أسيره الظلام

البارت الرابع والعشرين

شهد: بص هو الى انا حساه حاجه متلخبطه كدا متفهمش هو حب ولا لاءه اصلا انا لماجيت الفتره الى كانت اختى وجوزها عايشين مكنتش متعلقه بيوسف نهائى كان هزاره بيعصبنى بس فجأه بقيت لوحدى وحد اهتم بيا انا كنت بحب اهتمامه لما تلاقى حد بيهتم بيك وبيحبك حنين عليك معاك وقت زعلك معاك وقت فرحك فاهمك واقف سند ليك وتعرف كمان انك رقم واحد فى حياته وتعرف كمان انو بيحبك هتكره لا هتحبه طبعا هتتمنى انوا يبقا معاك على طول انا مش بحب الناس الفضوليه بس كنت بحب فضول يوسف بحب تدخله فى حياتى اهتمامه بتفاصيلى بس اما لقيته اختار غيرى كرهت اليوم الى اتمنيته فيه كرهت نفسي انى اتخدعت بالاهتمام دا لما بشوفه مش بفتكر غير اللحظه الى بيحضن خلود وبيرقص معاها وبعيط بس مش عليه على نفسي وعلى غبائى انت عارف ان الى انا فيه دا بسببه بسبب صدمتى فيه تهت كل الى اعرفه انى مش بكره حد فى حياتى اده  اكتر حاجه بتوجع ان شخص يشفق عليك ويهتم بيك وانتا تفكر ان دا حب ودى مجرد شفقه
عمر جواه انا بقا هدعيله علشان بسببه جتيلى
رن تليفون عمر
عمر : الو
الراجل : الاوردر جه يافندم
عمر :تمام
شهد : مين
عمر : العكاز جه
شهد : طيب هنزل اجيبه لك اهو
نزلت شهد جابته وجات
شهد : اتفضل
عمر خده وحاول يتسند عليه ويقف كان هيقع
شهد : حاسب ومسكته
بس كان تقيل عليها وقعت ووقع عليها
شهد بصوت مكتوم : هفطس مش قادره
حاولت تزقه وهو حاول يقوم
عمر : انا مش عارف ارفع رجلى ومش قادر
شهد حاولت تزقه من عليها والحمدلله قلبته جنبها
شهد : اه اخيرا اتنفست ياعينى عليا بقيت شبه توم لما بيقع عليه الطربيزه ويلزق فى الارض بطنى لزقت فى ظهرى
عمر مدايق بسبب رجله الى لسا هتفضل كدا اسبوعين : انا اسف مكنش قصدى
شهد بضحك ومش مركزه معاه : هروح انفخ نفسي عند العجلاتى بس اقوله ايه عندى جون سينا فى البيت وقع عليا سوانى بالاسفلت
عمر ضحك على كلامها وبخبث: على كدا انا بقا جون سينا يعنى امور وعضلات
شهد : اه شكلك حلو وجسمك رياضي بس يعينى على الى تتجوزك
عمر : ليه بقا ماانتى مراتى شفتى منى حاجه وحشه بضربك ولابسلخك
شهد : ههههههه بتفطسنى 😂😂
عمر : خلاص بقا غصب عنى
شهد : خلاص بس انا واقعه فى مصيبه المفروض انى ارفعك على السرير وانا يعينى صغنونه ورفيعه وانتا قد العجل
عمر : مين دا الى عجل
شهد : ايه الذكاء دا هو فيه حد غيرك فى الاوضه اكيد انتا الى بوجه له الكلام بالتالى انتا الى عجل
عمر : اما افك الجبس هوريكى ياشهد
شهد : امم على كدا بقا استمتع بالاسبوعين دول براحتى
عمر : طب ايدك معايا اقوم
شهد : اقولك الارض حلوه
وراحت جابت مخدات حطتها عل ظهر السرير وساعدته يعدل نفسه وينام عليها
شهد : اجبلك غطا
عمر : ماشي
جابتله
شهد جايه تمشي
عمر : راحه فين
شهد بصتله : راحه أوضتى
عمر بان عليه الزعل
شهد بصتله صعب عليها بس خرجت من الاوضه
شهد : حرام عليكى واحد تعبان واكيد لما يحتاجلك مش هينادى عليكى اما يعوز حاجه ولو عافر ممكن يقع ولا يحصله حاجه
اف طب وانا ارجع اعمل ايه معاه يعنى هنقعد نبص لبعض
بصت حواليها
وفرحت لقيتها
عمر نايم فى الارض بيبص للسقف
لقى شهد داخله ومعاها درعات بلاستيشن والجهاز وكدا
شهد : بتعرف تلعب
عمر : دا سؤال
ركبت الحاجه فى الشاشه الى فى الاوضه
وسندته يقوم وقعدت جنبه وبدأوا لعب
عمر :من اولها كدا انتى خسرانه
شهد : طب انا هوريك
************************
عند طنط ليلى
سيف : انا ثفت ماما
ليلى : فين ياسيف
سيف : بليل عمو طيوب ودانى لماما وقالتلى هتجيب العاب وتيجى
ليلى : ياحبيب قلبي انتا حلمت بيها هترجع باذن الله ياسيف هترجعلنا ياحبيبى
حضنته
وراحت ترن على رنا
رنا : ازيك ياماما
ليلى : ازيك ياحبيبتى فى اخبار عن شهد
رنا : لا ياماما مش موجوده عند اى حد نعرفه ولا احمد لقاها
ليلى : ياعينى سيف بيحلم بيها
رنا : ياحبيبى
ليلى : ماتيجى تقعدى معانا
رنا : لا مش هينفع انهارده كفايه قطعت شهر العسل وبقالى يومين مخلياه يلف فى الشوارع على شهد بلاش اضغط عليه اكتر من كدا هو طيب بس خلينى حساسه شويه
ليلى : خلاص ياحبيبتى الى تشوفيه ابقى شوفى يوم كدا وتعالوا اتغدوا
رنا : حاضر ياماما
********************
يوسف : انا هتجننن مين دا الى رن
يزن : مش جايز انتا مفهمتش
يوسف : ايه الى مفهمتوش بقولك قالولى تعالا خد امانتك انا مليش حاجه عند حد ولاحد له حاجه عندى امانه ايه غير شهد يايزن
يزن : مش عارف ولافاهم حاجه
يوسف : انا فهمت هيا مشت لما انا حضنت خلود واتخطفت علشان مشت بليل
يزن : طب وهما عايزين فلوس يعنى ماكانوا اتصلوا
يوسف: مش عارف هو دا الى انا مش فاهمه
يزن : يلا نرجع البيت وان شاءالله بكرا يبان الى حصل ونلاقيها
******************************
شهد بتطلع له لسانها : ايه ياجون سينا عضلاتك فست ولا طلعت فيك اصلا
عمر : ايه الى دخل العضلات بقا عضلاتى اصلى ياحبيبتى انتى بس الى غشاشه
شهد سابت الكلام كله وركزت فى حبيبتى وفرحت بيها
عمر ادرك الى قاله وبصلها لقاها بتبتسم جواه ياريت تكونى بتحبينى زي ماانا بحبك بس دا شيء مستحيل
كملوا لعب وهزار وضحك وقضوا اليوم كله مع بعض وفى الاخر كانوا قاعدين يحكوا سوا كل واحد عن حياته شهد نامت وعمر بيحكلها
عمر بصلها وحط راسها على كتفه واديه وراظهرها وفضل حاضنها كانها هتمشي
عمر: ياريتك تبقى ليا بجد نفسي نبقا مع بعض على طول ضحكتك برائتك الى شبه الاطفال كل حاجه فيكى حبتها لو تعرفى انى بجد مظلوم زي زيك وتبطلى تتهمينى انا مجرد واحد اهبل اصحابه ضحكواعليه وهو فى السن دا وشربوه مخدرات افهمينى بقا بتنامى جنبى اهو ومراتى وحلالى وبتحكم فى نفسي عادى انا مش حيوان ياشهد افهمينى ومتسيبنيش ارجوكى
فضل يلعب فى شعرها ويبص لها لحد مانام هو كمان
*****************************
وبعد مرور ثلاث شهور
فى بيت عمو مصطفى
رنا : يلا ياسيف هنتاخر على الحضانه
ليلى : سيبيه يفطر يارنا براحته
رنا: ماانتى عارفه انو بيعمل كدا علشان يغيب يلا ياسيف معاك سندوتشات كتير كلها فى الحضانه
خدته رنا وودته الحضانه
*********
يزن : الو ازيك
همس : خايفه
يزن : ليه بس
همس: أول يوم كليه لوحدى انا مرعوبه
يزن بضحك: هو أول يوم حضانه يابنتى زيها زى اى مكان هتروحيه عادى يعنى مش بتخوف
همس بتريقه:مش عارفه من غيرك كنت هعمل ايه واللهى شكرا على كلامك الى بيطمن
يزن : خلاص هنتكلم جد هتروحى تحضرى محضراتك وهتبقا عادى جدا وحلوه اعتبرى نفسك راحه تتفسحى ومتخافيش
همس : حاضر انتا هتروح امتا
يزن : اول محاضره الساعه ١٠وانتى
همس :الساعه ٩
يزن : طيب ٨وربع هكون عندك
همس بتريقه : اه نروح بدرى علشان الحق الديسك الاول هتدخلنى جوا وتتضارب مليش دعوه
يزن : لا متقلقيش بيبقا فاضى مش محتاجين مضاربه عليه الديسك الاخير بقا بيقطعوا بعض عليه
همس بضحك : يلا سلام متتاخرش
يزن : من عيونى
**************************
يوسف بيلبس ورايح الكليه
رن عليه واحد
يوسف : الو
الراجل : حضرتك مدفعتش بقالك شهرين وانا صابر عليك مش كفايه مبلغتش عنكم سرقه وتاخير فى الدفع كمان
يوسف: ادينى اسبوع وهجبهملك
الراجل : مفيش تقسيط المبلغ يجيلى مره واحده انهارده لاما هرفع عليك قضيه واسجنك
يوسف: طب حضرتك بتصعبها ليه احنا مسرقناش انا قريبتى ضايعه من يومها وظروفى على قدى راعى شويه يعنى
الراجل : لا المفروض اعملك ايه ادفع بدالك الى عندى قولته هتدفع او هتسجن
وقفل
يوسف : وبعدين بقا
********************
رنا ودت سيف الحضانه ورجعت عند مامتها
ليلى : فيكى ايه
رنا : مفيش ياماما
ليلى : وانا برضوا معرفش بنتى لاء فيه وفيه حاجه كبيره كمان
رنا : مامت احمد مش ساكته كل ماتشوفنى محملتيش محملتيش لحد دلوقت وأحمد كمان نفسه انى ابقا حامل
ليلى : بإيد ربنا ياحبيبتى ادعى
رنا : بدعى واللهى بس بفكر اروح لدكتور
ليلى : وماله نروح
رنا : هرن على أحمد ونروح سوا انتى ادعيلى ماشي ياحبيبتى
******************
عمر وشهد قاعدين بيفطروا مع مريم وخالد
وبعدها طلعوا شهد لبست علشان تروح جامعتها
عمر : مالك وشك أصفر كدا ليه ومكلتيش حلو
شهد : لا أنا كويسه بس مخنوقه شويه
عمر : من ايه
شهد : مش خنقه من حاجه خنقه نفس
عمر : طب بلاش النقاب متلبسوهش لحسن تتخنقى
شهد : مش هلبسه اصلا علشان اتخبى من حد لاما البسه بجد علشان ربنا لاما بلاش وفى الجامعه الكبيره دى مش هلاقى همس اكيد يعنى
عمر : براحتك بس شكلك تعبان بلاش نروح
شهد : لاتعبانه ولاحاجه يلا نمشي
جت تقوم حست بوجع فى بطنها جامد اتماسكت ومشت معاه ركبت العربيه
شهد : وقف على جنب
عمر : في ايه
وقفها على جنب نزلت وقعدت ترجع كتير
ركبت العربيه
عمر : انتى كويسه اوديكى لدكتور
شهد : روحنى
عمر : حاضر
روحوا ووصلوا للبيت وشها كان اصفر وتعبانه
مريم : خير يابنى مروحتوش مصالحكم ليه ايه دا شهد وشك اصفر كدا ليه بقالك كام يوم وشك غريب
عمر : تعبانه شويه ياماما سيبيها
مريم : لتكونى حامل
الكلمه نزلت عليهم زى الصاعق
عمر بنرفزه: نتكلم بعدين ياماما مش شايفها تعبانه مش قادره تقف
طلعوا الاتنين على الاوضه
شهد جواها : حامل ايه وزفت ايه دا عدى ٣ شهور ونص كمان كان بان من بدرى بس جواها خايفه برضوا
عمر فرحان لان لو طلعت حامل هتفضل معاه وهيبقا بينهم رابط
شهد : روح شغلك انا كويسه
عمر : لا مفيش حاجه مهمه هشتغل من البيت وابعتلهم التصاميم على النت انتى كويسه اكيد
شهد : اه كويسه
راح عمر يقعد على الكنبه وفتح اللاب توب يشتغل
شهد حاولت تنام بس بطنها وجنبها بيتفرتكوا قعدت تلف فى السرير
وفى الاخر قامت راحت لعمر اترمت فى حضنه
عمر : مالك
شهد وهيا بتتك على اسنانها: بموت مش قادره
عمر : طب نروح لدكتور
شهد بعياط : اي حاجه معدتش قادره
قام بسرعه جاب لها عبايه وشالها ونزل جرى
راح لدكتوره نسا
شهد : استنانى بره متدخلش
عمر عايز يطمن عليها : طيب لو احتاجتى حاجه انا ورا الباب
دخلت شهد والدكتوره كشفت عليها
الدكتوره : تقريبا الزايده هكتبلك اسم دكتور تروحى له فورا قبل ماتوصلى لمرحله خطر وتنفجر
شهد بفرحه : يعنى مفيش حمل
الدكتوره : حمل ايه انتى متجوزه اصلا
شهد : اه متجوزه
الدكتوره : انتى عذراء ياحبيبتى هتبقى حامل ازاى
شهد بصدمه : انا ايه
الدكتوره : عذراء
شهد : يعنى ايه
الدكتوره : انتى شكلك صغيره ومش فاهمه وانا عندى شغل ابقى اسالى مامتك اواى حد يفهمك يلا لو سمحتى والحقى نفسك الزايده لو وصلت لمرحله خطر انفجرت هيبقى غلط عليكى والعمليه هتبقا صعبه
******
"فلاش باك
شهد جرت ووقعت فى الارض من الفستان حاولت تقوم راسها خبطت فى التربيزه ووقعت مغمى عليها
الراجل كان بيقرب منها بدون وعي  جرى عليها
الراجل : قومى متموتيش تانى متسيبنيش لوحدى اصحى ردى عليها
لاءه قومى قومى
وقعد يشد فيها ويحاول يقومها الفستان اتقطع
بدأ يعيط عياط هستيرى واتكوم على نفسه وبعد عنها وقعد القرفصاء يعيط
لحد ما راح فى النوم "
************
شهد طلعت متنحه
عمر لما شافها فهم انها حامل فرح جواه
عمر : انتى كويسه
شهد بصتله : اه كويسه
عمر : طيب يلا نروح
ركبوا العربيه وشهد من صدمتها نست وجعها ونست تقوله على الزايدهوالدكتور
عمر بيحاول يتكلم بس خايف لحسن تنفجر فى وشه: الدكتوره قالتلك ايه
شهد بتفكير ياترى اقوله ولا لاءقالتله :ولاحاجه
عمر : يعنى انتى حامل
شهد : لامش حامل
عمر بزعل : طب الحمدلله
شهد : الحمدلله
وصلوا البيت
خالد بقلق : خير ياولاد
شهد متنحه لسا
عمر : الحمدلله يابابا مفيش حاجه
مريم جات من المطبخ: ايه حامل ياشهد
عمر : لا
مريم : متزعلوش انتوا لسا صغيرين
عمر لو تعرفى انها متنحه من الفرحه كنتى سكتى ياماما
عمر وشهد طلعو الاوضه
شهد مبسوطه اوى
عمر جواه لدرجادى فرحانه انك هتخلصى منى طيب ياستى ماشى
عمر: انا رايح ورايا شغل فى الشركه
شهد : اوكى
عمر وهو ماشي
شهد : ياعمر
بصلها جريت عليه وحضنته جامد
فضلت حضناه وهو مستغرب بس فرحان حضنها هو كمان وفضلت خمس دقايق كدا واقفه ودافنه راسها فيه ومش بتتحرك
عمر : فيه حاجه ياشهد
شهد بعدت : احم لامفيش بس
عمر : بس فرحتى انك مش حامل وهتخلصى منى الحمدلله
ومشا وسابها
شهد : واللهى انك متخلف فرحانه انى هخلص منك وهحضنك
نامت شهد والوجع رجعلها تانى وافتكرت
شهد : يادى غبائى مقولتش انى عندى الزياده يارب ميحصلش حاجه
خدت مسكن ونامت
******************
رنا : احمد انا عايزه اروح لدكتور
احمد : دكتور ايه
رنا : دكتور علشان احمل
احمد : ماشي ياحبيبتى
رنا وهيا زعلانه من كلام مامته : ماشي
احمد : بس تعالى هنا ايه الوش المقلوب دا
وقعدوا يهزروا وخلاها تفك
********************
فى بيت طنط ليلى
الباب بيخبط بعنف
ليلى : ياساتر يارب فى ايه
راحت تفتح
ليلى : خير
الشرطى : هنا بيت يوسف مصطفى الباشا
ليلى : ايوه
الشرطى : مطلوب القبض عليه
ليلى : يالهوى ليه
الشرطى : عليه ديون
ليلى : ابنى مش بيستلف من حد
الشرطى : دا اوامر يافندم ودا تصريح القبض ناديه والباقى تعرفوه فى القسم
ليلى بدموع : طب انا هجيبه بلاش يروح بعربيه الشرطه
الشرطى صعبت عليه : ماشي بس خلال ساعتين
ليلى بدموع : هجيبه واللهى هجيبه
الشرطى مشا
ودخلت ليلى تصحى يوسف
يوسف : خير ياماما بتعيطى ليه
ليلى بدموع : من امتى وانتا عليك ديون
يوسف:بتعيطى ليه بس دا العربيه الى شهد اجرتها
ليلى بدموع : هيسجنوك الشرطه جات وكانوا هياخدوك فى البوكس وقالولى خلال ساعتين تبقا فى القسم
يوسف: اهدى ياماما هنتصرف فى الفلوس متقلقيش انا هروح علشان المشاكل متكترش
ليلى بعياط : هندفعهم مش هسيبك تبات فى السجن ليله واحده
يوسف : ماشي ياماما متقلقيش عليا حضنها ولبس
ونزل راح القسم
واهله وراه
مصطفى وليلى ويزن ومازن
وعرفوا ان المبلغ ١٤٠ الف
مصطفى : هنجيبهم منين دول
مازن : كلمو ابوها مهو كله من وش الفقر الى جات لنا هيا بتتفسح واخويا مرمى فى السجن
ليلى بتعب : روحونى
روحت تنام وكلهم قاعدين قلقانين
على يوسف ومش عارفين يجيبوا الفلوس منين
************
بليل عمر رجع ولاقاها نايمه غير ونزل ياكل ونام
الساعه ٣ الفجر صحت شهد
وكان فى وجع بس بسيط وبيشد عليها اما بتتحرك
قامت راحت للكنبه
وبصتله وجواها انا كدا اقدر اعترف لنفسي انى اتعلقت بيك بجد انا حبيتك ياعمر بس خايفه تكون انتا كمان زى يوسف مفكرنى مجرد وحده ضعيفه بتعاملوها بطيبه علشان صعبانه عليكوا
شالت الافكار الى بتجيلها
وحطت ايديها على وشه كانت كل مره بتحاول تقرب عقلها بيفكرها ويبعدها دلوقت مفيش حاجه تبعدها عنه
شهد : اد ايه شكله حلو وهو نايم
فضلت قاعده كدا لحد مانامت راسها على الكنبه وهيا قاعده فى الارض
**********************
تانى يوم الصبح
صحى عمر
لاقى راسها جنبه بصلها
وباسها فى خدها شهد صحت وهو بيبوسها ومدتش اي رد فعل
عمر :انا آسف
شهد : على ايه انا مراتك عادى
عمر قرب منها وحط ايديه على راسها : مش سخنه بس اي الى حصل فى الضرب والشتيمه
شهد : خلاص زهقت من الاسلوب دا هغيريه
حبت تدايقه
اهو نعمل تغيرات فى السنه دى علشان تخلص بسرعه شويه نضارب شويه نبقا كويسين كدا يعنى علشان محسش بالوقت
وتخلص السنه واخلص منك
عمر ادايق وراح الحمام
شهد :امم مدايق علشان هسيبه ادي نقطه ليه لسا يوصل ١٠نقاط ونعترفله بس تقلتها عليه افردى كرهنى لا انا معدتش اقوله اخلص منك دى
عمر دخل وبيدور على لبسه علشان يمشي
شهد : انت زعلان
عمر : لاء وهزعل ليه
شهد : طب انا جايه معاك الشركه ممكن
عمر : ماشي
شهد بصتله وابتسمت
وراحت تلبس
شهد : اللبس دا مش هخرج بيه طبعا  بس اما نشوفه هيعمل ايه وحطت ميكب اى لاينر وروج ومسكرا مكياج بسيط بس تقلت الروج
ودخلت
عمر مديها ظهره : يلا
لف وقف متنح وبعدها
عمر : انتى هتخرجى كدا
شهد وكاتمه ضحكها : ايوا
عمر : روحى غيرى اللبس دا بسرعه
شهد راحت وقفت قدام المرايا ولفت شافت نفسها : ليه اغيره مهو حلو اهو
عمر : حلو وحلو أوى كمان علشان كدا مينفعش تخرجى بيه
شهد :امم وانا لما اخرج البس وحش يعنى منا لازم البس حلو وحلو اوى كمان
عمر : شهد انتى فاهمه قصدى ايه روحى غيرى وامسحى الى فى وشك دا من امتى وانتى بتحطى الحاجات دى
شهد : من قبل ماتعرفنى
عمر : ياسلام دا اول يوم جيتى بفستان فرح من غير نقطه مكياج
شهد: انا بحط مكياج كتيير أوى بس الفتره دى كنت زعلانه
عمر : علشان خاطرى ياشهد اخلعى البس دا وخفيفى الى فى وشك بكلمك براحه اهو وماسك اعصابي متختبريش صبرى اكتر من كدا
شهد بابتسامه خبيثه : اممم ماشي علشان هو مش عاجبانى مش علشانك
راحت شهد غيرت ومسحت المكياج كله
شهد : اديله نقطه ولا بلاش امم اتقلي ياشهد كدا هيكسب بسرعه
دخلت الاوضه
شهد : يلا
عمر : على فكره كدا حلو اوى برضوا
شهد : منا عارفه إنى حلوه أصلا
عمر هيا مالها بتتقبل كلامى كدا من غير بطل قلت ادب وقلبت الوش جرالها ايه البنت دى
راحت شهد وكانت مقرره انها هتبهدله فى الشغل
*******************
خلص البارت
قولولى رأيكم
وتوقعاتكم فى الى هيحصل لعمر وشهد
ويوسف
وياترى رنا هيحصلها ايه