أسيره الظلام

البارت السابع والعشرون

مر الاسبوعين على ابطالنا بدون جديد عمر فضل يساعد شهد وقبل ماتتطلب هو ينفذ لحد ما خفت وشهد كانت معاملتها لعمر بتتحسن بمرور الوقت ودا الشيء الى بيفرحه ويديله أمل
عمر : أنا رايح الشغل ياشهد عايزه حاجه
شهد جريت عليه وحضنته حضن جامد كأنها مش هتشوفوا تانى وعينها دمعت
عمر : ايه دا انتى بتعيطى انا ممكن اقعد بلاشغل بلا قرف عادى يعنى
شهد : لا مش بعيط دا البرفان بتاعك دخل فى عينى حرقها
عمر : اممم هعمل نفسي مصدق
باس راسها ومشا فى العربيه
عمر : خلاص حبتنى انا متاكد من كدا بس قدامها وقت علشان تعترف بكدا وانا صابر معاها للاخر وليها الحق الصراحه انها متعترفش زمانها فى صراع بين قلبها وعقلها
************************
شهد : الو
همس : ازيك ياشهد اخيرا فكيتى البلوك وعفيتى عنى
شهد : معلشي ياهمس بس انتى زودتيها معايا
همس : لاياحبيبنى انا الى اسفه بجد لما حطيت نفسي مكانك مقدرتش اتخيل الوجع الى عشتيه يوسف لو كان صعبان عليا فالذنب عليه مش عليكى هو الى عمل فى نفسه كدا
شهد : ايوا كدا رجعت همس صحبتى بقولك انا هاجى انهارده البيت
همس : بجد
شهد : اه هقولهم على كل حاجه وانتى قولى لرنا الاول فى التليفون على مااوصل علشان تقفوا معايا
همس : حاضر ياحبيبتى
قفلت
شهد: يلا نبدأ تنفيذ
كتبت لعمر رساله وسابتها على السرير
ولبست ونزلت
راحت بيتها وفضلت واقفه خايفه تدخل
وبعدها استجمعت قواها
وطلعت بيت عمها لقتهم كلهم متجمعين
فتح لها يوسف وأول ماشفها حاول يقرب علشان يحضنها
شهد رجعت لورا وعملتله باديها انو ميقربش
يوسف: شهد انتى كويسه وحشتينى جدا
شهد : عدينى علشان ادخل
يوسف وسع لها الطريق
رنا جرت عليها حضنتها
وهمست فى ودنها : لنا قاعده مع بعض فى حاجات كتير نفسي اكلم معاكى فيها وآنا آسفه انى خليتهم يعملوا فى فرحى لو كانوا عملو لوحدوهم مكنش لازم تروحى بس انتى جيتى علشانى
شهد : متلوميش نفسك انتى مغلطتيش فى حاجه وهنقعد مع بعض لحد مانزهق ياحبيبتى
طنط ليلى : بنتى حبيبتى رحتى فين قلقنا عليكى اوى
شهد : هحكيلك على كل حاجه ياطنط
فهد : بقا كدا ياشهد تعملى فيا كدا انزل بعد غياب ٣ سنين ملاقيكيش
شهد : مش بإيدى يابابا هتعذرنى لما تعرف
حضنته وبعد ماخلصت سلام قعدت وبتحاول تبدا كلام
مازن : اتكلمى اصلى متشوق اوى اعرف هربتى مع مين ولا كنتى بتهببى ايه
فهد : لم ابنك يامصطفى بدل مااكسره
شهد : اهدى يابابا. انا مش هرد عليك يامازن خالص بس هسألك سؤال تعرف عقاب قذف المؤمنات ايه
مردش
كنت عارفه انك مش عارف بردوا المهم اقرأ عنه فى النت لانى مش هسامحك وهقتص منك يوم القيامه على الكلام الى قولته عليا سواء من ورايا او دلوقت
شهد: ياريت محدش يقاطعنى وانا بتكلم
انا ليله الفرح اتخنقت وبصت ليوسف فقررت اروح اشم هو بالعربيه وارجع توهت ومعرفتش ارجع نزلت اسال لان تلفونى كان مع طنط ليلى لقيت شاب سالته عرفت بعدها انو سكران وشدنى وانا اتخبطت اغمى عليا واغتصبنى او كنت مفكره انو اغتصبنى
كلهم اتصدموا
ليلى : اه ياحبيبتى مكنش لازم اسيبك تمشي لوحدك
فهد مكنش قادر يتكلم من الصدمه بس نطق : مين الحيوان دا وانا اقتله
مازن : زى ماقولت مفرقتش بقا برضها ولاغصب عنها هيا الى مشت فى نص الليل لوحدها
شهد : لسا مخلصتش اسمعونى للاخر
بعد ماقومت جريت علشان اجيلكم لبسي مكنش فى وضع يسمح انى امشي بيه فى الشارع اول ماطلعت خدت كلام قليل الادب واضطريت ارجع تانى لما رجعت لقيته مش فاكر خد وقت افتكر وكان ندمان جدا
مازن : دى بتبررله
شهد : الموضوع ميخصكش لتسكت لاتطلع برا لحد مااخلص كلامى
مازن : قليله الادب وبجحه كمان
مصطفى : بس مازن اسكت خالص وانتى كملى الهباب الى بتقوليه وهنحاسبك فى الاخر
شهد : هو كان متجوز ومراته ماتت ودا ذكرى وافتها كان تعبان فى شغله حد من اصحابه اداله حبوب على اساس انها لصداع بس طلعت مخدرات كان شايفنى مراته
يوسف بغل : ودا مبرر يعنى ماالى حصل حصل مالنا احنا بنفسيته والى مر بيه احنا لنا بالى جالك منو
شهد اتجاهلته تماما : فكرت انى ارجع بس خفت بابا مكنش موجود خفت قالى هتجوزك ونقعد سنه وبعدها ارجعك ونكدب عليهم واطلقى لو عايزه وافقت بعد فتره تعبت وكنت برجع ودايخه مامته مكنتش تعرف الى حصل كانت مفكره اننا متجوزين علشان بيحبنى قالتلى حمل ورحت اكشف الدكتوره قالتلى انى عذراء هبقى حامل ازاى
يعنى معمليش حاجه بس وانا جيت اقولكم
كلهم اتنهدوا وحمدوا ربنا
يزن : طيب مستنيه ايه مطلقتيش منو لو مش راضى نرفع عليه قصيه
فهد : انا هروح له واخليه يطلقك بالغصب
شهد : انا مش عايزه اطلق
يوسف : يعنى ايه
شهد : يعنى انا حبيته وصدقنى يابابا اما تتعرف عليه هتحبه و هتبقى مطمن عليا معاه لانه طيب جدا
فهد : طب وياترى قولتيله انك بتحبيه ومتجوزاه اصلا جيتى لاهلك ليه بقا
شهد :بابا انا مقولتلوش على حاجه غير لما اخد موافقتك حتى كلام الدكتوره ميعرفوش و لسا كل يوم وهو بيصلى بيدعى ربنا يغفرله وندمان جدا
فهد : وايه الى يضمنك انو هو عايزك
شهد بصت ليوسف: باين عليه انو بيحبنى وانا واحده بفهم من عيون الى قدامى
فهد : لما اشوفه الاول ابقا اقرر اهم حاجه رجعتى بسلامه وقام باسها وحضنها انا ماشي عندى شغل
يوسف : ممكن تيجى معايا البلكونه
شهد راحت وراه
يوسف : انا فسخت الخطوبه
شهد : عارفه
يوسف : و ....و... انا بحبك
شهد :كنت مفكره كدا لحد مارحت خطبت غيرى وانا قدامك الكلام مش هيفيد دلوقت اتاخرت اوى
يوسف : متاخرتش انا عارف انك بتحبينى
شهد : ومدام انتا عارف انى بحبك وكنت بتحبينى خطبت ليه
يوسف : لما كنتى بتكلمى باباكى وتقوليله حبيبى كنت مفكرك بتحبي حد تانى بس لما سبتى الموبيل عرفت
شهد : كان ممكن تسألنى وتعرف برضوا بس انتا مش بتعرف تحب اصلا الى بيحب حد مش بيطيق يبقا مع حد غيره الى عندى قولته انا وحده متجوزه وبحب جوزى أوى وابقى قليله الادب لو اتكلمت معاك فى مواضيع زى كدا من ورا جوزى لوسمحت متكلمنيش تانى
مشت وسابته
يوسف : يعنى ايه يعنى شهد راحت منى خلاص انا غبى غبى ثلث سنين بحبها ولما اجى اعترف تكون اتجوزت
***********************
همس ورنا وشهد فى اوضته رنا كلهم
شهد : الله وحشتنى قعدت زمان دى
رنا: وانا واللهى
همس:يلا كل وحده تفضي الى فى قلبها زى زمان
شهد :يلا نبدأ بيكى ياهمس يا أم لسان طويل
همس:انا معنديش جديد انا ويزن بنحب بعض وهيكون نفسه ويتقدملى
شهد : قالك كدا
همس : اه خدنى على البحر وكلنا ايس كريم واعترفلى
شهد :ايوا بقا
رنا : يعينى على يزن اخلاقه باظت هو كمان
همس : لا محترم زى مهو مش بيتكلم فى الموضوع دا خلاص كانوا مقلش حاجه وهنفضل كدا لحد مايبقا فى بينا حاجه رسمي بس احيانا بيكلمنى يطمن عليا ايام ماشهد كانت مش موجوده بيشجعنى انى اكمل حياتى لما ابقا مكتئبه كدا يعنى
شهد : ربنا يخليكوا لبعض
همس : يلا ياشهد الدور عليكى
شهد: انا مش عارفه اقولكوا ايه انا بحب عمر جدا بس خايفه كلام بابا يطلع صح ويبقا مش عايزنى خايفه اكون صعبانه عليه مش بيحبنى بجد بس انا عامله خطه اتأكد بيها يارب يطلع كويس مش هقدر اتصدم تانى انا المره دى متعلقه بيه جامد اوى كان هو كل حياتى لمده ثلث شهور انا بعشقه
همس : باين عليه انو بيحبك ياشهد اطمنى
شهد : يارب مالك يارنا زعلانه كدا ليه
رنا :.....
شهد قربت منها : مالك ياحبيبتى
رنا : انا طلعت مبخلفش ياشهد وانهارت من العياط
شهد اتصدمت وحضنتها معلش ياحبيبتى قضاء ربنا قعدت تطبطب عليها
شهد : هندعى كلنا ومفيش حاجه كبيره على ربنا خلي ثقتك فى ربنا كبيره وان شاءالله هتحملى ويبقا عندك عيال كتير ويقرفونى فى عيشتى وضحكت
رنا : يارب ياشهد بس الدكتور قالى نسبه قليله جدا ٢٪؜ ممكن اخف واحمل
شهد : اهو يعنى فى امل متستسلميش يارنا هندعى وهتجيبى عيال ان شاءالله
رنا : يارب
همس : نسينا سيف فى الحضانه دا هيفرح اوى لما يشوفك
شهد : منا جيت خطفته وشوفته مره
رنا : لما قال انو شافك مكنش حلم
شهد : لا
رنا : دانتى داهيه
راحوا لسيف فى الحضانه
سيف : ماما وجرى عليها
شهد شالته ولفت بيه :حبيب قلبى وحشتنى أوى
سيف : وانتى كمان هتمشي تانى
شهد : لاء مش همشي بس هو انت كلامك اتظبط كدا امتى
رنا : المدرسّه بتديه كورسات تخاطب كانت حروفه كلها بايظه
شهد : اه دابقا راجل وبيكلم مظبوط
وباسته
رجعوا البيت شهد قاعده فى البيت تحت هيا وسيف ومستنيه اتصال من عمر بفارغ الصبر
**********************
عمر راكب العربيه
اف الوقت مكنش راضي يمشي اطول يوم اشتغلت فيه فى حياتى
ياترى هروح القايها بتعيط علشانى ولاخلاص
سكت شويه
طفله اوى وعسل أوى
وصل ونزل من العربيه جرى
دخل الفيلا
عمر : شهد انا جيت
دخل الاوضه مبسوط ملقهاش دور عليها فوق
عمر : اكيد فى المطبخ
نزل ملقهاش لف الفيلا كلها وبعدين لفت نظره الرساله الى على السرير
فتحها
عمر انا اسفه انا رجعت لأهلى وهقولهم على كل حاجه والى يحصل يحصل شكرا ليك ولوقفتك جنبي لو احتاجتنى فى مساعده مش هتأخر
عمر : مشت علشان كدا حضنتنى الصبح سابتنى
قعد فى الارض يعيط وبعدها مسح دموعه
عمر : طب ارن عليها اقولها ايه اروح اخدها ازاى واهلها عرفوا الى عملتوا
نام على السرير وفضل يبص للسقف ويفكر هيرجعها ازاى بس هو مش عارف اى حاجه ولا عارف هيعمل ايه كل الى عارفه انها وحشاه ووحشاه أوى كمان
*************
فهد رجع البيت وقعد هو وبنته وسيف ياكلوا
فهد : هقابله امتى ياشهد
شهد : كنت عايزه استأذن منك أروح أكلمه يوم أعرفه ويجى يكلمك
فهد : وهو مجاش معاكى ليه
شهد استغفرالله بس لوكان عارف كان هيعمل كدا : انا قولتله ميجيش هو كان عايز يبقا معايا بس انا قولتله هتنزلوا فيه ضرب من غير ماتسمعوا للاخر
فهد : طيب روحيله بكرا يجى
شهد هتبوظ الى بعمله يابابا : حاضر
دخلت شهد الاوضه هيا وسيف
شهد : ايه رايك فى عمو الطيوب الى جابنى ليك المره الى فاتت
سيف : قمور
شهد : هههههههه أوى عايز نروح نقعد معاه
سيف : ماشي
شهد : هنروحله ياحبيبى
سيف : بيته حلو
شهد : بيته جميل أوى وهو أجمل
نيمت سيف ودخلت الأوضه
شهد : مرنش لسا اكيد لاحظ انى مش موجوده وشاف الرساله بقينا فى نص الليل اوف
لقت تليفونها بيرن
بصت لقته هوا قلبها بدأ يدق بسرعه قامت قعدت كويس وحضنت المخده
شهد : الو
عمر بصوت مخنوق من العياط : انتى فين
شهد : فى البيت
عمر : سيبتينى ليه
شهد وقلبها وجعها عليه كدا اتاكدت من حبو بس هتبوظ المفاجأه :
اهلى وحشونى
عمر : طب شوفيهم وارجعى
شهد : ارجع ليه مفيش سبب لرجعوى
عمر بضعف : علشان بحبك مش كفايه السبب دا
شهد وخلاص نفسها تقوم تلبس وتروحله دلوقت بس قررت تقفل وكدا كدا هتروح له بكرا
قفلت
وهو فضل يبعت رسايل
سامحينى
انسي الى فات علشان خاطرى والله العظيم بحبك
انا هموت من غيرك ياشهد
متعمليش فيا كدا
شهد مقدرتش تسكت وفى نفس الوقت مش هتبوظ المفاجأه
خلاص ياعمر هقعد مع أهلى يومين وأجى أشوف إيه الى هيحصل لنا
عمر فرح جدا
ماشي اقعدى براحتك بس ارجعيلى وكلمينى كل يوم متقفليش تانى وانا بكلمك
شهد : حاضر بطل زعل ونام بقا
عمر : ماشى
*******************
تانى يوم الصبح ودت سيف الحضانه
همس جات لها يلا نروح الكليه
شهد : عمر واخد ليا اجازه مرضي علشان الزايده باقى يومين فيها
همس:يابختك
شهد : احسدينى بقا
همس : طب اسيبك علشان الحق اروح
شهد : مع السلامه ياقلبي
رنت شهد على عمو خالد
شهد : الو
خالد : ازيك يابنتى
شهد : كنت عايزه اخد المفتاح الاحتياطى بتاع بيت عمر وهرجعه لحضرتك
خالد : ماشي بس ليه هو طردك
شهد : لاياعمو انا سبته ورجعت لاهلى وحكيت لهم بس هروح اعمله مفاجاه هحكيلك بالتفصيل اما اجى
خالد : ماشي مستنيكى
راحت شهد لعمو خالد وفى الطريق كلمت رنا
شهد : الو
رنا : ازيك ياقلبي
شهد: هتعبك لو قلتلك تاخدى سيف انهارده
رنا : اتهبلتى دانا كنت هقولك انا بحب اوديه واجيبه
شهد : تسلمى يارنون
وصلت شهد
وحكت لعمو خالد على الى حصل وانها بتحب عمر
خالد : انا مبسوط جدا ربنا يخليكوا لبعض يابنتى
شهد : يارب ياعمو همشي بقا علشان الحق
راحت شهد اشترت فستان قصير وكب لونه احمر
وراحت الفيلا عملت اكل ودخلت خدت شور وحطت كريماتها ولبست الفستان وسشورت شعرها وفكته وكان بطول الفستان
حطت اي لاينر وروج ووضبت السفرا
وطفت الانوار وقعدت تستناه
*********************
خلص البارت
تتوقعوا رد فعل عمر ايه ؟؟