أسيره الظلام

البارت الثالث عشر

مرت الايام وشهد بتتجنب يوسف لابعد الحدود
لينا قررت تاخد سيف عندها علشان شهد تركز فى دراستها
الفلوس فهد باعتها ويزن اشترى الشركه وبيظبطها
وجه وقت الامتحانات
شهد وهمس قاعدين يذاكروا عربي وخايفين جدا
يزن رن الجرس
شهد فتحت له ودخل
يزن : ها ايه الاخبار
شهد : انا مخلصاه بس كبير اوى ومش عارفه هلحق اراجع ولا ايه
يزن : هتقدرى تخلصيه خدى الورق دا كنت ملخصه علشان اراجع منو وربنا معاكوا اسيبكم تذاكروا بقا
خدوا منو الملخصات وطلع
همس قعدت شويه
وبعدها قالت : هروح بقا ياشهد اراجع مره اخيره وانام صلى وادعيلى معاكى وانا هدعيلك
شهد : تمام ياحبيبتى
مشت همس وقعدت شهد تراجع
وبعدها رنا نزلت تعمل لها سندوتشات وشاي علشان تفوق وتراجع
رنا : خدى ياقلبي
شهد : تسلميلى ياحبيتى
وقعدت تاكل وخلصت رنا طلعت وهيا كملت مراجعه وصلت وقعدت تدعى وراحت تنام
بتظبط المنبه لقت يوسف بيرن عليها
قعدت تفكر ياترى ارد ولا مردش وفى الاخر ردت
شهد : الو
يوسف: ازيك ياشهوده
شهد : الحمدلله
يوسف:ذاكرتى كويس
شهد : اه
يوسف: طيب ربنا يوفقك وتجيبى اعلى الدرجات
شهد : آمين
يوسف : بكرا هرن عليكى الفجر تقومى تصلى وتراجعى وهاخدك اوديكى الامتحان
شهد ابتسمت من طيبته بس الى عمله لا يغتفر يبص لغيرها ويفكر انو يتجوزها دى حاجه مش هتنساها بسهوله : حاضر
قفلت ونامت
والفجر رن عليها الباب وكان نازل يصلى
قامت شهد تفتح وشعرها منكوش ونايمه
يوسف ضحك على منظرها : فوقى كدا وراكى امتحان
شهد  خافت : ياربى لا مش عايزه امتحن
يوسف طبطب على كتفها : هيبقى سهل متخافيش وانا هدعيلك وهتنجحى ببركه دعائى
شهد : لو سيبتها عليك يبقى هسقط هههههههههه
يوسف : ماشي ياجزمه مش هدعيلك
شهد : لاخلاص بهزر
يوسف : تمام فوقى كدا وانا ماشي علشان الحق الصلاه
راح يوسف وشهد اتوضت وصلت
قعدت تدعى وقامت تراجع
يوسف رجع ورن عليها دخل وعملها سندوتشات ونسكافيه وقعد يفطر معاها
شهد كانت مبسوطه اوى والخوف بتاعها راح وداها الامتحان
وقعد يستنتها بره
وكانوا اطول ثلث ساعات تمر عليه
وهيا اتوترت فى الاول بس حاولت تسيطر على اعصابها وحلت كويس الحمدلله
طلعت دورت على همس ملقتهاش فضلت ماشيه لقته جاى وراها
يوسف: ها عملتى ايه
نطت عليه وحضنته جامد يوسف كمان حضنها وحس برعسه خفيفه فى قلبه
شهد رجعت لوعيها وبعدت وخدودها كانت حمرا من الى هيا عملته : الحمدلله الامتحان كان كويس وحليت حلو
يوسف : الحمدلله
يلا علشان اروحك
شهد لا استنى اطمن على همس الاول
رنت عليها وجت همس بتجرى
واول ماوصلت حضنت شهد وفضلو يتنططوا من الفرحه
همس : انا حليت كويس انا مش مصدقه انى عرفت احل
شهد بضحك : ههههه  الحمدلله يابنتى ادعى نكمل على خير
خدهم يوسف ووصل همس وقعد هو وشهد
شهد فضلت تبصله
يوسف : فى ايه
شهد : لا ولا حاجه
يوسف فى نفسه قوليلها لو قولتيها صدقينى هسيب خلود والدنيا بحلها علشانك معقول كل دا مش واصلك انى بحبك
فهد رن على شهد
وهما وصلوا خلاص شهد ردت وهيا نازله
شهد : الو ياحبيبى
ومشت دخلت العماره
يوسف : حبيبى تانى مفيش فايده انا خلاص هتجوز خلود وهقفل على الموضوع دا
هكمل واجبي معاها علشان امتحانتها وخلاص هطلعها من حياتى
فضل كدا كل امتحان يصحيها ويوصلها وهيا نست موضوع خلود وقررت تعترف له بحبها بعد النتيجه
وجه يوم امتحان الفيزيا
كانت بتعيط وهيا نازله وخايفه جدا
يوسف فضل ماسك نفسه مش عايز يحضنها مش عايز يصحى حبها الى جواه
قعد يواسيها بالكلام بس كانت منهاره
مقدرش قبل ماتنزل من العربيه خدها فى حضنه
يوسف : متقلقيش ياشهد انتى شاطره هتعرفى تحلى كويس
شهد : القوانين كلها داخله فى بعضها ملحقتش اراجع للاخر
يوسف: انتى طول السنه بتذاكرى وهتعرفى تحلى كويس متقلقيش
حضنها جامد وهيا فضلت شويه فى حضنه لحد ماهدت وبعدت مسحت دموعها
ودخلت تمتحن كان امتحان صعب وحتى الى مذاكر ومراجع ميت مره طالع يعيط
طلعت زعلانه وميته من العياط
جريت عليه ودفنت وشها فى صدره وفضلت تعيط انا خالص حلمى ضاع انا هببت ومعرفتش احل حاجات كتييييييييييييييييييييييييير
حضنها وفضل يهديها وبرضوا مهدتش
خدها على البحر
فضلت قاعده تبص للبحر ودموعها نازله
يوسف اه لو تعرفى دموعك دى بتعمل فيا ايه : خلاص ياشهد اهدى وان شاءالله هتجيبى مجموع كويس فنون جميله بتاخد من ٨٩ وانتى حاله كويس فى كل الامتحانات مجتش على امتحان واحد ركزى بقا علشان الباقى
شهد بتمسح دموعها : يعنى ٦ اسئله ينقصونى قد ايه
يوسف : بالكتير ٢ فى الميه متقلقيش هتجيبى مجموع كويس ياحبيبتى
شهد سرحت ايه هو قالى يا ايه بجد هو قال ياحبيبتى ولا انا بيتهيألى ولا ايه وابتسمت
يوسف مخدش باله من ابتسامتها
شهد: ينفع نتمشي شويه قبل مانروح
يوسف : والماده الى بعدها
شهد : فرنساوي والامتحان مش بكره مش هيجرى حاجه لو مشينا ربع ساعه
يوسف : تمام
شهد قامت ومسكت اديه ومشوا مع بعض
شويه وسحب يوسف ايديه من ايديها
شهد زعلت من حركته واتحرجت جامد ومن جواها شكلى فارضه نفسي عليه وهو مش بيحبنى ولا حاجه اه مش لازم افكر فى حاجه دلوقت انا هخلص امتحانات واقوله على الى جوايا والى يحصل يحصل
شهد : يلا نروح
يوسف : ماشي
روحوا
والامتحان الى بعده شهد كانت جايبه ليوسف هديه وهيا مروحه من مراجعه الفرنساوي عجبها ساعه رجالى وجبتها له لانها عرفت من رنا انو طالع ترتيب على جامعته السنه دى
ورنا كمان ويزن كلهم نتيجتهم حلوه وجايبين درجات كويسه
شهد نزلت وركبت العربيه
وقبل مايدورها العربيه
شهد : استنى وغمض عنيك
يوسف بضحك : هتخطفينى
شهد : غمض عينك الاول كدا
يوسف : ماشي
وغمض عنيه
شهد : خلاص فتحها
يوسف فتح . اي دا
شهد : هديه
يوسف : بمناسبه ايه
شهد : هديه بمناسبه نجاحك الف مبروك ويلا بقا علشان هتاخر على الامتحان
يوسف خدها وفتحها
يوسف: جميله ياشهد تسلمي
شهد : فرحت انها عجبتك
وراحوا الامتحان
مرت الايام وشهد خلصت امتحانات وبعد الامتحانات يوسف قطع مقابلاته معاها خالص
وجه يوم النتيجه محدش كان عارف وكانت شايله سيف وماسكه التليفون وراحه جايه  مستنيه التليفون يحمل
لقت الجرس رن
فتحت لقته يوسف
يوسف : ها جبتى كام
شهد : بيحمل
يوسف : طيب شوفيه زمانه حمل
شهد : مش قادره ابوص خايفه
يوسف خد التليفون وشاف
يوسف : تؤ تؤ
شهد حطت سيف على الكنبه : ايه جبت كام
يوسف: وحشه اوى مش عارف اقولهالك ازاى
شهد الدموع اتجمعت فى عنيها : يوسف متهزرش انا اعصابى مش مستحمله
يوسف: جبتى .........
*************************
ياترى شهد جابت كام ؟؟
شهد هتعترف بحبها ولا هترجع فى كلامها ????
يوسف هيفهم انها بتكلم ابوها ولا هيفضل مفكر انها بتحب حد غيره ؟؟؟
كل دا هنعرفه
اتفاعوا كتير علشان انزلكم البارت الى جاى فى احداث كتيييييير