أسيره الظلام

الهجره الغير محببه

يوسف بيبص لها وجواه
يمكن مانرجع نحكى
اعطنى وعد ماتبكى
فرجينى هاك الضحكه
الى بحبا انا
اوعك تزعلى منى
تحكى لغيرى عنى
عيشي العمر واتهنى
وانسينى انا
قد ايه كنت بقول عن الناس الى بتتكلم بالاغانى تافهين بس لاقيت ان الاغانى فجأه اتفصلت عليا تفصيل لقيتها طلعت وقت ماعجزت عن الكلام
اه ياشهد لو تعرفى انى حسيت انى بخونك رغم انوا مفيش بنا حاجه بس انتى بالنسبالى كنتى ملكى وانا ملكك كسرتى كل حاجه بينا دخلتى شخص تانى قطع كل الحبال الى بينا
بس بحبك ومش عارف هقدر اناساكى ازاى
"ولكن ماقيمه المشاعر إن لم نعبر عنها "
شهد جواها
بحبك جدا بس مش هقدر اقولك لانك بقيت من نصيب غيرى رحت برجلك لها مفهمتش توترى وكلامى حاولت اكتر من مره افهمك بس برغم ارتباكى وتوترى مفهمتش
الى بيحب بجد بيفهم الى بيحبه من عيونه
انت مفهمتش كل تصرفاتى دى ورحت لغيرى
كرامتى فوق كل حاجه يايوسف
دقت قبلك وجع اكبر بكتييييير واستحملت
اه المره دى هتوجع بزياده لانى طاقتى خلصت
هتوجع بزياده لانى انطفيت من الوجع معدش عندى قدره
اتحمل اكتر من كدا بس هتمر الايام والزمن قادر يرمى ترابه على ذكرياتك ويدفنها جوا قلبى
اه لو يخترعوا جهاز مسح ذاكره امسح بيه كل الذكريات مع اول ما تطلع من حياتى امسح لحظاتى معاك مكنتش تعبت كدا
"والقلب احق بالزهايمر من العقل "
فاقوا على صوت  سيف
سيف: ماما بيبى
شهد فاقت من سراحانها وخدت سيف وطلعت دخلته الحمام
وقعدت توضب الحاجات الى جابتها من السوق
يوسف طلع جاب شنطته وركب العربيه وراح على الغردقه
الطريق كان طويل بياخد ٧ ساعات
قرر يشغل الراديوا على الاغانى تسليه فى طريقه
واشتغلت اغنيه
مستحيل العيشة دي تبقى بعدك
ليها طعم ولون في بعدك آه
مستحيل العيشة دي تبقى بعدك
ليها طعم ولون في بعدك وآه
مهما تبعد هتلاقيني برضه جمبك
جوه حضن رموش عينيك وجوه قلبك
مهما تبعد هتلاقيني برضه جمبك
جوه حضن رموش عينيك وجوه قلبك
لما بسرح كنت أروح نفس الأماكن
اللي فيها حبنا عايش وساكن
وأفتكر كان إيه كلامنا
مفتكرش في يوم زعلنا
كنا دايما عصفورين طايرين سوى
يوسف: هعيش من غيرك ياشهد انا بحبك لدرجه انى هنسحب بهدوء من بينكم واسيبك تتبسطي مع الى بتحبيه حتى لو كان على حساب نفسي
****************
عند شهد
شهد : ياترى وصل ولا لسا طب ارن عليه اطمن ولو رنيت هقول ايه يارتنى قولتله ميمشيش ياريت كنت اتكعبلت ووقعت فى حضنه وقلتله على كل الى فى قلبي وخلصت
"لاتخبئوا الكلام فلن يرثه أحد ليقوله ولاتؤجلوا الرسائل فقد تتغير العناوين "
فضلت شهد تفتكر كل المواقف الى بينها وبين يوسف وتعدلها على مزاجها لحد ماتعبت وراحت فى النوم
********
شهد: انا لازم اطلع فوق واطمن منهم وصل ولا لاء بس سيف مفطرش ولاانا
بصت لسيف
هنفطر الاول ياجميل ونطلع نلعب مع ريناد
سيف: هيه هيه هيه
شهد : هههههههه
اكلوا وطلعوا
شهد بتوشوش لينا: هيا طنط ليلى اتصلت على يوسف
لينا: اه وصل الحمدلله
شهد: الحمدلله ، مازن قالك عملوا ايه امبارح
لينا: طلبوا البنت وقرؤوا الفتحه وبس
شهد: وبس يعنى يوسف طول الوقت كان مع مازن
لينا بعدم فهم: اه اومال هو هيروح فين مش رايحين يطلبوا البنت ليه
شهد : منا عارفه بس طول الوقت يعنى كان قاعد جمب مازن متحركش
لينا فهمت : متشغليش بالك ياشهد انسيه
شهد سكتت
ومن جواها مفكرين بسهوله هضغط على زرار النسيان هنسى
وقطع سكوتهم هجوم رنا
رنا: انتى يابت انتى وهيا سايبين العيال يلعبوا فى جهازى وقاعدين متنحين انتوا الاتنين قوموا لموا عيالكم
شهد ضحكت على منظرها
لينا : ماتقعدى تفرجيهم وتلعبوا لحسن انا تعبت منها ومن زنها واللهى
رنا : ياسلام تخلفى وترمى بلاكى علينا روحى خدى بنتك وانتى خدى سيف وشوفوا هتودوهم فين علشان هننقل العفش النهارده ولسا فى حاجات ناقصه لازم نشتريها انا فرحى بعد اسبوعين وحفله تخرجى من الجامعه بكرا وانتوا قاعدين متنحين  اخواتى ازاى انتم
ودخلت متنرفزه
راحت شهد ولينا ياكلوا ريناد وسيف.ويدوهم لطنط ليلى
وبدأت رحله العناء
نقلوا جهاز العروسه وقعدوا يظبطوا الشقه
رنا: يلا مجبتش لبس لحفله بكرا
لينا: لا بقا البسي اي حاجه من عندك انا مت مش قادره
شهد : خلاص انا هاجى معاكى
" الوجع لا ينسي ولكن انشغالك عنه يخفف من المه "
راحت رنا وشهد
رنا: ماايه رايك تجيبى الدريس البيزك دا والجاكت دا هيبقوا حلوين عليكى ياشهد
شهد: لا مش عايزه اشترى انتى
رنا: بلييييز علشان ابقى اخودهم لفه
شهد : بجد يارنا مش عايزهم ممكن اجبهملك هديه منى لو انتى عايزهم لكن انا مش عايزه اشترى حاجه
رنا: لا بهزر كنت بقولك كدا علشان تجبيهم
رنا اشترت جيبه بيضه دانتيل وبلوزه سمرا شيفون
وطلعوا من المحل
رنا: تعالى اعزمك على حاجه حلوه
شهد : لا مليش نفس يلا نروح
رنا : عشان خاطرى
شهد : لو عايزه جيبى انتى مليش نفس واللهى
رنا : ازاى دا انتى مكلتيش حاجه من الصبح
شهد : مش جعانه ولا ليا نفس اكل يلا نروح بقا زمان سيف مغلب طنط ليلى
" وماذا عن قلب لم يعد يشتهى شيئًا "
روحوا واخدت سيف ونزلت شقتها
قعدت شهد كعادته بعد مانيمت سيف تفتكره "فطيفه لا يفارقها "
شهد : هو انا ليه زعلانه بجد يعنى انا ليه زعلانه قوليلى ياشهد زعلانه ليه مهو دا الطبيعى حياتك كدا دايما افتكرى معايا من البدايه كدا وانتى صغيره اتعرفتى على بنت وصاحبتيها حبيتها اوى ووعدتوا بعض تكبروا سوا نقلت وسابتك وهما بس سنتين الحضانه الى قعدتوها سوا وبعدين روحتى مدرسه الابتدائى صاحبتى بنت وحبيتها وبعدين سافرتى وسيبتها انتى قعدتى تعيطى عليها وكل يوم ترنى عليها وهيا تكنسل وتقولك ماما عايزه التليفون صح ولا لا اتعرفتى على بنات فى الامارات بس اطول صداقه دامت كانت مدتها تلت سنين وهيا اريام واديها مسألتش عنك اختك وسابتك امك وسابتك ابوكى والمفروض انه طلع من المستشفى بدل مايرجعلك قاعد هناك علشان الشغل مع انه ممكن يجى ويديره من بعيد زى ماكان فى المستشفى بس هو اختار شغله وسابك حتى ادهم الى كان ليكى الاب التانى سابك كل دا وانتى عايشه عادى وبتنسي وتضحكى جت على يوسف بقا الى لما يسيبك هتوقفى الدنيا علشانه ياشهد انتى مكتوب عليكى كدا فوقى مكتوب عليكى تفضلى لوحدك وبكرا كل الى حواليكى هيروحوا ويسيبوكى
اتنهدت بوجع
انا خلاص معدتش هزعل على حد الى عايز يمشي يمشي انا تعبت بجد كفايه بوجع فى قلبي وروحى على الفاضى على ناس مفكرتش فيا للحظه
وفى مكان بعيد
يوسف كان قاعد بيبص من الشباك الى بيطل من على البحر
ياترى بتكلمه دلوقتى ولا بتفكر فيا زى مابفكر فيها
قعد ينفض الافكار من راسه
لا انا مش هفكر فيها انا هنساها انا بحب خلود بس لازم اقنع نفسي بكدا شهد مجرد انسانه صعبت عليا زى مامحمد قال
ودخل ياخد دوش
ومنساش بردوا فتح دفتر عنده وبدأ يكتب
فى كل مره أنظر فيها للسماء أجد القمر والنجمه بينهما مسافه بعيده جدا ولكنى دائما ما أجدهما ينظرون لبعضهما ،، تمامت كما أجد نفسي لا أفكر إلا بك وحينها لا أتذكر إلا وجهك 
*******************
حفله رنا
كانت حفله فى الجامعه رسميه جدا كلهم لا بسين فساتين والشباب قمصان وبناطيل وفوقهم روب التخرج
ومدير الجامعه والدكاتره والمعيدين واقفين المدير ينادى الاسم والطالب يروح يستلم الشهاده ويسلم على الدكاتره والمعيدين ويلقى كلمه ويروح يقف مع اصحابه
المدير : رنا مصطفى الباشا
رنا طلعت سلمت عليهم واستلمت شاهدتها وطلعت تلقى كلمه بالتركى