افتحى ياشهد وبطلى هبل كلنا قلقانين عليكى
ليلى : يابنتى ياحبيبتى مش جوا هتكون راحت فين
يوسف كسر الباب ودور فى الشقه وملقهاش
ليلى لحد هنا واغمى عليها
خدها مصطفى ومازن وودوها الدكتور
لينا: انا هطلع انيم ريناد
همس : ماما بترن عليا جات علشان تاخدنى
يزن : تمام انزلى
همس: طمنونى اول ماتلاقوها
يوسف واحنا هنروح ندور عليها
نزلوا لقوا سيف قاعد على السلم بيعيط
يوسف: ايه ياسيف مالك
سيف: انا عاوز ماما اهىء اهىء
شاله يوسف وحضنه وقعد يهديه
يزن : خليك معاه وانا هنزل ادور عليها مش فاكر رقم العربيه الى اجرتها
يوسف : لاء انتا متعرفش المحل الى اجرت منو
يزن : لا راحت لوحدها
يوسف بنرفزه : اه منك ياشهد اه
يزن : اهدى وهنلاقيها إن شاء الله
نزل يزن يدور
وطلع يوسف نيم سيف ودخل اوضه شهد
يوسف: يارب ترجعى ياشهد يارب محدش يأذيكى
راح ينام فى سريرها وبص لقى دفتر
فتحه وبدأ يقرأ وكل شويه يبتسم اكتر لما يشوف فى اخر كل صفحه حرف الy
"كم هي جميله ودافئه تلك اللحظه التى تكتشف فيها أنك أنت المقصود بنص كتب بطريقه مبهره وأنك الشخص الوحيدالذي يستطيع إدراك ذلك "
يوسف : لا ممكن قصدها حد غيرى
قعد يفكر وبعدها طلع جرى على شنطه شهد وطلع تليفونها وفتحه
كتب فى جهات الاتصال حبيبى طلع له
يوسف متنرفز وبيرن لقى تليفونه بيرن
طلع تليفونه لقى شهد بتتصل
يوسف : لا مش هصدق الكلام دا يعنى هيا ممكن تكون سابت الفرح بسببى طب هيا كانت بتكلم مين
قعد يدور فى جهات الاتصال
لقى رقم متسجل ب my sweet heart
رن عليه
الرقم : الو ياحبيبتى خير فى حاجه
يوسف: كل خير بإذن الله انت مين يازفت انت
الرقم : ايه يايوسف مش عارف صوت عمك وبتتكلم كدا ليه
يوسف بصدمه : عمى !!
فهد : ايوا انا عمك ايه شهد حصل لها حاجه
يوسف : اااا لا شهد كويسه
فهد : طب وتليفونها بيعمل عندك ايه ولا انت قاعد معاها ولا ايه
يوسف: ااااا لا احنا كنا فى فرح رنا ورجعت نامت تحت ونست تليفونها معايا وانا من الفضول قلبت فيه ولقيت الرقم دا متسجل بحبيب قلبي فحبيت اعرف مين هو
فهد : طيب الحمدلله كدا انا اطمنت اكتر ان فى حد بيراقب بنتى وخايف عليها شهد امانه عندك يايوسف يلا سلام
يوسف: سلام
للأسف انا ضيعت الامانه بغبائى اه يارب اعمل ايه تيجى بس بسلامه ومش هضيع دقيقه واحده فى الهبل والشك بتوعى
قام اتوضى وقعد يصلى ويدعى انها تيجى ومقدرش يعقد فى البيت شال سيف وطلعه للينا ونزل يدور عليها
**************
تانى يوم
صحت شهد بصت حوليها لقته قاعد القرفصاء بعيد عنها وكأنه كان بيعيط ونام وهو على الوضعيه دى بصت على نفسها لقت فستانها متقطع
فضلت تعيط
وأدى أغلى حاجه عندى خسرتها معدش عندى حاجه اخسرها كل حاجه راحت حتى سيف مش عارفه هرجعله ازاى اه يارب
وبعدها قامت تجرى على العربيه تدور على شنطتها
شهد : ينهار اسود مجبتهاش ياربي ايه دا
فضلت ماشيه ولقت واحد جاى عليها
الراجل : اي شكلوا معملش معاكى الواجب تعالى وانا اظبطك
شهد طلعت جرى ورجعت الفيلا تانى
ودخلت لقته لسا على نفس الوضعيه
راحت بكل مافيها من قوه وقعدت تضرب فيه
شهد : دمرتنى ودمرت حياتى انتا مش انسان اصلا انتا واحد مختل مبتحسش عملتلك ايه انا علشان تاخد اغلى حاجه عندى هتحرمنى من عيلتى وكل الى بحبهم هيكرهونى بسببك بكرهك بكرهك يارب تفضل تتعذب طول حياتك عمرى ماهسامحك لادنيا ولا آخره
الراجل بيحاول يفتكر الى حصل وفجأه فتح عينه على وسعهمها
الراجل : افهمينى انا مكنش قصدى انا اتخيلتك حد تانى طب انا عملت ايه
ومسك دماغه من كتر الوجع
شهد ضربته قلم : وبكل بجاحه بتسأل
فضلت تعيط
وهو كمان بدأ يعيط ودا الى كانت شهد مستغربه منو هو الى أذاها وهو الى بيعيط
قام راح جاب لها هدوم وحطها جمبها ومشا
شهد: استنى عايزه ادخل اوضه اغير
الراجل : اه طبعا اتفضلى
شهد دخلت الاوضه ولبست وقفلت الباب وقعدت تفكر فى طريقه تروح بيها
الراجل اتوضى وبدأ يصلى وكان صوته جميييل جدا فى قراه القرآن
وقعد يصلي كتيييير كأنه بيعتذر من ربنا على الى عمله
شهد سمعت صوته : وعامل فيها شيخ وهو أوسخ خلق الله
استنته لما يخلص ونزلت وهيا خايفه منو
شهد :روحنى لأهلى
الراجل : استنى افهمك بس انتى لو سمعتينى هتسامحينى
شهد : لاء انتا اهبل مستحيل اسامحك ولو اتطبقت السما على الارض روحنى لاهلى
الراجل : اهلك هيقتلوكى اسمعينى وانا هصلح غلطى
شهد: لا اهلى بيحبونى وعارفينى لو هيقتلوا حد هيقتلوك انت
الراجل : من وجهه نظرهم انتى الى جيتى لحد عندى برجلك مش هيتفاهموا معاكى كل حاجه الا الشرف
شهد : وانت مفكرتش في كدا قبل ماتعمل عملتك ليه ياحيوان
سكت
طلعت شهد الاوضه الى كانت فيها
شهد : يارب اعمل ايه كلامه صح اهلى ممكن يقتلونى هيتبروا منى لاما هيموتونى ولاهقدر اعيش معاه ولا هقدر ارجع بيتى
ألقت بجسدها المتهالك على السرير وغمرت وجهها بالوساده وبكيت بكاءا حارقًا من فرطه كاد ت تخرج قلبها من فمها وتلقى به فى أي مكان آخر عدا صدرها
فضلت تعيط لحد مانامت
وبعد ساعه صحت على تخبيط الباب
شهد بنوم : مين
الراجل : انا عمر افتحى
أول ما سمعت صوته انتفضت وقامت بصت حوليها
( نعرف عمر طوله ١٧٥ جسمه رياضى شعره اسود وعينوا بنى غامق واسعه عنده دقن لا تقيله ولا خفيفه وبشرته خمرى)
شهد : انا لسا هنا ياربي حلمت إنى روحت بيتى يارب أروح يارب
قامت لبست طرحتها وفتحت الباب وجرت على اخر الاوضه
عمر : متخافيش انا جبتلك اكل بس اتفضلى
دخل حط الاكل وطلع
شهد: مفكر انى هاكل عند واحد زيك دا اكيد الاكل دا فلوسه حرام
عمر : انا عارف إن الى حصلك مش حاجه تتقبليها بس صدقينى انا مش زي مابتقولي لو حكيتلك هتفهمينى ممكن متسامحيش بس على الأقل هتفمينى
شهد : مش عايزه افهم مهما قولت هتبقا بردوا حيوان فى نظرى يلا لوسمحت خد اكلك واطلع برا وعايزه تليفون ارن على أهلى
عمر طلع التليفون من جيبه بسرعه واداه لشهد
استغربت من رده فعله
وخدت التليفون وفضلت مسكاه ومتنحه
عمر : مش عارفه تتعاملى معاه
شهد مردتش
عمر : هاتيه وملينى الرقم وانا اتصلك واتكلمى
شهد : ها
عمر راح اخده منها وفتحه : قولى الرقم
شهد بدأت تعيط : انا مش حافظه رقم حد من عيلتى حتى بابا الى كنت حافظه رقموا غيروا بعد ماطلع من المستشفى
عمر بصلها وصعبت عليه : خلاص متقلقيش هدورلك عليهم وارجعك لاهلك
وطلع وسابها
شهد : فعلا مش باين عاليه انو وحش خالص يعنى لو يوم الفرح كنت قابلت الشخص دا مش بعيد كان وصلنى للبيت لكن الى قابلته يومها كان نفس الشكل بس
عمر :طفله اوى ياريتنى كنت مت قبل مااعمل فيها كدا
شهد قفلت الاوضه كويس ونامت تانى
حلمت بنفس الحلم بتاع الغرق هيا عماله تغرق والكل سايبها ومحدش بينقذها وكانت نظراتهم ليها وحشه جدا
قامت مفزوعه
وقعدت تنهج
شهد : كلهم هيكرهونى انا ذنبي ايه انا معملتش حاجه غلط محدش هيقف جنبي حتى يوسف راح وسابنى لما ارجع هيقول الحمدلله انى خطبت غيرها معنديش ام واب يدافعوا عنى بابا مستحيل يرجع ويسيب الشغل علشانى رنا زمنها سافرت شهر العسل محدش هيدافع عنى مازن هيقتلنى لاما عمو مصطفى هيرمينى انا تعبت يارب
معدتش قادره استحمل
"لكنني لست سيىء ليصيبنى كل هذا الحزن دون شفقه "
لقت دفاتر على المكتب واقلام
راحت اخدت واحد وفتحته وبدات تكتب
هذه الليله " أود أن اموت بين ذراعيك ،افتقدك كثيرا " y
قلبت الصفحه
ماما ياريتنى اقدر اجى قبرك واحكيلك الى حصلى انا موجوعه أوى ياأمى مفيش حاجه بتوجع محصلتش ليا كأن الوجع والحزن اتخلقوا علشان يسكنوا قلبي تعبت من كل حاجه بجد مش قادره استحمل انا بتعاقب على ذنب مرتكبتوش كنت الضحيه بس هيعاملونى كأنى شريكه فى الجريمه انا قولتله يرجعنى لأهلى بس أعارفه أنهم هيقفوا ضدى انا خايفه أوى ولو عمى وعياله وقفوا ضدى مش هلاقى حد هبقى لوحدى فى الدنيا دى مش قادره استحمل ياأمي أكيد انتى مرتاحه أكيد عندك راحه أنت وحشتينى أوى متقلقيش هزورك قريب
قلبت الصفحه
انا آسفه ياحنين مقدرتش احفظ امانتك واللهى حبيتوا زى ابنى كان هو الحاجه الوحيده الى بتخلينى اتمسك بالدنيا واحارب واعافر بس بقيت حاجه ميتشرفش بيا لما ارجع هيفضلوا يقولوا عليا كلام وحش على الاقل اموت وادفن الى حصل معايا متقلقيش هيحبوه ويهتموا بيه
قفلت الدفتر
وقامت شالت الملايه وربطتها وعلقتها فى النجفه وسحبت الكرسي ووقفت دخلت راسها وقبل ماتزق الكرسي
يارب سامحنى يارب
*****************
عند يوسف جه حد خبط عليه فتح الباب
الراجل : هنا بيت شهد فهد
يوسف: اه فى حاجه
الراجل : كانت مأجره عربيه امبارح ومعاد التسليم جه ومجتش
يوسف:هيا راحت بيها فرح وبعدها ضاعت وبندور عليها مش لقينها ممكن تدينى رقم العربيه او لو عندكم جهاز بيحدد الموقع بتاعها
الراجل : الرقم ......بس للاسف العربيه دى مش متطوره فمش هقدر احدد موقعها
يوسف: تمام شكرا
**********
كلهم كانوا قاعدين فى الصاله عند عمو مصطفى
يزن: لفينا عليها الدنيا كأنها فص ملح وداب
مازن: مش يمكن تكون بتحب واحد وهربت معاه
لينا: اه واستغلت فرصه ان احنا مشغولين
مصطفى : دى زي اختكم رنا ينفع تتكلموا على رنا بالشكل دا
مازن: احنا بنحط كل الاحتمالات
مصطفى : الاحتمال دا مستحيل
لينا : ولو طلع كلام مازن صح
مصطفى : يبقا هيتقطم رقبتها
وقام مشا وسابهم
ليلى : يخساره تربيتى فيك يامازن دا وعندك بنت امك مقلتش ليك ان اعراض الناس متتكلمش فيها
مازن : ياماما ....
ليلى : بلا ماما بلا زفت بدل ماانت قاعد تتكلم فى عرضها قوم دور عليها وجبها لان دى امانه عندنا زيها زي بنتك لوعملت حاجه غلطت يبقا العيب منننا معرفناش نوريها الصح من الغلط
ومشت وسابتهم
لينا : هتفضل تدافع عنها كدا وفى الاخر هتطلع عمله مصيبه انا قلبي حاسس
يوسف: انتى ايه يامفتريه مبتحسيش لو حد فيكم اتكلم نص كلمه عنها يبقا جنى على نفسه
مازن : ايه فوق لنفسك متتكلمش مع مراتى بالشكل دا على شان واحده مش عارفين راحت فأنهي داهيه
يوسف كان هيضربه
يزن ادخل وخده وخرجوا بره
يوسف: مش عارف بقوا زباله كدا ليه
يزن : اهدى هما كلامهم غلط واحنا عارفين كدا فبدل المضربات يلا نروح ندور عليها ونثبت عكس الى بيقلوه
يوسف : يلا
**********************
خلص البارت
هل شهد هتنتحر وتنتهى قصتنا
ولا مكتوب لها تعيش الالم لاخر قطره
كل دا هنعرفه البارت الجاى اتفاعلوا