فى عربيه عمر شهد قاعده كل شويه تبتسم عمر: ماتضحكينا معاكى شهد : انتا هتعمل شبه الاساتذه فى الفصل وتخلينى أكتم ضحكتى عمر : لابراحتك وفى سره دانا ماصدقت الاقيكى بتضحكى شهد : انا بضحك على الداده والى عملته فيا الصبح عمر : اه دا انا كنت حاسس انى داخل فى مستشفى مجانين بالغلط شهد : اعمل ايه اتخضيت حطت السماعات على ودانى وجايبه آيه من الى بيهزوا الواحد من جوا بحسب القيامه جت عمر بصلها وسكت وفى نفسه طفله جدا وبرغم كل الى حصلها بتضحك وصلوا المحل شهد أول لما شافت الفساتين كانت عاوزه تعيط شهد فى نفسها مكنتش بحلم بكدا كان نفسي يبقا معايا رنا وهمس وطنط ليلى الى بحس انها مامتى كنت همسك سيف فى ايدى كان نفسي البس الفستان دا لشخص واحد بس هو حكم على حياتنا بالإعدام من قبل ماتبدأ مسمعنيش محاولش يفهمنى وانا زى الهبله من غيرتى عليه رحت دمرتى حياتى عمر : هتفضلى واقفه كدا كتير يلا اختارى شهد : اى حاجه تكون ساده ومش منفوشه البنت الى بتبيع : مش هيليق على حضرتك انتى رفيعه اوى خدى واحد منفوش وراحت تجيب لهم فساتين شهد : كان ممكن تروح تجيب اي فستان بسيط مش لازم تاخدنى واقيس ونعيش الجو احنا فى الاخر مجبورين عمر: معرفش مقاسك ولازم نبين قدام أهلى أن الموضوع طبيعى البنت : اتفضلى قيسى الفستان دا شهد : لا هو حلو ومقاسي مش لازم اقيس البنت : قيسى لأنه غالى ومفيش ترجيع عندنا شهد بصت لعمر : أنا هأجر مش هشترى عمر بص للبنت : خلاص غلفيه هناخده البنت : ممكن تيجى معايا حضرتك شهد راحت وراها : خير البنت : هو هيتجوزك بالغصب لو مهددك او حاجه انا ممكن اساعدك شهد عرفت أن أسلوبهم هيفضحهم : لا مفيش حاجه غصب عنى وهاتى الفستان دا اقيسه وراحت شهد قاست الفستان وكان حلو جدا عليها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عمر كان واقف مستنيهم لقى شهد داخله بالفستان شهد : حلو عمر وهو مصدوم اولا من انها لبست الفستان ثانيا جايه توريه وتسأله عن رأيه ثالثا من جمالها فيه : اها شهد : اوكى دخلت خلعته وخلت البنت تغلفه وعمر اشتراه ونزلوا شهد :متفكرش انى عملت كدا برضايا البنت الى فى المحل شكت وعرضت عليا تساعدنى فاضطريت انى ابين اننا طبيعين عمر: تمام معلشي هضغط عليكى بس استحملى انهارده تبقى عادى قدام أهلى وإن شاءالله كل الى هتعمليه هعمله وزياده لما نروح لأهلك شهد : مع إنك متستاهلش والمفروض أهلك يعرفوا أنك واحد قذر ومتربتش بس هسكت لأنى كدا هفضح نفسي معاك ركبوا العربيه وعم عليهم الصمت وقف العربيه عمر : هنزل اجيب لنفسي بدله خليكى هنا تمام شهد : طيب قعدت فى العربيه وكانت خايفه كل شاب بيبصلها بتحس أنو عايز يأذيها مقدرتش تقعد أكتر من كدا ونزلت قفلت العربيه وراحت جرى وراه سألت عليه قالوا لها فى غرفه اللبس راحت وقفت تستناه وكان فيه عامل من الى فى المحل بيبصلها بنظرات عاديه بس هيا بقا عندها فوبيا راحت عند الاوضه الى بيغير فيها وخبطت الباب عمر خلص بسرعه عمرطلع : شهد ايه الى جابك حصل حاجه شهد : انا عايزه أروح عمر : طيب هدخل اغير البدله ونروح شهد عيطت أنا عايزه اروح دلوقت وكانت بتعيط جامد وقعدت فى الارض عمر : قومها طب اهدى بس هنروح اهو خدها وحاسب على البدله ومشا بيها راحوا ركبوا العربيه عمر بيفتح الشباك قامت قفلته واتكومت على نفسها وقعدت تعيط عمر: ايه بس الى حصل قابلتى حد من أهلك شهد : لاء مفيش حاجه حصلت انا اتخنقت عمر حب يضحكها : طب قصيلى التكت الى انا ماشي بيه طيب شهد بصت للتكت وانو فعلا مشا مسافه طويله بالتكت اكيد الناس كانت بتضحك عليه ابتسمت وقصته له وروحوا البيت لقوا ناس كتير شهد يارب مليش غيرك يارب اعرف اتعامل معاهم وعدى اليوم دا على خير عمر : أهلى طيبين متقلقيش دخلوا لقوا أمو وأبوه وعمه وعياله واصحابه مامته اسمها مريم أول اما لقتهم داخلين زرغطت وراحت تحضن ابنها : الف مبروك ياحبيبى اخيرا طلعت من الى انتا فيه مع إنى زعلانه منك ينفع تقولى دلوقت مش كان من بدرى عمر : اسف ياحبيبتى كنت خايف انى مش هقدر أوصل للمرحله دى فمحبتش افرحكوا على الفاضي مريم : الحمدلله يا ابنى اما العسل الى طلعتك من الحاله بتاعتك دى بقت فى قلبي خلاص وراحت حضنت شهد ومسكتها من اديها لفتها مريم : الصراحه لازم يطلع من الحاله بعد اما يشوف القمر دا شهد : شكرا ياطنط من زوقك مريم : هنمشيها طنط لحد مانتعرف على بعض اكتر سلم على اصحابه وعمه وعيال عمه بنت عمه اسمها رزان راحت لشهد وقالتلها : انا ماصدقت حور غارت فى داهيه تيجى انتى بدالها دا بعدك شهد فى نفسها ياختى غورى انتى وهوا دا الى ناقص امثل انى بغير عليه شهد : استأذن منكم اطلع اجهز ابوه خالد : اذنك معاكى يابنتى عمر بعد ما طلعت : شهد فاقده الذاكره وانا لما لقيتها كانت تعبانه والفتره الى فاتت كنا فى المستشفى علشان كدا ملحقتش اقولكوا وانا حبيتها فى الوقت دا وقررت اتجوز بسرعه علشان ملهاش حد غيرى ومينفعش تقعد معايا من غير جواز وقام موجه الكلام لوالده عمر : بابا تعال معايا شويه خالد راح وراه : خير يابنى عمر : بابا الكلام الى برا كدب انا سكرت واغتصبتها بس مش قصدى حكاله الى حصل وعيط خالد : كل دا علشان تبعد بعيد عننا قولتلك الفتره دى خليك معانا شوفت جبت لنفسك إيه عمر : بالله عليك يابابا متزودهاش عليا خالد : لو اسمع انك اذيتها ولا زعلتها هقتلك انا لايمكن اسمح بان ابنى يأذى بنات الناس كدا كفايه أنى هسكت على الى عملته وأجى على حقها عمر: يابابا انا بحاول اصلح غلطى انا مش بعرف أنام من تأنيب الضمير يوم احلم انها بتنتحر بسببى ويوم اشوف اهلها وهما بيقتلوها ويوم اشوف نفسي بتشوى فى جهنم على الى عملته خالد : ربنا غفور رحيم ومتقصرش معاها فى حاجه ولا تظلمها كفايه الى عملتوا عمر: انا واخد عهد على نفسي اي حاجه هتطلبها هنفذلها خالد : ربنا معاك يابنى ويغفرلك ويسامحك وراح خالد خبط على أوضه شهد شهد : اتفضل خالد : عامله ايه يابنتى شهد : الحمدلله ياعمو خالد : ابنى قالى كل حاجه خدى دا رقم تليفونى ودى فيزا كارت لو احتاجتى اى حاجه مش عايزه تطلبيها من عمر وانا مش هقف جنب ابنى وابرر غلطه واحاول افهمك ظروفه فى الاخر انتى اتظلمتى انا حابب اقولك بس إنى زى والدك هنا وهقف معاكى فى أى حاجه شهد عيطت : مش عارفه اقولك ايه ياعمو بس انا اتكسرت مش عارفه هعيش ازاى بعد كدا مش بقدر ارفع وشي اى راجل بيبصلى حتى لو عادى ببقا خايفه خالد طبطب على كتفها : مرحله وهتعدى انتى لسا صغيره والصدمه كانت كبيره عليكى عمر بردوا بعد موت حور قالى مش هعيش واديه عايش انتى كمان هتكملى حياتك وراسك مروفع انتى مغلطتيش فى حاجه شهد مسحت دموعها وابتسمت له خالد : ايوا خليكى كدا اسيبك تجهزى بقا وطلع لبست شهد وكانت داده سميه ومريم ورزان معاها فى الاوضه مريم : يلا بقا باقى الميكب بس شهد : مش هحط ميكب مبحبوش رزان فى سرها مفكره نفسك حلوه أوى يعنى مش عارفه إيه الى عجبوا فيكى خلصوا تجهيزات وطلع خالد جاب شهد ووداها لابنه عمر وكانت مطمنه أوى لوجود ابو عمر حسته طيب جدا كتبوا الكتاب وعملوا الفرح بقا كان فى حديقه الفيلا شغلوا اغنيه مكتوبه ليك لاليسا ورقصوا عليها سلوا شهد بترقص معاه مش طايقه نفسها وكل شويه تبعد وحطه اديها على الهوا مش على كتفه فيه واحد من صحاب عمر كان بيبصلها طول الوقت شهد جواها : لا بيبصلى عادى مش هخاف انا مش خايفه بصت ناحيته لقته بيغمز هنا شهد مسكت فى عمر جامد وحطت وشها فى الارض وبدأت تتكلم مع نفسها بصوت مش مسموع شهد : لا محدش هيعملى حاجه انا مش هسيب عمر اصلا وهو هيحمينى لا ولو طلع وحش ومتفق مع صاحبه عليا انا مش قادره استحمل يارب انا خايفه عمر : شهد مالك فيكى حاجه شهد : ممكن اطلب منك طلب وتنفذه عمر : أمرى شهد : شايف الراجل الى واقف هناك دا بعد ماالاغنيه تخلص روح مشيه من الفرح خالص عمر: همشيه بس اعرف السبب شهد : بيغمز وبيبصلى وانا خايفه عمر شد عليها وهيا كانت فى حضنه اصلا : متخافيش محدش هيعملك حاجه انتى فى حمايتى ولو مش فرح كان كسرته حتت بس حظه بقا هروح اطرده واجى راحوا الكوشه قعدت هيا وراح عمر للشاب الى واقف عمر:غور من وشي مش عايز اشوفك تانى لافرحى ولا بعد كدا الشاب: على اساس ان الى مخليكم تتجوزوا دلوقت مش الحبوب الى اديتهالك عمر: لا وحبوبك دى جابتلى صداع واغماء ورحت المستشفى عرفونى انها مخدرات علشان كدا اتصلت عليك اتاكد اصلى اتصدمت فيك الشاب لسا هيتكلم عمر جره وطرده وقفل الباب رزان راحت لشهد : ايه العريس سابك ومشا قولنالك حطى ميكب واثقه فى نفسك أوى شهد : سابنى مسابنيش دا شيء ميخصكيش ويلا امشي بقا من هنا رزان مشت ودمها محروق: واللهى لاوريكى جه قعد جنب شهد عمر : مشيته شهد: بجد مش هيجى تانى عمر: خالص شهد : شكرا فضلت شهد طول الفرح مخنوقه من كل الناس الى بتبصلها وكاتمه دموعها واخيرا جات نهايه الفرح ودعوا المعازيم وراحت شهد جرى على الأوضه وفضلت تعيط جامد عمر: افتحى طيب لو خايفه منى ممكن اروح فى فندق قعد يخبط يجى ربع ساعه وبعدها فتحت شهد ووشها أحمر وعنيها وارمه من العياط ولابسه بجامه واسعه ولامه شعرها كحكه عمر: لو خايفه منى أو مدايقه انا ممكن امشي واقعد فى فندق بس صدقينى والله العظيم مش هأذيكى شهد : خلاص هصدقك انا عايزه اكل جعانه عمر: انا طالب اكل تحت اصلا نزلت شهد قعدت تأكل وعمر راح يغير ونزل قعد يأكل معاها فى صمت بعد شويه حطت شهد راسها على السفره وماقمتش عمر اتخض وراح يفوقها : شهد قومى شهد اوف دى سخنه مولعه شالها لاوضتها وطلب الدكتور الدكتور : هيا مفيهاش حاجه اديها الخافض دا ووديها دكتور نفسي دا ممكن يبقا صدمه او ضغط على الاعصاب وصلها للمرحله دى عمر : تمام يادكتور دخل عمر وقعد على كرسي جمب السرير عمر : انا مش عارف انا كدا ليه كأنى نار وكل الى يقرب منى بيتحرق تعبت يارب متعاقبنيش كدا يارب مش هقدر استحمل حد يموت بسببي وبدأ يعيط شهد سامعه كلامه بس مش قادره تقوم وقررت تسكت اداها خافض الحراره وعمل كمادات وقعد يقرء لها قرآن ويدعي أن ربنا يشفيها لحد ما نام راسه على السرير وهو قاعد على الكرسي ********************* عند يوسف نايم فى سرير شهد يوسف : انا مضيت وصولات على نفسي بس المبلغ كبير أوى هدفعه ازاى ابيع العربيه بتاعى بس حتى دى بأسم بابا أقوله وخلاص لا لا مش هينفع هو ومازن بيقولوا كلام وحش على شهد وهيعصبونى وخلاص يارب انا تايه مش عارف أعمل ايه *************** تانى يوم صحت شهد لقت راسه عند رجلها وقاعد على الكرسي شهد : ياريتنى قابلت البنى آدم الطيب دا أول مره وساعدنى وودانى لأهلى بدل الحيوان الى قابلته انا مش قادره افهم ازاى انتوا الاتنين واحد ازاى كنت بالوحشيه دى وبقيت بالحنيه دي قامت حاولت تنيمه فى السرير ونجحت بأعجوبه من غير ما تصحيه وغطته وطلعت قعدت فى الصاله عملت فطار وقعدت تأكل وملقتش حاجه تعملها لا معاها تليفون ولا فى أى حاجه تسليها قامت قررت تروق الفيلا بعد شويه شهد : أوف الداده سميه مش سايبه حاجه مروقه البيت كله مفيش أي حاجه أعملها بعد تفكيير طويل شهد : بس هقوم اعمل أكل دخلت المطبخ وطبخت بس كانت تعبانه جدا شهد : لا انا مش قادره اقف جسمي كله بيرتعش طفت على الحاجه وراحت أوضتها لقته نايم طلعت وراحت اوضته قعدت تحت البطانيه ترتعش شهد : شكلى هموت قلبي بيوجعنى أوى فضلت تدعى وتعيط لحد ماخلاص معدتش قادره قامت وهيا مش قادره تمشي وجسمها كله بيرتعش راحت لعمر شهد قعدت على السرير وهيا بترتعش وفى نفس الوقت وشها عرقان شهد : عمر قوم انا بموت مش قادره عمر قام مفزوع : فى ايه شهد : مش عارفه سقعانه وسخنه وقلبى بيرتعش جامد انا شكلى بمووت عمر وهو بيغطيها : متقوليش كدا هتبقي كويسه نامى بس وانا هجبلك الدوا والكمادات راح جرى جاب لها الكمادات والدوا واداهم لها شهد : انا سقعانه أوى عمر راح جاب بطاطين من اوضته وغطاها عمر : بصي ياشهد الدكتور قالى الى انتى فيه دا نفسي احكى فضى الى جواكى حتى لو الكلام عليا شهد: لا دا مش نفسي ولا حاجه انا اكيد اخدت برد عمر: احكى هترتاحى صدقينى بس انتى كدا هتتعبي نفسك اكتر وهضطر اخدك عند دكتور نفسي شهد بعياط : انا امبارح كنت خايفه من الناس كلها اما جيت لك جرى فى المحل حسيت ان الرجاله الى بتبصلي كلهم عايزين يأذونى وبعدها كنت بقول لنفسي انى بتوهم فى الفرح بردوا كنت خايفه من الكل وبعد ما صحابك دا بين بجد انه وحش بقيت مش قادره قلبي بيوجعنى لما اقعد فى مكان فى رجاله والاقيهم بيبصوا عليا انا مش عايزه اخرج تانى عمر ونو مخنوق لانه هو الى وصلها للمرحله دى : طيب مش هخرجك تانى ومتقلقيش محدش بيجيلى غير بابا وماماا شهد أول ماسمعت أن باباه بيجيلوا ابتسمت شهد : بجد يعنى باباك هيزورنا عمر استغرب بس فرح انها اخيرا ضحكت : اه هيجوا عمر : انا فى أوضتى لو احتاجتى حاجه شهد : ممكن طلب عمر : اطلبي شهد : اقفل الباب بالمفتاح واحدف المفتاح من تحت الباب انا مش قادره اقوم ومش هرتاح غير كدا عمر بضيق انها لسا بتخاف منه ومفكراه انه وحش : طيب لو هترتاحى كدا تمام طلع وقفل الباب شهد : هو انا ليه بقوله كل حاجه كدا زى الهبله انا بخاف منو وفى نفس الوقت برتاح له سكتت ازاى افكر كدا انا نسيت هو عمل فيا ايه انا بكرهه وهفضل طول عمرى اكرههه قعدت تفكر كتير لحد مانامت ******************** خلص البارت اتمنى يعجبكم 😍❤️
