أسيره الظلام

البارت التاسع عشر

دخلت راسها
ووقفت قبل ماتزق الكرسي
يارب سامحنى يارب
بتحاول تزق الكرسي برجلها
شهد : لا مش هقدر الى بعملوا دا حرام مش هيبقا عذاب فى الدنيا والاخره
لسا بتوسع الملايه عن رقبتها وبتحاول تفك نفسها زقت الكرسي بالغلط و وقع
وصرخت صرخه عاليه
شهد : اااااه الحقوووووونييي
وصوتها اتقطع
*********************
يوسف : دورنا فى كل حته مش باقى غير ننزل اعلان عيله تايهه الى يلاقيها هنديله فلوس ( بتريقه )
يزن: واللهى فكره انا هكلم واحد صحبي يعمل اعلان ونوزعه فى الشارع وكمان ننزل على النت
يوسف: انتا اهبل هيا عيله صغيره متعرفش طريق البيت
يزن : افرض اتخطفت وحد شافها يقولنا على مكانها ممكن عربيه خبطتها وفقدت الذاكره اى حاجه
انا رايح ادور فى المستشفيات
يوسف: واانا جاى معاك
هتصل على ماما اطمن على سيف
يوسف : الو ياماما
ليلى : ازيك يابنى لقيتوها
يوسف : لا سيف عامل ايه
ليلى : قاعد فى ركن لوحده لابيتكلم ولا بيأكل وبحاول معاه من الصبح
يوسف : حاولى وانا شويه وهاجى له اهو
يزن : ماله
يوسف: لابياكل ولا بيتكلم
يزن : روح له انتا يمكن تعرف تعمله حاجه
يوسف: طيب هتصل بمحمد وعادل يروحوا يدوروا معاك
يزن : اوك
***********************
عمر كان بيصلى وساجد
عمر: يارب سامحنى انت الوحيد الى عارف الى حصلى يارب مليش غيرك
سمع صوت صريخ جامد
حاول يكمل صلاه بس القلق تملكه سلم وطلع من الصلاه
وطلع جرى على الاوضه
وقف قدام الباب
عمر : لو دخلت هتزعق اوف انا داخل
فتح لاقها متعلقه وبتعافر
راح جرى وقف الكرسي وخلها تقف عليه وفكها أول مافكها اغمى عليها فى حضنه
عمر : فوقى لا متموتيش انتى كمان لا لا
نيمها على السرير وحاول يفوقها كتير جاب ميه وبرفان وكان زى المجنون بيردد كلمه وحده متموتيش متموتيش
شهد: سيييف
عمر: اه الحمدلله لسا عايشه
قعد على كرسي بعيد شويه وحط راسه بين ايديه وغمض عينه وافتكر الى حصل
عمر: لازم اقولها الحقيقه وهتجوزها واتحمل نتيجه اخطائى مش هتحمل حد يموت بسببى تانى لا
*********************
يوسف : يادي القرف كل شويه ترن
الو
خلود : اي دا يايوسف يومين بحالهم متتصلش ولا بترد عليا
يوسف: مش فاضى وسيبينى فى حالى فيا الى مكفينى اكيد معندكيش حاجه مهمه تقوليها
لسا هتتكلم قفل فى وشها
يوسف : انا لازم افسخ الخطوبه انا لابطيقها ولا هينفع اجى على نفسي وابقى حلو معاها كنت بعمل كدا لما بضايق من شهد دلوقت بعد مااتاكدت من حب شهد مستحيل اقدر اسيبها ومستحيل اقدر اكمل مع الزفته خلود
وصل يوسف البيت
يوسف : هو فين ياماما
ليلى : قاعد فى اوضه رنا
يوسف : تمام
دخل له
يوسف : ايه الى مقعدك هنا ياسيفو
سيف :..............
يوسف: ولما شهد تكلمنى اقولها انتا مكلتش هتزعل منك ومش هتيحى تانى
سيف: بجت ماما بتكلمك
يوسف: اه بتكلمنى وقالتلى لو سيف كل اكله كله هاجى اخده واوديه الملاهى
سيف: حاضر هخلث الاكل كله
يوسف : ايوا كدا يابطل
وشاله وطلع بيه
*******************
شهد نايمه وبتخرف بأسم سيف ومره وحده قامت مفزوعه وهيا بتصرخ لاء انا مسبتكش زيهم
قعدت تنهج
عمر : خدى اشربي ميه
شهد : شكرا انا كويسه اطلع وسيبنى لوحدى بعد اذنك
عمر: لازم اقولك على حاجه وانتى مضطره تسمعينى
شهد : قولتلك مش عايزه اسمع مبررات لأى حاجه لانى مش هسامحك ابدا
عمر : انا واحد من عيله غنيه وبحكم أنى الابن الوحيد لأمى وأبويا كانوا عايزين يجوزونى لبنت عمى وانا مكنتش بحبها كنت بحب زميله ليا فى الجامعه وبالمناسبه انا مهندس معمارى
شهد : مش عايزاسمع شفت بتحكيلى قصه حياتك وبتعرف عن نفسك ازاى مهما حاولت مش هسامحك فين المبرر فى كدا
عمر: عرفت انها كمان بتحبنى حاربت كتير علشان اوصل لها واقنع أهلى ورفضوا اضطريت اسيب البيت وامشي كونت نفسي وعملت الفيلا دى علشانها ويوم ماروحت اتقدم لقيت بابا جاى وقالى انوا موافق كنت فرحان جدا وخلصت كل حاجه بسرعه وخلينا الفرح يكون بعد اسبوعين فى الاسبوعين دول تعبت طلعت مريضه قلب كان لازم تعمل عمليه بس انا كنت انانى قلت لها نتجوز الأول والعمليه نعملها بعد الفرح بأسبوع لأنها كانت هتقعد فى المستشفى ثلاث شهور قلت اقعد معاها اسبوع بعدين تعمل العمليه وافقت علشان متزعلنيش وتكسر فرحتى عملنا الفرح وكنت طاير  من الفرحه اخيرا وصلت لها اخيرا بقت ملكى وأول مارجعنا البيت
سكت وعينه دمعت
وكمل بصوت مبحوح من العياط
كنت شايلها وداخل بيها قلبها وجعها ولقتها حضنتنى جامد قعدت اهزر وكدا وفجأه اتشاهدت و.. و.. ماتتت
قعدت اصحى فيها اقومها بس خلاص ماتت من يومها مقدرتش اطلع من الصدمه
بس احلفلك اني عمرى ماعالجت وجعى بالمخدرات عمرى ماحاولت انسي بالمخدرات
شهد: اومال الوضع الى كنت فيه الليله دى كان الطبيعى بتاعك من غير مخدرات
عمر : الليله الى جتيلى فيها دى كانت ذكرى وافتها عدت سنه على موتها كنت قاعد فى المكتب انا وصاحبي وكنت تعبان جدا ومصدع
سألته معاه دوا للصداع ادانى دوا ورجعت الفيلا علشان تعبان بعد شويه الصداع زاد خدت حبايه كمان وفضلت كدا ساعه ماجيتى كنت واخد ثلث حبايات والصداع بيزيد طلعت اتنفس علشان كنت مخنوق لقيتك كنت شايفك هيا كنت حاسس انها رجعت لى بعد ماقومت وشفتك اتصلت عليه قالى الحبوب ظبطتك ولا ايه فهمت انو ادانى مخدرات انا عارف إنى غلطت ومفيش حاجه هتصلح غلطى بس أنا مش الصوره الى اتخيلتها فى دماغك أنا آسف على كل الى حصل ومستعد اعمل اي حاجه علشانك لو اديتيلى فرصه هلاقى حل ترجعى لأهلك من غير مشاكل
شهد كان صعبان عليها وجعه ودموعه حست بيه هيا اكتر وحده فاهمه يعنى ايه الى بتحبهم يموتوا ويسيبوك فاهمه الوجع الى بيسيبوه بس فى نفس الوقت الى عمله حاجه مينفعش تتغفر سمعتها ضاعت خلاص
شهد :سيبنى أفكر فى حل للى احنا فيه ودا مش معناه انى مسمحاك او أنى اطمنت انك راجل كويس لاء اى حد ممكن يمثل الدور دا واحسن منك كمان بس انا مضطره ادور على حل
عمر : بصى انا هتجوزك وبعد سنه ترجعى لأهلك تحكيلهم الحقيقه تألفى قصه المهم أنك قدام الناس هتبقى متجوزه وهبقا معاكى محدش هيتكلم عليكى كلام وحش وبعد ماأهلك يتقبلوا الموضوع انا تحت امرك فى الطلاق
شهد: لا انا مش هتجوزك
عمر: علشان سيف الى بتخرفيه بيه صدقينى مفيش راجل هيقبل يتجوز واحده كدا انا آسف إنى كنت السبب بس انا مش مستعد اسيبك تتأذى وتوصلى لمرحله الانتحار تانى مش هقدر استحمل عذاب الضمير كفايه كنت السبب فى موتها
شهد : سيف دا يبقا ابنى
عمر : انتى متجوزه
شهد : لا ابن اختى بس انا الى ربيته وعايش معايا وبعتبره ابنى علشان كدا خرفت بأسمه
عمر : واختك فين
شهد : ....
عمر : تقدرى تتكلمى عادى انا قولتلك على ملخص حياتى
شهد: انا كنت عايشه فى الامارات وانا فى أولى ثانوى بابا وماما اطلقم ماما سافرت وسابتنى وبابا مشا فى طريق غلط مقدرتش استحمل اقعد مع بابا نزلت مصر عند اختى وعمى وعياله قعدت فتره كويسه جدا لحد ماعرفت بموت ماما تعبت جدا كان يوسف ابن عمى واقف معايا وبعدها عرفت أن اختى عندها السرطان وان ماما كمان ماتت بيه ولما سافرت وسابتنى كان علشان تتعالج وبعدها جوز اختى لما عرف ان مراته بتعمل عمليه من غير ماتقوله راح لها جرى وخبطته عربيه ومات اختى رفضت تتعالج وماتت وراه انا ربيت ابنهم بابا دخل مستشفى واتعالج بس بعد ماطلع قرر يكمل شغله هناك فضلت مع عمى وعياله حبيت يوسف جدا مكنش ليا حد غيره بس يوم ماقررت اقوله انى بحبه اتفاجئت انوا رايح يتقدم لواحده والليله دى كان فرح بنت عمى وخطوبه يوسف مقدرتش استحمل اشوفه مع وحده غيرى اتخنقت طلعت اتمشى بالعربيه وياريتنى ماجيت
عمر: انا آسف على كل الى حصلك حياتك كانت صعبه وانا زودتها بس فكرى فى الى قولته
شهد اتنهدت : موافقه بس هيبقا جواز على ورق بس
عمر : تمام  ممكن اسألك سؤال انتى ازاى حكيتى الى حصلك دا كله من غير ماتعيطى
شهد: انا متعوده مبعيطش قدام حد غير شويه معينين واهم مشيوا
عمر : اها بكرا هجيب الدادا تنظف البيت وهعرف أهلى ونتجوز
شهد : هتعرفهم بإيه
عمر: لاء هقولهم أنى حبيتك وانك فاقده الذاكره ومتعرفيش أهلك
شهد: انا عارفه اخرة الكدب دا هيتقلب علينا
عمر : دا مش كدب "اذا بليتم فاستتروا" اكيد مش هنروح نقول لكل الناس على الى حصل ونفضح نفسنا
شهد : تمام بس كدا انا هقعد سنه بعيد عن سيف
عمر : هو مفيش حد ياخد باله منو
شهد : لاء فيه
عمر : طيب خالص استحملى ممكن نخليها اقل من سنه
اسيبك ترتاحى بقا ومتفكريش تعملى حاجه فى نفسك ارجوكى انتى عندك سيف يعنى فى حاجه تتمسكى بيها
شهد :طيب
طلع وسابها
***********************
يوسف : الو
الراجل : العربيه مرجعتش ولازم تدفعوا تعويض
يوسف : تمام هسددلك الفلوس على مراحل
الراجل : تيجى بكرا تمضى وصولات امانه وتسدد اول دفعه
يوسف : تمام
قفل معاه
يوسف: اه ياشهد مش عارف هجيب الفلوس دى كلها منين بس مش مهم المهم ترجعى بالسلامه
حط التليفون وسند رأسه على الحيطه
لقى تليفونه بيرن تانى
يوسف : يادى الزفت 
رد من غير مايشوف ا
يوسف : الو
خلود : المفروض انت الى تتصل تعتذر على الصبح بس مش مشكله رنيت انا
يوسف : حد قالك انى عايز اكلمك ولا تكلمينى بصى ياستى كل واحد فى حال سبيله وجاى اخد الشبكهه بكرا علشان محتاجها
خلود : لو محتاج فلوس خدها وممكن اخد فلوس من بابا كمان واديك بس بلاش نفسخ وحيات اغلى حاجه عندك
يوسف: مترخصيش نفسك اكتر من كدا انتى عارفه انى بحب وحده تانيه اسلوبى معكى زى الزفت مش بتاخدى منى حاجه ليه بقا تعيشى عيشه كدا اصحى وراجعى نفسك هتلاقى الى احسن منى احنا الاتنين مش لبعض ولا عمرنا هنكون لبعض
وقفل
*****************
عمر: صباح الخير ياداده سميه عايز الفيلا تلمع وحطى زينه على الكنبه الى فى الوش دى واعملى اكل كتير عندنا فرح انهارده
داده سميه : فرح مين
عمر : فرحى
داده سميه : ياخبر ومتقوليش من قبلها دانا هعملك احلى اكل بس مش كان فى قاعه احلى
عمر:يلا ياداده الوقت قليل
داده سميه : حاضر
طلعت الداده تنضف ولقت صوت من غرفه الضيوف
دخلت لقت شهد نايمه على بطنها ورافعه رجلها وبتتكلم وهيا نايمه
داده سميه :اعوذ بالله من الشيطان الرجيم لتكون زى مابيقولوا فى التلفزيون ياخبر تف تف تف
لاء انا كدا اخاف على نفسي احسن حل اشغل قران فى ودنها لو اتصرعت تبقا ملبوسه لو قامت عادى تبقى زينا
جابت التليفون وحطت السماعات بتاعه على ودان شهد
وشغلت قران على آيه
قال تعالى "وجاءت سكرة الموت بالحق ذلك ما كنت منه تحيد )"
قامت شهد منفوضه من على السرير
شهد : القيامه قامت متودونيش النار لا انا كنت بصلى
داده سميه : اتصرعت يلاهوى ملبوسه وقعدت تقرأ المعوذات
عمر جه على الصوت
وبصلهم شهد كانت قاعده فى الارض مخبيه وشها وداداه سميه بتقرأ وتف على شهد من بعيد
وهو مش فاهم حاجه
عمر : في أي ياداده أي الصوت دا
داده سميه : اسكت لحسن الى عليها يأذيك
عمر : مين دا الى عليها
داده سميه : مينفعش ننطق اسمهم ال ج
عمر بضحك : ايه ياداده مش عليها حاجه انتى بس بطلى تتفرجى على ريهام سعيد لحسن مأيره فيكى جامد
وراح لشهد الى كانت بتبصلهم ب صدمه
عمر: قومى من على الارض وتعالى معايا نشترى لبس تلبسيه
شهد : هيا القيامه مجتش
عمر : هههه وحده عفاريت والتانيه يوم القيامه انتوا ايه ياجماعه قومى يلا
شهد : مفيش حاجه بتضحك على فكره انا لقيت الملايكه بتقولى
قال تعالى  "وجاءت سكرة الموت بالحق ذلك ما كنت منه تحيد )"
فتخضيت
عمر : يخرابيي ملايكه ايه هههههههه دى داده سميه مشغله قران
شهد : لا دا كان جاى من ودنى مش من بعيد
عمر : يلا بس بعدين نبقى نشوف الموضوع دا
طلع وسابها مع داداه سميه
داده سميه: انا بقولك لازم تروحى لشيخ
شهد : شيخ ايه ياطنط
داده سميه : الى عليكى بيتكلم وانتى نايمه واما حطيت التليفون على ودنك يقول قران اتصرع
شهد قعدت تضحك
داده سميه : انتى كمان زي عمر اقعدوا اضحكوا عليا على فكره الحاجات دى موجوده
شهد : ياطنط مش قصدى على انها موجوده ولا لاء
داده سميه : مش عايزه اعرف قصدك اقعدى اتريقى كدا لحد ماالى عليكى يركبك ويموتك ويموت الى حواليكى
ومشت
شهد :هههه دا مصدقه انى ملبوسه علشان بتكلم وانا نايمه ي خرابي
لبست شهد ونزلت لعمر
عمر : هنروح نشترى فستان
شهد : ملوش لزوم مش عايزه
عمر : اهلى هيشكوا كدا خلينا نمشي الامور طبيعى
شهد : تمام
وراحوا يجيبوا الفستان
***************
ياترى ايه موقف اهل عمر من شهد
شهد هتتجوز ياترى رده فعل يوسف اما يعرف هتبقى عامله ازاى
والاهم بقا ياترى فستان شهد هيبقا شكلوا ايه 😂😂😂
كل دا هنعرفه البارت الجاى اتفاعلوا بقا كتييير وحطوا كومنتات بلييييز