شعرت وكأنما دلو مياه مثلج انسكب عليها في ليلة برد قارسة. نظرت له بصدمة ذلك الماكر كيف له ان يتلاعب ويكذب عليهم في أمر هكذا بدلا من أن يخبرهم بإنهاء الخطبة يخبرهم بتعجيل الزواج.
نظر لهم البقية بدهشة من قراراهم فهتف معتز بتعجب:- مش بدري شوية! لسة فاضل شهر وأيام.
هتف بثبات:- يا عمي علشان أخد راحتي بنتك ما بتخلنيش أمسك إيدها.
هتف بغيظ:- يعني إنت شايف دة غلط سيادتك؟
نفي قائلا بسرعة:- لا أبدا يا عمي ما علشان كدة عاوز أخد راحتي شوية أمسك إيدها احضنها أب......
قاطعه مراد قائلا بغضب :- بتقول إيه يا حيوان يا عديم التربية؟
هتف بحنق :- الله يا بابا بقي.
نهره بحدة:- جاتك بو. .ابقي قابلني لو وافق بعد اللي قلته دة.
هتف بحزن:- لا يا عم جوزوهالي ينوبكم ثواب. ها يا عمي موافق.
نظر له بغيظ قائلا :- كلك مفهومية.
تدخلت لمار قائلة بضحك:- وافق بالله عليك يا معتز قوليلك كلمة يا تسنيم.
إحتضنت ابنتها التي تذوب خجلا من تلميحاته وجرأته قائلة:- يا عم وافق إنت معترض علي إيه بس؟
نظر معتز لابنته قائلا :- إنتي موافقة يا بيبة علي الكلام دة؟
هتف فارس بخبث :- طبعا يا عمي موافقة مش بقولك اتناقشنا مع بعض.
هتف بضيق :- والله أنا بكلمها هي مش إنت. ها يا بيبة؟
مال فارس هامسا بأذنها بسرعة وتهديد :- لو مقولتيش اه هقطف الفراولة دلوقتي قدامهم كلهم.
إتسعت عينيها ذعرا خشية أن ينفذ تهديده بينما هتف معتز بغيظ:-
بتتزفت بتقولها إيه أوعي يكون ضاغط عليكي يا حبيبة قوليلي.
أردفت بتلعثم:- أاااا لا يا بابا قصدي اه موافقة.
هتف فارس بإنتصار:- مش قولتلك متفقين يا عمي.
ثم هتف بمبالاة:- يلا ابعتوا للمأذون دلوقتي علشان نبدأ الإجراءات.
ضحكت لمار قائلة :- يا ابني مستعجل ليه بس؟
هتف بهيام :- مش قادر أصبر أكتر من كدة.
دلو آخر انسكب عليها بينما دهش مراد وهو ينظر له بصدمة أيعقل إنه يحبها؟ ذلك العابث وقع في الحب؟ أم يفعل هذا لشئ آخر؟ هز رأسه وهو يكاد يجن من تصرفات ابنه.
أردف فارس بتذمر:- ها يا جماعة هتجيبوا المأذون أمتي ولا تستنوا أصلح غلطتي الأول.
أردف معتز بغيظ:- امشي يالا معنديش بنات للجواز.
أردف بضيق :- يكون في علمكم لو مجبتوش المأذون لحد النهاردة بالليل. ..........
أنت تقرأ
عشق لم يسطو بعد ( الجزء الثاني من ما بعد الجحيم )بقلم زكية محمد
Romanceأحبته منذ الصغر وأصبح كالإدمان بالنسبة لها وتغلل في أوردتها دون إرادتها ولكن الوصول إليه كان بمثابة أمر مستحيل . فماذا إن لجأت لخطة قلبت رأسها رأسا على عقب؟ أحبها وكبرت أمام عينيه وتحدى الظروف للوصول إليها فماذا إن تحول ذلك الحب إلى جحيم؟ هل سينا...
