أسيره الظلام

البارت التاسع

فى بيت شهد
شهد قاعده وشايله سيف فى حجرها
وكل شويه تبص فى التليفون
شهد : طب ورنا زامنها بتكلم اصحابها أو أحمد ويزن زمانه بيعيد على همس ولينا زمانها مقضياها مع مازن يوسف مش بيعيد عليا ليه
اوف بقا سيف بص انا هقولك كل سنه وانتا طيب وانتا تقولى كل سنه وانتى طيبه ماشي
يلا كل سنه وانتا طيب
سيف : تيب (طيب)
شهد : لاء قولها كلها متقولش اخر كلمه بس
سيف قعد يضحك ويبص لها بطفوليه
شهد : هو انا بزغزغك انتا اهبل شبه حنين واللهى
وسكتت
وفضلت ساكته وبتفتكر حنين وأدهم واخر عيد معاهم كانوا فى الشاليه وكانوا بيهزروا ويضحكوا وافتكرت موت مامتها وقعدت تعيط
سيف بدأ يعيط زيها
راحت عملت له بيبرونه وحطت دوا الكحه فيها علشان ينام نام سيف
وحطته فى السرير
وطلعت صورالمصيف القديم مع حنين وقعدت تتتفرج وتعيط
**********
عند يوسف
كان بيتكلم  مع خلود
خلود : كل سنه وانتا طيب يايويو
يوسف: وانتى طيبه بس يويو دى جبتيها منين
خلود : بدلعك
يوسف : بصفتنا ايه ان شاءالله
خلود : بصفتى انى بحبك
يوسف اتصدم من جرأتها وقفل الشات
وقعد على البحر سرحان
****************
عند رنا
قعدت تستنى اتصال من أحمد او أى حاجه
وشويه لقت رساله منه
أحمد : كل سنه وانتى طيبه ياجميله وسلميلى على بابا ( هو مفكر انها لسا معرفتوش)
رنا: وانت طيب ياعمو وحطت قلوب كتيييييير
وطلعت مبسوطه قعدت جمب يوسف
رنا : يوسف سرحان فى إيه
يوسف: ولا حاجه
رنا: أيه رأيك نرجع انهاردا ونعيد مع شهد
يوسف: يبقا احسن بردوا
وراح يوسف يقول لعمو مصطفى ورنا راحت تلم حاجتها
************
عند يزن
كان قاعد وماسك التليفون
يزن: أرن عليها ولا هيبقا عيب انا هبعت لها رساله وهيا متعرفش رقمى
همس كانت ماسكه التليفون بتقلب فيه
وصلت لها رساله
: كل سنه وانتى أجمل حاجه فى دنيتى كل سنه وانتى القمر الى بينورلى حياتى وان شاءالله الاعياد الجايه تبقى مراتى وفى بيتى
همس فرحت بالكلام دا
وقالت ياترى مين الى باعت الرساله كانت عايزه تعمل بلوك للرقم بس فضولها قتلها وبعتت له
انت مين
يزن مردش عليها
********************
عند مازن ولينا
لينا كانت لابسه فستان كاشمير قصير واكس من ورا ظهرها باين وفاكه شعرها الأصفر وريناد لابسه شبه مامتها بس اطفالى بقا ولابسين نفس الاطواق ونفس الشوز
مازن دخل ومسك قلبه بطريقه كوميديه: ايه الجمال دا هيغمى عليا اه قلبي مش قادر
لينا ضحكت : كل سنه وانت طيب ياحبيبى
مازن راح باسها :وانتى طيبه ياقلبي ( طلع بوكيه ورد صغير فيه ثلاث وردات وملفوف جواه العيديه وشوكولاته ) واداه لها
لينا : الله حلو اوى ربنا يخليك ليا
لسا هتروح تحضنه لقت ريناد طلعت فى النص
ريناد : بابا انا ايزه ولده ( بابا انا عايزه ورده )
مازن شالها : حاضر ياقلب بابا هجيبلك ورده بكرا
ريناد عيطت : دوقتى اهئ اهئ
مازن : هروح اجيب ليها ورد يالينا وهديها لأى حد وارجعلك  وغمز لها
لينا خدودها احمرت : ماشي
مازن طلع عيد على اخواته واداهم عيديه كلهم
وسلم على والده ووالدته وراح جاب الورد لريناد واداها لليلى
عند عمو مصطفى
ليلى قاعده بريناد
ويوسف دخل : بابا انا هروح انا ورنا لشهد وممكن يزن يجى معانا احنا زهقانين ماشي
مصطفى : تمام ياابنى خد الفلوس دى عيديتك وعيديه اخواتك وشهد كمان
يوسف فرح ان باباه سمع كلامه ورجع عن غلطه وباس ايديه ومشا
**************************
شهد قاعده وحوليها صور كتير تشوف صوره تضحك وترجع تانى تعيط وترجع تضحك وتفتكر ذكرايتها مع حنين
وبعدها ضمت رجليها وانهارت من العياط
فضلت على الوضع دا كتيييير
وفجأه لقت حد بيحضنها من ظهرها
لفت لقتها رنا  ووراها يوسف ويزن
رنا: بقا كدا تعملى فى نفسك كدا أول يوم العيد وتقوليلى انا بقيت كويسه
شهد حضنتها جامد : مش عارفه انسى يارنا كل حاجه بتفكرنى بيهم
رنا : خلاص ياحبيبتى انا مش هسيبك لوحدك تانى
يوسف: وسعى كدا خلينى اسلم عليها
شهد ورنا ضحكوا ودا كان هدف يوسف
خدها فى حضنه ونعكش لها شعرها وزقها
شهد فى نفسها هو حنين ولااهبل دا لاء هو شكلوا اهبل اكيد
يزن سلم عليها بالأيد وقرب منها يوشوشها : متعزمى همس تيجى تقعد معانا
شهد بضحك : اممم هتدينى كام
يزن : العيديه كلها
ضحكت جامد وبصت لهم : وحشتونى اوى
يوسف : خلاص كفايه عواطف وترحيب وحد ينزل يجيب اكياس اللحمه معايا علشان نشوي
نزل يزن ويوسف
ورنا وضبت حاجات السلطه والشوايه وطلعتهم على السطح
شهد دخلت لبست فستان العيد كان لونه لبنى شيفون وبأكمام وطويل لبسته وعملت شعرها ضفيره ولبست سيف وخدته وطلعت كلهم فوق
قعدوا يشغلوا اغانى ويوسف بيشوى وكل مايطلع حته ياكلوها وهو يزعق لهم
خلصوا شوى وقعدوا يلعبوا لعبه الصراحه
اول دور كان بين شهد ويزن وشهد هيا الى المفروض تسأل
شهد : بتحب همس قد إيه
يزن اتكسف ومردش
يوسف ورنا : هو انتا بتحب همس
يزن : منك لله ياشهد اه بحبها
رنا سقفت ويوسف صفر
شهد : اهو اي خدمه خدت موافقه اهلك ههههه
يزن : موافقه ايه بس دانا هيتحفل عليا
شهد : لاء مش هيحفلوا ولاحاجه واستنى ارن عليها تيجى
شهد : الو
همس: ازيك ياشهوده معلشي ماما من الصبح وخدانى وبنلف على قرايبنا ونسيت ارن عليكى انا اسفه
شهد: لا ياحبيبتى عادى لو فاضيه تعالى البيت عندنا انا واولاد عمى بنشوى ونلعب على السطح تعالى معانا
همس : حاضر هقول لماما واجيلكم
شهد : تمام مستنياكى
قفلت من هنا وبصت ليزن
وقعدت تضحك ا
شهد: والله لو مكناش قاعدين كان زمانك قمت ترقص
يزن :الصراحه اه
وكملوا اللعبه
جه الدور على رنا ويزن ويزن هو الى يسأل
يزن : بتحبي
رنا : اممم اه
يزن : بجد مين وازاى وتحبي من ورانا ياقليله الادب بتكلميه
ولا بتتقابلوا دانا هطلع عينك
شهد ادخلت : اهدى بس كدا دى بتحب جواها لاقالت له ولا هو قال لها حاجه يعنى مشاعر جواها ولا هتعاقبها على الى جواها كمان
يوسف: ومن سعيد الحظ
رنا:دكتور فى الجامعه
يوسف: امممم تلاقيه متجوز ومخلف عيال قدك
رنا: هو مش كبير ولا متجوز وكمان كلمنى قبل العيد وطلب رقم بابا يعنى احتمال يتقدم بس برضوا احتمال يكون تكريم
يوسف: لا مدام طلب رقم بابا يبقى ابن أصول ابعتيلى بس رقمه واسمه بالكامل علشان اسأل واطمن
شهد : خلاص عملتوا عصابه على البنت وبعدين لسا متقدمش ولا كلموا بعض اهدوا شويه
يزن ويوسف : اختنا ولازم نطمن
رنا وشهد ضحكوا وكملوا اللعبه
جه الدور على يوسف ورنا ورنا هيا الى تسأله
رنا : عمرك شفت بنت ولفتت نظرك من أول نظره يعنى اسلوبها شكلها كدا
يوسف : اه
رنا بتغمز لشهد :مين هيا بقا
يوسف: خلود
رنا اتصدمت : خلود مين صحبيتى ودى عجبك فيها ايه دى
يوسف: جرأتها بنت قويه كدا وتحسي مش هامها حاجه الى عايزه بتعرف تاخده مش جبانه
شهد قعده تسمع الكلام وهاين عليها تعيط
رنا : طب وبتحبها ولا مجرد اعجاب
يوسف:لاحب ولا اعجاب دى بس لفتت نظرى مش اكتر
شهد ارتاحت : كفايه كدا بقا يلا نقوم نطير طيارات ورق
قاموا ولعبوا
ويزن طيارته وقعت فى الشارع قبل ماتطير وبص ملقهاش فكر ان عيال الشارع خدوها وقعد زعلان
فجأه لقو همس داخله عليهم وفى ايديها الطياره 
همس: ازيكوا دى وقعت فى الشارع قلت اكيد بتاعكوا
يزن فرح وراح ياخد الطياره كان هيحضنها بس رجع لورا وفاق على نفسه ويوسف كان رافع له حاجبه
يوسف: اتظبط ولا هظبطك
يزن: واللهى مش اقصد حاجه فرحت علشان الطياره وبعدين لم نفسك انتا كل شويه تحضن شهد
يوسف: شهد زى اختى اما انتا وهمس مش شبه الاخوات خالص
يزن : طيب اسكت بقا
قعدوا يلعبوا شويه
رنا: انا عايزه اروح الملاهى
همس: وانا كمان
شهد : سيف هيفرح اوى بالملاهى
يوسف ويزن : تمام يلا اجهزوا
خلصوا لبس ونزلوا
كلهم فى عربيه يوسف
شهد قدام ومعاها على حجرها سيف
ويزن وهمس ورا ورنا قاعده فى النص بينهم
واشتغلت اغنيه " انت ثامن عجيبه "
كلهم مش عارفينها معادا شهد
كانت بتغنى معاها وصوتها روعه
كلهم كانوا بيبصوا عليها وأول ماخلصت الاغنيه رنا وهمس سقفوا لها
يوسف: صوتك حلو اوى هنقدملك فى ذا فويس ههههه
شهد بكسوف: مش لدرجادى انا بدندن بس لكن مش بعرف اغنى اوى
رنا: لاء متقوليش كدا انتى افتحرى بصوتك دا تحفه
همس : اه جدا ولا ايه يايزن
يزن : اه صوتها حلو
شهد: خلاص ياجماعه متكسفونيش
سيف: ماما اوتها ميييل ( ماما صوتها جميييل)
شهد ضحكت وباسته
وصلوا الملاهى
وأول مادخلوا
شهد وهمس : الله الحصان احنا هنركب الحصان
كلهم بصوا لهم وضحكوا
راحوا قطعوا التذاكر
شهد مقعده سيف قدامها ومسكاه  وفى الحصان الى جمبهم همس وكل الناس كانوا بيضحكوا عليهم علشان رجلهم بتزحف فى الارض واللعبه بتاعت بيبهات
خلصوا ونزلوا
رنا ويزن وهمس راحوا ركبوا السلاسل
همس : انا رجلى هتخبط فى السفينه الى هناك وصوتها خايف
يزن بيضحك عليها : ياهبله هما حاسبين المسافه بين اللعب متقلقيش غمضى عينك واتخيلى انك بتطيرى
همس غمضت عنيها : اه انا بطيييير جربى يارنا حلو أوى
رنا عملت زيها : وقعدوا يغنوا
"انا بدى أطير" ويزن يضحك عليهم
يوسف وشهد راحوا جابوا شكولاته علشان سيف وكان
يوسف هو الى شايلوه
سيف أكل الشكولاته ووشوا كله شوكولاته وايديه وراح مسك وش يوسف بإيديه الاتنين وشكلهم كان بيضحك يوسف وشوا شكولاته ومتعصب وسيف كله شكولاته وبيضحك وفرحان
شهد بضحك : يخرابي على منظركوا
طلعت مناديل ومسحت لسيف وخدته ومسحت وش يوسف الى بصلها شويه وضحك وبعدها خد المنديل منها وكمل
ست عجوزه قربت من شهد ومسكت سيف من خدوده : ربنا يخليهولك يابنتى زى العسل ويسعدك انتى وجوزك وبصت على يوسف وادت لسيف بوبونى ومشت
شهد ويوسف كانوا بيبصوا لبعض ويضحكوا
رنا ويزن وهمس خلصوا العبه ورنا خدت سيف من شهد
رنا : روحوا العبوا انا تعبت هجيبلى بيبسى واقعد فى الكافيتريا
يوسف : هتلعبي ايه ياشهد
شهد شاورت على فناجين بتدور بتاعت الاطفال : دى
يوسف خبط بإيده على راسه لاء انا اخد سيف العب معاه احسنلى
يوسف ربطلها طرحتها على عنيها : امشي معايا بس هركبك لعبه تحفه
يوسف: يزن انتا وهمس تعالوا صورونا
ومشوا مع بعض وراحوا على قطار الموت
يوسف سندها وركبوا وربط لها الحزام وأول مامشا القطار فك لها عنيها
شهد : يانهار أسود انا هموت
يوسف بضحك : هتموتى من لعبه
شهد : مش دى الى عملوا عليها فلم والكامير وقعت من الراجل والناس  الى راكبين ماتوا كلهم
يوسف: ياساتر يارب
كل دا القطار كان بيطلع لفوق وخلاص وصل للقمه وهينزلوا مره وحده
اول مانزل
شهد صرخت ومسكت فى يوسف جامد
يوسف بضحك : التشيرت هيتقطع
بس من جواه مبسوط انها فى حضنه واستغل الفرصه حوط عليها بدراعه وقربها اكتر وفضلوا على كدا لحد ما
اللعبه وقفت
وشهد لسا ماسكه فيه : هتخلص امتا
يوسف: خلصت من بدرى والناس مستنينا ننزل
شهد فتحت عنيها وسابته ونزلوا
راحوا لهمس ويزن
همس حضنت شهد
شهد: كنت هموت ياهمس شوفتى ركبنى ايه
همس: معلشي ياحبيبتى وانا كنت هموت عليكى دا كانت بتشقلب كمان
يزن ويوسف ميتين من الضحك عليهم
شهد بصت لقت واحده جايه على يوسف
خلود : انت هنا يايويو
يوسف لف وبصلها : اه هنا واسمي الدكتور يوسف
خلود اتكسفت : مش قصدى بس احنا صحاب وكدا
يوسف : لا انتى صاحبه اختى مش صاحبيتى عن اذنك
ومشا وكلهم راحوا وراه
شهد كانت مبسوطه أوى من الى عمله ونسبه الشك انو بيحب خلود او ممكن يبصلها راحت
وصلوا همس وراحوا كلهم على البيت
على السلم
يوسف : اوبا نسيت اخد المفتاح من بابا
شهد: خلاص باتوا عندى
دخلوا كلهم وكل واحد خد اوضه ودخل ينام فيها
يزن ورنا ناموا من التعب
شهد نيمت سيف وراحت الحمام
يوسف قعد يتقلب وطلع يشرب ميه
شهد : انتا لسا منمتش
يوسف: اه مش جايلى نوم
وطلع من جيبه فلوس
ديه عيديتك بابا باعتهالك
شهد مش مصدقه من اخر موقف شافته : من عمو مصطفى بردوا
ولا منك
يوسف: لاء من بابا واللهى
شهد : غريبه
يوسف: اي الى غريب
شهد : اصل انا شفته وهو بياخد فلوس من الى بابا بيبعتها وشفتك وانتا بتحطهم من معاك وكنت عارفه من قبل كدا لان بابا بيقولى المبلغ الى هيبعته وعمو بعته مرتين ناقص
يوسف: هو كان بيعمل كدا بس انا كلمته ورجع عن غلطه الغريب انك انتى عارفه وساكته عن حقك
شهد : مش عايزه مشاكل والفلوس كانت بتكفينى وطنط ليلى ومازن ولينا كانوا بيجبولى حاجات كتير فده قصاد ده
يوسف : انتى طيبه اوى
شهد: وانت اطيب شكرا على العيديه والفلوس الى اديتهالى وعلى كل حاجه تصبح على خير
يوسف: وانتى من أهله
ودخلوا يناموا وكل واحد بيفكر فى التانى
********************
خلص البارت التاسع
هل النهايه السعيده قربت وابطالنا هيعترفوا بحبهم ويتجوزوا
ولا القدر مخبي لهم حاجات وحشه لسا