أسيره الظلام

البارت الثامن

صحا يزن وطلع فطر مع أسرته
وكان مش عارف يبدأ الموضوع ازاى
يزن : بابا كنت عايز اتكلم معاك فى موضوع
مصطفى : قول يابنى
يزن : بص هو انا جايب مجموع هندسه وكدا بس وسكت
مصطفى : بس ايه
يزن : انا عايز ادخل تجاره
كلهم :أيه ؟؟؟؟
يزن بدأ يشرح لهم حلمه وكدا
مصطفى : انتا عايش فى وهم كبير ولا حاجه من دي هتتحقق بس دا مستقبلك انتا حر فيه علشان متجيش تفشل وتقول انتوا السبب
ليلى : لا ايه الهبل دا وانتا هتوافقه يامصطفى
مصطفى : هو كبير ومسؤل عن نفسه
ودخل وسابهم
ليلى : ياخساره كنت بقول عليك اذكى واحد شوف اخواتك واحد طب وواحد صيدله حتى الهبله الى جوا ملحقتش طب ولا صيدله فدخلنها اى حاجه بس تجاره ليه يابنى
يزن :معلشي ياأمى بكرا هتقولى ياريتنى دخلت عيالى كلهم تجاره بس انتى مش متخيله انتى كلام الناس مأثر عليكى بس كل واحد له حلم عايز يحققه ساعدى عيالك فى تحقيق حلمهم ومتخليش شويه كلام بتوع ناس جهله يبقوا عائق قدام حلم ابنك
ليلى : اعملوا الى تعملوه
وقامت وسابتهم
مازن: انا شايف ماما وبابا صح اذا كان انا طلع عينى علشان افتح عياده انتا بالتجاره هتفتح شركه ازاى
يزن : مفيش حاجه بتيجى بالسهل الى بيسعى بيلاقي واهم حاجه اكون مصمم مش من أول عائق هستسلم
مازن: براحتك بس انتى صغير متعيش فى عالم الاحلام كتير
يزن قام ودخل الاوضه
يزن : وبعدين فى الاحباط دا مفيش حد يقولى كلمه حلوه حتى
يارب مليش غيرك ان شاءالله هحقق الى انا عاوزه ونبقى نشوف انا عايش فى عالم الاحلام ولا انتوا الى ماشيين ورا كلام ناس جهله
********************************
عند شهد مشغله التلفزيون وقاعده تتفرج
وسيف بدأ يتكلم مكسر بقا عنده سنه وخمس شهور
سيف : ماما ممممم (مم يعنى أكل )
شهد : حاضر ياعيون ماما
وقامت جابت له أكل
وقعدت تأكله وتلعب معاه
ورن الجرس قامت تفتح لقت لينا وريناد
لينا وسيف قعدوا يلعبوا مع بعض
لينا: عامله ايه ياشهد
شهد : الحمدلله
لينا : اصل بقالك كتير مطلعتيش سيف قلقت عليكى والصراحه سيفو وحشني
شهد : مفيش خدت الاجازه بقا وقلت اريحك
لينا : لا انا مبتعبش معاه اصلا هادى جدا ربنا يحميه
شهد : آمين
وقعدوا مع بعض شويه وطلعوا عند عمو مصطفى
***************************************
عند بيت عمو مصطفى
كلهم متجمعين كتبوا رغبات يزن وخلاص بإذن الله يدخل تجاره ليلى ومصطفى كانوا زعلانين بس رغبة ابنهم
مصطفى : بإذن الله نروح ناخد شاليه زي كل سنه
كلهم هيييييييه
مصطفى : ربنا يسعدكوا اتجهزوا علشان هنروح بكرا
وقام هيدخل الاوضه شهد راحت وراه
شهد: معلشي ياعمو مش هقدر اجى معاكوا
مصطفى : ليه بس يابنتى غيرى جو
شهد : معلشي ياعمو مش هقدر اروح
مصطفى : مش هتقل عليكى بس مينفعشي تبقى لوحدك هقعد رنا معاكى
شهد : لاياعمو متكسرش فرحه حد علشانى كلهم بيتبسطوا هناك ودى فسحتهم مامت همس وهمس هيزرونى كل يومين كدا وهيا كل الحكايه اسبوعين
مصطفى : طيب زي ماتحبي بس لما تعوزى تيجى ابقى كلمينى
شهد : حاضر
وسابت مصطفى ومشت
مصطفى : طب انا كنت بحلل الفلوس الى باخدها منها واقول دى بتأكل عندنا كل جمعه دى بتروح معانا الشاليه وبتجيب حاجات كتير دلوقت لاعادت بتأكل ولا بتيجى الشاليه انا اعمل ايه انا مش بتحكم فى طمعى دا ليه
وفجأه دخل عليه يوسف
يوسف: انا آسف يابابا لأنى سمعت كلامك بالغلط غير إنى شفتك كذا مره بتاخد فلوس من الظرف بتاع شهد انتا كل مره يابابا كنت بتدينى بعدها الظرف انزله كنت برجع فيه الفلوس الى انتا خدتها دى عيله صغيره امها واختها وجوز اختها ماتوا وابوها فى مستشفى بيتعالج من المخدرات ملهاش حد غيرك اتكسفت اكلمك فى موضوع زي دا او الاصح مكنتش قادر استوعب ان والدى بيعمل كدا
مصطفى مقدرش يرد على ابنه
يوسف: انت اه غلطت يابابا بس انا غطيت على غلطك ورجعتلها فلوسها كانت فلوسها بتوصلها كامله دلوقت راجع نفسك وتوب لربنا ولو مش هتقدر تحافظ على آمانهـ أخوك وتوصلها لبنتهـ كامله يبقا سيبنى اروح أخدها من البنك وأديها لها انت بتظلمها وبتظلم طفل يتيم معاها بدل مانساعدهم بناخد منهم
مصطفى : خالص يايوسف انتا ابقى خد الفلوس واديهالها بعد العمر دا كله ابنى يقولى إنى مش قد الأمانه
يوسف: مش اقصد يابابا بس انا شايفك بتعمل غلط دا واجبى انى اردك عنه والمفروض تبقا فخور انك ربتنى كدا انتا هتديها الفلوس كامله وهتساعدها كمان علشان انت راجل طيب ومن جواك ابيض بس ساعه شيطان خلتك تغلط
مصطفى فرح بأبنه وزعل جدا من نفسه
مصطفى : سيبنى مع نفسي شويه وابقا اشوف هعمل إيه
طلع يوسف وكان مبسوط انه قدر يقنع والده بكلامه
*************************
كلهم كانوا بيتحضروا للسفر
فى شقه مازن
لينا كانت حاطه الشنطه على السرير وبتحضر هدوم مازن فى شنطه وهدومها هيا وريناد فى شنطه وريناد قاعده تشيل الى مامتها بتحطه
لينا: بس ياريناد كل مااحط هدوم تشيليها
ريناد : نا ايزه العب ( انا عايزه العب)
لينا : يارب صبرنى
شالتها وطلعتها بره وجابت لها لعب ودخلت تكمل ترتيب الشنط
ريناد قعدت تعيط ومازن دخل لقى بنتوا بتعيط شالها وطبطب عليها ودخل للينا
مازن : انتى ازاى تسيبيها تعيط كدا ولا كأنه هامك حاجه
لينا : يامازن
مازن : بلا مازن بلا زفت مفيش مرواح فى حته وخدى البنت سكتيها والعبي معاها
لينا خدت ريناد وقفلت الشنط وركنتها
وحضنت ريناد وقعدت تعيط
*********************************
عند شهد
سيف : ايز مممم(عايز اكل )
شهد : حاضر ياقلبي
قامت تشوف لبن البودره لقته خلصان
لبست سيف وخدته ونزلت الصيدليه
شهد : عايزه علبه بروجرس جولد من سن سنه لثلاث سنين
الصيدلى : خلصانه يامدام ومش متوفره فى السوق دلوقتى
شهد فى سرها مدام فى عينك : طب وهلاقيها فين
الصيدلى : هطلبهالك وعلى اخر الاسبوع تعاليلى
شهد : تمام شكرا
ورجعت البيت
شهد : اطلع اسأل لينا لو عندها منا مش هسيبك جعان بردوا
وباست سيف فى خدوا
لينا سمعت الجرس مسحت دموعها وطلعت فتحت لشهد
شهد لسا هتطلب اللبن لقتها معيطه : مالك بس يالينا
لينا : مفيش حاجه ياشهد
شهد : كدا برضوا بتخبي عليا انتى عينك وارمه من العياط فى ايه
لينا : مازن زعق شويه وانا زعلت
شهد : ليه بس تلاقيه مخنوق شويه فطلعه فيكى
لينا: طب ادخلى واكلم معاكى
دخلوا
لينا: انا معملتش حاجه انا بحاول ارتب الشنط بدل ماهو يساعدنى مثلا يجى يزعق لى ويقولى مش هتروحى فى حته علشان ريناد بتعيط اعمل ايه هيا زنانه وطول الوقت بتعيط انا ذنبي ايه ويزعقلى ليه اصلا هو غلطان انا مشغوله فى حاجه بدل ماينزل يقعد تحت ياخد ريناد معاه
شهد: معلشي يالينا اكيد مفهمش كدا ولما شاف بنتوا بتعيط اتخض واتنرفز اهدى بس كدا وهو هيجي يصالحك
لينا: طبعا مش هيصالحنى علشان مش شايف انو غلطان ولو نزل كلم طنط ليلى هتقول عليا غلطانه وانا طلعت ريناد وحطيت ليها لعب ومعيطتش غير قبل مايدخل بثوانى
شهد :طب متزعليش نفسك خلاص عمو مصطفى مش هيرضى يروح من غيركوا انتى عارفه عربيه مازن بتاخدكوا كلكوا تقريبا ويدوبك عربيه يوسف بتكفيه هو ورنا ويزن هتروحوا يعنى هتروحوا وانتى صالحيه يعنى لو مرضاش قوليله الى حصل بهدوء كدا زي ماقولتيلى وهتبقوا كويسين
لينا: معلشي ياشهد تعبتك بمشاكلى
شهد : لا مشاكل ولا حاجه وابقى نزلى ريناد اقعد بيها لو مشغوله فى حاجه
لينا: ماشي ياقلبي تسلمي انتى كنتى طالعه ليه
شهد: بلف على لبن لسيف ومش لاقيه
لينا دخلت جابت علبه : خدى مازن جايب كتير منو
شهد : شكرا ياقلبي هاخد ريناد معايا تلعب مع سيف
لينا : تمام 
شهد على السلم شايله ريناد وماسكه سيف فى اديها لقت مازن طالع
مازن : ايه ادتهالك كمان لدرجادى مش طايقه بنتها
شهد: لا انا خدتها علشان سيف بيعيط وعايز يلعب معاها
مازن : اممم
شهد: مش من حقى اتدخل بس انا طلعت لقيت لينا معيطه والموضوع اكيد مش زي ماانتا فاهم ياابيه بلاش تزعلها منك
خدنى عبره كنت بزعل وبتقمص من غير ماافهم ومفهمتش غير لما ماتوا لينا قلبها ابيض وطيبه وبتحب ريناد اكتر من نفسها بلاش تخليها تعيط كدا
مازن : ماشي ياشهد خلى بالك من العيال
شهد: حاضر ياأبيه
****************************
مازن دخل الشقه بهدوء
وراح على أوضه النوم لقى لينا نايمه زعلانه وبتكلم نفسها
لينا : مفكرنى ام مفتريه بعد دا كله ام مفتريه دا انا بنام عين وعين علشان ريناد حبيبتى متصحاش وتعيط
مازن دخل وحضنها من ضهرها
مازن : عارف ياقلبي انتى احن أم فى الدنيا بس انا طور بقى وبنطح اي حاجه وخلاص آسف ياقلبي حقك عليا 
لينا مردتش
مازن : هتفضلى زعلانه منى كتير طب مش هنروح نصيف السنه دى ولا ايه والبت ريناد مش هتعوم وتبلبط فى الميه ولا ايه
لينا ضحكت : شكلها هيبقى شبه البطريق
مازن ضحك على ضحكها
وباسها من خدها : بجد انا آسف انى خليت القمر دا يعيط فى يوم من الايام انتى مكتوب ليكى تضحكى وبس شكلك حلوا وانتى بتضحكى اوى وخدها فى حضنوا
بعد شويه
لينا: سيبنى اقوم احضر الشنط زمان عمو مستنينا
مازن : لا خليكى فى حضنى شويه
لينا : طب اعمل ايه انا دلوقت شويه مازن وشويه ريناد ومحدش سايبنى ارتب الشنط هنقعد من غير هدوم هناك
مازن: قومى ياختى معدش فيها رومانسيه انتى بتاعه رومانسيه انتى
لينا قربت منو بهدوء : اومال انا بتاعت ايه
مازن : لا قومى لحسن لاهيبقا فيه مصيف ولا ريناد هتبلبط فى الميه وهنعيد شهر العسل من أول وجديد
لينا اتكسفت وقامت ترتب الشنط وخلصوا
**********^*^***
عند عمو مصطفى
اتجمعوا كلهم ماعدا شهد وسيف وريناد كانوا تحت
يوسف : انا هاخد شهد ورنا ويزن معايا
مازن : وانا الباقى
عمو مصطفى طلع من اوضته يلا ننزل
نزلوا ويوسف ولينا رنوا على شهد
شهد فتحت وهيا لابسه هدوم بيت وماسكه البيبرونه وشايله سيف
لينا : ريناد فين
شهد : جوا بتلعب فى المكعبات
لينا دخلت تاخد بنتها
يوسف : هو انتى مش جايه معانا
شهد : لا
يوسف: مش هعمل فيكى مقالب السنه دى لو خايفه
شهد : لا مش حكايه كدا بس مش قادره لجوا المصايف
يوسف : يعنى هتعيدى لوحدك
شهد : اه عادى
طلعت لينا يلا يايوسف انتا وشهد
يوسف : شهد مش جايه
لينا : ليه كدا هتقعدى لوحدك ازاى
شهد : عادى ياجماعه متشغلوش بالكوا بيا اتبسطوا ومستنيه الصور
لينا : طيب خلى تليفونك مفتوح هرن كل شويه اطمن
شهد : حاضر تروحوا وترجعوا بالسلامه
*********************
فى الطريق كلهم زعلانين علشان شهد مش جايه معاهم
فى عربيه يوسف
رنا متضايقه علشان صحباتها : طب انا اروح ليه دلوقت كنت بروح علشان العب واتبسط معاها
يزن : اه كنا بنعمل فيها مقالب ونضحك هنعمل فى مين دلوقت
يوسف متضايق : ماتسكتوا بقا عاملين شبه المطلقين وقاعدين تندبوا
فى عربيه مازن
لينا مش عارفه تسكت ريناد
ريناد بعياط : ايزه ثيف اهئ اهئ (عايزه سيف )
لينا : حاضر ياحبيبتى هوديكى لسيف وهنروح البحر والالعاب
مازن بزعيق  : سكتيها بقا انا بتوتر لما بتعيط
لينا خلاص هتفرقع فيهم مش عارفه تسكت ريناد ومازن مش مراعى انها بتحاول وبيزعقلها ووشها اتنرفز لسا هتتكلم
ليلى : هاتيها يالينا
خدتها فى حضنها وقعدت تطبطب عليها وتمسح على شعرها لحد ماراحت فى النوم
ليلى : ياعينى بتحب سيف اوى وبتلعب معاه على طول ربنا يسامحك ياشهد هتزعليها جامد
لينا: مش عارفه هتقضى الاسبوعين ازاى دا هتطلع عينى
مازن: مهو انتى مش بتعرفى تهديها زي ماما
ليلى : انا عملت الى لينا بتعملوا بس هيا تعبت من العياط  ونامت
مازن: بدل ماتغطي عليها علميها
مصطفى : بس بقا البت تسكت انتوا تبدأوا صدعتونى
لينا زعلت من مازن وبصت فى الشباك وجواها : كل الى بتقوله ليا كذب عمرى ماهزعلك ووشك مش مكتوب له الا الضحك وبترجع توجعنى بكلامك وخلاص