أسيره الظلام

البارت الواحد والعشرين

عمر طلع وهو مخنوق جدا
راح على المطبخ لقى الاكل الى هيا عماله وسيباه فى نصه وقف يكمله وطول ماهو واقف يفتكر حور وشهد
عمر : شهد دى فعلا شبه حور فى حاجات كتير يمكن مش شكل بس تصرفاتها وابتسم وسكت
بعد تفكير
لاء فوق لنفسك شهد بتكرهك وهتسيبك انتا بتصحح غلط عملته مش اكتر
**************
رنا : الو يايوسف
يوسف: ازيك ياقلبي عامله ايه
رنا : الحمدلله مبسوطه
يوسف : يارب دايما
رنا : انتوا عاملين ايه وحشتونى
يوسف: الحمدلله وانتى كمان وحشتينى
رنا : ادينى شهد اكلمها برن على تليفونها بيدينى مغلق
يوسف: ااا شهد تحت
رنا : انزلها علشان خاطرى وحشانى أوى وعايزه ارغى معاها شويه
يوسف : مش هينفع اصلها تحت فى الشارع يعنى مش في شقتها خارجه يعنى مش فى البيت
رنا : ايه يايوسف مال صوتك قلب كدا ليه ومش عارف تقول كلمتين على بعض شهد مالها يايوسف
يوسف: مفيش حاجه يارنا اتبسطى ويلا سلام
رنا : سلام ايه انا مشفتهاش فى فرحى وانا مروحه شهد فين يايوسف
يوسف : اختفت من يوم فرحك طلعت تتمشا بالعربيه ومرجعتش قالب عليها الدنيا ومش لاقيها
رنا : ايه بتقول ايه لاتكون جرلها حاجه يارب تبقا كويسه
يوسف: ادعى اننا نلاقيها ومتنكديش على نفسك خليكى مكانك احنا هنا بندور ومش هنسكت الا لما نلاقيها
رنا : وسيف
يوسف: معايا
رنا : خلى بالك منو كويس انا مش هقعد كتير كام يوم وجايه
يوسف: لا كملى شهر العسل بتاعك متشغليش بالك بينا ولما ترجعى هتبقا كل حاجه تمام وهنلاقى شهد
رنا : مش هقدر انا لو عليا اجى انهاردا دور كويس شهد ليها مذكرات لو كانت هتعمل فى نفسها حاجه ممكن تكون كاتباها
يوسف: دورت مش لاقى حاجه
رنا : ربنا معاك وتلاقيها يايوسف يارب
يوسف : سلام
وقفل
رن عليه رقم غريب رد بسرعه
يوسف : الو
الراجل : الدفعه الاولى المفروض تكون انهارده بنفكر حضرتك
يوسف : تمام هجبها ان شاءالله
الراجل :تمام يافندم
يوسف اجيب الفلوس منين يارب
**************************
يزن : ياهمس مش هينفع كدا لازم تروحى الامتحان وتقدمى
همس: مش هروح من غير صحبتى انا كنت راحه علشانها اصلا
يزن : وهتكملى علشانها شهد هترجع شهد مامتتش علشان تعملى كدا
همس: هستناها دا حلمها وكان نفسي احققه معاها انا مكنش عندى هدف يايزن انا قررت ادخل الكليه دى علشان ابقى جنبها وبس
يزن : ياهمس مفيش حاجه اتغيرت
همس: لا الانسانه الوحيده الى بتشجعنى الانسانه الوحيده الى بحبها وبحس انى حاجه معاها راحت مليش نفس اعمل حاجه انا هيتناها لاما نبقا سوا لاما هدخل الى اهلى عايزينه وخلاص
يزن : علشان خاطرى ولا انا مليش خاطر عندك والفلوس الى صرفنها والتعب الى تعبته صدقينى لو شهد رجعت وعرفت انك عملتى كدا هتزعل منك اوى
همس : ماشي يايزن احجزلى
يزن : ايوا كدا صدقينى شهد هترجع وهنكمل سوا
همس: يارب
********************^***
عمر بيدوق الاكل : لا طبيخها حلو
قعد يأكل وفى نص الأكل قال يطلع لها يصحيها بس افتكر موضوع الباب رجع قعد مكانه
فى غرفه شهد فضلت تعبانه
عامله ترسم فى خيالها الى حصل بعد مااغمى عليها وبعدها تفتكر نظرات الرجاله الى بتخوفها وبدأ نفسها يقل
قامت جرى فتحت الاوضه ونزلت تجرى طلعت برا الفيلا كلها
عمر قام جرى وراها
لاقاها قاعده على السلم ووشها أحمر وبتحاول تاخد نفسها
نزل قعد جنبها
عمر : أنتى كويسه أوديكى المستشفى
شهد : ع. اااايزه بباك اتصل بيه
عمر بأستغراب : حاضر
********************
عمر : الو يابابا
خالد : ازيك يابنى عامل أيه
عمر : شهد تعبانه وطلبت منى اتصل بيك تيجى
خالد : خير مالها
عمر : مش عارف الدكتور قالى صدمه نفسيه
خالد : طيب انا جاى اهو
****************
راح عمر لشهد
شهد : قالك ايه
عمر : جاى أهو تعالى نستناه جوا
شهد : لاءه
عمر : ادخلى من الحر دا وانا هفضل هنا
شهد : انا مش خايفه منك مش عارفه ليه بس مش خايفه انا بعتبرك واحد تانى اصلا غير الى قابلته أول مره انا بس لما بدخل بفتكر وبحس بيحيطان البيت بتتغط عليا مش قادره
عمر قعد جنبها : ممكن نروح نقع مع أهلي ونقفل هنا
شهد حست براحه لانها هتبقا جنب مامته الطيبه وباباه الى حسته والدها : بجد
عمر : اه بجد
شهد ابتسمت وفضلت قاعده مكانها
عمر : هتفضلى قاعده قومى لمى حاجتك يلا
شهد : معنديش حاجات المها
عمر : كل الى فى الاوضه دا بتاعك رووحى خدى الى انتى عايزاه
شهد : عارف
عمر : ايه
شهد : انا بتمنى انى كنت اقابلك انتا مش الحيوان الى قابلته مش عارفه ازاى انتوا الاتنين واحد والى مخوفنى يكون دا كله تمثيل
عمر : لا مش بمثل انا ندمان جدا على الى حصل ونفسي انساه وانسيكى بس مش عارف
شهد : مفيش حاجه بتتنسي كل بيتحفر جوانا احنا لازم نتعايش معاه
عمروهو بيحاول يهرب : يلا اطلعي لمي حاجتك
شهد : هصدق انك ندمان وهحاول اتعايش مع الى حصل وعندى استعداد اروح دكتور نفسي لان فى حاجه جوايا بتقنعنى انك ندمان لو طلع دا تمثيل وعرفت انك شخص زباله صدقنى هقتلك بدم بارد
عمر : ماشي وصدقينى هساعدك واقف جمبك
هما واقفين يتكلموا جه خالد
خالد : ازيكم ياعيال
شهد بفرحه : ازيك ياعمو
خالد : عامله ايه عمر قالى انك تعبانه
شهد : الحمدلله بقيت كويسه ياعمو
عمر: بابا احنا هنيجى نقعد معاكم
خالد : تنوروا
عمر : طب يلا ندخل نقعد نشرب شاى على ماشهد تجهز
دخلوا
************
يوسف : الو
محمد : ازيك
يوسف: كنت عايز اطلبك فى خدمه
محمد: اطلب يازميل
يوسف: عايز سلف ٤ تلاف جنيه
محمد : اممم طيب تعالى خدهم
يوسف : تسلم ياصاحبي
قفل معاه
يوسف : الحمدلله أول دفعه خلصت
******************
شهد : انا جهزت حاجتى
خالد : تعالى اشربي شاي معانا وبعدين نمشي
راحت شهد كان خالد قاعد على الكرسي وعمر على الكنبه قعدت جنب عمر
خلصوا وركبوا العربيه وراحوا بيت خالد
مريم : ازيك ياحبيبتى وسلمت على شهد
وبعدها عمر ودخلوا قعدوا
مريم : ده انتى طلعتى عسل وربنا مش بس طلعتيه من الكآبه الى كان فيها لا وكمان رجعتيه البيت فى وسطنا
شهد:.......
مريم وطت على خالد : هما مضاربين البت مش بترد عليا ووشها مقلوب
شهد فهمت كلامها ابتسمت :انا معملتش حاجه ياطنط هو بس انتوا وحشتوه فقرر يجى
مريم : نورتوا بيتكم ياحبايبى انا نضفت اوضه عمر قوموا شوفوها ووضبوا حاجتكم
شهد بصت لعمر
وبعدها دخلوا الاوضه
عمر : انا هقول لماما على الى حصل علشان نعرف نبقا براحتنا ومنحتاجش لتمثيل
شهد :لا انا مش عايزه حد يعرف كفايه باباك
عمر: ماما هتتدايق شويه فى الأول بس طيبه هتتفهم الموضوع
شهد: لا يعنى لا منا أروح أقول لاهلى كل حاجه وخلاص مدام انتا هتفضحنى قدام عيلتك
مش مهم الاوضه كبيره وفى كنبه كبيره هناك انا هنام عليها بس لو قلت كلمه لاى حد تانى صدقينى مش هرحمك
عمر : ماشي براحتك
خد هدوم ولسا هيطلع مامتوا خبطت ودخلت
مريم : هتتغدوا دلوقت ولا واكلين فى البيت
عمر : لا هناكل دلوقت
مريم : طب يلا غيروا هدومكم وتعالوا
عمر : تمام
دخل وبيفك زراير القميص
شهد غمضت عنيها : انتا بتعمل ايه
عمر : مش انتى الى مش عايزانى أقول لحد المطبخ قدام اول مااطلع هتشوفنى هتقول عليا ايه بتكسف اغير قدام مراتى
شهد ادته ظهرها ومردتش على كلامه
.........
عمر خلص وطلع راح يقعد معاهم
شهد اول اما طلع
: اه ارتحت بحسبه هيفضل قاعد
غيرت هدومها وطلعت قعدوا اتغدوا
شهد : تسلم ايدك ياطنط الأكل تحفه
مريم : تسلمي ياحبيبتى بس بلاش طنط قوليلى ياماما انا اصلا كان نفسي يبقا عندى بنت
شهد : حاضر ياماما
عمر كان قاعد يتفرج عليهم ويبتسم
وخالد جواه ياريت كان جوازهم حقيقى البنت فعلا مفيش منها اتنين وعمر كمان بطل يتكلم عن حور من ساعه ما شهد دخلت حياته بص على ابنه لقى فعلا نظرات الحزن دى اتغيرت ورجع عمر بتاع زمان
خلصوا أكل وشهد ومريم وقفوا يغسلوا الأطباق ومبطلوش ضحك
طلعوا
خالد : ربنا يسعدكم بتتكلموا على ايه
مريم : بحكيلها على عمر وهو صغير
خالد : دا كان عيل مسخره
مريم : على الاخر كان بيقعد جمبك وانتى بتشتغل ويقولك ابوف بث ( اشوف بس ) واما تمشي ارجع الاقيه حاطط القلم ورا ودنه وماسك قلم تانى وبيشخبط على الورق بتاعك
خالد : ولا اما كان عنده ثلث سنين واما نخرج يقولنا الحنتور ويعيط علشان يركبه واما يركبه وننزل الشارع يمشيه هو برجله علشان طويل عليه والناس تتفرج علينا
شهد كانت واقفه تضحك
عمر : لا كدا انا بتفضح بقا
مريم : هههههه مفيش حد غريب طب انتى عارفه ياشهد كان شعره طويل وحريرى والعيال فى الشارع كانوا بيمشوا وراه ويقولوله سوسن بدر ياسوسن بدر ايه الحلاه دى ياسوسن بدر
ويجى يعيط راح خالد حلقله شعره وقف قدام المرايه ويحسس على راسه ويقول شعرى الحيييى (الحريرى)راح ويعيط بالدموع كان فظيع
تعالى افرجك على صوره
خدتها وقعدوا يتفرجوا على الصور وكل صوره وليها حكايه كانت بتحكيهالها
**************
عند رنا
واقفه فى المطبخ
رنا : ياحبي
جه أحمد وحضنها من ضهرها وباسها : نعم ياقلبي
رنا : انا قلقانه على شهد وعايزه ارجع الاسكندريه
أحمد : بس احنا فى شهر العسل و
رنا : الحمدلله احنا مع بعض نعمل شهر عسل فى أى وقت عايزينه لكن شهد ضايعه مش هقدر اقعد اتبسط هنا يا أحمد وأختى الله أعلم بتنام فى الشارع ولا فين
أحمد  : ماشي جهزى الحاجه وننزل بكرا
رنا : علشان خاطرى متزعلش وبعدين انا مبسوطه معاك مش لازم فسح وفنادق احنا نروح بيتنا ونتفسح فى الاسكندريه وهتبسط واللهى اي حاجه معاك هتبسط بيها
أحمد باسها : ماشي ياقلبي مش زعلان
*************
يوسف راح سدد المبلغ
ونزل يدور على شغل لقى صيدليتين هيقف فى واحده دوام صباحى والتانيه بليل 
وبدأ يشتغل
**************
يزن : ازيك ياهمس
همس: الحمدلله فى اخبار عن شهد
يزن : لا واللهى
همس : احنا نبلغ الشرطه بقا
يزن : على اساس الشرطه هتعملك حاجه
همس بدموع : يعنى ايه يعنى هنقعد كدا مش عارفين هيا عايشه ولا ميته
يزن :بإذن الله هترجع انا هنزل اعلان فى الجرايد والنت وكدا
همس: ننزل ندور فى المستشفيات تانى شهد مش هتسبنا الا لو كان جرلها حاجه مستحيل تمشي وتسيب سيف
يزن : حاضر ياهمس لو دا هيريحك
عملتى ايه فى الامتحان
همس : مفيش كان حلو مش رسم وحاجات صعبه زى مافكرت كان حاجات بسيطه
يزن : طب الحمدلله
همس :وانت الشركه اخبارها ايه
يزن : ماشيين كويس الحمدلله
همس : الحمدلله عدى عليا بكرا ندور عليها تانى
يزن : حاضر
همس : سلام
********************
عمر وشهد دخلوا الاوضه
راحت شهد توضب نومتها على الكنبه
عمر : سيبها انا هوضبها وهنام هنا روحى نامى على السرير
شهد :....
عمر : اسمعى الكلام مره
راحت شهد تنام فى السرير وغطت نفسها كويس
عمر راح اتوضى وصلى وتر وكانت شهد سامعه هو بيدعى ايه
كان بيدعى لحور وبيدعى ربنا يغفراه والى فرحها كان بيدعى لها انها تنسي وتبقا كويسا
خلص ونام على الكنبه وفتح تليفونه قلب فى صوره هو وحوروعيط زى كل ليله
اد ايه بتوجع اما تعتبر شخص هو كل حياتك وفجأه يختفى
شهد جواها
دا بيعيط وكاتم شهقاته طب اقوم اروحله انا عارفه ادايه الواحد بيبقى محتاج حد يواسيه
لا ياشهد متنسيش الى حصل ملكيش دعوه
فضلت قاعده تحاول تنجاهل انو بيعيط بس مقدرتش
قامت وقعدت على ركبتها قدامه وطبطبت على كتفه
لف لها وقام بسرعه يمسح دموعه
شهد : العياط مش عيب ولا حرام علشان تخبيه عايز تعيط عيط وطلع الى جواك
انهار عمر قدامها وكان زى العيل الصغير
شهد للحظه نست كل حاحه وحضنته وطبطبت عليه
شهد : هيا فى مكان احسن متقلقش ادعيلها وربنا يجمعكوا فى الجنه يارب
فضلوا شويه على الوضع دا وبعدها هدى شويه وشهد ادركت الى هيا بتعمله وبعدت عنه بسرعه
عمر : ازاى بعد الى عملته فيكى تبقى بالطيبه دى
شهد : معرفش مقدرتش اشوف حد مكسور قدامى وابقا بارده على العموم دى كانت مره وحده ومتفكرش انى سامحت او نسيت
وراحت تنام
عمر جواه كلمه وحده بس تقولها وهرتاح تقولى خلاص سامحتك للدرجادى صعبه
ناموا الاتنين
بس هل للكوابيس انها تسيب شهد
حلمت بكابوس فظيع وفى الاخر قامت صرخت ومفزوعه
عمر صحى على صرختها
وراح لها
عمر : ايه مالك لاقاها بتنهج وعرقانه
راح جاب ميه واداها لها
عمر : عايزه حاجه تانيه
شهد بعياط : انا عايزه حنين وأدهم أبيه أدهم لو كان موحود مكنش هيسيبنى انا ليه مليش حد
وكانت بتعيط جامد وشبه نايمه تقريبا
عمر : انا معاكى الى كان أدهم هيعملهولك انا هعملوه وزياده متخافيش
قعدت تعيط كتير خدها فى حضنه وعيطت جامد ونامت وهيا ماسكه جامد فى التيشيرت بتاعه
عمر : لا مهو لو قامت ولقتنى جنبها انسي انها تسامحك حاول يفك اديها
معرفش كانت ماسكه جامد
عمر : هاه صابع واحد ونفكها
راحت مسكته بأديها التانيه
عمر : اوف
نام جنبها وقعد يبصلها كتير لقى ايده تلقائى بتمسح على شعرها
وبعدها اقتكر حور وافتكر الى عمله قفى شهد
عمر : فوق لنفسك مستحيل ترضى بحد عملها كدا ومتعسمش نفسك علشان متتكسرش تانى ويعنى هو ينفع تخون حب حياتك
قام عمر خلع تيشرته وسابه لشهد وراح لبس واحد تانى ونام
*****************
تانى يوم
صحت شهد لقت تيشرت عمر فى اديها
شهد مش فاكره حاجه
شهد : يالهوى يعنى ايه رحت قلعته قميصه وانا نايمه وبقول عليه قليل الادب اومال دا اسمو ايه
عمر سمعها وضحك
شهد كمان سامعنى يافضيحتاه : مابدل الضحك قولى الى حصل
عمر : اممم مش فاكر
شهد : احسن بردوا امسك هدومك
وراحت الحمام
شهد هو اى الحصل منا عايزه اعرف القميص الى لابسه جه فى ايدي ازاى بس هو مش عريان دا لابس واحد تانى ممكن يكون غيره ورماه على السرير وانا مسكته اه هو دا الى حصل هيكون ايه يعنى
طلعت وراحت الاوضه
قعدت تبصله وهو كان ماسك التليفون ومركز فيه
شهد : معدش عندى تليفون ولا اى حاجه لامش هشحت منه واقوله يجبلي تليفون حتى لو عندى اصلا هكلم مين ممكن احكى لهمس كل الى حصلى وتيجى تزورنى لا منا المفروض مش فاكره حاجه هفتكر صحابي ازاى انا عايزه سيف اوف هفضل كدا حياتى متوقفه والجامعه هروحها ازاى والشركه كل حاجه باظت بسببه اوف
كانت متدايقه منه جدا وهو قاعد قدامها
حدفت عليه المخده
عمر : اه عملتلك ايه انا دلوقت
شهد مردتش
عمر : وانا اقرأ افكارك يعنى
شهد : كان زمانى دلوقت بقدم فى الكليه وبروح الشركه وبقابل اصحابى وبلعب مع سيف وكنت هوديه الحضانه وكنت هعمل حاجات كتيير بسببك هفضل قاعده كدا هو كل ماافتكر بيبقا نفسي اضربك وانت قاعد قدامى فاستحمل بقا
عمر : اامممم  يعنى انتى لسا مش فى الكليه
شهد : لا لسا مدخلتش السنه الجايه كنت هروح بس خلاص ضاع تعبي على الفاضي
عمر قام وقعد قدامها : مجموعك يجب كليه ايه
شهد : مجموعى ٩٦.٧
عمر : تمام نقدملك وتروحى ادخلى هندسه واشغلك معايا
شهد : ايه دا حددت مستقبلى كمان انا اصلا علمى علوم ثانيا انا عندى شغلى ثالثا هدخل فنون جميله
عمر : ماشي انا غلطان اصلا ابقى اجلى السنه دى واما تروحى لاهلك هترجعى لحياتك الطبيعيه
وقام راح قعد مكانه
شهد بتفكير هو مهندس وانا لو دخلت فنون جميله قسم ديكور يبقا اشتغل معاه عادى
لا مليش دعوه بيه كمان دا الى ناقص فى البيت وفى الشغل
بس تخيلى هتفضلى سنه كامله قاعده فى البيت ملكيش حد ومحبوسه لاء خليه يقدملى
شهد : خالص قدملى واشتغل معاك انا اصلا بفهم فى هندسه الديكور وكنت بتدرب عند المهندس الى في شركتنا يعنى لو هشتغلنى معاك من دلوقت عادى بس لو مش هينفع خلاص
عمر : لا هينفع من بكرا انزلك معايا الشغل
شهد صقفت : هييييه وبعدها بس هنجيب الورق ازاى
*********************
تتوقعوا شهد هتجيب الورق وتقدم ازاى وياترى ايه الى هيحصل