Flowers and Bullets (Macimilian Series #2)

Chapter 2 Tease

Chapter 2

Tease

"There's no definite time as to how long Sir Javier will stay here, but you'll accompany him while you're here..." Ms. Gail is orienting us for the day.

Tapos na siya sa mga dapat gawin ngayon at ang tinutukoy niya ay ang pagiging assistant ko kay Javier. Kinakabahan nga ako kasi hindi ko parin makalimutan iyong nakita ko at hiyang hiya ako.

Lumipas na ang pasko at lahat pero malinaw parin sa akin iyon na parang isang bangungunot. Hindi ko alam kung mandidiri ako o ano.

"Minsan lang bumisita iyan dito dahil madalas sa Manila para sa ilang klase niya doon. Tapos na siya kaya baka magtagal siya dito."

Napatango nalang ako sa mga sinasabi. Kailangan kong tandaan dahil baka mamaya ay magkamali ako.

"He usually stays in the office when he's here..." doon naangat ang tingin ko.

Hindi ako sa farm kung ganoon? I pursed my lips and nodded. Parang nawala ang excitement ko dahil doon. I sighed and looked down. Pagkatapos ay sinabihan kaming sumunod sa farm, pati ako dahil nandoon daw si Javier.

Pumasok kami sa isang greenhouse at nang makita ang mga roses ay medyo gumaan ang pakiramdam ko. From different varieties and colors, it all stood out in full bloom. Tahimik akong nagmasid habang nakasunod sa kanila.

"You like to be on the farm, right?" Joshua whispered, so I turned to him.

Malungkot akong ngumiti at tumango. Huminto sila kaya napahinto din kami. Dahil nga papansin din ang kaibigan ko ay nasa unahon ko siya katabi si Ms. Gail.

"Oo. Pero ayos lang..."

Tumabi si Ms. Gail kaya nakita ko si Javier sa aking harap. Matipid akong ngumiti at kaagad nagiwas nang tingin. Napansin naman ni Casimiro ang pagkailang ko kaya tinawanan niya ako.

"Huwag kang malungkot Aio!" natatawa niyang sabi.

Nagulat ako at kinunotan siya nang noo dahil sa sinabi. Baka mamaya isipin nila mapili ako. Gusto ko siyang hampasin pero hindi ko magawa.

"Why?" Javier voice filled our air.

Napalunok ako ay bahagyang umiling. Dumako ang tingin niya sa akin na para siyang natatawa sa itsura ko. Hindi ko alam kung bakit bigla akong na concious. Para kasing may nakakatawa pero hindi ko alam kung ano.

"Gusto niya kasi Sir dito sa farm pero madalas daw kayo sa office."

Pati si Ms. Gail ay napatingin sa akin. Hindi ko naman sinabi iyon kanina kaya medyo nagtaka din siya. Umiling ako at ngumiti.

"Ayos lang po." Sagot ko sa kanila at sinamaan nang tingin si Casimiro, "Ayos lang Casimiro." Ulit ko nang mas may diin at inirapan niya naman ako dahil sa tawag ko sa kaniya.

I smiled at Joshua when I saw him looking at me with concern. Narinig kong tumikhim si Javier kaya lumingon ako.

"I'll stay here on the farm." Seryoso niyang sabi at hindi ko alam kung matutuwa ba ako.

I smiled in the end. Gusto ko kasi talaga dito. I heard Ms. Gail chuckled, so I looked at her.

"It's settled then. Magbihis na kayo dahil madaming aanihin ngayon."

Hindi ko na tiningnan si Javier at tumango habang nakangiti. Tumalikod na kami at lumabas nang greenhouse. Pinalo ko kaagad si Casimiro.

"Ang daldal mo. Dapat hindi mo na iyon sinabi." Medyo naiinis kong sabi sa kaniya pero tinawanan niya lang.

"Mas okay nga iyon girl, o sabi ni Javier sa farm na daw kayo."

"Nakakahiya."

"Lahat naman sa'yo nakakahiya." Tumawa siya. Narinig ko din si Joshua kaya sumimangot na ako.