أسيره الظلام

البارت الخامس

عند حنين فى المستشفى
الدكتور : المرض انتشر جامد اوى ومينفعش عمليه هتاخدى الدوا وهنعمل لكى جلسه كيماوى انهارده
حنين : وهقعد اد ايه اخد الدوا
الدكتور : هو كدا افضل ليكى من العمليه لان العمليه دلوقت خطر
انتى هتاخدى الدواووالكيماوى  وهتفضلى مده لحد ما يقل ونعمل عمليه نستأصله ممكن شهرين
حنين : تمام يادكتور
وبدأت جلسه الكيماوى لوحدها وكانت مرعوبه بس اتخيلت أدهم معاها وماسك اديها حست بالراحه
****************************
عند ملك هتموت من القلق على صحبتها
ملك : لاء انا مش هقعد انا غبيه انى سمعت كلامها
نزلت وركبت العربيه وراحت على المستشفى
فى طريق المستشفى
رنت على أدهم
ملك : الو ادهم انت فين
ادهم : ازيك ياملك انا فى الشغل ليه
ملك : حنين عندها سرطان وراحت تعمل عمليه لوحدها وكل الى قالته لك كدب علشان تبعدك
ادهم بصدمه : ايه ادينى العنوان بسرعه
ملك : مستشفى .............
*****************************
عند حنين ملك وصلت ودخلت لها حنين انهارت من العياط أول ماشفتها
أدهم سايق بسرعه جنونيه علشان يوصل وماسك التليفون بيرن على حنين فجأه ظهرت عربيه نقل كبيره وداسته
نقلوه بالإسعاف وكان حالته صعبه جدا
حنين لقت تليفونها رن اكتر من مره فتحت لقته أدهم قررت ترن عليه
حنين : الو
راجل غريب : انا مش صاحب التليفون صاحب التليفون عامل حادثه
قلبها وجعها ونفسها بدأ يضعف وبتشد فى ملك ودينى المستشفى عايزه اشوفه وعيطت
خدتها وراحوا
حنين : عامل ايه يادكتور
الدكتور : عملنا عمليه بس لسا فى مرحله الخطر
حنين : ممكن اشوفه
ودخلوها
حنين دخلت ومسكت ايديه : وعيطت متموتش قبلى متخلنيش اعيش الوجع دا ياأدهم أنا بحبك واللهى بحبك قوم الله يخليك متسبنيش
أدهم : شد على اديها وبصوت مبحوح انا اسف ياحنين انا مسامحك مش .............
جهاز القلب صفر
والدكاتره دخلوا وطلعوها وهيا مرميه فى الارض
ملك اتصلت على شهد وقالت لها
شهد طلعت عند ليلى
شهد : طنط ليلى معلشي خدى سيف
ليلى : حاضر بس مالك يابنتى
شهد : عيطت ابيه ادهم عمل حادث
ليلى طب خلى يوسف ولا مازن يروحوا معاكى
يوسف طلع وكان سماعهم وخادها
فى العربيه
شهد طول الوقت بتعيط جامد
ويوسف : اهدى ياشهد ادعيله العياط مش هيفيد الدعاء هيرد القدر
شهد مسحت دموعها : وقعدت تدعي له كان ليها اب واخ بتحبوا جدا وهو كان فى المده الاخيره قريب منها وكانت بتشوف اختها مبسوطه معاه
وصلت لقت اختها مرميه فى الارض وملك حضناها
جريت على حنين وحضنتها
حنين : سابنى ياشهد ادهم مات ياشهد ليه ليه ربنا بيعاقبنى فى اعز الناس ليا واغمى عليها
ملك : جريت على الدكاتره وكانت خايفه جدا عليها
ويوسف خلص الاجراءات واتصل بمازن وراحوا يدفنوه
ومصطفى جهز العزا عنده
ادهم وحيد ملوش غير خال وعايش بره
شهد روحت وساندت اختها
وفى البيت
الرجاله قاعدين تحت
لينا فى الاوضه مع سيف وريناد
رنا حاضنه شهد ودموعها نازله زي الشلال
ليلى بتطبطب على حنين وملك قاعده جمبها من الجهه التانيه
وحنين مبقتش بتتكلم من بعد مافاقت خالص
همس  جت لشهد وقعدت معاها شويه بس شهد وحنين بيدمعوا بس ومحدش منهم بيرد على حد ولا بيتكلم
حنين صممت تروح البيت لوحدها
**************
فى بيت حنين
دخلت الاوضه وطلعت هدوم ادهم كلها وحضنتها وعيطت وكان شريط حياتهم بيمر قدمها ووجع صدرها زاد لحد ما اغمى عليها
**********************
عند بيت عمو مصطفى هوصف البيت الاول
اول ماندخل من الباب كأننا واقفين فى تقاطع الطرقه الى على الشمال بتدخلنا على المطبخ والحمام وبعدين حوده كدا ونلاقى اوضه النوم بتاع عمو مصطفى
الطرقه الى على اليمين بتودى على صاله كبيره  حاطيين فيها كنبتين كبار وسفره وبعدين ندخل على الطرقه الى طالعه من الصاله هتودينا على ٣اوض الى هما بتوع يوسف ورنا ويزن
رنا وليلى كانوا قاعدين فى الصاله مع شهد ويزن نايم فى اوضتوا ويوسف كان فى المطبخ بيشرب وعم مصطفى فى غرفتوا يوسف وهو طالع من المطبخ شاف والده بيمسك ظرف فيه فلوس وبياخد منو مبلغ ويحطوا فى جيبه
يوسف كمل مشي
عم مصطفى : يوسف
يوسف : نعم يابابا
عم مصطفى : خد الظرف دا اديه لشهد
يوسف بتفكير : تمام بابا بقولك كنت عايز ٢٠٠جنيه هشترى كتب
عم مصطفى : طلع الى فى جيبوا واداله الفلوس
ويوسف كان بيعدهم علشان يعرف باباه اخد اد ايه
ومصطفى دخل وقفل الاوضه
شهد كانت راحه تغسل وشها لقت يوسف واقف فى الحوده وبيكلم نفسه
يوسف: معقول يابابا  الالف جنيه دى الى هتزودك بتاخد حق بنت صغيره غلبانه مش كفايه الدنيا جايه عليها اصلا تخليها تحتاج فلوس ليه يابابا كدا
يوسف كان بيشتغل فى صيدليه وهو بيدرس ومش بيطلب من والده فلوس كتير ودلوقت طلب منو علشان يعرف هو خد ادايه
يوسف طلع من جيبه الالف جنيه وحطهم ولف ومشي لقى شهد واقفه
يوسف : شهد عامله ايه دلوقتى
شهد : الحمدلله
يوسف : طيب ياشهوده خدى الفلوس دى والدك باعتها
شهد : تمام شكرا
مشت و بعدين يوسف نادى عليها لفت يوسف حضنها وطبطب عليها ومشي شهد فضلت واقفه مش عارفه ايه الى حصل دا بس كانت حاسه بالامان وهيا فى حضنه شهد نفضت الافكار من دماغها وراحت تشرب ونزلت تنام
*************************************
تانى يوم
شهد راحت لاختها لقتها مرميه على الارض
ومش عارفه تشيلها اتصلت على يوسف جالها بسرعه
وخدوها على المستشفى وطول الطريق شهد حطاها على رجلها وحضنها وبتعيط وتفوقها
راحوا دخلوها واستنوا شويه
الدكتور طلع
يوسف : مالها يادكتور
الدكتور : هيا عندها سرطان وشكلها اتعرضت لصدمه كبيره خلت حالتها تتدهور اكتر
شهد بصدمه : سرطان
الدكتور سابهم ومشا
وهيا قعدت تعيط يوسف حضنها وقعد يهديها
شهد : لا يايوسف انا مش هستحمل حنين تروح منى لاء كتير عليا كدا انا لسا قلبي واجعنى على ماما وأدهم
يوسف : متقلقيش هتبقى كويسه
شهد : انا معدش ليا غيرها مش هقدر اعيش من غيرها انا محتاجها اوى وبحبها أوى
يوسف : انا موجود ياشهد واختك هتوم وتبقى كويسه
فضلوا شويه وحنين فاقت ورحوا حنين نايمه وشهد وسيف فى الصاله شهد حاضنه سيف وسرحانه بتعيط
*****************************
عند رنا فى الجامعه
كان عندهم سيكشن للدكتور أحمد
ورنا طبعا فى قمه ساعدتها
خلصوا السيكشن والدكتور طلع ووقف بعيد شويه يعمل تليفون
خلود كانت غايبه ورنا ماشيه لوحدها
فى شابين جم عليها يدايقوها وهيا بتزعق لهم وبتحاول تمشي بس محاصرينها
جه الدكتور ونزل فيهم ضرب ضرب لحد ما اتأسفوا لها وبعدوا عنها
رنا واقفه بترتعش من الخوف
واحمد قرب لها :انتى كويسه
رنا هزت راسها
احمد : تعالى معايا المكتب اعملك حاجه تهدى اعصابك علشان تكملى باقى المحاضرات
راحت معاه وعمل لها ينسون
ورنا من جواها يعنى انا بحبك من غير حاجه اصلا تطلع تنقذنى وتبقى حنين معايا كدا طب انا اعمل ايه
شربت الينسون
احمد : كنتى ماشيه لوحدك ليه فين اصحابك
رنا : صحبيتى مجتش انهارده ومعنديش اصحاب غيرها
احمد: امممممم
وعم السكوت عليهم لحد ماخلصت وطلعت وكانت دقات قلبها تتسمع من اخر الشارع
**************************
فى بيت شهد
حنين : انا مش هاخد  العلاج
شهد : مينفعش الهبل دا انتى هتتعالجى علشانى وعلشان سيف حرام عليكى تسيبينا لوحدنا كدا متبقيش جاحده الاول كنتى سيبانى مع ادهم دلوقت انا لوحدى ابنك لوحدوا ليه 
حنين : مش قادره استحمل تعبت اوى تعبت
وطلعت من شنطتها الورقه الى كانت كتباها لشهد ملك ادتها لها فى المستشفى
وادتها لها شهد دخلت اوضتها تقرأ الرساله
ياترى شهد هيحصلها ايه لما تعرف ان اختها مشت علشان عندها سرطان ومامتها مشت لنفس السبب
هل حنين هتخف ولاهتفضل تعاند ومتخدش العلاج

خلص البارت الخامس اتمنى يعجبكوا 😍