أسيره الظلام

سعاده ناقصه

يوم الحنا
عملوا حفله بسيطه فى شقه شهد وعزموا كل البنات
وكانت رنا قمر جدا بفستان سكرى سمبل
وشهد ولينا وريناد لابسين نفس الفساتين بلون بنفسجى قاتم
ومشغلين اغانى اعلى حاجه وبيرقصوا
ولكن هل للفرحه ان تكتمل فى قلب صغيريتنا
جت خلود تتمايع جمب شهد
شهد فى سرها : يارب ابعدها عنى بقا واللهى زهقت من قرفها
وحاولت شهد تبعد عنها بس كان زحمه جدا والمكان صغير هتروح فين
قررت تدخل البلكونه
دخلت خلود ورها وهيا بتتكلم فى التليفون
خلود: الو ياحبي وحشتينى قد الدنيا دى كلها
يوسف: وانت كمان خير فى حاجه
خلود : ايه ههههه مش قادر على بعدي
يوسف: انتى سخنه ولا تعبانه ولافيكى ايه
خلود : امتى تيجى بقا
يوسف: بكرا إن شاءالله هنزل الصبح واوصل قبل الفرح
خلود : هنعمل الخطوبه امتى
يوسف: ممكن نلبس دبل فى فرح رنا وناخد فقره كدا
خلود:بكرا ههههه لدرجادى مستعجل
يوسف: بقولك ايه انا هقفل لحسن مش ناقص
قفل يوسف وهو مستغرب بتتكلم كدا ليه دى
يوسف: دا بتغنى وترد على نفسها
خلود بصت لشهد نظره انتصار ومشت
شهد : يارب مليش غيرك واللهى تعبت محدش بيرحمنى ليه بتعمل معايا كدا انا عملتها ايه علشان تعمل فيا كدا اذيت مين انا علشان الكل يأذينى بالشكل دا 
قعدت فى أرض البلكونه تعيط
دخل عليها سيف وريناد
ريناد: مث تعيطى عثان خاترى ( متعيطيش علشان خاطرى )
سيف راح يحضنها ويطبطب عليها بأيده الصغيره
ريناد: طب خدى بيبثى تاعى ومث تزعلى ( طب خدى البيبسى بتاعى ومش تزعلى )
وحضنوها هما الاتنين
حاولت تتماسك وابتسمت على الطفلين الى حسوا بيها
رغم وجود الناس دى كلها محدش يحس بغيابها ولا حد يعرف يواسيها غير الطفلين دول
شهد : حبايبى تعالوا
حضنتهم جامد ومسحت دموعها
ريناد : اتى فستانيك ميل زيى ( انتى فستانك جميل زيى )
شهد : اه بس انتى احلى ياقلبي
وقفتها ودورتها زي الاميرات
شهد : احلى اميره ولا ايه
ريناد : ايوا انا فيوزن ( ايوا انا فروزن )
شهد: ههههههه
سيف : وانا مث حو يعنى ( وانا مش حلو يعنى )
شهد خدته وباسته : انت عسل
ريناد : انت لابس بدله زي اميرفيبيب (امير فيليب )
سيف : هيه انا امير
شهد : احلى امير واميره
قررت شهد تكمل باقى الحفله فى البلكونه مع الطفلين
وبرا رنا كانت بترقص مع اصحابها ومبسوطين
لينا : هيا فين شهد ياماما
ليلى : واللهى معرف تلاقيها مع سيف بتعمله حمام ولاحاجه
لينا قامت تدور عليها علشان تشوف ريناد معاها ولا لاء
لينا : ايه ياشهد واخده العيال واقعده هنا ليه ماتسيبيهم يتبسطوا
شهد: تمام خودي ريناد ابسطيها انا قاعده انا وسيف هنا
رينا د:لاءه انا عوزه ثيف
لينا: بطلي شغل العيال دا وطلعى العيال يلعبوا بدل ماانتى حبساهم معاكى كدا
شهد : يلا ياسيف انتا وريناد روحوا العبوا ياحبايبى
وراحت شهد الاوضه بتاعتها خلعت الفستان ولبست بجامه ونامت على السرير
دخلت لينا وراها
لينا : لا واللهى متخلفه ايه الى انتى بتعمليه دا لو مكنتش اعرفك كنت قلت زعلانه ان احمد هيتجوز انتى بتكسرى فرحه صحبتك واختك ليله حنتها مش قادره اصدق ان دى شهد الى اعرفها بجد انتى اتغيرتى جدا له حق يوسف يخطب وحده تانيه
" الكلمه الطيبه قطره من غيم الشفاه.... تنبت السعاده فى القلب وتزرع الراحه فى الصدر قولها او لتصمت "
شهد وهيا مش قادره ترد ولا عارفه هيا الناس بقت عامله كدا ليه
شهد: ممكن تسيبينى علشان تعبانه ولو على رنا انا قعدت اكتر من نص الحفله معاها وكل الى بعمله عشانها ومش محتاجه ابرر لحد
يلا سيبينى لو سمحتى
لينا: هسيبك بس سيف  مش هخلى بالى منه هو مسؤوليتك مش مسؤوليتى
طلعت وسابتها
شهد  اترمت على السرير وبعتت مسج لطنط ليلى
شهد : خلى بالك من سيف ياطنط انا تعبانه اوى وهريح فى الاوضه
ليلى : الف سلامه يابنتى وسيف فى عنيا اجيلك ولا اعملك حاجه سخنه
شهد : لا ياطنط هريح بس
ليلى : تمام
فتحت شهد دفترها
وبدأت تكتب
هل لنا لقاء....فقلبي يذهب كل يوم ليتغلل فى خلاياك كلما سئلت عن سبب البعد احتار بماذا سأجيب وفى حين محاوله إقناع قلبي بأنك ذهبت يصر على تركى والذهاب إليك إما أنت أو لا حياه من بعدك
انت الذنب الذى لم أكف عنه أبدًا لم اتقبل النسيان يومًا لايزال قلبي يريدك رغمًا عن مشاعرك التى تلاشت وعن الأمان الذى تحول لخوف
لأكون صادقه معك أنا لا أقل عن قلبي حبًا لك
هل لنا لقاء
وقفلته ونامت على السرير
*********************
وفى الغردقه
يوسف قاعد يبص من شباكه كالعاده
يوسف: هو انا هربان منها ليه محمد كلامه غلط البعد مش بينسي البعد بيزيد الوجع انا خلاص هكمل مع خلود وهتجاهل شهد من حياتى تماما ومش ههرب منها
قام يجهز شنطته
وركب سيارته وشغل اغنيه
بدك عدلك شو ماخد يلا
حضريلى ايديك
اخد قلبي ... واخد روحى
اخد عينيى بعينك
اخد عمرى وكل أحلامى
بأدنى دنيا تاركنى
مش تارك شغله تنساها إلا أنا
مش اخدنى 
وافتكر شهد واتمنى لو توقف قدامه ويقولها الاغنيه يمكن تفتكر وتاخده
" أجد قطعا منك فى كل أغنيه أسمعها "
**********************
عند شهد خلصت الحنا
وهمس كانت جايبه الفستان بتاع الفرح وكلهم بايتين عند شهد
شهد نامت طول الحفله
رنا وهمس بيوشوشوا بعض وبعدها غمزوا لبعض وراحوا الاتنين
نطوا عليها
رنا: قومى ياندله سيبتنى ارقص لحد ماوسطى اتخلع طب اقفى حتى اعملى فقره ولا حاجه
همس: اه المفروض ترقص بشعرها مش من الامارات
قومى يابت مش هنسيبك غير اما تعمليلنا فقره
شهد قامت : واللهى ماقدره لكم سيبونى فى حالى بقا
ورمت عليهم المخده
رنا : بقا كدا خلاص لقد اعلنت الحرب
همس: مى تو مى تو
وبدات حرب المخدات بينهم
شهد: ههههه اه خلاص كفايه هموت
وقفوا رمى مخدات
وقعدوا التلاته يضحكوا على مناظرهم
رنا : واللهى هتوحشونى يامجانين
وعنيها دمعت
همس: اي دا هو انتى هتسافرى دا كل الموضوع هتتجوزى ومتفكريش انك هتهربي مننا كل يوم هنجيلك
شهد: متزعليش ياقلبي بيتك مش بعيد واحنا موجودين اهو هنروح فين
رنا مسحت دموعها: انا خايفه اوى يوسف ميجيش
شهد: لا جاى 😏
همس: كلمتيه ولا هو الى كلمك ولا هيسيب هلود ولا اعترفلك بحبوا انطقى
شهد: خدى نفس لحسن تتخنقي مفيش حاجه من دى خلود كلمته وانا واقفه وهيلبسوا الدبل فى الفرح
رنا : متزعليش فتره بس يعرف قيمتك ويعرف ان خلود دى متنفعلوش وهيرجعلك
همس: اه كلامها صح انا هخلى يزن يكلمه يمكن يفهم
شهد: متتعبوش نفسكم انا كويسه وهفرحلهم الموضوع بالنسبالى انتهى ومتقعدوش تدونى أمل فى حاجه مش هتحصل علشان ماتوجعش اكتر
فى نفسها ( ياريت لو اقدر اقنع قلبي بالكلام الى بقوله انا هفضل عندى امل يسبيها لحد فرحهم )
همس: كان نفسي اكون بعرف اسوق كنت خمستلك فى الفرح
رنا: لا الحمدلله انك مش بتعرفى مش ناقصين حوادث
شهد : انا بعرف بقا وهاجر عربيه واخمسلك
رنا:يعينى عليا وعلى الى هيحصل فى فرحى
قعدوا يتكلموا لحد ماراحوا فى النوم
******************
الساعه وحده الظهر
همس: قومى بقا يارنا مش هنلحق نروح للكوافير
شهد : ايه مفيش امل
همس: لا مش راضيه تقوم
شهد راحت جابت مكبر الصوت
وحطته عند ودان رنا
شهد: قومى فرحك النهاردداااااااا
رنا طارت : اعععع فى ايه حد يصحى حد كدا
همس: مهو انتى لو بتصحى زى الناس مكناش صحناكى كدا
شهد: يلا ادخلى استحمى علشان نروح حد الكوافيره
دخلت رنا تستحمى
شهد : انا هودى سيف للحلاق على مارنا تخلص ولو اتأخرت اسبقونى انتوا
همس : تمام
اخدت شهد سيف للحلاق
سيف: سعرى لا مث عاوز اقصه
شهد: مش هيقص كتير حبه صغننه علشان خاطرى
قعده الحلاق بالغصب
وسيف بيبص للشعر الى بينزل ويعيط
خلصوا وطلعوا
شهد: خلاص متزعلش بقا هيطول تانى
سيف: انا زعلان منك اتى قولتى حبه صغننه وهو قص تييير
شهد: معلشي تعالى اجيبلك ايس كريم
راحت جابتلوا ايس كريم وبعدها ركبوا تاكسي
وارحت تاجر عربيه
وطلعت راكبه العربيه
شهد: الله وحشتني ايام ماكنت بسرق عربيه بابا تصدق ياسيفوشعورى لما كنت بسوق العربيه وانا سرقاها ومش معايا رخصه احلى بكتير من انى اسوق عربيه بتاعى وكل حاجه قانونيه
سيف: انا اما اكبر اثوق عبيه كبيره
شهد: بس كدا من عيونى اكبر بس واجبلك اكبر عربيه
اتصلت على همس لقتهم راحوا الكوافيره
راحت تجيب فستانها من البيت وتروحلهم
وكان فستانها اسود فخم جدا