حب في الانتقام *الجزء الثاني *

⚜الفصل السابع عشر⚜

عندما تدخل في نقاش مع الانثى فاعلم انك ستخرج خاسر فاستسلم سيكون ذلك افضل حل

دخلت نازلي و هي تضحك مع مراد الى البيت

نازلي : سلام عليكو

لميس و نوران : و عليكو السلام

لتقبل نازلي جبين والدتها : ماما النهاردا عملنا انا و مراد حاجة تحفة هتشوفي لما يعلنو على التصاميم بكرا

لميس : بجد ؟ بس مراد عمل ايه ؟

نازلي بابتسامة خبيثة : بقى عارض ازياء لماركة مشهورة اوي

نوران بفرحة : و اخيرا يا ابني لقيت شغل كويس احسن من المرمطة اللي انت فيها من الصبح لليل و انت في محل الميكانيكي

لميس : ايوا حلو اوي كدا احسن

نظر لها بابتسامة و غمز لها دون ان يراه احد لتخجل منه و تبعد ناظريها عنه

مراد : انا رايح ارتاح في اوضتي و كمان دي شغلانة مؤقتة يعني النهاردا بس اشتغلت و ماعرفش اذا هاشتغل تاني او لا

نازلي : انت عبيط يا ابني هيطلبوك في انحاء العالم كلو انت اكيد بتستعبط دي زي جائزة اليناصيب بين ايديك

مراد بعدم اهتمام نظر لها و ربت على رأسها و ذهب الى بيته

نوران : بصي يا نازلي هتقنعيه يكمل في الشغلانة دي احسن

نازلي بابتسامة : ماتخافيش يا ماما هيكمل و كمان دا يسمع الكلام من لميس كمان خليها هي تكلمو

لتنظر لها بغضب : نازلي

ضحكت نوران عليها لانها تعلم ان ابنها يحب لميس حتى من دون ان يقول لها فهذا احساس الام

نازلي : انا تعبت اوي النهاردا

كانت لميس و نازلي تتكلمان مع نوران و نسيا الوقت لقد مر بسرعة و تأخر الوقت ليأتي كمال الى البيت ليدخل و كانت لميس لازلت هناك لتفزع نازلي فور رؤيته لأنها لم ترى وجهه من يوم الخطوبة فهي تتهرب منه

كمال بخبث : مين البنت دي

كان يقصد لميس

نازلي : بنت الجيران جت تسهر معانا بس هتروح دلوقتي يلا يا لميس انا هاروح عند مراد يا ماما

نوران : ماشي

.......................................................................................................

اسيل بصوت شبه باكي : انت بتكذب ليه ؟

فارس و قد فرت تلك الدموع من عينيه من اجل حبيبته : اسيل انتي هتكوني ليا انا لوحدي و ما حدش هيقدر يمنعني

اسيل بعشق صادق : دي حاجة اكيدة انا باحبك اوي اوي اوي

فارس بابتسامة : و انا باموت فيكي يا احلى حاجة حصلتلي في حياتي كلها