أسيره الظلام

بدايه جديده 🦋

عمر : نروح ناخد الشهاده من المدرسه ونطلعلك شهاده ميلاد جديده
شهد : اممم انا عندى فكره
وبدأت تشرحله
عمر :هتودينى فى داهيه بس ماشي أنا هروح الشغل انهارده وهرجع بليل بقا نبقا نشوف هنعمل ايه
شهد : تمام
نزلوا تحت
مريم : تعالى معايا ياشهد نحط الفطار
شهد راحت وراها
عمر : انا هروح الشغل يابابا
خالد : لسا الاجازه بتاعك مخلصتشي
عمر : هقطعها بقا بدل منا قاعد فى وشها طول الوقت
خالد : ماشي يابنى
مشا عمر وحطوا الفطار وقعدوا
مريم : مش كان فطر طيب
خالد : هيفطر فى الشغل
مريم : طب هو انتوا اضاربتوا ياشهد علشان يقطع اجازته ويمشي كدا من غير مايقول لحد
شهد : لا
خالد : فى مشاكل فى الشغل علشان كدا راح
مريم : اه تمام
كلوا وراحت شهد على أوضتها
وقعدت على السرير
شهد : اخيرا بقا هروح الكليه هييييييييييييه
بس ممكن الاقى همس وتعرفنى
والامتحان مروحتوش خلاص كل حاجه باظت اصلا انا واحده خيالى واسع مفكره انى هرجع حياتى بعد الى حصل كل حاجه راحت والمفروض اقتنع بكدا والمفروض افهم ان فى حاجات مش لياوعمرها ماكانت ليا ولاهتكون واولهم كان يوسف بس انا وحده غبيه ومش بتفهم اصلا
قامت قفلت الاوضه وفضلت تعيط
مريم برا سمعتها بتعيط جت تفتح الاوضه مفتحتش خبطت بس مفيش رد
مريم : لا دول فيهم حاجه ومخبيين عليا اكيد عمر مزعلها
طلعت التليفون
مريم : الو
عمر : ازيك ياماما
مريم : مزعل شهد ليه ياحيوان
عمر : انا مكنش قصدى
مريم : مكنش قصدك ماانت مبتفهمش اصلا يعنى ايه تسيب مراتك تالت يوم جواز وتروح من غير حتى ماتقولنا تيجى دلوقتى تصالحها علشان بتعيط فى الاوضه وقافله على نفسها
وقفلت
عمر : بحسبها عرفت لما قالتلى ياحيوان الكلمه دى بقيت بفهمها غلط
بس هيا زعلانه علشان سبتها دى مش بطيقنى اصلا وانا قايل لها انى همشي ومزعلتش بالعكس فرحت ايه الى حصل
خد حاجته ونزل ركب العربيه وروح على البيت
شهد مسحت دموعها وقامت غسلت وشها ونامت على السرير
عمر جه
عمر : ايه الى حصل ياماما
مريم : مش انتا الى زعلتها وبتقولى مكنش قصدك هيا فطرت وطلعت تعيط قول بقا عملت ايه
عمر : هطلع اشوفها
طلع عمر وخبط على الباب
شهد مامته دى مش هتسيبنى فى حالى وانا مش قادره امثل
خبط كتير وفى الاخر شهد زهقت قامت فتحت
شهد : معلشي ياما...
عمر : ايه الى مزعلك
شهد : مين قالك انى زعلانه
عمر دخل وقفل الاوضه
عمر: قولى انتى زعلانه ليه ومن غير كدب
شهد سكتت خالص
عمر : طب كنتى بتعيطى ليه ماما قالتلى انك فطرتى وطلعتى تعيطى حد قالك حاجه تدايقك
شهد :.......
عمر : طب نروح فى الفيلا بتاعتى لو هنا مدايقك
شهد :.............
عمر : اتكلمى
شهد : انا عايزه انام
عمر : وانا مش ماشي غير لما اعرف ايه الى مزعلك كنتى كويسه الصبح وفرحانه علشان الكليه والشغل ايه الى اتغير
شهد : مش عايزه اروح فى حته
عمر : لا دا الموضوع كبير بقا
شهد : ..........
عمر : ماما دايقتك
شهد :...............
عمر : نروح الفيلا
شهد:.......
عمر : ماشي براحتك
نزل عمر
مريم : ها صلحتها
عمر : مش بتتكلم
فاق لنفسه مسحوب من لسانك كان لازم تتكلم يعنى
مريم : انا طالعه لها
طلعت لها ودخلت
مريم : مالك ياحبيبتى عمر زعلك فى آيه
شهد : انا كويسه وعمر مزعلنيش
مريم : بقا كدا برضوا تخبي عليا هو قالى
شهد : قالك ايه
مريم : انه مكنش قصده
شهد : طيب ياطنط معلشي سيبينى لوحدى
مريم : ماشي
طلعت وهنا انهارت شهد
شهد : كداب واحد كداب قالى مش هقول لماما بس هو كداب وحقير وزباله
فضلت حابسه نفسها طول اليوم فى الاوضه
المغرب كدا عمر دخل ينام
شهد : داخل هنا ليه
عمر : هنام
شهد : اطلع نام بره
عمر : بس ماما
شهد : ماما ايه ماانتا قولتلها على كل حاجه ولاعايز تكدب عليا انا كمان ماانتا واحد كداب اصلا
عمر : مقولتلهاش على حاجه واللهى
شهد : بطل كدب بقا انا اصلا شيفاك واحد زباله بلاش تبوظ صورتك اكتر من كدا
عمر : والله العظيم مقولتلها
شهد : لا انا معدتش مستحملاك لا انتا ولا كدبك دا انا ماشيه هروح لاهلى وانا مغلطتش فى حاجه والى هيتكلم نص كلمه هخزق عنيه
عمر : اهدى بس واللهى ماقولت حاجه اثبتلك ازاى طب انتى عرفتى ازاى هيا قالتلك
شهد : اه قالتلى وبكل برود عمر مكنش قصده منا عرفت انتا زباله ليه اصلها هيا الى ربتك بالنسبه لها دا عادى وماله
عمر: انا بستحمل اى حاجه لكن غلطه واحده فى امى هرميكى فى الشارع
شهد : وانا همشي بكرامتى قبل ما اترمى
راحت تجيب هدومها وعمر شايط نار
جابت الهدوم من الدولاب
شهد : اطلع برا عايزه اغير وامشي
عمر مسك الهدوم منها ورماها ومسكها من ايدها
عمر : انا قولت انى مقولتلهاش يبقا مقولتلهاش وتحطى دا فى مخك الصغير بعاملك حلو كل حاجه بنفذها سبت شغلى وجيت جرى علشان سيادتك زعلانه وكل دا ولا حاجه بالنسبالك انا بقا معدتش هعاملك كويس وهثبتلك انى مقولتش حاجه لامى
جرها وراه ونزلوا تحت قبل مايدخل على ماماه وباباه
عمر : مش عايز نص كلمه فاهمه ولاافهمك بطريقتى
شهد خافت منه
دخل عمر وهو ماسك اديها وبيبتسم
مريم : مالكوا ياولاد صوتكم طالع
عمر قعد وقعدها جنبه وحط ايده على كتفها
عمر : لاياماما اتخانقنا شويه بس اتصالحنا
صح ياشهوده وراح بايسها من راسها
مريم : قولتلك ياشهد عمر ميقصدتش يزعلك مشفتهوش كان عامل ازاى الصبح
عمر  حضن شهد اكتر ونايمها على كتفه : انا فهمتها ياماما
مريم : ربنا يخليكوا لبعض
عمر : نستأذن احنا بقا كنت جاى اطمنك اننا اتصالحنا
قام وجر شهد وراه
وهيا فى قمه الذهول
دخل الاوضه وقفل الباب
وراح نام
وهيا مش فاهمه ايه الى حصل
نامت على السرير
وقعدت تفكر فى الى بيحصل
شهد : معدتش عايزه افهم ولاعايزه اي حاجه انا نفسي انام الى باقى من عمرى
****************
تانى يوم الصبح
عمر : اصحى ياشهد اصحى
قعد يهز فيها وبعدها شال الغطا من عليها
شهد قامت : انتا ازاى تعمل كدا
عمر : قومى من سكات
شهد : انتا واحد حيوان وقليل الادب
عمر مسكها من دراعها انا لاحيوان ولاقليل الادب وانتى مراتى فاهمه ولا افهمك
شهد : سيبنى ايدي بتوجعنى
عمر سابها : قومى البسي علشان نروح الشغل
شهد : مش عايزه
عمر : مش بمزاجك
راح الدولاب طلع لها لبس ورماه فى وشها البسي دا يلا
شهد : طب اطلع
عمر : مش طالع وراح قعد على الكنبه
شهد بدات تعيط وخايفه منو
راحت لاخر الاوضه وادته ظهرها وبدات تغير
عمر حس انو زودها عليها طلع من الاوضه وسابها
شهد لبست وغسلت وشها وحطت مكياج يخبى عنيها الى ورمت من عياط امبارح وانهاردا
ونزلت
خالد : تعالوا ياعيال افطروا
عمر : لا احنا هنفطر برا وهنروح الشركه متستنوناش على الغدا
ومسك ايد شهد ومشا
اول ماطلعوا سحبت اديها ركبوا العربيه وطول الطريق دموعها نازله
عمر بهدوء: كنتى مدايقه ليه امبارح
شهد:.........
عمر : انا آسف على نرفزتى بس انتى ترضى حد يتكلم على اهلك بكلمه
شهد :.............
عمر : وكمان يبقا هو الظالم وهو الى حكم من غير مايفهم
شهد :.............
عمر وقف العربيه مره وحده وشهد اتخبطت
ومسكت راسها
عمر : انتى كويسه
شهد بدأ صوت عياطها يعلا
عمر مسك راسها يشوفها اتعورت بس كانت خبطه بسيطه
عمر : الحمدلله مفيش حاجه بتوجعك؟
بصلها وشها كله دموع وعنيها ومناخيرها حمر
عمر : انا آسف على كل حاجه متعيطيش بالله عليكى
شهد عيطت اكتر ونزلت وشها فى الارض
عمر حضنها جامد وفضلت تعيط
وبعدها زقته وبصت لشباك وادته ظهرها
شهد : مره تانيه لو استغليت اى فرصه بعيط فيها او منهاره فيها متلمش غير نفسك
شغل العربيه ومشا راح مطعم
عمر : انزلى
شهد : مش جعانه
عمر : انزلى ياشهد براحه اهو انتى الى بتعصبينى وبعد ماازعق تعيطى نروح نطبطب عليكى نبقا بنستغل الفرص
نزلت شهد
قعدوا وطلب أكل
عمر : اتكلمى بقا ايه الى مدايقك وكل حاجه وليها حل
شهد : مش عايزه ومش انتا الى هتحل مشاكلى انتا مجرد سبب فيها
متعملش نفسك ولى أمرى ولاجوزى لانك ولاحاجه
عمر : براحه احنا فى الشارع
شهد : محدش قالك تجيبنى
عمر : بجد انا تعبت وانتى مش بتتراضي ولا نافع معاكى حاجه اصلا
فضلوا قاعدين ساكتين وجه الاكل
عمر كل وشهد فضلت قاعده من غير أكل
عمر : يلا
شهد قامت وراه
راحوا الشركه دخل عمر وشهد وراه
ووصلوا اوضته
راح عمر قعد على المكتب
وشهد فضلت واقفه
عمر : اقعدى هنا على مااشوفلك حاجه تعمليها والغرف هنا مليانه فهتبقى معايا تساعدينى
شهد راحت قعدت
وعمر كان مشغول فى ورق وحاجات
وبعدها جاله تليفون
عمر : الو
على  : بص انا حجزت للامتحان باعجوبه وانهاردا اخر يوم ومكنوش راضيين يقبلوا
عمر : الحمدلله انك عرفت
على  : اه باقى ساعه على الامتحان يدوبك تلحق تجهز وتروح
عمر : ماشي ياعلى ربنا يخليك
قفل
وقام جر شهد وراه وطلع ركبوا العربيه
عمر شغل فيديوا على موبايله الحاجات الى بتيجى فى امتحان فنون جميله : خدى اتفرجى علشان حجزتلك تمتحنى
شهد : مش عايزه
عمر : امتحنى ونبقا نقرر بعدين
شهد : مش هروح فى حته انا
عمر : قولتلك هتروحى يبقا هتروحى ومفيش نقاش معايا الى اقوله يتنفذ لاما تدينى مبرر مقنع
شهد سكتت لان صوته كان عالى وخوفها
اتفرجت على الفيديوا وبعدها نزل ودخلها زى كانه بيودى بنته الحضانه قبل ماتدخل
عمر : ركزى وارسمي الى يجى فى بالك متجبريش نفسك على التخيل انتى قدها
طبطب على كتفها وسابها تدخل
دخلت شهد وهيا متوتره وبدا الامتحان
عمر كان قاعد فى العربيه يدعى لها
وأول ماطلعت جرى عليها
عمر : عملتى أيه
شهد بفرحه : كان سهل والرسمه طلعت تحفه المراقب بياخدها انبهر
عمر فرح : الحمدلله يلا اركبى
ورجعوا تانى الشركه
دخل عمر يكمل شغله وهيا قاعده تلعب فى الحاجه وزهقانه جدا
عمر كان فاهم لانوا مركز معاها
عمر : خدى الاب توب دا افتحى واتفرجى على الديكورات الى فيه او شوفى مسلسل اعملى الى انتى عايزاه
راحت شهد خدته وقعدت تتفرج على الديكورات وبعدها زهقت فشغلت مسلسل تركى وقاعده تتفرج وتعيط
شهد : غبي واللهى غبي ولابيفهم كمان كلهم زي بعض
عمر بيضحك عليها وعلى منظرها
واستنى لحد ما كمل شغله
وراح جاب لها مناديل
عمر : امسكى وطفى المسلسل عايز اتكلم معاكى
شهد خدت منه المناديل ومسحت دموعها
عمر : مش انتى كنتى فرحانه انك هتقدمى وتشتغلى معايا
ايه الى اتغير فى ساعتين امبارح بقا
شهد : هقولك بس عايزه افهم الى حصل امبارح جيت ازاى وقولت لمامتك ايه
عمر : مفيش هيا اتصلت وزعقتلى علشان انتى بتعيطى وقالتلى ياحيوان فانا فكرت انها عرفت قولتلها واللهى مكنش قصدى وبعدها فهمت انها متعرفش حاجه وجيت علشان انتى بتعيطى هيا فهمت اننا مضاربين وانا مثلت انى بجد مضارب ومزعلك بس مش اكتر
شهد : اممم
عمر : انتى بقا كنتى بتعيطى ليه
شهد : تقدر تقولى هروح الجامعه ازاى وصحبيتى هتروح نفس الجامعه ويزن ابن عمى اكيد هيوصلها كام مره كدا
عمر : هو دا الى مخليكى تعيطى كل دا
شهد : كان فيه امتحان الجامعه بس انتا حليت الموضوع
عمر : البسي نقاب
شهد : ليه
عمر : لاسباب كتير ومن ضمنها محدش يعرفك من اصحابك او اهلك
شهد :بس
عمر : فكرى دا الحل الوحيد لاما هيشوفوكى وبعدها تقوليلهم انك فاقده الذاكره بس فاكره الكليه الى نفسي ادخلها وفاكره اسمى وعنوان بيتى ومش عايزه اجيلكم
شهد : طب كدا لما ارجع هيعرفوا
عمر : ابقى عرفى صحبتك ويزن دا وبس الباقى مش لازم واعملى نفسك بتروحى الكليه يعد ماتخلصى وروحى اى حته
شهد : طيب
عمر : تمام لما حاجه زى دى تحصل قولى ونلاقى حل مش تتكومى وتعيطى ومتكلميش حد
شهد :.........
عمر : اهو اكتر حاجه بتنرفز منها اتكلم والى قدامى ميردش
شهد : مش عارفه اقول ايه
عمر : قولى حاضر ولا صعبه اوى
شهد : لا مش صعبه حاضر
عمر : يحضرلك الخير يارب وتفضلى عاقله كدا
شهد ضحكت على اسلوبه
***^*^^^*^^^^^
فى بيت عمو مصطفى
رن الجرس وليلى راحت تجرى مفكراها شهد
فتحت الباب لقتها رنا
ليلى بحزن : رنا ادخلى يابنتى
دخلت رنا وأحمد وراها
رنا : ايه ياماما مالك
ليلى : كنت بحسبها شهد
رنا حضنت والدتها : هنلاقيها بإذن الله
ليلى :يارب صحيح انتى ايه الى جابك دلوقت
رنا: يوسف قالى على شهد ومقدرتش اقعد
ليلى : هتعملى ايه يعنى محدش بإيده حاجه غير الدعاء
رنا : ربنا يرجعهلنا على خير أحمد هيدور وانا هسأل كل الى تعرفهم ممكن تكون عند حد منهم وهنلاقيها
ليلى : ماشي يابنتى
رنا : هروح انا واحمد بس هاتى سيف اسلم عليه
ليلى دخلت جابته
سيف : خاتو ننا
رنا : حبيب خالتوا
سيف : ماما مث معاكى
رنا : لا معايا قاعده فى البيت عندى شويه وهتيجى
سيف : خدينى معاكى
رنا : لا اقعد هنا وهيا هتيجى وتعملك مفاجأه
سيف : بجد
رنا : اه ياحبيبى
باسته وحضنته
واحمد كمان باسه وحضنه
أحمد : متقلقيش ياماما ان شاءالله هنلاقيها
ليلى : ربنا معاكوا يابنى وتلاقوها بأسرع وقت يارب
الاتنين يارب نزلوا يدوروا على شهد
***********
محمد :الو
يوسف : ازيك يامحمد
محمد : مش عارف اقولك ايه بس انا رايح اخطب و..
يوسف: هرجعلك الفلوس تعالى بكرا الساعه ٥ والف مبروك مقدما
محمد : الله يبارك فيك مش هتيجى معايا ولا ايه
يوسف: هاجى طبعا
محمد : ماشي سلام
قفل معاه
يوسف : يادى الهم
***************
عمر : انا خلصت يلا نروح
شهد : ينفع اخد اللاب معايا
عمر : فى واحد فى البيت وفيه تليفون كمان هديهولك
شهد : شكرا
عمر : على ايه ياهبله
شهد بصتله ورفعت حاجب
عمر : انكرى انك هبله كدا
شهد : فى دى عندك حق هههههه
نزلوا ركبوا العربيه ورجعوا مبسوطين
وطلعوا على اوضتهم
مريم كانت فرحانه وخالد مستغرب بس فرحان ونفسه يبقوا كدا على طول ضحكه ابنه تساوى عنده الدنيا ومافيها
شهد دخلت غيرت وهو فضل واقف عامل نفسه بيتكلم تليفون فى البلكونه
وبعد شويه جه
عمر : ادخل
شهد : اتفضل
دخل وغير هدومه وراح قعد يقلب فى تليفونه على الكنبه وشهد قاعده بالمسلسل
لحد ما الساعه بقت ١١
عمر : مش جعانه
شهد : تؤ تؤ
عمر : دى اه ولا لاء
شهد مركزه فى المسلسل ومردتش عليه
عمر راح وسابها
طلب دليفرى بيتزا
وبعد ماجه
داخل الاوضه ومعاه البيتزا
وشهد قاعده تتفرج
فتحها والريحه طلعت
شهد بصت : اه قلبي الصغير لايتحمل
عمر : مش هديكى
شهد قلبت شفتها : واللهى انزل اقول لعمو خالد انك ماملتنيش من الصبح وبتعذبنى كمان
عمر : تعالى كلى انا جايبها كبيره علشانك اصلا
راحت قعدت جنبه وكلوا
واول ما خلصت قامت لالمت الاكل ولاحاجه غسلت اديها وقعدت للمسلسل
عمر : واللهى مخها راح خالص
لم هو الحاجه ونام
وكل شويه يقوم يلاقيها نفس القعده
عمر قام وراح يشوف بتعمل ايه
عمر : كفايه كدا هاتى اللاب ونامى
شهد : عايزه اكمل الحلقه
عمر : الصبح
شهد وهيا مضايقه ادته اللاب ونامت
على السرير بس مش جايلها نوم فضلت تتقلب وتتقلب كتيييير وفى الاخر قامت راحت على الكنبه
شهد : عمر ياعمر قوم كدا
عمربنوم : فى اي
شهد : مش هنفذ الخطه
عمر : بكرا
شهد : لا الوقت دا حلو
عمر : مش قادر سيبينى انام
ولف اداها ظهره
شهد قامت وقفت وفضلت تهز فيه وتزن عليه
عمر لف مره وحده وبيزعق
وهو بيلف وقعت عليه
شهد مش عارفه تقوم
عمر : احسن خليكى كدا علشان تبطلى زن شويه
وغمض عينه تانى
شهد بتفرك فوقه علشان تقوم وفى الاخر سندت بكوعها فى قلبه وقامت
عمر : ااااااااااااااااااه يامفتريه
شهد : وجعتك
عمر : انتى خرمتينى مش وجعتينى
شهد : معلشي انا اسفه انتا الى مرضتش تقومنى
عمر : يعنى بردرا انا الى غلطان انتى الى جيتى تزنى ووقعتى فوقى انتى عارفه الساعه كام دا وقت نوووم يلا روحى نامى
شهد : مش عارفه انام ومش جايلى نوم قوم يلا
عمر : اقوم اعملك ايه
شهد : قوم نروح نعمل الى قولتلك عليه
عمر : لا كدا كتيير واللهى انا معملتش حاجه وحشه فى حياتى علشان ربنا يرميكى عليا الرميه السودا ديه
شهد : بقا كدا
عمر : واسوأ كمان
راحت جابت ميه وكبتها عليه
عمر قام وهو بيشهق : انتى عملتى ايه الكنبه اتغرقت انام ازاى دلوقت
شهد : قوم مش لازم تنام
عمر : عندى شغل بكرا حرام عليكى هنبقا نروح بكرا بليل
شهد : طيب انا راحه انام وانتا نام فى الميه علشان تتعلم ازاى تتكلم معايا
شهد مشت وراحت نامت على السرير
عمر قام جاب هدوم من الدولاب وغير هدومه حاول يحط حاجه علشان ينام بس القماشه شربت الميه واتبلت
عمر : طب واللهى لوريكى ياشهد
راح ونام على السرير
شهد : انتا بتعمل ايه
عمر : بنام
شهد : هو دا مكانك
عمر : اه دا سريرى من وانا عندى سنه جات وحده كدا احتلته ورمتنى على الكنبه ومش مكفيها راحت بوظت الكنبه كمان
شهد لسا هتتكلم
عمر : نص كلمه كمان هوديكى تنامى على الكنبه المبللوله وتقومى تعبانه وظهرك متكسر
شهد سكتت وحطت مخده صغيره بينهم وادته ظهرها ونامت
*********************
خلص البارت ياحلوين
ايه هيا خطت شهد وعمر
رنا هتلاقى شهد ولا هتكمل الخطه زى مخططوا لها
سيف هيكمل حياته ملوش حد زى شهد ولا شهد هترجع له وتبقا اموا زى زمان
كله دا هنعرفه قريب ياحلوين ❤️😻