أسيره الظلام

النهايه

بعد مرور ٥ سنوات
فى الشركه
يزن راح غرفه النحت الى همس عملتها فى اخر الشركه وعلى رأيه بوظتها لهم
يزن : ياخرابي وشك ابيض كدا ليه
همس : دا اسمنت الكيس فتحته انفجر فى وشي
يزن : طب خلصى علشان نروح عيد ميلاد التوأم انهارده
همس : حاضر ياحبيبى قمت اهو
حطت على منخيره اسمنت وضحكت ومشت
شهد جت من وراه : الورق دا ابقا راجعه فى البيت يايزن شوف هنقبله ولا ايه انا حاسه ان فى غلط فى المزانيه
لف لها
شهد ضحكت : متتأخروش وتعالوا نضاف من غير اسمنت ههههههه
***********
راحت شهد جابت التورته وروحت البيت
اول اما دخلت
أسر جرى عليها : مامى جت هييييه
شهد : حبيب مامى ادت التورته لداده سميه
وشالته حضنته وباسته
شهد : اومال اختك الشقيه فين
أسر : بتتضارب هيا وسيف
شهد : تانى
دخلت شهد لقت رجل بنتها فى وش سيف وسيف بيشدها من شعرها
شهد : بس بس سيب شعرها ياسيف وانتى تعالى هنا
بتضاربوا ليه
سيف : قصت سلك البلاستيشن
شهد : ياسوسه انتى
أسيل : هو يلعبنى لاء
شهد : تقوميه قصاه خلاص ياسيف هجيبلك واحد وانتى اعتذريله يلا
أسيل : انا اثفه
شهد : شطوره
أسر : خليه يعتذل لاختى هو ضربها كتير
شهد : هههههه خالص ياسيف اعتذرلها علشان خاطر أسر أخواتك الصغيرين استحملهم
سيف : معلشي يا أسيل وطبطب على راسها
شهد : يلا اجهزوا علشان ننفخ البلالين
كلهم جروا
شهد اتصلت بعمر : الو ياحبيبى
عمر : ازيك ياقلبي وحشتينى خالص
شهد : وانت كمان يلا تعالى علشان عيد ميلاد القرود بتوعنا
عمر : قرود بقا هما علشان شبهى يبقوا قرود
شهد : شبهك مين أسيل طالعه قمر لمامتها
عمر : وأسر قمر زى ابوه
شهد : طبعا ياقلبي كفايه أنو شبهك تعالا بقا متتأخرش وجيب دراع بلاستيشن وانتا جاى
عمر : ليه
شهد : أسيل قصت الدراع بتاع سيف
عمر : شرانيه البت دى حاضر هجيب وانا جاى
**********
جهزوا الفيلا
ورن الجرس عمر جه
شهد فتحتله
عمر : وحشتينى ولسا هيحضنها
جم أسر وأسيل نطوا على أبوهم حضنوه
سيف واقف بعيد شويه
عمر سلم على عيالوا وراح لسيف
حضنه وباسه
عمر : ازيك يابطل عامل ايه
سيف : كويس
عمر : خد دراع بلاستشين جديد بدل الى قطعتهولك المقروده الصغيره
سيف : شكرا يا احلى بابا وباس عمر
جهزوا السفره وكل حاجه
ورن الجرس كانوا رنا وأحمد
دخلت رنا ومعاها هديه كبيره والعيال نطوا وسلموا عليها
شهد : ازيك ياقلبي عامله ايه
رنا : مش هتصدقى الى حصل
شهد : ايه
رنا : انا حامل
شهد : بجد الف مبروك ياقلبى ودمعت
رنا : ايه انتى هتعيطى
شهد : دموع الفرحه فرحتلك من قلبي
رنا : ياحبيبتى وحضنوا بعض
همس : اه اه من لقى احبابه نسي اصحابه كخه انا ياشهد مكلفتيش خاطرك تقومى تفتحيلى الباب مخليه العيال الصغيره تستقبلنى
شهد : ايه بالعه راديوا براحه رنا حامل
همس : لولولولولى
رنا : بس اهدوا خلاص
همس راحت حضنتها
وشويه ورن الباب شهد راحت تفتح
كان عمها وطنط ليلى وابوها
ووراهم مازن ولينا وريناد ويوسف الصغير
ووراهم يوسف ونور
فهد : اللعبه دى لاسر حبيب جدوا ودى لاسيل
أسيل : وانا حبيبه جدو لا
فهد : انتى روح جدوا وباسها
ليلى : خدوا ياحبايبى هديتكم
أسر وأسيل : ثكلا
ليلى : هههه لسانهم معوج زى سيف
شهد : اه ههههههه
ريناد :الهديه دى لاسر
اسر : ثكلا وخدها وفرح
اسيل شدتها من شعرها وهيا داخله
شهد : ليه كدا
أسيل : بت عدله ( عجله ) مث جابت ليا هديه
يوسف :دى هديه اسيل حبيبه عمو
أسيل عمو يوثف جه وحضنته
نور : ودى هديه أسر
أسر خد الهديه وراح باس نور فى خدها ومسك اديها وداخل
يوسف : شايف ابنك بيشقط مراتى قدامى ازاى
عمر : انا مليش دعوه كل واحد يخلى باله من مراته انا عندى ولد بخاف على مراتى منه لما بيخطف مش بيرجع
يوسف : ههههههههههه
**************************
كلهم بنفس واحد : هابي بارث داى تو يو هابى بارث داى تو يو هابى بارث داى أسيل هابى بارث داى أسر
وسقفوا وأسر طفى الشمع
أسيل : أهئ أهئ أهئ انا مث طفيت السمعه
عمر : خلاص ياحبيبتى الناس واقفه لسا هنولع دول تانى
أسيل : انا عاوزه اطفى السمعه
يوسف طلع والعه وولع لها الشمع
أسيل فرحت وطفته
أسيل : بوثه كبيره عمو يوسف انا احبك اوى
أسر : وانا عايز اطفيهم لوحدى هيا طفت وحده معايا
شهد : شفت يايوسف عمايلك دول محدش يديهم وش صح ياعمر
عمر بصوت عالى :هنقطع التورته ولا هنقصى اليوم فى الشمع
أسر وأسيل . نقطي التورته
كلهم : هههههههههههه
أسيل : بابا بص عمو يوثف خد حته كبيره وانا لاء
يوسف : ياساتر بصالى فى حتتى خدى ياختى وبدل الاطباق
كلهم :ههههههههههههههه
وعمت السعاده على الكل ❤️❤️
*********
وخلصت الحدوته حلوه ولاملتوته
كل سنه وانتم طيبين وعيد مبارك عليكم 😍💋