أسيره الظلام

البارت الرابع

اول يوم دراسه
عند رنا فى جمعتها
رنا ماشيه بكل فخر علشان طالعه التانيه على الدفعه واتكرمت وبقت معروفه من الكل
وبعدين لمحت واحد الراجل الى بتموت فيه وبتحكى لشهد عنه
:Günaydın rana.  (صباح الخير يارنا )
رنا : Günaydın doktor Ahmed  (صباح الخير يادكتور أحمد ) بالتركى
ومشي الدكتور أحمد ورنا حطت أديها على قلبها وبتكلم نفسها
رنا : قالى صباح الخير لا وضحك كمان انا ممكن اجرى فى الجامعه كلها دلوقت لا انا ممكن اطير من الفرحه بحبوا أوى يارررب اجعل حبى فى قلبه يارررب
ودخلت رنا المدرج بتاع المحاضرات
خلود : ايه يارنو ربنا يسعدك الضحكه من الودن للودن مين الى بسطك كدا دا أول يوم جامعه وعلينا محاضره قواعد اللغه التركيه ومقوليكيش دكتور أحمد هيدخل يقر بعد شويه
رنا : مفيش ياخلود مبسوطه هتحسدينى ولا أيه وبعدين دكتور أحمد مش قرار دا كيوت خالص
خلود : كيوت مين دا
وسكتوا لأن الدكتور دخل
وكانوا قاعدين فى أول المدرج
ورنا مركزه أوى فى شرحه وكمان مبتسمه بطريقه عامله شبه المهرج
ودكتور أحمد كان كل مايبصلها يضحك من شكلها وهيا تضحك اكتر
نوصف خلود وأحمد
خلود زميله رنا بس رنا مش بتقولها على حاجات غير الدراسه وكدا رنا بتحكى كل حاجه لاما لمامتها لاما لشهد خلود بنت عاديه محجبه عنيها بنى غامق وطيوبه وبتحب الهزار والنكت
أحمد دكتور فى الجامعه بيديهم قواعد اللغه التركيه والاساسيات شعروا بنى فاتح وعينو عسلى على رصاصى عندوا غمازات وقمور جدا جسمو رياضى وبعضلات وطويل وعندوا ٢٧سنه وحيد اهلوا ومش مرتبط لسا
رنا خلصت جمعتها
وكلهم خلصوا من دراستهم وكان يوم روتينى محصلش جديد
رنا روحت وعند شهد
رنا : متخليه قالى صباح الخير وفاكر اسمى وطول الوقت بيبصلى ويضحك
شهد: اشطا دعواتى استجابت اخيرا
رنا : هيا همس بهتت عليكى اشطا يابتاعت الامارات
شهد ورنا ضحكوا
رنا : عندوا غمازات ياخرابي لما يضحك تصدقى السنه الى فاتت كانت ارحم كان مش بيضحك فى المحاضرات دلوقتى طول المحاضره بيضحك وانا هموت مش قادره ابص واللهى ممكن اجرى واتقدم له وسط المدرج كله
شهد :بس ياهبله اجمدى كدا وربنا يقربوا ليكى يااطيب قلب انتى
رنا : آمين بصى انا هعزمك انهاردا ناكل بره انا هطير من الفرحه
شهد: اه دا قالك صباح الخير بيقولها لناس كتييير يعنى اهدى شويه
رنا : انا هقتله لو قالها لحد غيرى
وقعدوا يضحكوا ويهزروا
**************************
عند حنين
قاعده بتلعب مع سيف
وفجأه حست بوجع فى قلبها مش أول مره تحس بالزغه دى بس بتقول انيميا وتروح تاخد فيتاميناتها بس المره دى كانت جامده
حطت سيف على الارض وقعدت تاخد نفس بصعوبه شويه وراحت الزغه
أدهم :انا جيت ياحبيبتى وحضنها وباسها
حنين : نورت ياقلبي
وقعدوا يلاعبوا سيف واكلوا وناموا
تانى يوم أدهم راح الشغل
وحنين صحت بنفس الوجع
حنين : لا انا لازم اروح اكشف فكرت تقول لادهم وبعدين قالت بلاش اقلقه ممكن يطلع ضعف ولا انيميا
استنت لحد ماشهد ترجع من دروسها وراحت لها
حنين :خدى سيف ياشهد عندى مشوار وراجعه
شهد:على فين
حنين : هروح احلل انيميا
شهد : طب هوديه سيف لطنط ليلى واجى معاكى
حنين : ملوش لزوم لو احتجت هتصل بأدهم
شهد:طيب يانينو
وخدت سيف
حبيب خالتوا القمر يناس بقيت كبير خالص وقعدت تلاعبوا
حنين : راحت المستشفى وهتموت من القلق
السكرتيره : حنين فهد ادخلى دورك جه
دخلت حنين
والدكتور كشف وقالها : بصى انتى تروحى لدكتور عباس الاحمدى علشان مليش انا فى السرطان
حنين بصدمه : سرطان
الدكتور : مش اكيد بس هتحللى وتعرفى
حنين خدت بعضها وراحت للدكتور وعماله تدعى ميبقاش فى حاجه
راحت وكشفت وحللت
الدكتور : عندك سرطان فى الثدى ومنتشر لازم عمليه ونسبه نجاحها قليله جدا
حنين : بس الاعراض ظهرت من فتره بسيطه يعنى المفروض يبقا فى البدايه
الدكتور : لا دا وراثه حد من عليتكم عندوا فهو موجود من زمان وانتشر الفتره دى
حنين : معرفشي حد من عليتنا عندوا
تمام شكرا يادكتور
حددوا معاد العمليه
وطلعت حنين والدنيا ضاقت بيها  وراحت البحر يارب ليه مش مكتوب لى افرح ابنى لسا ٤شهور وماصدقت انا وأدهم حبينا بعض وحياتنا بقت حلوه اللهم لا اعتراض وقعدت سرحانه وبتبص للبحر
رجعت حنين البيت واتصلت على أدهم يجيب سيف من عند شهد ويجى
جه أدهم وحط سيف النايم فى السرير ودخل لحنين
أدهم : مالك يا حنون
حنين : مفيش ياحبيب قلبي
خدها فى حضنوا وبيلعب فى شعرها
حنين : أدهم انت حبتنى امتى
أدهم : من أول مره شفتك فيها لما جيتى مع مامتك وكانت تعبانه
ورحت جبت رقم والدك وكلمته وقلتلوا انى بحبك قالى هيا بتحب واحد تانى دورت على الولد الى انتى بتحبيه عرفت انو واحد صايع بيشرب ويكلم بنات وباب المسجد مبيعتبوش رحت قلت لوالدك ولما عرف وافق على جوزنا على طول بس أنتى الى كنتى رافضه وانا استنيت قلبك يحن
حنين : ياه مقولتش من زمان ليه وانا بحسب بابا رامنى لأول واحد جه فى وشوا
أدهم : لا ياحنون والدك بيحبك وانا بموت فيكى انتى النفس الى بتنفسوا انتى قلبى ياحنون وباسها وقالها كل واحد بياخد نصيبه ياحنين والجواز دا ربنا قال عنه انو بيبقى فيه موده ورحمه وانوا انتوا سكن لينا مهما كانت الطريقه الى اتجوزنا بيها فى الاخر ربنا هيجعل بنا موده ورحمه وهيزرع حبنا فى قلوب بعض