عشق لم يسطو بعد ( الجزء الثاني من ما بعد الجحيم )بقلم زكية محمد

🍓الفصل الخامس عشر 🍓

طالعها بصدمة وذهول وهو لا يصدق ما قالته للتو. شعر بإنه سقط من هوة جبل عال وهوي أرضا بعنف.

نظر لها مرددا بصدمة :- بتقولي ايه حامل!

أردفت بدموع:- ايوا حامل وكمان تقدر تتأكد من كدة أنا ما بكدبش عليك. فارس حرام عليك اللي بتعمله فيا دة . دا أنا حتي هبقي أم ابنك وانت بتعاملني بمنتهي القسوة كأني السبب في اللي حصل.

وضع يده علي رأسه يضغط عليها بقوة ويفكر بتشوش إنه المسؤل عما حدث، فتح عينيه ونظر لها بهدوء قائلا :- طيب ممكن تهدي.

أردفت بدموع :- مش ههدي ملكش دعوة بيا أنا هتصرف بعد اذنك.

مسك يدها بقوة قبل أن ترحل قائلا :- إنتي رايحة فين؟ دا ابني أنا كمان يعني مسؤول عنه اكتر منك.

كورت وجهه بين يديها قائلة بحنان :- طيب إنت بتبعد ليه يا فارس أنا بحبك.

إبتعد عنها بهدوء فنظرت له بخذي فأردف بهدوء :- هنا يا ريت تقدري تقدري موقفي أنا حاليا مش مستعد نهائي علشان أواجههم.

هتفت بوجع:- لكن فاضي لمراتك الأولي مش كدة.

هتف بتعجب:- وايه اللي جاب سيرتها دلوقتي وبعدين بطلي شغل مراتي الأولي والتانية دة مبحبوش.

هتفت بألم :- مش دي الحقيقة ولا أنا غلطانة.

أصابها الدوار فجأة فترنحت فأسرع بإمساكها ثم جعلها تجلس علي الاريكة فهتف :-
مالك شكلك تعبانة؟

أردفت بغيظ:-يعني بقولك حامل كلك نظر يا دكتور.

تغاضي عن سخريتها ثم نهض وتوجه ناحية مكتبه وجلب حقيبته الطبية ثم قام بفحصها وعمل الإجراءات اللازمة من قياس السكر والضغط والوزن.

بعد أن انتهي هتف بهدوء:- ضغطك عالي شوية.

هتفت بحزن:- ما إنت اللي معليه.

زفر بضيق قائلا :-اوكي اوكي آسف ممكن بقي تمددي علشان اكشف علي الجنين واشوف حالته.

هتفت بإتهام:- تطمن علي البيبي ولا تتأكد إن في بيبي.

هتف بنفاذ صبر:- يا الله منك. خلاص أنا محقوقلك اتفضلي شوفي إنتي رايحة فين.

هتفت بذهول:-عادي كدة جاية أقولك حامل في ابنك وانت بتتخلي عني كدة.

صاح بغضب :- انا متخليتش عن حد. جواز ومتجوزك ومعيشك أحسن عيشة وجاية تقوليلي إني بتخلي عنك.

أردفت بوجع :-ايوة بتتخلي عني لما تسيبني لوحدي من غير ما تسأل فيا ولما تكون خايف تعلن للكل جوازنا وكأنها جريمة يبقي بتتخلي عني يا فارس.

سحب نفسا طويلا ثم زفره بقوة قائلا :- خلاص متعيطيش أنا. ..أنا هاجي أبات معاكي النهاردة.