الارغو (ورست سفينتي)

الجزء العاشر

فتح الباب لتدخل رقية وهي تقول بإمتنان  وبوجه بشوش طليق :
بل انا  اللي المفروض عليها شكرك يا فاتن أنتي بجد رائعة خسارة انك مكملتيش تعليمك كنتي فعلا هتكوني قامة وقيمة  صدقيني  , مش كدة يا  أدهم ؟
نظرت رقية خلفها لتتبعها نظرات فاتن فوقع بصرها عليه فعرفته علي الفور كان يقف هناك  كالطود يستند  إلي الباب وقد عقد ساعده أمام صدره وهو ينظر إلي فاتن بتفحص  بطريقة أخجلتها حولت نظرها عنه  وبعد صمت أجاب قائلا :
معاكي حق يا رقية , ومن رأي ان الناش الفشلة يحولوا يطوروا من نفسهم شوية  بدل ما بيصبوا فشلهم علي غيرهم !
إحمر وجه  سارة إحراجا مما يرمي إليه حديثه فقالت وهي تلملم حاجياتها :
أ ..أنا همشي دلوقتي يا ريري  وهاجي بكرة أن شاء الله  .
قالت لها رقية بإشمئزاز :
بالنسبة ليكي انا رقية هانم اللي بينادوني بريري هما بس أصدقئي اللي من نفس مستواي مش معلمة لابني .
كانت كلمات رقية الضربة القاضية لسارة فغادرت  كالعاصفة ولم تري أمامها فصدمت في أحد ما  وسمعته  يقول مازحا :
علي فين يا جميل من ساعة ما أتنقلتي متقابلنا....
بتر عبارته ليطلق صفيرا طويلا ثم يقول :
واه يا حسنائي  , متخيلتش أني مكن أشوفك هنا , بس مفاجأة تحفة
رمقت ريهام  فاتن بنظرة نارية متوعدة  وغادرت علي الفور  ليلحق بها أسر بعدما غمز فاتن قائلا :
لينا حديث طويل  يا عزيزتي .
لم تبالي فاتن به فقد  أيقنت بهبوط عاصفة حين عودتها للبيت هذا المساء  إستدارت رقية إلي أخيها وقالت وهي تضحك :
أنت  رعبتها يا أدهم , لكن ولا تقلق أسر هيعرف يهديها هههههه , تعالا يلا أعرفك علي بطلتنا  .
أقترب ببطء شعرت فاتن  كذئب مفترس يقترب من فريسته رويدا  ثم قال لها :
اهلا وأتقابلنا تاني لرابع مرة ولحد دلوقتي معرفتش أسمك  .
همست قائلة بإرتباك من نظراته الجريئة  :
فاتن يا استاذ....
أجابها قائلا :
أدهم , أكيد  سمعتي رقية وهي بتناديني بيه ومافيش داعي لأستاذ مش بحب الرسميات !
قالت له بهدوء وقد هدأت نفسها قليلا وعادت لثقتها  :
مش شايفة داعي لرفع الكلفة بينا  .
ثم نظرت إلي نور وقالت لها :
للاسف جه وقت مغادرتي   يا حبيبتي .
ثم حيتهم وغادرت الغرفة واغلقت الباب خلفها , كان أدهم يتابعها ببصره وظل يحدق بابلب المغلق لفترة فوكزته إخته رقية وهي تقول  بغمزة مداعبة :
شايفة بالك مشغول  يا صغنون .
فتبسم لها قائلا بسخرية :
مافيش حد باله مشغول غيرك يا شبر ونص  .
ارتسم الحزن علي محياها قائلة :
لحد أمتي يا أدهم عزوفك عن الجواز    أيه المانع انك تجع بين اهتمامك بالشركة والجواز , لو كل شخص  عزف عن الجواز لاهتمامه بعلة ما محدش هيتجوز أتمني من قلبي أنك ت....
قاطعها أدهم قائلاً بملل :
أنتي مش بتزهقي من الموضوع ده يا رقية أنتي وأمي في حياتي مش محتاجة حد تاني صدقيني . .
ثم  التفت إلي نور وهو يفتح ذراعيه :
ودلوقت فين حضن الاميرة لفارسها  ؟
تعلقت نور علي الفور به وإحتضنته بشدة قائلة بسعادة :
شوفتني يا خالو وانا بقرأ الكلمات  .
رد باسما بحنان :
ايوة شفتك علشان كدة ليكي عندي هدية   .
صاخت الفتاة بفرح وقالت متسائلة :
بجد ايه هي  ؟
قال لها :
هتلاقيها لما تروحي المزرعة  النهاردة  .
صاحت رقية فجأة قائلة بأسف :
أوه لا ياخبر , أنا نسيت خالص اقول لفاتن ان بكرة اجازة , انا غبية كان المفروض خلتها تبدأ بعد ما نيجي من المزرعة هعمل ايه دلوقتي وهبلغها ازاي ..
وضع أدهم نور أرضا وقال لها بلامبالاة  :
مش شايف  مشكلة  في الموضوع كلميها علي التليفون واكيد هتتفهم الامر.
تنهدت وهي تقول له موافقة :
معاك حق هروح اجهز نفسي واسيبك تحكي لنور علي هديتها 
فقال لها وهو ينهض حاملا للفتاة :
هاخدها للأوضة بتاعتي ولما تجهزي تعالي .