أسيره الظلام

البارت الثالث والعشرون

صحى عمر وكان نايم على ظهره وشهد نايمه راسها على صدره ونص جسمها عليه والنص التانى على السرير
عمر بصلها وابتسم حط ايده على ظهرها وحضنها جامد وباسها من راسها وبعدها حاول يسحب نفسه من غير مايصحيها بس شهد صحت
شهد بصت بعدم استعياب وبعدها شهقت : ايه دا ايه الى جابنى هنا
عمربضحك : اسألى نفسك
شهد : انتا قليل الادب اصلا وجاى تنام جنبى علشان كدا
عمر غمزلها : انا بردوا
شهد : اه انتا
عمر بخبث: انا نايم فى النص بتاعى دورى على نفسك نايمه فوقى وحضنانى كمان
شهد وشها احمر من الكسوف
عمر: مفيش مشكله انا جوزك وعارف انى قمور مش هتقدرى تقاومى
شهد اتنرفزت وزقته وقع من على السرير
عمر : بقا كدا
قامت جرى على الحمام
عمر قام وقعد على السرير وبيضحك : انا شكلى كدا وقعت خلاص
فوق لنفسك ياعمر مستحيل توافق عليك
بعد شويه جات الاوضه ووشها أحمر لسا
عمر قام خد هدومه وراح الحمام ياخد دوش
ونزلوا الاتنين يفطروا
خالد : انا هسافر واحد صاحبي بيعمل عمليه فى القاهره
مريم : وانا هاجى معاك
خالد : لا خليكى هتتبهدلى ومستشفى وكدا خليكى انتى
مريم : ماشي
شهد جواها لا ياعمو متروحش
وبصت لعمر وكان هوا بيبصلها
شهد شايفه طيب ازاى مش هيعملك حاجه وفى الاخر جوزك اهدى كدا
ايه الاستسلام دا لا روحى اترمى فى حضنه وقوليلوا بحبك وشكرا على الليله الى جمعتنا دا الى ناقص
مش كدا هو هيلتزم بالى اتفقنا عليه وهنكمل زى مابدأنا مفيش حاجه هتتغير بوجود عمو او بدونه
خالد باصص لشهد وحاسس بالخوف الى مسيطر عليها
خلصوا فطار
وقاموا
خالد : تعالى ياشهد معايا
راحت شهد وراه
خالد : متخافيش انا هتصل بيكى كل يوم وانا عارف عمر وطيبته
شهد : شكرا ياعمو
خالد : لا انا عايز اطمن انك مش خايفه علشان اعرف اسافر
شهد : مش خايفه ياعمو وان شاءالله هتخلص السنه دى على خير وكل واحد يروح لحياته
خالد : مريم معاكى ولو اضطريتى احكيلها وهتشيلك فى عنيها واللهى
شهد : ماشي ياعمو
طبطب على كتفها ومشا
طلعت الاوضه لقت عمر قاعد زعلان وسرحان
شهد قعدت تصقف علشان يفوق من سرحانه : عمر ياعمر
راحت هزته
عمر فاق : ها
شهد : ياصباح الخير لسا سامع دلوقت
عمر بصوت مخنوق: مفيش سرحت شويه
شهد قعدت : فى آيه ولا مواضيع خاصه
عمر : اممم عايزه تعرفى بجد
شهد : لو مفيش مانع
عمر : مدايق علشان انتى لسا بتخافى منى بس وكنت بفكر فسرحت
شهد :.....
عمر : مش هتقولى حاجه
شهد : مش عارفه ياعمر انا اوقات بخاف منك واوقات لاء اوقات بعتبرك واحد تانى واوقات بشوف فى عنيك نفس نظرات اول مره مش عارفه بس كل الى اقدر اقوله ليكى احنا مع بعض مش علشان تبين ليا إنك انسان كويس انتا غلطت وبتساعدنى بس

عمر جواه انت بتفكر فى ايه وهيا تفكيرها ازاى عرفت بقا انتا مش مكتوب ليك تحب اصلا كل الى بتحبهم هيروحوا ويسيبوك
عمر : انا رايح الشركه هتيجى معايا
شهد : لا هقعد هنا
عمر : تمام
شهد : متتأخرش
عمر بابتسامه : حاضر
وطلع
شهد ايه الهبل الى بعمله دا قال متتأخرش قال انا غبيه هو ضحك ليه انا قصدى على الخطه
اوف وخبطت دماغها بإيديها
*********************
عند يوسف راح ادى الفلوس لمحمد صحبه وراح معاه يساعده علشان يجهز للخطوبه مع صاحبه
*********
شهد فضلت تتفرج على المسلسل لحد ما عمر جه
خبط على الباب ودخل
لاقاها قاعده زي بليل
عمر فى سره شوره غبره ملهاش الحاجات دى هيا
دخل وخلع وفضل ماشي فى الاوضه من غير تيشرت بيدور على البجامه مش لقيها
وشهد ولا هيا هنا
عمر : فين البجامه الى كنت لبسها الصبح
شهد بصتله بلا مبالاه : دور عليها على الكنبه
ومركزه فى المسلسل
عمر : مش لقيها
شهد وعنيها فى اللاب : ماتلبس واحده تانيه وهوينا
عمر شد منها اللاب : مفيش مسلسلات تانى
شهد : مش بمزاجك
وقامت تاخد منه اللاب خباه ورا ظهره حاولت تاخد
شهد : هاته بقا
عمر رفعه لفوق : خديه لو تقدرى
شهد فضلت تنط عايزه تاخده وسندت بايديها على كتفه علشان توصل
وبعدها ادركت انه مش لابس تيشرت وجسمه عضلات
شهد بعدت : انتا واقف كدا ليه
عمر : ازاى يعنى
شهد غمضت عنيها : روح البس هدومك
عمر : لا انا عجبنى كدا مش لابس
شهد ادته ظهرهاوبزعيق: روح البس
عمر : منا لو لقيت البجامه كنت لبست وحضرتك بقالى ساعه بسالك مبحلقه فى الزفت دا
راحت شهد جبتله البجامه وادتهالوا
لبس هدومه
وجهز الكنبه ونام
شهد راحت : قوم يازفت انتا
عمر : مين دا الى زفت
شهد : احم واحد كدا فى مخيلتى قوم ياعمر
عمر : ايه عجبك النوم فى حضنى
شهد باحراج ونرفزه : عمر عايزه اروح اجيب الورق من البيت
عمر : شويه كدا يكون اهلك ناموا
شهد : طيب متنامش
عمر : اعمل ايه يعنى
شهد : قوم اقعد وهات اللاب توب افرجك معايا على المسلسل
عمر : يادى المسلسلات
شهد : هروح اقول لطنط مريم انك بتزعلنى وخليها تضربك بقا
عمر : لا خفت واللهى خفت سيبينى انام انا مش بحب المسلسلات
شهد شدته وجابت اللاب وفتحت المسلسل
عمر : دا الحلقه الاولى من امبارح وانتى فى الحلقه الاولى
شهد : لا دا مسلسل تانى
عمر : خلصتى مسلسل تركى فى ليله واحده
شهد : مش كله اتفرجت على شويه فهمت القصه وشفت الحلقه الاخيره وخلاص بعمل كدا فى كل المسلسلات
خد امسك اللاب سيبه يحمل على مااعمل فشارلو رجعت لقيتك نايم واللهى لاعضك وانا بقا عضيتى بتطلع باللحم
عمر : خلاص مش هنام روحى وانتى عامله شبه مصاصين الدماء كدا
بعد شويه رجعت شهد بالفشار
وقعدت جنبه امسك الفشار وانا اللاب
شغلت مسلسل اشرح ايها البحر الاسود
وقعدوا يتفرجوا
شهد بعياط : واحد مريض نفسي بيضربها هو الحب بالقوه مش عايزه تحتفل بعيد الزفت
عمر : ازاى يفرط فى القمر دا ويضربه
شهد بصتله ورفعت حاجبها ورجعت تتفرج وتاكل فشار  بعصبيه
وجواها هو انا ادايقت ليه مايقول الى عايز يقوله وانا مالى
انتى غيرانه بس
لا مش غيرانه ومتتكلميش تانى خالص
رجعت ركزت فى المسلسل
وعيطت تانى : حياتهم جحيم
عمر : شهد دا مسلسل مش حقيقه الناس الى فيه عايشه احسن منى ومنك
شهد : اسكت بقا وسيبنى اندمج مع المسلسل
شهد: هههههههه اسيا عسل واللهى
عمر فى سره : لا دى هتتهبل قريب تعيط تعيط وتتضحك مره وحده
شهد : بتقول حاجه
عمر : لاء بكح
شهد : اهئ اهئ حتى اللعب ممنوع حرام عليهم
عمر طبطب عليها وحط ايده وراها ومسك كتفها وفضلوا قاعدين كدا
شهد بعياط وخبت وشها فى كتف عمر : هيكسر صوابعها
عمر شال اللاب توب وحضنها : معلشي تمثيل مش حقيقه واللهى
عيطت شويه وبعدت عنه
عمر : مفيش مسلسلات تانى دا ايه الكآبه الى بتتفرجى عليها دى
شهد : دا مسلسل حلو عجبنى
عمر : ايه الحلو فى التعذيب دا
شهد : اسكت انتا اش فهمك  المهم يلا نروح بقا نجيب الحاجه من البيت
عمر ماشي
لبسوا ونزلوا
شهد وصفت لعمر البيت ووصلوا
شهد : بس اركن هنا البيت وحشنى اوى نفسي انزل
عمر : مش هينفع انتى تنزلى انا هنزل وهلبس دا لو اتمسكت هيبان انى حرامى ومش هخلع دا من على وشي فبالتالى مش هيعرفونى
شهد : طب بص هات تليفونك كدا
عمر اداها التليفون
كتبت رقم يوسف
عمر : رقم مين دا
شهد : يوسف
عمر فى سره وحفظاه كمان : اه اعمل بيه ايه
شهد : اكيد يوسف بينام مع سيف اصل سيف مش بيعرف ينام فوق لازم ينام فى سريره المهم انتا رن على يوسف وقوله انزل عندنا امانه ليك وهو هيفكر الموضوع له علاقه بيا وهيروح واوصف له عنوان بعيد
عمر : ماشي
عمر بيغير صوته : الو
يوسف بنوم : الو مين معايا
عمر : عندنا آمانه ليك تعالا خدها
يوسف : شهد فين مكانك فين
عمر : ........
يوسف : طب جاي  حالا
شويه
ولقوه نازل جرى من العماره
شهد ابتسمت وبعدها افتكرت منظره هو وخلود ونزلت منها دمعه
عمر بصلها ومش عارف يقول ايه : انا نازل ماشي
شهد : لا استنى
عمر : ليه
شهد : اكيد قال ليزن
شويه ولقوا يزن نازل يجرى هو كمان
عمر : انزل بقا
شهد : اه ممكن اطلب طلب
عمر : قولى
شهد : جيب سيف ابوسه بس وارجعه تانى
عمر : حاضر بس افردى فتن
شهد : لا مش بيعرف يتكلم اصلا
عمر ماشي
نزل عمر وشهد فضلت قاعده فى العربيه بتتابع الرايح والى جاى وتدعى لعمر محدش يشوفه
عمر داخل بهدوء يهز سيف
سيف بعياط : اتا مين
عمر شال القناع : انا عمو الطيوب جبتلك ماما تسلم عليها
سيف : بجت
عمر : اه تعالا معايا وشاله وباسه
رجع القناع ونزل حاضن سيف مخبيه وبيتسحب لحد العربيه
شهد فتحتله الباب ودخل
شهد : سيف حبيبى
سيف : ماما
حضنته جامد وفضلت تبوس فيه
شهد : وحشتنى أوى
سيف : واتى كمان كل يوم انا اعيط عثان تيجى ومث تيجى بردوا
شهد : جيتلك ياحبيب قلبي
سيف : مث تمثي تانى
شهد بعياط : كان نفسي
سيف : مث تعيطى
باسته ومسحت دموعها بص ياسيف انا هسافر وهجيلك بعد شويه صغننين اد كدهوا وهجبلك لعب كتيييير وانتا خليك مع عمو يوسف والعب مع ريناد
سيف : انا ايز اجى معاكى
شهد : مش هينفع بيدوا حقنه للعيال الصغيره
سيف : طيب مث تتاخرى
شهد : حاضر مش هتاخر
كل دا كان عمر بيبصلهم اد ايه هيا طيبه وحنينه وعينه دمعت عليها وعلى الوضع الى حطها فيه
شهد : رجعه ياعمر مكانه وغطيه كويس
عمر : حاضر
شاله عمر وعدى سكت العربيات ودخل العماره
وشهد بتدعى محدش يشوفه
شويه ونزل عمر
وجاى يعدى السكه  عربيه خبطته
شهد نزلت جرى وشريط موت ادهم بيمشي قدامها
شهد : عمر قوم انتا كويس
والراجل : انا اسف واللهى هو الى طلع قدامى فجأه
عمر : انا كويس ياشهد خبطه بسيطه
شهد حضنته جامد وعيطت : انتا عايش
بعدت شويه وسالته : فى حاجه بتوجعك
عمر : رجلى بتوجعنى
شهد حاولت تسنده والراجل سنده معاها
ركبته على الكرسي الى جنب السواق وفردته له
الراجل : محتاجه مساعده
شهد : لا شكرا لحضرتك
ركبت وبصتله لقته متعور جابت منديل ومسحتله الدم وحرقه فمسك اديها
مسكته جامد وشدت عليه
شهد : هتبقا كويس فاهم
وشغلت العربيه وساقت للمستشفى وطول الطريق ماسكه ايده
وصلوا نزلته وسندته عليها لحد المستشفى
ودخلت معاه الكشف
الدكتور طلب اشعه
عملوها
وبعدها طلع عنده شرخ بسيط وشويه كدمات والى الجرح الى فى راسه عايز خياطه
اتخيط واتجبس
وشهد نزلته وركبته العربيه
شهد : لو عايز نرجع على الفيلا بتاعك عادى
عمر : بس ماما لوحدها
شهد : هتصل بيها واقولها اننا هنروح البيت لحد ماتبقا كويس بس علشان ميقلقوش عليك
عمر : براحتك
رنت على مامته وقالتلها
عمر : قالتلك ايه
شهد : قالتلى براحتنا وهيا معاها الخدم مش لوحدها
عمر : ماشي
راحوا الفيلا وطلعته
وقعدته على السرير وجابت له لبس وساعدته يغير
وراحت عملتله شوربه خضار ياكلها علشان الدوا
عمر : خلاص روحى نامى انا كويس
شهد : لا هفضل هنا لو عوزت حاجه
عمر : بس مفيش كنبه هتنامى فين
شهد : هنام على الكرسي ملكش دعوه انتا نام بس اما تروح فى النوم هبقا امشي
عمر : نامى على السرير لو عايزه السرير كبير وانا مش عارف اتحرك زى ماانتى شايفه تلاقيكى انتى الى دعيتى عليا
شهد عيطت : واللهى مدعيتش عليك بحاجه غير اول يوم بس الى حصلك دا بسببي انا آسفه
عمر بيمسح دموعها : ششششش حصل خير انا كويس اهو كلها اسبوعين وهفك الجبس وخلاص ومش واجعنى خالص على فكره
شهد مسحت دموعها : نام وانا هقعد هنا مش عايزه انام على السرير
عمر : براحتك
غمض عينه لحد ما راح فى النوم
شهد مسحت على شعره وفضلت تبص ليه كتيير : شهد انتى بتعملى ايه بتعلقى نفسك بيه ليه افتكرى اول حاجه حصلت تقبلى على نفسك تتجوزى واحد عمل فيكى كدا وتعيشى معاه باقى عمرك
مينفعش ولا عقل ولا اى حاجه تستوعب الى بتقوليه دا انا هفضل جمبه بس لحد مايفك الجبس وبعد كدا مليش دعوه بيه خالص
شهد : هقوم امشي انا هو نام هيحتاج ايه يعنى
جايه تمشي قلبها مطوعهاش
راحت الاوضه بتاعتها وجرت المرتبه حطتها فى الارض
ونامت فى الارض
الصبح صحى عمر ولقاها نايمه فى الارض
كان عايز يدخل الحمام حاول يقوم بنفسه معرفش ورجله كانت وجعاه جامد مش قادر يدوس عليها والتانيه فيها كدمات كتير مش عارف يمشى عليها لوحده
شهد صحت من الخبط الى عمله
شهد : صباح الخير عاوز حاجه
عمر : صباح النور
عاوز
شهد : الى تأمر بيه هنفذه انا كنت سبب فى الى حصلك
عمر : عاوز ادخل الحمام
شهد فتحت عينيها على الاخر : احم احم نعمل ايه يعنى بص قوم معايا
عمر قام سند عليها ودخلته الحمام
مسكت ايده ولفت ادته ظهرها وحطت ايده على كتفها
شهد : اتصرف بقا ولو عوزتنى اسند عليا
خلص عمر وبعدها طلعتوه ووشها كان احمر على الاخر وهو كمان كان مدايق انو وصل بيه العجز لدرجه ديه بس الحمدلله على كل حال
شهد عملت فطار وجابته لسرير وقعدوا يفطروا سوا
عمر : انا آسف على الصبح طلبت عكاز من ع النت وهيجي قريب علشان محطكيش فى موقف زى ده تانى
شهد : ولا يهمك
عمر : بجد بشكرك على كل حاجه عملتيها ليا
شهد : انا معملتش حاجه ليك اى حد مكانك كنت هتعامل كدا
عمر جواه وانا الغبي مفكرها لما عيطت شويه انها خافت عليه كل البنات كدا لو كلب مات قدامهم بحادث هيعيطوه عليه
شهد : يلا خد الدوا رجلك بتوجعك
عمر : لا
شهد : طيب الحمدلله هشيل اللزقه واحطلك وحده جديده
حطتله وحده جديده وبتادين وحاجات على الخياطه
وقعدت على طرف السرير
عمر : مش لازم تزنبى نفسك جنبي زى مقولتلك العكاز جاى اهو
شهد : مش متزنبه ولا حاجه انا قاعده معاك ولا مش طايق وشى امشي
عمر : لا خليكى
شهد :تمام
اجيب المسلسل
عمر ومسك راسه : لا مش قادر مسلسلات شفتى بعد مااتفرجت حصلى ايه
شهد : اومال هنقعد كدا يعنى
عمر : تعالى نلعب صراحه
شهد : امم ماشي هروح اجيب ازازه
عمر : مش لازم انتى اسالى وانا اسال مفيش غيرنا ابدأى انتى
شهد : امممم ندمان انك اتجوزتنى وحاسس ان غلطه  غيرت حياتك لجحيم ولا عادى
عمر : ليه تبدأى صعب كدا
شهد : جاوب لانى مش هعرف احكم عليك بحالتك دى
عمر بصلها : مش ندمان بالعكس بعد مااتجوزتك حياتى اتغيرت للاحسن
شهد ابتسمت قلبها فرحان بس عقلها بيقولها فوقى وافتكرى الى حصل فيكى افتكرى انتى متجوزاه ليه
عمر : دورى أول مره شفتى يوسف حسيتى بإيه
شهد :أول مره قابلته فى الطياره كنت حساه واحد طيب ساعدنى لما اتحرقت وبعدها اما رحت الشقه وعرفت انو ابن عمى وداخل البيت بمفتاح وكدا خفت منه وطردته بس كان فى الاول عادى محستش بحاجه تجاهه او كنت طفله بقا مش عارفه بس انا حبيته من اهتمامه بيا وخوفه عليا والاوقات الى كنت ببقا من غير حد والقيه جنبى
عمر : لسا بتحبيه
شهد بتتهرب : دا دورى على فكره
عمر : ماشي اسألى
شهد : اممم انتا لسا بتحب حور
عمر : عرفتى اسمها منين
شهد : من  رزان
عمر : اممم
شهد : متّوهش قول عادى هو باين انك بتحبها اصلا بس اتكلم
عمر : مقدرش اقولك انى بحبها زى الأول انتى عارفه انا ممكن افضل احبها لاخر يوم فى عمرى الوقت مش بينسى ولا حاجه كل حد فى حياتك بيبقا واخد مكان فى قلبك لما بيمشي بيسيب مكان فاضى بتفضل حاسس بالنقص دا لحد ماحد بيسد مكانه بس التانى بيفضل فى ذاكرتك بس وجعك بيقل لان فيه حد سد النقص دا انا هفضل احبها بس انا خلاص معدتش محتاج ليها هفضل ادعي لها بس خلاص معدتش هنكمش على نفسي واوقف حياتى علشانها
شهد : كلامك صح انا بردوا منستش ماما وحنين وأدهم بس لقيت رنا تسد مكان حنين وطنط ليلى تسد مكان ماما ويوسف يسد مكان ادهم علشان كدا كملت
بس ماما عمر ماطنط ليلى سدت مكانها بالكامل على طول ببقا محتاجه ليها
عمر : لان الاب والام بيدوا من غير مقابل بيبقوا فاهمينك وانتى بتبقى مرتاحه معاهم وبوجودهم
جوابي على سؤال بقا
*************
خلص البارت تتوقعوا شهد لسا بتحب يوسف