أسيره الظلام

البارت السابع

شهد واخده سيف فى حضنها وبتفكر ياترى اعمل آيه انا بجد مش قادره
قامت اتوضت وصلت وقعدت تعيط كتيييير وهيا ساجده
وقرأت قرآن وهدت شويه
شهد: انا مجبره اكمل حياتى علشان سيف مجبره ابقى كويسه علشانه لازم أكمل تعليم علشان أعيشه عيشه كويسه واتنهدت وراحت فى النوم
*********************
تانى يوم
شهد صحت وخدت شاور وقررت تبدأ من جديد وتعيش لسيف وبس
خدت سيف غيرت له هدومه واكلته
وطلعت فوق
يوسف فتح : اهلا شهوده اخيرا رجعتى
شهد : شكرا يايوسف فكرت فكلامك وانت صح انا عمرى ماهقدر انساهم هيفضلوا فى قلبي بس لازم اعيش لسيف
يوسف ابتسم لها ودخلها
سلمت على طنط ليلى ولينا وادت سيف ليهم
خبطت على رنا
ودخلت حضنتها
شهد : انتى فيكى شبه من ماما كتير انا بحبك اوى يارنا اياكى تبعدى عنى
رنا: عمرى مااسيبك ياقلبي
شهد : اسيبك بقا علشان اروح دروسي
طلعت لقت يزن سلمت عليه
شهد : هحتاجك يايزن فى الدراسه علشان الى فاتنى لو ينفع
يزن : طبعا ياشهد وهمس هتبقى معاكى
شهد فهمت قصده وغمزتله : هجبهالك
يزن اتكسف انها فهمت ووشه احمر
نزلت الشارع خدت نفس يارب قوينى وقدرنى
اتصلت على همس وراحت معاها وهمس كانت فرحانه جدا جدا ان صحبتها رجعت
وراحوا دروسهم
والمدرسين كلهم عزوا شهد وقدروا موقفها محدش تقل عليها فى التسميع والواجبات وفيه مدرسين قرورا يشرحوا لها الى فات وكدا خف الحمل من على يزن شويه
********************
عند رنا فى الجامعه
رنا وهيا داخله الجامعه قابلت الدكتور أحمد
أحمد: ازيك باقالك كتييير مبتحضريش مش عادتك يعنى
رنا: معلشي كان عندى حاله وفاه بعتذر من حضرتك
أحمد : البقاءلله مين الى اتوفى
رنا : بنت عمى وجوزها
أحمد : اها ربنا يقويكى لو احتاجتى حاجه فى مادتى تحت أمرك
رنا : شكرا يادكتور
أحمد : على ايه واجبى
سابته
وراحت للمحاضرات بتوعها
وسلمت على خلود
خلود : وحشتينى ياقمر
رنا : وانتى ياقلبي
خلود : فين كل دى غيبه
رنا مش بتحب تقول حاجه لخلود مفيش سبب لكدا بس هيا بتفضل تكون علاقتهم دراسه بس
رنا : شويه ظروف فى البيت ها خدتوا ايه
وقعدوا ياخدوا المحاضرات ورنا بتصور الى فاتها وهكذا
وخلصوا وطالعين
رنا : كان يوم متعب جدا
خلود : اه جدا رنا بصى الحليوه الى هناك دا
رنا : مش عايزه ابص على حد يلا نمشي
خلود : لا بصى دا جاى علينا
رنا بصت لقته يوسف اخوها
رنا : ازيك يايوسف ايه الى جابك
يوسف : هاخدك من الجامعه وكمان عايزك فى موضوع
خلود : انتى تعرفيه
رنا : اه اخويا
وعرفتهم على بعض خلود كانت بتبص له بنظرات اعجاب
ومشوا
يوسف : خلود دى باين عليها طيبه
رنا اتضايقت : عجبتك
يوسف : مش قوى يعنى خلينا فى الى احنا فيه بقا
ركبوا العربيه
رنا: ها ايه الموضوع الى انتا عايزينى فيه
يوسف : عايزين نخرج شهد اي مكان علشان تغير جو بدل ماهيا كئيبه وبتفكر تنتحر
رنا اتخضت : هيا قالتلك انها هتنتحر
يوسف : كانت بتلمح على كدا واتكلمت معاها بس اعتقد شالت الفكره من راسها وخرجت انهارده
رنا : لا لازم نخلى بالنا منها
يوسف : تعالى نخرجها انهارده بس مش عارف نوديها فين
رنا : نوديها الملاهى هيا وسيف
يوسف : فكره حلوه وهنبسطها تعالى الاول هنجيب حاجات للاكل ونعملها اكله كدا بتحبها
رنا : وانت عرفت هيا بتحب ايه منين
يوسف : ماما عملتها مره وهيا كانت فرحانه جدا وقالت انها بتحبها
رنا فرحت ان اخوها بيهتم بشهد وحست انو بيحبها
رنا : وهيا ايه الاكله دى بقا
يوسف: مكرونه بالويت صوص وعارف انك فاشله فى المطبخ اتفرجت على فيديوهات كتير وهعملها انا
رنا قعدت وهيا مبسوطه اوى من اخوها
راحوا اشتروا الحاجه وراحوا لبيت شهد رنا معاها المفتاح دخلوا
ويوسف دخل لبس مريله المطبخ ودخل يعمل الاكل
رنا : انا هطلع اغير واجيب سيف
يوسف : تمام
على الساعه ٥ العصر كدا رجعت شهد
ودخلت سمعت صوت فى المطبخ راحت تشوف لقته يوسف
كان شكله يضحك بس شهد ملهاش نفس تضحك
شهد ابتسمت ابتسامه خفيفه : بتعمل ايه
يوسف : بوظتى المفاجأه مش ترنى الجرس
شهد : ارن على مين انا عارفه ان مفيش حد فى البيت
يوسف : اه صحيح معلشي
شهد : لا عادى تسلم على الاكل بس متتعبش نفسك علشانى انا مليش نفس لأى حاجه
يوسف: لا دانا أول مره اطبخ لازم تدوقي أكلي مفيش اعتراض
شهد سابته ودخلت تغير طلعت لقت رنا وسيف
راحت خدت سيف وحضنته جامد وراحت ادته لرنا وجابت له مهلبيه كانت عمالها دفتها له وقعدت تأكله ونام نيمته وطلعت لقت يوسف ورنا مجهزين السفره
شهد : والله يجماعه مش هقدر أكل
يوسف قام قعدها : مش عايز اعتراض على أي حاجه انهارده
شهد بصت للأكل وافتكرت مامتها لما كانت بتعملها الأكله دى قعدت تأكل وتبتسم
ورنا ويوسف مبسوطين انهم فرحوها
شهد فضلت مبتسمه شويه بعدين دمعت
رنا: مالك ياشهد ياحبيبتى
شهد : ماما كانت بتعملى الأكله دى انا وحنين واحنا صغيرين وكنا بنقعد نلف حاولينها على ماتخلص وناكلها بإدينا ونلغوص نفسنا ضحكت وبعدها انفجرت من العياط
رنا راحت حضنتها ويوسف طبطب على اديها هدت شويه
رنا: انا مخنوقه جدا من البيت
يوسف : تيجو اخرجكوا
رنا : ياريت نفسي أروح الملاهى
يوسف تمام يلا ياشهد نروح الملاهى
شهد: مش قادره على دوشة الملاهى روحوا انتم
رنا : مينفعش نروح من غيرك انا عايزاكى معايا علشان اكلم معاكى فى حاجات كتير حصلت وغمزتلها
يوسف: وانا كمان مبحبش العب مع البت رنا دى رخمه وبتقعد تصوت فى كل لعبه
رنا : انا رخمه
يوسف :جدا
شهد: خلاص هاجى معاكوا بس نروح نتمشي على البحر بلاش الملاهى
رنا ويوسف موافقين
الجو كان ساقعه جدا لبست بنطلون اسود وبلوفر أبيض وجاكيت أسود مفتوح ولبست طاقيه وكوفيه لبنى فاتح
لبست سيف بنطلون جنس وبلوفر أبيض وجاكيت احمر فى رصاصى وهو صغير وقلبوظ كان طالع قمر
رنا لبست جاكت بمبى مقفول وبنطلون جينز وطرحه بيضا
ويوسف لبس بنطلون بيج وبلوفر اسود
ونزلوا ركبوا العربيه وشغل اغانى وجت اغنيه كل ماانساها افتكرها لرامي صبرى
كانت حاسه أن كل كلمه بتوصفها كانت بتتخيلهم على الاغنيه
حضنت سيف ودفنت وشها فيه وعيطت بدأ يعيط هو كمان فسكتت وحاولت تهديه قام يوسف مطفى الاغانى
نزلوا قعدوا فى كافيه على البحر وطلب لهم مشروبات
سيف نام من الهوا وحطوه فى الحنتور (عربيه الاطفال)وغطوه كويس
رنا ويوسف وشهد كلهم فى صمت قعدوا كدا مده
وبعدها شهد قامت مشت ناحيه البحر وووقفت وبأعلى صوتها
وحشتينى ياحنيييييين وحشتينى يامامااااااا كسرنى غيابك ياأدددددهم
وسكت بعدها عيطت جامد
يوسف جه من وراها يطبب عليها
شهد: جوايا وجع كبير أوى عندى استعداد اروح اكسر السياره النقل الى خبطت أدهم بالغلط واقتل الدكاتره الى مقدروش يعيشوا حنين وماما وبعد مااعمل كدا مش هرتاح برضوا انا مش هرتاح ابدا فى حياتى هتفضل جوايا حاجه ناقصه دايما
يوسف:مش عارف اقولك ايه ياشهد ربنا يكون فى عونك ويمكن ربنا له حكمه من الى حصل
شهد: اي الحكمه فى ان كل الناس الى ليا يموتوا  اللهم لا اعتراض بس بجد انا موجوعه أوى
يوسف: بكرا ربنا يديكى حاجات تعوضك او تخفف عنك الوجع
شهد : معتقدش في حاجه تقدر تعوضنى
سيبنى يايوسف اقعد لوحدى شويه
قعدت على الرملا تعيط
ورنا ويوسف بعيد شويه على الترابيزه
رنا: لدرجادى بتحبها
يوسف وهو بيمسح دموعه وبعصبيه : انتى اتجننتى ولا حاجه معندكيش قلب مش شايفه حالتها لو معطفتش عليها مبقاش انسان دى بنت عمى وزي اختى انا قايم ابقوا تعالوا على العربيه
رنا ضحكت : بتتكسف تقول بحبها يايوسف دانتا بتطلع قلوب من عينك لما بتشوفها
خلصوا وروحوا ناموا من التعب
ماعدا شهد قعدت تذاكر
********************
تانى يوم صحت  بدرى
وخدت سيف وراحت لقبر حنين وأدهم قعدت تتكلم معاهم كانهم عايشين وسامعنها جابت لهم ابنهم علشان يشوفه
ورجعت زعلانه ومراحتش دروس اليوم دا
همس جات لها
ويزن نزل يشرحلها وكانت عنيه على همس على طول
(ومرت السنه وابطالنا كلهم متشتتين
شهد ومتشتته فى دراستها وموجوعه من موت اقرب الناس ليها
يوسف متشتت بين هل هو بيعمل خير لمجرد صعبانه عليه ولا بيحبها
احمد متشتت ومش عارف سبب اهتمامه برنا
خلود متشتته ومش عارفه تقابل يوسف تانى ولا تكلم رنا
يزن متشتت بين همس ودارسته
وهمس كذلك
لينا كانت بين سيف وريناد
وليلى صعبان عليها شهد
ومصطفى بين ضميره وطمعه )
يوم النتائج كل واحد كان فى اوضته
فى شقه شهد
قاعده لوحدها جابت النتيجه لقت نفسها جايبه ٨٦
شهد : الحمدلله كنت بحسب نفسي هسقط السنه دي
رنا فى اوضتها
فتحت وجابت نتيجتها : لقت نفسها الأولى
يوسف نتيجته بانت من يومين والحمدلله جايب جيد جدا فى كلوا ماعدا مادتين وحده ممتاز والتانيه جيد
يزن كانت نتيجته بعد اسبوع وكان على اعصابه
مره الاسبوع دا عليه زي السنه او اطول
وكان فى الصاله وبيفتح التليفون بهدوءه المعتاد
والكل متجمع (لينا ومازن ويوسف ورنا وشهد وهمس وليلى ومصطفى )
يزن : جبت ٩٨.٦
الكل بارك له وفرحوا وابوه واخواته الف مبروك ياباشمهندس
وهو دخل اوضته حزين
يزن بتفكير : دلوقت انا جبت درجات كويسه هيدخلونى هندسه غصب عنى انا مش بحبها اعمل ايه بس
شهد وهمس نزلوا تحت
همس : هو يزن مش فرحان ليه درجاته حلوه
شهد : علشان عايز يدخل تجاره وكدا جاب مجموع هندسه ف هيخلوه يدخل هندسه
همس: ازاى يعنى فى حد يحب تجاره دى ملهاش مستقبل هيبقى ايه يعنى
شهد : هو عايز يبقى محاسب تقريبا هو بيحب الرياضه جدا وكدا كل واحد له ميوله
همس: لا مش مقتنعه بالى بتقوليه دا
شهد : طيب اقفلى على الموضوع انا مش قادره
سكتوا وقعدوا شويه همس بتلعب مع سيف وشهد راكنه رأسها على الكنبه وسرحانه
رن الجرس همس فتحت ولقت يزن
دخلوا وقعدوا
يزن : هيدخلونى هندسه ياشهد
شهد: ممكن التنسيق ينزل ومتلحقهاش
يزن : لا مجموعى يدخلنى هندسه انا متأكد
همس: احمد ربنا حد يطول
يزن : انتى زيهم مش هتفهمى انا عايز ايه
كلهم عاملين الطب والهندسه دول حاجه واو ومخليين كل الناس تحلم بيها وتحطها هدف قدامها ماشي بس هما مش مخططين للى بعد الجامعه انا مخطط لحاجه احبها اما اخلص احب شغلى لما ادخل هندسه وانا مش حاببها هخلص واتركن على القهوه
انا هدخل تجاره وافتح شركه وابقا مدير الماليه حلمى مش صغير زى ماكلهم مفكرين
همس: معلشي مش قصدى بس
يزن : فاهم خلاص ها ياشهد اعمل ايه
شهد : كلمهم وانا كمان هتكلم معاهم لو موافقوش هنعمل ورقه رغبات قدامهم وبعدين ننزل نقطعها ونعمل واحده تانيه ونبعتها
يزن : يارب منوصلش للمرحله دي
شهد: هو انتا هتفتح شركه ايه وامكانياتك ايه يعنى
يزن : بصى هو من ناحيه الفلوس انا معايا ١٠ الاف بس كنت بشتغل من وانا صغير وعامل صندوق تحت البلاط بحوش فيه 
مش عارف بقا هتبقا شركه ايه بس لازم شريك معايا وانا اخد قسم الماليه بس
شهد : انا عايزه ادخل فنون جميله وبحب الرسم وبابا مش هيتأخر بالفلوس وتبقا شركه تصميم والفرق بينا سنه يعنى معاك
يزن : بجد فرحتينى جدا
همس: انا مكنش عندى هدف بس كنت مستبعده طب دا خالص علشان انا فاشله هدخل فنون جميله علشان ابقى معاكوا
يزن : طب ودخلتوا انتوا الاتنين علمى ليه
شهد : مليش فى مواد الادبي بكرها
همس: اهلى دخلونى علمى
يزن : اممممم
قعدوا شويه يخططوا مع بعض وبعدها كل واحد راح على بيتوا
وشهد قعدت لوحدها سيف نام
وهيا قعدت زعلانه
شهد: كنت بقعد اخطط معاكى ياماما كنا بندور على أسم لشركه كنتى هتستنى عروض التصاميم بتوعى وتسقفى كنتى بتقوليلى هبقا مشهوره وهمعل ماركه بإسمى كنتى بتشجعينى وتكبرى الحلم جوايا كان نفسي احققه علشان اشوف الفرحه فى عينك دلوقت مفيش اي حاجه تدينى دافع انى اعمل حاجه مليش نفس اخطط معاهم
وحنين كانت بتقولى هشترى اول تصميم ليكى وأدهم كان بيدعيلى ابقى مصممه مشهوره واطلع فى التلفزيون راحوا كلهم وسابونى لوحدى
***********************