أسيره الظلام

اعتراف

عمر فى العربيه
البيت وحش أوى من غيرها قرر يرن عليها
عمر : الو ياشهد
شهد : ازيك ياعمر
عمر : وحشتينى أوى البيت وحش من غيرك
شهد : قولتلك يومين وهاجى ياعمر
عمر : مش قادر اروح البيت وانتى مش موجوده فيه هروح الف بالعربيه
شهد لا هتبوظ الدنيا : لا روح البيت ياعمر
عمر : ليه
شهد مش عارفه تقول ايه : علشان علشان عايزه اكلمك فيديوا روح افتح اللاب اكلمك فيديوا عليه
عمر : بجد
شهد : اه واللهى روح بسرعه بقا
عمر : حاضر
روح بسرعه وكان نازل فرحان انو هيكلمها فيديوا
دخل الفيلا لقا الانوار كلها مطفيه وفجاه انوار شبه درجات السلم بتشتغل مشا وراها لحد مالقى شهد واقفه قدامه
كانت قموره أوى
عمر بصلها ومقدرش ينطق بكلمه فضل واقف لابيتحرك ولابيتكلم
شهد راحت حضنته جامد
وهمست فى ودنه : انا بحبك أوى ياعمر
عمر طلعها من حضنه ومسكها من دراعتها : انتى قولتى ايه
شهد : قولت انا بحبك أوى ياعمر
عمرحضنها تانى : انا مش قادر اصدق انا بحلم صح
شهد : لا دى حقيقه
عمر مصدوم وفرحان ومتلخبط
شهد : عايزه اقولك على حاجه كمان
عمر : قولى
شهد: الدكتوره الى رحت اكشف عندها يوم تعبي الى دخلتلها لوحدى
عمر :مالها
شهد مكسوفه تتكلم قدامه : قالتلى ....انى ......
عمر :قولي ياشهد متخافيش
شهد اتكلمت بسرعه: قالت انى عذراء يعنى انت برئ ومغلطتش فى حاجه
خدت نفس
وهو من الصدمه فتح بوقه
عمر : احلفى
شهد : واللهى العظيم
عمر شالهاولف بيها : دا احلى خبر سمعته فى حياتى كدا بقا اعترفلك وانا قلبى مرتاح انا بعشقك ياشهد بحبك أوى أوى
شهد : هههههههه خالص ياحبيبى نزلنى هدوخ واللهى
عمر نزلها : قولى حبيبى تانى كدا
شهد :حبيبى وقلبي كمان
عمر باسها وبصلها :انا مش قادر اصدق هو الى بيحصل بجد ولاحلم
شهد :لابجد يلا نروح ناكل
راحوا للسفره وقعدوا
بدات تأكل
وعمر بيبصلها
شهد : مش هتأكل
كان شعرها جاى على عنيها رفعه لها
عمر :انتى جميله أوى
شهد اتكسفت
عمر :ولما بتتكسفى بتحلوى اكتر
شهد : احم احم بص نتكلم جد بقا بابا عايز يشوفك
عمر : حاضر هاجى معاكى
شهد : ماشي
عمر : خبيتى عليا كل دا ليه
شهد : كنت عايزه اتأكد من حبك ليا
عمر : واطمنتى
شهد : أه أوى عمر انا عندى طلب بعد ماتشوف بابا علشان نتجوز بجد شرطى أن سيف هيبقى معانا
عمر : دى حاجه اكيده مش محتاجه كلام
شهد خدت ايده وباستها : بجد انتا مش طيب بس انتا ملاك ربنا بعته ليا
عمر بصلها وضحك
كملوا أكل وقعدوا فى الصالون
عمر : الفستان تحفه عليكى
شهد قامت لفت بحركه طفوليه : بجد
عمر : اه قلبى الصغير لايتحمل تعالى هنا شدها وقعدها فى حضنه
شهد: انا نفسي افضل قاعده كدا لحد ماعمرى يخلص
عمر : معنديش اي مشكله بس اما تقولى موافقه انسي انك تقومى
شهد : لا ورانا حاجات نعملها فى حياتنا بس اوعدنى انك كل يوم هتقعدنى كدا شويه
عمر : بس كدا اوعدك كل يوم هقعدك كدا وهحضنك كدا وحضنها جامد
فضلت قاعده فى حضنه والسكوت عم عليهم
لحد ماعمر اتكلم
عمر : اهلك قالولك ايه لما روحتى
شهد : اول لما رحت يوسف الزفت فتحلى ووحشتينى وعايز يسلم عليا ويحضنى والشويه بتوعه دول
عمر بيجز على اسنانه ومدايق : وبعدين
شهد ضحكت وبصتله : بتغير أوى
عمر : كملى ياشهد ومتوهيش الموضوع
شهد : يعنى انتا تتوقع أكون عملت ايه خدته بالحضن مثلا
عمر : لا متوقعش انك تعملى كدا بس
شهد : لابس ولاغيره انا رجعت لورا وشاورتله انو يقف وقولتله يعدينى ودخلت
وبعدين بقا كلهم سلموا عليا وكنت وحشاهم ماعدا عمو مصطفى ودا الى زعلنى وابنه مازن قعد يقول عليا كلام وحش
عمر لف وشها ليه : احنا قولنا مفيش زعل وكلهم هيتقبلوا دا وهيعرفوا انك مؤدبه ولو معرفوش انا هعرفهم
شهد نامت على صدره : كلامك دا بيريحنى بشكل احساس انو فيه حد بيفهمنى وهيقف معايا ضد الدنيا كلها بخلينى احس انى قويه انتا عارف انى رحت حكيتلهم كل الى حصل من غير ما اخاف وكمان كنت بمدحك فى النص ويزعقولى انى بقول عليك كلام حلو بس كملت برضوا
عمر بيمسح على شعرها : واتأكدى إنى هفضل معاكى على طول وكلامك الحلو عنى دا هو الى بيخلينى اقف على رجلى
شهد باسته فى خده : اكملك بقا حكيت لهم الى حصل كله وكلام الدكتورا طبعا الاول كانوا عايزين يقتلوك بس بعد ماعرفوا هدوا شويه وقالولى مستنيه ايه اطلقى ولو مش راضي ارفعى قضيه خلع
عمر : امم وانا هروح اكلم ابوكى فى موضوع الطلاق
شهد :لا اصبر بس انا صدمتهم وقولتلهم مش عايزه اطلق انا بحبه طبعا زعقوا ومش عارفه ايه بس بابا قالى عايز يقابلك الاول
عمر : امم يعنى انتى وقفتى قدام اهلك وقولتلهم انا بحب عمر كدا
شهد : اه واقف قدام الدنيا بحالها كمان الحب لاعيب ولاحرام واحنا متجوزين اوكى
عمر شد عليها فى حضنه : ربنا ميحرمنيش منك ابدا
شهد :ولامنك
عمر : ويوسف قال ايه
شهد : خادنى البلكونه وقال الشويه بتوعه تعرف انو راح خطب علشان كنت بكلم بابا فى التليفون واقوله الو ياحبيبى فراح خطب قال مايسبق هو علشان يبان انو هو الى سابنى مش انا الى سبته انا مش قادره استوعبه واللهى
عمر : هو مفكر انو كدا بيفتحلك الطريق علشانى تكملى حياتك
شهد : لا دا بيبعنى مع اول ماطب من غير مايسالنى حتى
عمر : وقولتيله ايه
شهد بصتله وضحكت : زعقتله طبعا وقولتلوا انا وحده متجوزه وبحب جوزى أوى أوى أوى
عمر ضحك : كلى بعقلى حلاوه
شهد كشرت : طب واللهى العظيم قولت كدا
عمر : مصدقك اضحكى تانى بقا
ضحكت وفضلوا قاعدين هيا فى حضنه وهو بيلعب فى شهرها لحد ماتليفونها رن
قامت خدته بسرعه وردت
شهد : الو ياحبيبى
فهد : ازيك ياشهوده اتاخرتى ليه انتى وعمر بتاعك دا
شهد : جايين اهو يابابا كان فى الشغل ولسا وراجع
فهد : ماشي مستنيكم
قفلت
شهد يلا بسرعه نمشي
عمر : انا جاهز بس انتى هتمشي كدا ازاى
شهد بصت للبسها : نسيت انا لابسه ايه هروح اغير واجى
راحت شهد غيرت
ونزلت
عمر بصلها وهو مدايق
شهد : ايه لبسي ماله مهو واسع اهو
وبعدها حست انو بيبص على وشها
اه الميكب نسيت واللهى راحت مسحته
عمر : انتى بتزعلى انى بغير عليكى ومش بخليكى تخرجى بمكياج
شهد : لا دى حاجه تفرحنى والصراحه انا مش بحطه اصلا هو مرتين الى حطيت فيهم ميكب طول حياتى مره كنت بغيظك فيها وانهارده
عمر : بقا المره الى راحت كان قصدك تغظينى
شهد : اه كنت بختبرك 😂😂😂
عمر : ياسوسه وضحك
ركبوا العربيه وشغل اغانى
شهد طفت الاغانى : بص عارف اغنيه لاتروح بعيد عنى
عمر :اه
شهد : يلاغنيها
عمر : صوتى مش حلو
شهد : لاصوتك حلو أوى كمان وأنا هغنى معاك كل واحد يلتزم بحتته
عمر : ماشي يامجنونه احم احم
مشي معي💏
ع دنية حب مافيها ✋
إلا الغرام 😻💗
وأحلى الأيام 🙈💋